Skessuhorn - 21.11.2001, Blaðsíða 23

^nessunu^i
MIÐVIKUDAGUR 21. NOVEMBER 2001
23

Sextán borgfirskar konur á breiðtjaldi
Oður til íslenskra kvenna
Kvikmyndin Gæsapartí frumsýnd um helgina
AUAU fUJTVSRK OÐÐNÝ KRISTÍN CUDMUNDSDÓTTIR • MAGNÍJS JÓNSSON
kvjkmynoataka OUÐMUNDlfR BJARTMARSSON* jíhcmwwogwÍmwjak ÍNCA RUT SIGURDARDÓTTIR
KUPHNG GUNNÞÓRA HALLDÓRSDÓTTIR HiyóÐVOCsSLA USS! EHF TÖNUST GUÐMUNDUR RÉTURSSON
raAMKVÆMDASTTÓRN SIGURDUR PÁLMASON fiAXDRrr IIÖDVAR BJARKi PÉTURSSON ■ PÉTURMÁR GUNNARSSON
AÓSTODARLESKyiJÓRN ÁRNI PÉTUR GUDJÓNSSON FRAMtöÐSLAOC LKKSTJÓRN BÖÐVAR BjARÍCf PÉTURSSON ____ .
*» B
Oddný Guðmundsdóttir eins og hún kemurfyrir á kynningarflakati myndarinnar.
Næstkomandi föstudag verður
frumsýnd í Háskólabíói ný íslensk
kvikmynd sem ber nafnið Gæsapar-
tí en framleiðandi, leikstjóri og
handritshöfundur er Böðvar Bjarki
Pétursson skólastjóri Kvikmynda-
skóla Islands.
Það heyrir kannski ekki til tíð-
inda lengur þótt frumsýnd sé ís-
lensk kvikmynd þar sem gífurleg
gróska hefur verið í þessum iðnaði á
undanförnum árum. Það er hins-
vegar ekki á hverjum degi sem
frumsýndar eru kvikmyndir sem að
mestu eða öllu leyti eru teknar í
Borgarfirði og boma uppi af borg-
firskum kvenskörunum. Það er
hinsvegar tilfellið með Gæsapartí
en sextán af sautján hlutverkum í
myndinni era í höndum kvenna úr
Borgarnesi, Akranesi og nágranna-
sveitunum. Þá er myndin að lang-
mestu leyti tekin upp í og við Mótel
Venus í Hafnarskógi. Vinnsluhrað-
inn er einnig óvenjulegur en mynd-
in var tekin á sléttri viku en æfingar
höfðu staðið yfir í nokkurn tíma
áður en tökur hófust undir stjórn
aðstoðarleikstjórans Árna Péturs
Guðjónssonar.
Hneykslar kannski suma
Myndin fjallar um konu sem ætl-
ar að giftast inn í sértrúarsöftmð.
Bróðir hennar, sem er í sama söfn-
uði og mannsefnið, ætlar að sjá til
þess að veislan sem kolgeggjaðar
vinkonur hennar halda henni sé
Guði-þóknanleg. Sem mótspil við
afskiptum safnaðarins sýna vinkon-
urnar henni rækilega fram á hvers-
konar lífi hún er að fórna fýrir
hnapphelduna og hvað bíður henn-
ar. „Hennar er valið en þegar mað-
ur er lauf í vindi er erfitt að komast
leiðar sinnar,“ segir í kynningar-
texta myndarinnar.
Að sögn Böðvars Bjarka fram-
leiðanda og leikstjóra myndarinnar
er Gæsapartí óður til íslenskra
kvenna. „Eg reyni að sýna þær f eins
réttu ljósi og mér er mögulegt. Það
er ekki víst að allir séu sammála mér
og kannski á einhver eftir að verða
hneykslaður. Eg held hinsvegar að
þessi mynd sé holl öllum Islending-
um.“
Hvanneyringur í
aðalhlutverki
Aðeins einn atvinnuleikari leikur
í Gæsapartíi en það er Magnús
Jónsson sem leikur bróðurinn sem
setur allt á annan endann í teitinu.
Konurnar eru hinsvegar allar að
stíga sín fyrstu spor á þessu sviði.
Þar fer fremst í flokki Oddný Guð-
mundsdóttir, rekstrarfræðinemi frá
Hvanneyri sem fer með hlutverk
gæsarinnar Freyju og segir Böðvar
að hún eigi eflaust eftir að vekja
mikla athygli fyrir vandaða túlkun í
erfiðu hlutverki.
I samtali við Skessuhorn sagðist
Oddný hafa séð myndina ófull-
gerða fýrir skömmu og litist bara
vel á. „Það er samt rosalega skrítið
að sjá sjálfan sig á tjaldinu og ég get
ekki neitað því að ég bæði hlakka til
og kvíði fyrir frumsýningunni,“
segir Oddný.
Aðspurð um hvemig það kom til
að hún valdist til að fara með aðal-
hlutverk í bíómynd án þess að hafa
nokkra reynslu af slíkri vinnu segist
Oddný ekki vita það alveg sjálf.
„Það var hringt í mig eins og fjölda
annarra kvenna hér í kring og við
vorum beðnar að koma á fund út af
þessari mynd. Eg vissi ekki al-
mennilega hvað stóð til en fór samt.
Eg hélt fýrst að það væri um að
ræða að taka upp eitt atriði í bíó-
mynd hér í Borgarfirði og að það
vantaði fólk í statistahlutverk. Það
kom hinsvegar fljótt í ljós að það
var meira á döfinni og ég var síðan
boðuð á annan fund. Eftir það var
hringt í mig og mér boðið aðalhlut-
verkið. Það var nú ekki það sem ég
hafði ætlað mér en ég gat samt ekki
annað en slegið til.“
Skemmtileg vinna
Oddný segir að vinnan við kvik-
myndina hafi verið mjög skemmti-
leg reynsla. Þær æfðu í nokkrar vik-
ur og lærðu hluta af textanum en
annað þurftu þær að spinna sjálfar.
„Það var svolítið erfitt en þetta
bjargaðist, held ég. Maður var nátt-
úrulega svolítið þreyttur efrir þetta
því við vorum við tökur öll kvöld og
allar nætur í heila viku en þetta var
rosalega gaman.“ Aðspurð um
hvort þetta sé ekki upphafið að
glæstum kvikmyndaferli segir Odd-
ný hinsvegar að það sé nú ekki á
stefnuskránni. „Eg er bara í mínum
skóla og reikna með að ég haldi mig
á þeirri braut. Eg á nú líka eftír að
sjá hvernig þetta kemur út en mið-
að við hvað þetta var gaman á ég
von á að ég myndi ekki slá hendinni
á móti öðru tækifæri,“ segir stjarn-
an í Gæsapartíinu, Oddný Kristín
Guðmundsdóttir.
Kvikmyndin Gæsapartí er fram-
leidd af 20 geitum í samvinnu við
kvikmyndaklúbbinn Filmund.
Böðvar Bjarki Pétursson er leik-
stjóri, framleiðandi og handritshöf-
undur sem fyrr segir. Pétur Már
Gunnarsson er meðhöfundur að
handriti. Guðmundur Bjartmarsson
sér um kvikmyndatöku, Árni Pétur
Guðjónsson er aðstoðarleikstjóri,
um klippingu sér Gunnþóra Hall-
dórsdóttir, Sigurður Pálmason er
framkvæmdastjóri og Inga Rut Sig-
urðardóttir sér um leikmynd og
búninga. Tónlist er í höndum Guð-
mundar Péturssonar og hljóð- *
vinnsla í höndum Uss ehf. GE
Hvar á Akranesí
verða fallegustu
jólaskreytíngarnar?
Orkuveita Reykjavíkur hefur ákveöiö að veita
viöurkenningar fyrii fallegustu jólaskreyfingarnar a
Akranesi. I yrirhugað er aö veita viðurkenningar:
fyrir skreytingai við íbúöartu'is.
tyrir skreytingar viö fyrirtæki.
Víöa i bærrum veröa sett upp smekkleg og falleg
jólaljos og skreytingar og förum við þess á loit viö
bæjarbúa aö þeit hjálpi okkur við valið með þvi aö
koma á framfæii ábendingum þar um.
Ég undirrituð/aður
vil koma á
framfæri
eftirfarandi
ábendingu um
fallega
jólaskreytingu:
Hjá íbúðarhúsi að
Götuheiti
Númer
Hjá fyrirtækinu
Nafn fyrirtækis
Heimilisfang (gata) Númer
Önnur ábending:
Nafn þess sem gefur ábendingu:
Hér er seðill sem okkur þætti vænt um að sem flestir
útfylltu og tækju með því móti þátt í að velja fallegustu
skreytingarnar.
Klippið seðilinn út, útfyllið hann og skilið á höfuðstöðvar
Orkuveitu Reykjavíkur að Dalbraut 8 Akranesi fyrir 22.
desember n.k.
Viðurkenningar verða veittar 27. desember.
m
Orkuveita
Reykjavíkur
Dalbraut 8, Akranes