Faxi - 01.10.2016, Blaðsíða 9

hún var ekki síður af þjóðernislegum toga.
Suðurnesjamenn skipuðu sér í flokka með
eða móti, til dæmis beitti Ungmennafélag
Njarðvíkur sér sérstaklega gegn herstöðinni
meðal annars með þjóðernislegum rökum,
fsland fyrir íslendinga.
Fall Sovétríkjanna á níunda áratug 20.
aldar markaði endalok kalda stríðsins.
Áhrifanna gætti um allan heim og hér á
landi hóf bandaríski herinn að draga úr
viðbúnaði sínum. Orrustuflugvélunum
var fækkað í áföngum og rekstri AWACS
ratsjárflugvélanna var hætt árið 1992.
Þremur árum seinna var 57. orrustu-
flugsveit flughersins lögð niður eftir um
40 ára starf. Árið 2003 var landgöngulið
flotans kallað heim. Útgerð skipa- og
kafbátaleitarflugvéla flotans var hætt árið
2004. f mars árið 2006 ákvað Bandaríkja-
stjórn að herinn yrði kallaður heim frá
íslandi og var stöðinni lokað 30. septem-
ber 2006.
Stuðst var við ritið, Frá heimstyrjöld til
herverndar eftir Friðþór Eydal og ísland í
hers höndum eftir Þór Whitehead.
Sigrún Ásta Jónsdóttir.
Herstöðin lokar, 30. september 2006. Myndirá þessari opnu komafrá Víkurfréttum og Byggðasafni
Reykjanesbœjar.
FAXI 9