Faxi - 01.10.2016, Blaðsíða 12

Húsakynni Keilis á Ásbrú. Ljósmynd Svanhildur Eiríksdóttir.
Aldrei á íslandi hafði það gerst að heilt
byggðalag hafi verið lagt niður í einni
svipan og útfrá hlutfalli af mannfjölda er
það verkefni sem Kadeco stóð frammi fyrir
mjög stórt á heimsmælikvarða. Kjartan
Þór segir að í grunninn sé um að ræða eitt
risavaxið fasteignaþróunarverkefni og eitt
það allra stærsta sem unnið hefur verið að
á íslandi. „Þetta er þó ekki í fyrsta sinn sem
þetta hefur verið gert í heiminum, þannig
að við skoðuðum mjög vel sambærileg
svæði annarsstaðar. Við vorum ekkert sér-
staklega að velta fyrir okkur herstöðvum,
við skoðuðum miklu frekar sambærileg
svæði með sambærilega möguleika," segir
Kjartan Þór. Hluti af þessari vinnu var farin
af stað hjá Reykjanesbæ undir forystu Árna
Sigfússonar þáverandi bæjarstjóra, þegar
ljóst var hvert stefndi, að sögn Kjartans. Þar
var lögð sérstök áhersla á að skoða lokun
herstöðva og var niðurstaðan úr þeirri
vinnu að þeim mun stærri hluti einkafram-
taks sem náðist inn á svæðið, þeim mun
jákvæðari varð uppbyggingin og þeim mun
líklegra að vel myndi takast til. Einka-
framtakið virkir sem sterkur kraftur fyrir
þróunina og hafi þau vaxtaáhrif sem verið
er að sækjast eftir. Því fylgi viðskipti inn
á svæðið og fyrirtækin fari að byggja upp
út frá sínum forsendum, það virki betur
en þegar farið er að troða stofnunum inn
á svæðin. í framhaldi af þessari vinnu var
farið í mikla greiningarvinnu þar sem m.a.
var skoðað hvað gert var á sambærilegum
svæðum annarsstaðar í heiminum sem
hefðu sambærileg tækifæri og hvað mætti
læra af því. „Við fengum ráðgjafa á ólíkum
sviðum til að vinna mismunandi úttektir
og í framhaldinu var mótuð stefna þar sem
áherslan í uppbyggingunni varð á ákveðn-
um þáttum í tengslum við orku, heilsu og
samgöngur. Fyrsta þróunarverkefnið var
síðan stofnun Keilis sem ætlað var að verða
ákveðinn grundvöllur undir frekari þróun
og sem tenging atvinnulífs við rannsóknir
og fræði.“
Ásbrúardagar. Ljósmynd Víkurfréttir.
Leifsstöð með tengipunkta
til jafns við milljónaborg
Auk þessa veganestis hafði Kjartan Þór í
BA ritgerð sinni í viðskiptafræði fjallað um
tækifærin á Reykjanesi í flutningatengdu
tilliti. Hann hafði því skoðað vel hvaða
tækifæri fælust í flugvelli sem væri vel
tengdur og hefði ákveðna möguleika til
vaxtar.
„Ein af þeim greiningum sem voru gerðar
fól í sér samstarf milli sveitarfélaganna á
svæðinu, Kadeco, ráðuneyta og allra þeirra
sem unnu innan flugvallarsvæðisins. Sú
greining fól m.a. í sér vinnu við viðmið-
unarskýrslu (e. benchmarking) sem gæti
virkað sem stefnumótunartól fyrir svæðið
til lengri tíma litið. Þar voru teknir nokkrir
flugvellir og módelin á bak við þá greind,
þ.m.t. hvernig sambærileg félög væru upp
byggð, hver væru viðfangsefni þeirra, hvaða
svæði þau væru að vinna með og færð voru
rök fyrir því hvers vegna tiltekið módel
væri betra en annað. Sú skýrsla var unnin af
Price Waterhouse Cooper í Belgíu. Niður-
staða hennar er grunnurinn að því módeli
sem Kadeco byggir á og höfum við alla
tíð unnið eftir henni.“ Kjartan Þór segir
að módelið sem félagið sé að horfa til sé
sambærilegt því sem er rekið við Schiphol
flugvöll í Amsterdam. „Ég held að margir
átti sig ekki endilega á því, að tækifærin
sem við höfum hér á íslandi, með svona vel
tengdan flugvöll, eru svo miklu stærri en
stærð samfélagsins okkar segir til um. Yfir-
leitt eru 300 þúsund manna samfélög með
eina til tvær flugtengingar. En að vera með
upp undir 80 flugtengingar eða áfangastaði,
eins og staðan er á Keflavíkurflugvelli,
opnar þróunartækifæri fyrir svæðið sem eru
sambærileg þeim sem finna má í mun stærri
samfélögum. Til að mynda við Schiphol
flugvöll í Hollandi. Það sem er að gerast
þar er að fyrirtæki sem þurfa á þessum
tengingum að halda, bæði til að flytja vörur
og fólk, sækja í að vera nálægt þessum
12 FAXI