Faxi - 15.12.2016, Blaðsíða 22

Hallgrímur Th. Björnsson og Gerður Sigurðardóttir handavinnukennari voru samverkafólk
Hermanns til margra áratuga.
Þessi mynd afþeim hjónum Ingu og Hermanni er tekin árið 1955 - árið sem Guðmundur Einar
fœddist. Mummi situr ífangi móður sinnar og síðan koma Karl Sigmar, Eiríkur og Þorbjörg.
annars hafa stjórnað leikfimitímum bekkjar-
félaga sinna. Sú nákvæmni og aðhaldsemi
sem þessar glósubækur sýna fylgdi honum æ
síðan og sýnir ein bókin t.d. nákvæmt heim-
ilisbókhald frá fyrstu árunum í Keflavík.
Fjölskylda Hermanns
Eins og áður sagði kvæntist Hermann Ingi-
gerði Þorsteinu í júní árið 1941. Hún var
frá Reykjavík og voru foreldrar hennar þau
Sigmundur Rögnvaldsson fisksali og inn-
fæddur Reykvíkingur og kona hans Margrét
Jónsdóttir frá Stóru-Brekku í Skagafirði.
Heimili þeirra hjóna var að Nönnugötu lOa.
Fyrsta barn Hermanns og Ingigerðar dó við
fæðingu 1941 en upp komust fjögur börn
og eru það þau Þorbjörg, f. 2. október 1942,
Karl Sigmar, f. 8. mars 1945, Eiríkur, f. 1.
janúar 1951 og Guðmundur Einar f. 31. júlí
1955. Fyrstu árin í Keflavík bjó fjölskyldan
í leiguhúsnæði en 1947 keyptu þau hjón
húseign að Hafnargötu 73 af Ara Árnasyni.
Sóltún 1, efri hœð, var lengstum heimili
Hermanns ogjjölskyldu hans. Kvisturinn er
síðari tíma viðbót.
Húsið var þá einnar hæðar en um 1950 var
önnur hæð byggð þar ofan á. Árið 1962
keypti Keflavíkurbær efri hæð í húsinu við
Sóltún 1 sem skólastjóraíbúð og flutti þá
fjölskyldan þangað.
Ákvörðun fyrir lífstíð
Sama ár og Hermann útskrifaðist sem
kennari réði hann sig að Barnaskólanum í
Keflavík og fluttu þau hjónin til Keflavíkur
12. október 1941. Skólastjóri var þá Guð-
mundur Guðmundsson, síðar sparisjóðs-
stjóri Sparisjóðsins í Keflavík, og tók
Hermann við skólastjórn af Guðmundi árið
1946 en þá hafði Guðmundur gegnt því
starfi í tuttugu og fimm ár. Það átti síðan
fyrir Hermanni að liggja að að gegna skóla-
stjórastarfinu til dauðadags eða í 28 ár. Árið
1943 tók hann jafnframt við skólastjórn
í Iðnskóla Keflavíkur en Iðnsveinafélag
Keflavíkur hafði stofnað skólann árið 1935.
Starfsemi Iðnskólans hafði legið niðri frá
árinu 1937 en var endurvakin undir stjórn
Hermanns. Jafnframt því að stjórna skól-
anum kenndi Hermann íslensku, dönsku
og fríhendisteikningu. Kennslan fór fram
á kvöldin þegar venjulegum vinnudegi var
lokið svo vinnudagur skólastjórans hefur
verið æði langur.
Gríðarleg aukning nemendafjölda
Nemendur Barnaskólans í Keflavík voru
rúmlega 200 við upphaf skólastjóraferils
Hermanns en voru um 1100 er honum lauk.
Þegar Hermann kom til starfa við skólann
var kennt í skólahúsinu við Skólaveg en það
hús var tekið í notkun árið 1911 og var þá
fyrir um 40 nemendur. Augljóslega var því
það húsnæði orðið allt of lítið og því þurfti
að kenna á ýmsum stöðum svo sem í Sjálf-
stæðishúsinu sem var reyndar á næstu lóð
og einnig í Verkó sem var við Túngötuna.
Það kom í hlut Hermanns að vera í þeirri
forystusveit sem kom að byggingu nýs skóla.
Það voru skiptar skoðanir um það hvar nýi
skólinn skyldi rísa en að lokum sættust menn
á að byggja hann við Sólvallagötu og er óhætt
að segja að sú staðsetning hafi verið vel valin.
Samhliða því hversu ófullnægjandi kennslu-
húsnæðið var þá þurfti einnig að glíma við
auknar kröfur sem sköpuðust vegna nýrra
fræðslulaga sem sett voru árið 1946. Ekki
hvað síst krafan um að unglingar skyldu
eiga kost á að hefja undirbúning að frekara
námi í sinni heimabyggð. I kjölfarið færðist
unglingafræðsla til barnaskólans sem jók enn
á húsnæðisvandann.
Nýr barnaskóli byggður
Teikningar að hinum nýja skóla voru til-
búnar árið 1947 og hófst bygging hans árið
eftir. Bygging skólans sóttist seint og var
hin nýja skólabygging ekki tekin í notkun
fyrr en í febrúar 1952. Á þessum árum var
mikill uppgangur í Keflavík því bæði var þá
mikil bátaútgerð og einnig var mikil vinna
á vegum Varnarliðsins á Keflavíkurflugvelli.
Fylgifiskur alls þessa var að til Suðurnesja
varð algert stórstreymi fólks hvaðanæva af
landinu með tilheyrandi fjölgun í barna-
skólunum. Hinn nýi barnaskóli með sínar
tólf kennslustofur varð því brátt of lítill
enda hýsti hann bæði nemendur Iðnskóla
Keflavíkur og nemendur hins nýstofnaða
Gagnfræðaskóla Keflavíkur sem þó fluttust
í gamla skólann við Skólaveg haustið 1954.
Það liðu því ekki mörg ár þar til viðbygging
var reist við nýja skólann.
22 FAXI