Faxi - 15.12.2016, Blaðsíða 30

Sjólyst, söguhús Unu í Garði
Húsið Sjólyst í Garði stendur á fjöru-
kambinum í Gerðahverfi gegnt litlu
bryggjunni og með fjöruna nánast við hús-
vegginn.
Sjólyst sem í daglegu tali er oft nefnt
Unuhús var byggt árið 1890. Húsið smíðaði
Andrés Árnason sem var kallaður sjómaður
og eru miklir aflamenn í ættboga hans.
Viðinn í húsið keypti hann úr Jamestown
strandinu en það strandaði fullhlaðið timbri
við Hafnir á Suðurnesjum þann 26. júni
1881. Mörg hús á Suðurnesjum eru byggð
úr þessum farmi. Andrés byggði einnig úr
viðinum húsið Efri Sjólyst en það er horfið
fyrir löngu síðan.
Una Guðmundsdóttir eða Völva
Suðurnesja eins og hún var oft kölluð, bjó
í húsinu frá um það bil 1927 til dauðadags
1978. Stefán bróðir hennar keypti húsið
af Andrési og bjó þar að minnsta kosti
tímabundið en hann lést árið 1967. Stefanía
fósturdóttir Unu bjó þar einnig. Árið 1950
var byggt við húsið. Þegar Una lést arfleiddi
hún Gerðahrepp eða Sveitarfélagið Garð að
húsinu. Ibúasaga hússins er ekki öll þekkt,
en t.d. hafði Nesfiskur í Garði afnot af
húsinu fyrir starfsmenn sína um árabil. Sáu
þeir eða leiguhafi um viðhald hússins. Má
geta sér þess til að öðrum kosti væri Sjólyst
30 FAXI