Haustsöfnun til kristniboðsins (heiðingjatrúboðsins) - 15.06.1934, Blaðsíða 17

Hinir
líkþráu
læknast
Eftir M. E. Kem
(Ritari allsherjarstjórnar S. D. A.)
Múrsteinskofar við líkþrárnýlenduna í Malamulo.
LÍKÞRÁ er lifandi dauði. En hún
læknast nú, ef hún er tekin í tíma.
Kristniboðar vorir í Indlandi, Afríku
og Austurlöndum veita nú lækningu
mörgum af þeim, er þjást af þessum
hræðilega sjúkdómi.
A síðast liðnu ári hafa líkþrár-
deildir vorar í Malamulo, Nýassa-
landi í Suðustur-Afríku útskrifað 11
læknaða sjúklinga. Formaður heil-
brigðisráðs ríkisins var viðstaddur og
lét í ljós ánægju sína yfir því, að þeir
væru við góða heilsu, sem á und-
anförnum árum hefðu útskrifazt sem
læknaðir af holdsveiki.
Fyrir þær gjafir, sem gefnar eru
til þessa starfs, byggjum við nú múr-
steinskofa handa hinum holdsveiku,
í stað hinna gömlu óhollu torfkofa.
Nál. 50 nýjum kofum hefur verið
komið upp. Dr. Marcus skrifar:
„Það mun að sjálfsögðu vekja
ánægju að heyra um það, að hinir
holdsveiku vinna sjálfir því nær ein-
göngu að byggingu þessara kofa, og
síðan við fórum að hafa það svona,
er sambúðin milli sjúklinganna orðin
miklu ánægjulegri en hún var áður
og það hefur gengið fljótara með
hinn líkamlega bata þeirra. Ég held
að þeir hafi gott af vinnunni bæði
líkamlega, andlega og siðferðislega.“
Kristniboðs-lækningastofa
í Liberia.
AF öllum þeim mörgu stöðum í
Afríku þar sem hrópað er á þá hjálp,
sem læknakristniboðið getur veitt,
er enginn nauðstaddari en Liberia.
I landi þar sem svo að segja engar
framfarir eru, þar sem loftslagið er
heitt og rakt, eru sjúkdómarnir og
hjátrúin á háu stigi. í kristniboðsstöð
vorri í Bassa, sem er 45 km. inni í
landinu frá Grand Bassa, vinnur
Helbig kristniboði mjög happasælt
læknakristniboðsstarf í lítilli en snot-
urri lækningastofu. Þar fá sjúklingar
læknishjálp svo hundruðum skiptir
í hverjum mánuði.
Bls. 15