Skessuhorn - 17.01.2018, Blaðsíða 2
MIÐVIKUDAGUR 17. jANúAR 20182
Það er kuldi í kortunum og rétt að hvetja
Vestlendinga nær og fjær að draga fram
lopapeysurnar og blása prímalofti á úlp-
urnar sínar fyrir næstu daga. Frost og
nokkrar umhleypingar verða víða um
land þar til eftir helgi og ástæða til að
klæða sig eftir veðri í upphafi Þorra.
Norðaustan 5-13 m/s á morgun, fimmtu-
dag. Snjókoma eða él fyrir norðan og
austan en bjart að mestu á suðvestur-
horni landsins. Frost 0 til 7 stig. Norð-
an 10-15 m/s á föstudag og snjókma
á Norðurlandi, en þurrt og bjart sunn-
an heiða. Frost 0 til 8 stig. Útlit fyrir aust-
læga átt á laugardag, 8-15 m/s og bjart-
viðri á Vesturlandi. Hægari vindur og og
stöku él fyrir norðan og austan. Frost 0 til
12 stig, kaldast inn til sveita fyrir norðan.
Suðaustan 8-15 m/s á sunnudag. Skýj-
að en úrkomulítið á Vesturlandi en hæg-
ari vindur og víða bjartviðri fyrir austan.
Hiti um og yfir frostmark á vestanverðu
landinu en annars talsvert frost. Á mánu-
dag eru líkur á sunnan strekkingi og
hlýnandi veðri með rigningu á sunnan-
og vestanverðu landinu. Þurrt fyrir norð-
an og austan.
„Strengdir þú áramótaheit?“ var spurn-
ingin sem lesendum Skessuhorns var
boðið að svara á vefnum í liðinni viku. Yf-
irgnæfandi meirihluti svaraði könnun-
inni neitandi, eða 81%. „Já og stend enn
við það“ sögðu 12% en 7% viðurkenndu
að hafa strengt heit en hafa nú þegar
svikið það.
Í næstu viku er spurt:
„Borðar þú sælgæti að staðaldri?“
Þráinn Ólafsson, slökkvistjóri Slökkvi-
liðs Akraness og Hvalfjarðarsveitar, brást
skjótt við þegar hann varð var við að
brunavarnarkerfi íþróttahússins við Vest-
urgötu á Akranesi væri óvirkt. Setti hann
samstundis brunavakt á húsið og munu
slökkviliðsmenn standa vaktina þar til
búið verður að koma kerfinu í lag.
Spurning
vikunnar
Til minnis
Veðurhorfur
Vestlendingur
vikunnar
Norðurál er eitt stærsta iðnfyrirtæki á Íslandi. Hjá fyrir tækinu starfa um 600 manns
með fjöl breytta menntun og bakgrunn. Norðurál vill stuðla að jöfnu hlutfalli karla og
kvenna innan fyrirtækisins og jöfnum tækifærum til starfsþróunar.
Við leitum að metnaðarfullu fólki í fjölbreytt og eftirsótt
sumarstörf í álverinu á Grundartanga. Í boði eru
störf af ýmsu tagi við framleiðslu, raf- og vélvirkjun
og fleira. Öll störfin henta jafnt körlum og konum.
Norðurál leggur áherslu á heilsusamlegt, öruggt
og ánægjulegt starfsumhverfi og góðan starfsanda.
Árangurstengd laun sumarfólks í vaktavinnu eru um 560.000 krónur á
mánuði fyrir fullt starf. Starfsfólki bjóðast ferðir frá Akranesi, Borgarnesi
og af höfuðborgarsvæðinu. Umsóknarfrestur er til og með 1. febrúar.
Sumarstarfsmenn í framleiðslu- og iðnstörfum fara á frumnámskeið vegna
vinnuvélaréttinda. Umsóknir og upplýsingar eru á www.nordural.is og
hjá Guðrúnu Hjaltalín Guðjónsdóttur í síma 430 1000. Öllum umsóknum
verður svarað og trúnaði heitið.
Menntunar- og hæfnikröfur:
Spennandi
sumarstörf
18 ára lágmarksaldur Dugnaður og sjálfstæði
Bílpróf er skilyrði
Starfsfólk í raf- og vélvirkjun þarf
að hafa sveinspróf eða vera langt
komið í námi í viðeigandi fagi
Mikil öryggisvitund og árvekni
Heiðarleiki og stundvísi
Góð samskiptahæfni
Bæjarstjórn Akraness skorar á sam-
gönguyfirvöld að bregðast nú þeg-
ar við ástandi Vesturlandsvegar á
Kjalarnesi og veita frekari fjármun-
um til nauðsynlegra úrbóta vegna
tvöföldunar vegarkaflans. Í ályktun
sem samþykkt var á fundi bæjar-
stjórnar í síðustu viku segir: „Ljóst
er að við núverandi ástand verður
ekki unað og vegamálastjóri hef-
ur sjálfur stigið fram og sagt veg-
arkaflann hættulegan og brýnt að
aðskilja akstursstefnur. Þegar æðsti
embættismaður vegamála á Ís-
landi lýsir því yfir að banaslys á til-
teknum vegarkafla sé kannski ekki
mjög óvæntur atburður þá verður
að bregðast við því með viðeigandi
hætti,“ segir bæjarstjórn.
Í Samgönguáætlun 2015-2018 er
gert ráð fyrir 700 milljónum króna
til endurbóta á Vesturlandsvegi.
„Þrátt fyrir auknar fjárveitingar
í þágu umferðaröryggis í nýsam-
þykktu fjárlagafrumvarpi, er vegar-
kaflanum um Kjalarnes raðað enn
aftar í röðina en áður og einungis
gert ráð fyrir að verja 200 milljón-
um til endurbóta með uppbyggingu
hringtorgs við Esjumela, sem verð-
ur það áttunda í röð hringtorga frá
Keldnaholti að Esjumelum.“
Þá segir í lok ályktunar bæjar-
stjórnar að bæjaryfirvöld á Akranesi
hafi margsinnis undanfarin ár vak-
ið athygli á brýnni nauðsyn þess að
framkvæmdum á Vesturlandsvegi
verði hraðað umfram þær áætlanir
sem þó birtast í langtímasamgön-
guáætlun. „Það er með öllu óvið-
unandi að árið 2018 sé enn verið að
keyra Vesturlandsveg sem einu ein-
breiðu og óupplýstu þjóðleiðina út
úr Reykjavík og er það ástand ekki
í samræmi við áherslur stjórnvalda
um forgangsröðun í þágu umferð-
aröryggis.“
Áskorun: Til öryggis á
Kjalarnesi
„Vegurinn um Kjalarnes er einn af
þremur fjölfjörnustu vegum á Ís-
landi, en um hann aka að meðal-
tali 7.000 bifreiðar á dag, en allt
að 14.000 bílum á sumrin, ef mið
er tekið af umferð sumarið 2017,
skrifaði Bjarnheiður Hallsdóttir,
íbúi á Akranesi og daglegur veg-
farandi um Kjalarnes. Hún opnaði
í liðinni viku síðu á Facebook þar
sem íbúar eru hvattir til að skrá sig
og senda áskorun til samgönguyf-
irvalda um tafarlausar aðgerðir í
vegabótum á Kjalarnesi.
Á síðunni skrifar Bjarnheiður:
„Vegurinn hefur setið eftir í ve-
gaúrbótum undanfarin ár og nú er
svo komið að ástand hans er orðið
alls óviðunandi og vegurinn stór-
hættulegur vegfarendum. Vegur-
inn um Kjalarnes er auk þess eina
stofnæðin út frá Reykjavík, sem
ekki hefur verið breikkuð. Á síð-
ustu fjárlögum var framkvæmdafé
til Vesturlandsvegar um Kjalarnes
skorið niður og einu framkvæmd-
irnar sem eru fyrirhugaðar er að
búa til hringtorg við Esjumela.
Það er því skýlaus krafa okkar að
þessi mikilvægi vegur verði taf-
arlaust færður ofar á forgangs-
lista vegaframkvæmda og að ráð-
ist verði í viðgerðir og breikkun
strax.“
Hátt í fimm þúsund manns
höfðu á nokkrum dögum skrifað
undir áskorunina, en síðan nefn-
ist: Til öryggis á Kjalarnesi.
mm
Bæjarstjórn Akraneskaupstaðar
mótmælir aðgerðaleysi á Vesturlandsvegi
Á veginum á Kjalarnesi í dumbunginum í liðinni viku. Ljósm. Skessuhorn/gó.
Talsverður eldur kom upp í loft-
ræstikerfi og þaki orkuvinnsluhúss
Hellisheiðarvirkjunar á föstudaginn.
Slökkvilið höfuðborgarsvæðisins og
Brunavarna Árnessýslu fór á staðinn
og gekk slökkvistarf vel. Um tíma
stóðu eldtungur upp úr þaki húss-
ins og útlitið var í fyrstu svart. Eng-
an sakað við eldsvoðann og vel gekk
að rýma húsið. Tvær af sjö aflvélum
virkjunarinnar stöðvuðust en not-
endur á veitusvæðinu urðu ekki fyr-
ir óþægindum vegna þessa atburðar
jafnvel þótt slökkva hefði þurft um
tíma á varmadælustöð sem sér höfuð-
borgarbúum fyrir heitu vatni.
Strax og slökkvistarfi lauk var byrj-
að að undirbúa viðgerðir á húsinu.
Tækjabúnaður virtist, að sögn Ei-
ríks Hjálmarssonar upplýsingafull-
trúa Orku náttúrunnar, hafa sloppið
við skemmdir og voru því skemmdir
bundnar við þak og rýmið undir þar
sem eldurinn kom upp. jarðhitasýn-
ing Orku náttúrunnar í virkjuninni
verður lokuð a.m.k. fram í næstu viku.
Hún er fjölsótt, einkum af erlend-
um ferðahópum. Tjón vegna eldsins
er að mestu bundið við inntaksrými
loftræsibúnaðar. Að sögn Eiríks verð-
ur beðið eftir betri tíð með viðgerð á
þaki rýmisins, hugsanlega fram á vor.
Þá þarf að kanna hvort eldurinn hef-
ur haft áhrif á burð þakbita.
Lögreglan á Suðurlandi fer með
rannsókn á upptökum eldsins.
mm
Eldur í virkjun
Myndin var tekin úr dróna Slökkviliðs
höfuðborgarsvæðisins síðdegis á
föstudaginn og má á henni sjá umfang
skemmdanna á þakinu skömmu eftir
að búið var að slökkva eldinn.