Skessuhorn - 24.01.2018, Blaðsíða 27

MIÐVIKUDAGUR 24. JANúAR 2018 27
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Skagamenn lögðu land undir fót
og ferðuðust vestur á Ísafjörð um
síðustu helgi og léku tvisvar gegn
Vestra í 1. deild karla í körfu-
knattleik. Leikirnir fóru fram á
laugardag og sunnudag. Báðum
lauk þeim með sigri Vestra; 96-71
annars vegar og 93-80 hins veg-
ar.
Fyrri leikur liðanna var ekki
mikið fyrir augað og heima-
menn höfðu undirtökin frá fyrstu
mínútu. Skagamenn kroppuðu
nokkur stig af forskotinu þeg-
ar byrjunarlið Vestra hvíldi en
það dugði skammt. Vestramenn
leiddu 47-34 í hálfleik og sigldu
tiltölulega lygnan sjó eftir það.
Leiknum lauk með öruggum sigri
heimamanna, 96-71.
Marcus Dewberry skoraði 34
stig fyrir ÍA og gaf fimm stoð-
sendingar. Sindri Leví Ingason
kom honum næstur með tíu en
aðrir höfðu minna.
Nebosja Knazevic átti stórleik
fyrir Vestra, skoraði 33 stig, tók
sjö fráköst og gaf sex stoðsend-
ingar. Nemanja Knazevic skoraði
17 stig og reif niður 10 fráköst,
Björn Ásgeir Ásgeirsson skoraði
17 stig og Ingimar Aron Baldurs-
son var með ellefu.
Líflegur seinni leikur
Síðari leikur liðanna var mun líf-
legri og skemmtilegri en sá fyrri.
Jafnt var á með liðunum lengst
framan af leik. Skagamenn leiddu
með þremur stigum eftir fyrsta
leikhluta, 20-23 og staðan var
jöfn þegar hálfleiksflautan gall,
43-43. Það var ekki fyrr en und-
ir lok þriðja leikhluta sem heima-
menn náðu að búa til smá forskot
og halda því. Þeir leiddu með sex
stigum fyrir lokafjórðunginn,
69-63 og náðu að halda ÍA í skefj-
um eftir það. En Skagamenn gáf-
ust ekki upp, minnkuðu muninn í
þrjú stig snemma í fjórða og síð-
an í fjögur stig seint í leiknum.
En nær komust þeir ekki. Heima-
menn létu forystuna ekki af hendi,
voru ákveðnir á lokamínútunum
og lönduðu sigrinum, 93-80.
Marcus Dewberry átti risaleik
í seinni viðureign liðanna, skor-
aði 42 stig, tók tíu fráköst og gaf
fimm stoðsendingar. Sigurður
Rúnar Sigurðsson skoraði 13 stig
og Sindri Leví Ingason tíu.
Nemanja Knazevic skoraði 31
stig fyrir Vestra, reif niður 17
fráköst og gaf sex stoðsendingar.
Nebosja Knazevic skoraði 28 stig
og gaf sex stoðsendingar, Björn
Ásgeir Ásgeirsson var með 14 stig
og fimm stoðsendingar og Nökkvi
Harðarson tíu stig og fimm stoð-
sendingar.
Botnslagur framundan
ÍA vermir enn botnsæti deildar-
innar og er án stiga eftir 15 leiki,
tveimur stigum á eftir FSu í næst-
neðsta sæti. Þessi tvö lið mætast í
botnslag deildarinnar í næstu um-
ferð. Leikur ÍA og FSu fer fram á
Selfossi fimmtudaginn 25. janúar
næstkomandi.
kgk
ÍA tapaði tvisvar á Ísafirði
Marcus Dewberry skoraði samtals 76 stig fyrir ÍA í tveimur leikjum gegn Vestra um
helgina. Ljósm. úr safni/ jho.
Einn leikur fór fram í Domino‘s
deild kvenna í körfuknattleik á
sunnudag. Það var viðureign Snæ-
fells og Hauka í Stykkishólmi.
Leikurinn var jafn og spennandi
og úrslitin réðust ekki fyrr en eft-
ir framlengingu. Haukar höfðu sig-
ur með 79 stigum gegn 76 stigum
Snæfells.
Haukar voru sterkari í upp-
hafi og Snæfell fann ekki taktinn í
vörninni. Gestirnir þurftu því ekki
að hafa mikið fyrir hlutunum og
leiddu með átta stigum eftir fyrsta
leikhluta, 14-22. En Snæfellskon-
ur bættu leik sinn til muna í öðrum
fjórðungi. Þær skiptu í svæðisvörn
og þá fóru hlutirnir að gerast. Snæ-
fell gerði forskot Hauka að engu og
jafnaði metin áður en flautað var til
hálfleiks, 38-38.
Jafnræði var með liðunum fyrst
eftir hléið og hverri körfu var svar-
að. Haukar náðu síðan að halda for-
ystunni stutta stund og því næst var
komið að Snæfelli að leiða. Með
smá rispu náðu gestirnir sex stiga
forskoti seint í þriðja en Snæfell
svaraði og aðeins munaði einu stigi
á liðunum fyrir lokafjórðunginn,
53-54. Snæfell komst yfir snemma í
fjórða leikhluta og leiddi með fimm
stigum um hann miðjan, 62-57. En
Haukar hvar hvergi nærri hætt og
jöfnuðu metin í 66-66 þegar rétt
innan við mínúta lifði leiks. Krist-
en McCarthy fékk tvö vítaskot eft-
ir mikla baráttu undir körfunni og
hefði getað farið langt með að inn-
sigla sigur Snæfells en klikkaði á
báðum vítunum. Þess í stað geyst-
ust Haukar í sókn og fengu opið
skot en hittu ekki. Snæfell fékk því
annað tækifæri til að tryggja sér
sigur en þriggja stiga skot Rebekku
Ránar Karlsdóttir vildi ekki niður.
Því varð að grípa til framlengingar.
Mikið jafnræði var með liðunum
í upphafi framlengingar og mikil
barátta. Liðin skiptust á að skora og
staðan var enn jöfn, 70-70, þegar
framlengingin var um það bil hálfn-
uð. Þá náðu Haukar snarpri rispu
og komust sjö stigum yfir og lögðu
grunn að sigri í leiknum. Snæfell
náði að minnka muninn í þrjú stig
áður en flautað var til leiksloka en
nær komst liðið ekki. Lokatölur í
Stykkishólmi urðu 76-79, Haukum
í vil.
Kristen McCarthy var atkvævða-
mest í liði Snæfells með 33 stig og
18 fráköst. Rebekka Rán Karlsdóttir
skoraði ellefu stig og tók fimm frá-
köst og Gunnhildur Gunnarsdóttir
skoraði ellefu stig sömuleiðis.
Atkvæðamest í liði Hauka var
Whitney Michelle Frazier með 28
stig, 19 fráköst og sjö stoðsending-
ar. Næst henni kom Dýrfinna Arn-
ardóttir með 25 stig og fimm frá-
köst.
Snæfell hefur tólf stig í sjöunda
og næstneðsta sæti deildarinn-
ar. Liðið er tveimur stigum á eftir
Skallagrími í sætinu fyrir ofan en
hefur leikið einum leik fleira. Næsti
leikur Snæfells er útileikur gegn
botnliði Njarðvíkur, sem er enn án
stiga í deildinni. Sá leikur fer fram
þriðjudaginn 30. janúar.
kgk
Snæfellskonur töpuðu eftir framlengingu
Andrea Björt Ólafsdóttir sækir að körfu Hauka. Ljósm. sá.
Skallagrímur og Snæfell mætt-
ust í Vesturlandsslag í Dom-
ino‘s deild kvenna á fimmtudags-
kvöld. Leikurinn fór fram í Borg-
arnesi og var fyrsti leikur Skalla-
gríms undir stjórn nýs þjálfara, Ara
Gunnarssonar. Leikurinn var jafn-
framt fyrsti leikur Sigrúnar Sjafn-
ar Ámundadóttur síðan hún fór úr
axlarlið í lok nóvember. Hvað varð-
ar gang leiksins þá hafði Snæfell
undirtökin meira og minna allan
tímann, náði að halda Skallagrími
í skefjum og sigraði að lokum með
81 stigi gegn 72.
Snæfellskonur voru öflugar í upp-
hafi leiks og mun sterkari í fyrsta
leikhluta. Þær leiddu með sjö stig-
um eftir fimm mínútna leik, 9-16 og
tóku síðan góðan sprett til að ljúka
fjórðungnum. Þær leiddu 11-28
eftir fyrsta leikhluta. Skallagríms-
konur komu sér aftur inn í leikinn
í öðrum fjórðungi. Þær minnkuðu
forskotið niður í ellefu stig áður en
Snæfellsliðið tók við sér. En hægt
og sígandi saxaði Skallagrímur
hvert stigið á fætur öðru af forystu
Snæfells. Þegar hálfleiksflautan gall
munaði aðeins fjórum stigum á lið-
unum, 33-37 og Skallagrímskonur
búnar að galopna leikinn.
Jafnræði var með liðunum í
þriðja leikhluta. Skallagrímskonur
gerðu nokkrar atlögur að foryst-
unni en Snæfellsliðið hélt þeim í
skefjum og leiddi með átta stigum
fyrir loka fjórðunginn, 48-56. Svip-
að var uppi á teningnum í fjórða
leikhluta. Snæfell hélt fast um for-
ystuna og Skallagrími tókst ekki að
gera atlögu að sigrinum undir lok-
in. Lokatölur urðu 72-81, Snæfelli
í vil.
Carmen Tyson-Thomas var í al-
gjörum sérflokki í liði Skallagríms.
Hún skoraði 39 stig og reif niður
15 fráköst. Næst henni kom Jó-
hanna Björk Sveinsdóttir með átta
stig og tíu fráköst. Sigrún Sjöfn
Ámundadóttir skoraði sex stig, tók
átta fráköst og gaf fimm stoðsend-
ingar í endurkomu sinni.
Kristen McCarthy átti stórleik
fyrir Snæfell, skoraði 37 stig tók
átta fráköst og stal fjórum boltum.
Berglind Gunnarsdóttir skoraði 17
stig og Rebekka Rán Karlsdóttir 15
stig.
kgk
Snæfell hafði undirtökin í Vesturlandsslag gegn Skallagrími í Borgarnesi.
Ljósm. Skallagrímur.
Snæfell stjórnaði
ferðinni gegn Skallagrími