Skessuhorn - 31.01.2018, Blaðsíða 20
MIÐVIKUDAGUR 31. jANúAR 201820
Það er orðin hefð fyrir því hjá
Grundarfjarðarbæ að í janúar
er nýjustu íbúum bæjarfélagsins
fagnað og þeim færðar gjafir. Árið
2017 fæddust tíu börn í Grund-
arfirði og nýverið fór athöfn
fram þar sem foreldrar mættu
með börn sín. Það eru Leikskól-
inn Sólvellir, Grundarfjarðar-
kirkja, Heilbrigðisstofnun Vest-
urlands ásamt Grundarfjarðarbæ
sem standa í sameiningu að gjöf-
unum en þar er margt nytsamlegt
að finna fyrir þessa nýjustu íbúa
bæjarins sem boðnir eru hjartan-
lega velkomnir.
tfk
Grundarfjarðarbær færir nýjum Grundfirðingum gjafir
Þónokkuð var um forföll þegar hópurinn kom saman. Sigríður Hjálmarsdóttir og Þorsteinn Steinsson sáu um að útdeila gjöfunum en
hérna er Agatino Farinato að veita gjöfinni viðtöku ásamt barni sínu.
Systkinin Helgi Eyleifur og
Halldóra Lóa Þorvaldsbörn frá
Brekkukoti í Reykholtsdal stofn-
uðu Laufeyju ísgerð síðastliðinn
vetur. Í sumar var unnið að því að
koma upp vinnslurými í hluta úti-
húsanna og sala á ísnum hófst síð-
an í desembermánuði. „Á jóla-
markaði í Nesi í Reykholtsdal, sem
haldinn var 9. desember, þá seld-
um við Laufeyjarísinn í fyrsta sinn.
Þar vorum við með sérstakan há-
tíðarís og seldum mjög vel, nánast
allan lagerinn okkar,“ segir Helgi,
en Skessuhorn hitti hann að máli
í síðustu viku. Almenn sala á ísn-
um hófst í Hönnubúð í Reykholti
skömmu eftir að ísinn var fyrst
kynntur á jólamarkaðnum. Þá hef-
ur hann einnig verið á matseðli
Krauma við Deildartunguhver.
Helgi segir viðtökurnar aðeins
hafa verið á einn veg. „Við höf-
um fengið rosalega góð viðbrögð
og það hefur gengið ótrúlega vel
að selja ísinn, miklu betur en við
þorðum að vona,“ segir hann enda
er slíkt ekki sjálfsagt mál. „Þegar
ný vara kemur á markað, sérstak-
lega í svona litlu samfélagi, er sal-
an oft mjög góð fyrstu vikurnar á
meðan allir eru að prófa en dreg-
ur síðan úr henni. En það hefur
ekki gerst. Salan á ísnum er ekk-
ert minni í janúar en hún var í des-
ember. Við erum hæstánægð með
það,“ segir hann. „Síðan eigum við
von á því að sumarið verði góður
tími og bíðum þess með eftirvænt-
ingu,“ bætir Helgi við.
Fimmta kynslóðin í
Brekkukoti
Ísgerðin fær nafn sitt frá ömmu
þeirra systkina, Laufeyju Hann-
esdóttur í Brekkukoti. „Nafnið er
óður til ömmu okkar og vinnu-
þrældóms kvenna til sveita í gegn-
um aldirnar,“ segir Helgi, „og ætl-
un okkar er að fjölskyldusagan
leiki hlutverk í markaðssetningu
á ísnum,“ bætir hann við. „Þegar
forfeður okkar keyptu þessa jörð
á sínum tíma þá var þetta bara lít-
ið kotbýli, eins og nafnið gefur til
kynna. Amma og afi hófu mikið
jarðabótastarf á sinni búskapar-
tíð og mamma og pabbi héldu því
áfram eftir að þau tóku við,“ segir
Helgi. Systkinin eru fimmta kyn-
slóð ábúenda á Brekkukoti og all-
ar eiga þær sinn þátt í því að gera
Brekkukot að því myndarbúi sem
það er í dag. „Mamma og pabbi
hafa alltaf lagt áherslu á góða um-
gengni og að framleiða framúr-
skarandi mjólk. Þau hafa feng-
ið landgræðsluverðlaun, verðlaun
fyrir úrvalsmjólk, umhverfisverð-
laun Borgarbyggðar tvisvar sinn-
um og nú síðast viðurkenninguna
Fyrirmyndarbú. En mér fannst
alltaf súrt að sama hvað mjólkin
þeirra var góð og vel að öllu staðið
þá fengu þau bara sama verð fyr-
ir mjólkina og allir aðrir. Það er
bara eitt ríkisverð og að mínu mati
ekki nægileg umbun til þeirra sem
vanda til verka,“ segir Helgi. „Að
hefja ísframleiðslu er tilraun mín
og Halldóru til að auka verðmæta-
sköpun úr þessari hágæða vöru sem
mjólkin hérna er,“ segir hann.
„Fyrst og síðast þarf
varan að vera góð“
Laufeyjarísinn er „ítalskur“ gelato,
gerður úr mjólkinni í Brekkukoti
og bragðtegundirnar eru þrjár;
hvítt súkkulaði, jarðarberja- og
basilíkuís úr hráefnum frá Sól-
byrgi og ís með piparlakkrískurli.
„Okkar prinsipp er að nota aðeins
hágæða hráefni í vöruna og fram-
leiða við aðstæður sem eru eins
og best verður á kosið. Til þess
keyptum við hágæða ítalskar vél-
ar og vinnum allt sjálf frá grunni,“
segir Helgi.
Umbúðirnar eru endurvinnan-
legar og hönnun þeirra var í hönd-
um Löru Becker og james Einars
Becker á Bifröst. „Umbúðirnar
eru listaverk út af fyrir sig. Lara er
myndlistarkona og málaði mynd-
ina sem er utan á ísboxunum. jam-
es er grafískur hönnuður og hann-
aði lógóið, en leturgerðin í því er
handskriftin hennar mömmu. Þau
eru mjög hæfileikarík og samstarf-
ið við þau hefði ekki getað verið
betra. Við erum mjög ánægð með
útkomuna,“ segir Helgi og hvetur
fólk til að kynna sér þeirra hönn-
un á heimasíðu þeirra, hrafnart.
com. „Fallegar umbúðir og fjöl-
skyldusagan eru auðvitað allt lið-
ur í markaðssetningu vörunnar.
En fyrst og síðast þarf varan að
vera góð. Ef ísinn er ekki góður á
bragðið skiptir ekkert annað máli.
Þess vegna leggjum við áherslu á
góðan ís úr hágæða hráefni,“ segir
Helgi.
Fleiri sölustaðir
bætast við
Ísinn hefur sem fyrr segir verið
fáanlegur í Hönnubúð og á mat-
seðli Krauma undanfarna mán-
uði. Á föstudag bættust síðan fleiri
sölustaðir við. „Ísinn verður fá-
anlegur á Hraunfossum, í Geira-
bakaríi í Borgarnesi og í Mela-
búðinni í Reykjavík. Við erum
mjög ánægð að vera komin á þessa
staði. Þreifingar hafa verið uppi
um sölu á ísnum á örfáum stöð-
um til viðbótar. Það væri frábært
að ná inn nokkrum í viðbót,“ seg-
ir Helgi. „Við ætlum okkur stærri
hluti í framtíðinni. Stefnan er að
ráða hingað tvo starfsmenn með
tíð og tíma. En eins og staðan er í
dag þá vinnum við þetta skref fyr-
ir skref, enda að mörgu að hyggja
og við viljum vanda til verka,“ seg-
ir hann ánægður. „Okkur er búið
að langa að prófa þetta í tvö ár
og það var ekkert annað að gera
en að slá til. Við erum ævinlega
þakklát mömmu og pabba fyrir að
veita okkur tækifæri til þess,“ seg-
ir Helgi Eyleifur Þorvaldsson að
endingu.
kgk
Sala á Laufeyjarísnum hófst í desember
„Höfum fengið rosalega góð viðbrögð“
Helgi Eyleifur Þorvaldsson með eina dós af Laufeyjarísnum í vinnslurýminu í Brekkukoti.
Helgi býður upp á smakk af ísnum, blaðamanni til mikillar ánægju.
Systkinin Helgi Eyleifur og Halldóra Lóa frá Brekkukoti. Ljósm. mm.
„Umbúðirnar eru listaverk út af fyrir
sig,“ segir Helgi.