Skessuhorn - 07.02.2018, Blaðsíða 4

MIÐVIKUDAGUR 7. febRúAR 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Vísitala með eða
án húsnæðis
Það vakti athygli mína í vikunni að nokkrir þingmenn framsóknarflokks á
Alþingi undirbúa nú þingsályktunartillögu þar sem lagt er til að skipaður
verði starfshópur óháðra sérfræðinga sem greini kosti og galla þess að gera
breytingar á útreikningi vísitölu, þannig að framvegis verði notuð sam-
ræmd vísitala neysluverðs í stað vísitölu neysluverðs. Þetta þýðir á manna-
máli að húsnæðisliðurinn yrði tekinn út úr mælingu vísitölu.
Það eru nokkur atriði í þessari tillögu sem ég fæ ekki til að smella saman.
Í fyrsta lagi er ekki til sá aðili hér á landi sem er nógu óháður til að fjalla
hlutlaust um vísitölur og þann grunn sem ákveður verðbólgu hverju sinni.
Hér er náttúrlega verið að fjalla um trúarbrögð sem eru að líkindum heitari
en deilur kristinna og múslima. Nægir að nefna það stríð sem í uppsiglingu
er á vettvangi forystu verkalýðsfélaga því til staðfestingar. Þar takast á sjón-
armið ólíkra hópa sem annars vegar styðja krónuna og óbreytta efnahags-
stjórn og hins vegar hópur um afnám verðtryggingar og lægri vexti. Í öðru
lagi grunar mig að ekki fylgi hugur máli. Ég hef trú á að þessi vinnuhópur
sem skila á tillögum til fjármálaráðherra muni að líkindum taka góðan tíma
í verkið og skila hugsanlega tillögum sínum eftir þrjú ár, eða skömmu fyr-
ir næstu kosningar. Samkvæmt venju verður þá tekið málamyndaþref um
gjaldeyrismál, verðtryggingu og vexti, einhver loforð munu falla og svo eft-
ir þær kosningar verður skipaður annar starfshópur, og koll af kolli. Þannig
vinnur einfaldlega íslensk stjórnsýsla og blaðafulltrúar hennar, hvort sem
þeir sitja á Alþingi eða í ríkisstjórn, allir dansa þeir með embættismanna-
elítunni.
en í þingsályktun nú er lagt til að farið verði í greiningarvinnu þar sem
horft verði sérstaklega til þess „hvernig verðbólga er mæld í helstu við-
skiptalöndum Íslands, en jafnframt skal meta hvaða áhrif breytingin hefði á
launakjör, lánakjör, stöðu verðtryggðra lána og vexti,“ eins og segir í kynn-
ingu þingflokksins. Dáldið er broslegt að skipa þurfi vinnuhóp til að skoða
hvernig verðbólga er mæld í helstu viðskiptalöndum okkar. Líklega gæti
meðal Íslendingur komist að því á sirka hálftíma með léttri skoðun á net-
inu.
Við lestur stjórnarsáttmála þeirrar ríkisstjórnar sem nú situr, með þátt-
töku m.a. framsóknarflokks, þarf ekki að fara í neinar grafgötur um að það
stendur ekki til að taka upp annan gjaldmiðil hér á landi og þar af leið-
andi verður ekki í boði annað en halda áfram verðtryggingu sem er hin
fullkomna trygging peningaeigenda. Því síður held ég að forsendum verð-
tryggingar verði breytt. Tillaga þingmanna þessa annars ágæta flokks er því
með öllu dæmd til andvana fæðingar og mun ekki leiða til neins annars en
skapa dágóðum hópi gæðinga vinnu við nefndasetu næstu mánuði og ár.
Loks verð ég að segja að ef mönnum dettur í hug að afnema húsnæðis-
þáttinn á þessum tímapunkti úr þeim grunni sem vísitalan er reiknuð út
frá, er það ekki í hag almennings í landinu, fasteignaeigenda og skuldara.
Það skýri ég á þann veg að síðan fyrir hrun hefur fasteignaverð hér á landi
hækkað talsvert umfram aðrar vísitölur og er nú langt yfir byggingakostn-
aði. Af þeim sökum eru litlar líkur á að verð fasteigna fari almennt hækk-
andi. Því væri afnám fasteignaverðs úr mælingu Hagstofunnar á neysluvísi-
tölunni á þessum tímapunkti hið versta mál, því þá myndu skuldarar ekki
njóta mögulegs ávinnings þess þegar fasteignaverð tekur að lækka. Vissu-
lega hefur húsnæðisliðurinn knúið verðbólguna áfram á liðnum áratug, en
nú eru einfaldlega aðrar aðstæður. Hefði þessi tillaga hins vegar komið fram
fyrir tíu árum, eða jafnvel fimm, hefði ég hugsanlega verið henni fylgjandi.
en alls ekki við þær aðstæður sem ríkja á fasteignamarkaði í dag.
Magnús Magnússon.
Leiðari
Í september og október á síðasta ári
fóru fram mælingar á stærð loðnu-
stofnsins. Þá fannst kynþroska
loðna aðallega á og við landgrunnið
við Austur-Grænland. Í þeim leið-
angri mældust samtals 945 þúsund
tonn af kynþroska loðnu. Í fram-
haldi þeirra mælinga var, í sam-
ræmi við gildandi aflareglu, úthlut-
að 208 þúsund tonnum en jafn-
framt kom fram að ráðgjöfin yrði
endurskoðuð í ljósi niðurstaðna
veturinn 2018. Þær mælingar hóf-
ust um miðjan janúar, samkvæmt
frétt frá Hafrannsóknastofnun, og
er nú lokið með þátttöku rann-
sóknaskipa og uppsjávarveiðiskipa.
Í samræmi við fyrrgreinda aflareglu
verður heildaraflamark á vetrarver-
tíðinni nú 285 þúsund tonn, eða 77
þúsund tonnum meira en ákvarðað
var í október síðastliðnum. mm
Bæta 77 þúsund tonnum
við loðnukvótann
Verðlagseftirlit ASÍ kannaði breyting-
ar á gjaldskrám frá árinu 2017 – 2018
fyrir skóladagvistun, hressingu og há-
degismat í skólum í fimmtán sveitar-
félögum víða um land. Mikill munur
reyndist á kostnaði en hæst eru gjöld-
in fyrir skóladagvistun ásamt hádeg-
ismat og hressingu hjá Garðabæ eða
37.114 kr. en lægst í Vestmannaeyjum
eða 24.360 kr. Verðhækkanir sveitar-
félaganna fyrir eitt barn í skóladag-
vistun með hressingu og hádegismat
þetta árið eru á bilinu 1-4,6%. Mesta
hækkunin er í Kópavogi, 4,6%, en
Reykjavík kemur í humátt á eftir með
4,5% hækkun og Akraneskaupsstað-
ur með 4,3% hækkun. Gjöldin hækka
ekkert milli ára í Hafnafirði, Reykja-
nesbæ og Vestmanneyjum.
Mikill munur er á milli sveitar-
félaganna á heildarkostnaði við
skóladagvist barna þar sem foreldrar
eru með börn í frístund, hádegismat
og síðdegishressingu. Þannig borgar
foreldri í Garðabæ 12.754 krónum
meira á mánuði en foreldri í Vest-
mannaeyjum en það gerir 127.540
krónur á ári (miðað við 10 mánaða
vistun) og er það munur upp á 52%.
Seltjarnarnes er með önnur hæstu
gjöldin eða 36.297 kr. og Akureyri
með þriðju hæstu gjöldin, 35.721 kr.
Heildarkostnaður fyrir skóladag-
vist og hádegismat hækkar hjá 12
sveitarfélögum af 15 en mesta hækk-
unin er í Kópavogi upp á 4,6%,
4,5% í Reykjavík og 4,3% á Akra-
nesi. Minnsta hækkunin er á Ísafirði
eða 1,2% og 1,3% í Mosfellsbæ en
Vestmannaeyjabær, Reykjanesbær
og Hafnafjarðarkaupsstaður hækka
gjöldin ekkert milli ára. mm
Flest sveitarfélög hækka verð
fyrir skóladagsvist og mat
Nýr kjarasamningur starfsmanna
elkem Ísland á Grundartanga tók
gildi um síðustu áramót. Starfs-
menn hækka í launum um 5,51%
auk þess sem þeir fá 120 þúsund
króna eingreiðslu vegna breytinga
á launatímabili. byrjunarlaun ofn-
gæslumanns á þrískiptum vöktum
hækka um 30 þúsund krónur og
verða frá rúmar 500 þúsund krónur.
Ofngæslumaður með tíu ára starfs-
reynslu hækkar í launum um sem
nemur rúmum 35 þúsund krón-
um á mánuði og hefur rétt tæpar
600 þúsund krónur í mánaðarlaun.
„Vinnuskyldan á bakvið þessi laun
hjá ofngæslumönnum á þrískipt-
um vöktum er 146 vinnustundir á
mánuði auk 24 skilatíma á ári til
námskeiðahalds. Heildarvinnutími
á mánuði með skilatímum er því
148 tímar,“ segir á vef Verkalýðs-
félags Akraness. Auk ofangreindra
launahækkana munu orlofs- og
desemberuppbætur einnig hækka
um 5,51% og verða því hvor um
sig rúmar 213 þúsund krónur, eða
rúmlega 426 þúsund krónur sam-
tals á ári.
Hækka samkvæmt
launavísitölu
Launahækkanir starfsmanna
Norðuráls taka mið af hækkun-
um á launavísitölunni frá des-
ember til desember. Liggur fyr-
ir að laun starfsmanna fyrirtækis-
ins munu hækka um 6,51% frá og
með 1. janúar 2018, að því er fram
kemur á vef VLfA. byrjunarlaun
vaktmanns í kerskála hækka þann-
ig um 40 þúsund krónur á mánuði
og verða tæpar 610 þúsund krón-
ur, fyrir 182 vinnustundir á mán-
uði. Laun starfsmanns með tíu ára
starfsreynslu hækka um rúmar 45
þúsund krónur og verða rétt rúmar
733 þúsund krónur á mánuði.
byrjunarlaun iðnaðarmanna á
vöktum hækka um tæpar 50 þúsund
krónur á mánuði og iðnaðarmaður
með tíu ára starfsreynslu hækkar í
launum um tæpar 60 þúsund krón-
ur. „Samkvæmt þessu mun iðnað-
armaður sem er byrjandi á vöktum
vera með í heildarlaun með öllu
fyrir 182 vinnustundir rétt um 780
þúsund krónur á mánuði en iðnað-
armaður með 10 ára starfsreynslu
er með rétt tæpar 950 þúsund krón-
ur á mánuði með öllu,“ segir á vef
VLfA. Orlofs- og desemberupp-
bætur hækka einnig um 6,51% og
verða tæplega 215 þúsund krónur
hvor, eða rúmlega 429 þúsund sam-
tals á ári hverju. kgk
Starfsfólk stóriðjuvera
hækkar í launum
Glaðbeittir starfsmenn álvers Norðuráls á Grundartanga. Ljósm. úr safni.