Skessuhorn - 07.02.2018, Blaðsíða 16
MIÐVIKUDAGUR 7. febRúAR 201816
„Það er búið að vera frekar rólegt í
netunum og nú bíðum við bara eftir
því að vertíðin byrji. Það er ómögu-
legt að spá nákvæmlega fyrir um
hvenær hún hefst en yfirleitt er það
á tímabilinu febrúar til mars,“ segir
eggert Halldórsson, framkvæmda-
stjóri Þórsness í Stykkishólmi, í
samtali við Skessuhorn á föstu-
dag. „báturinn er kominn í helg-
arfrí, það er að segja Þórsnesið, en
einnig gerum við út beitningavéla-
bátinn bíldsey SH 65 sem er á línu-
veiðum þessa dagana. bíldseyin er í
eigu félags sem heitir Sæfell hf. Það
félag eigum við ásamt systkinun-
um Gunnlaugi, Halldóri, Helga og
Önnu Árnabörnum,“ segir hann.
Ásamt því að gera út bíldsey hef-
ur Sæfell hf staðið fyrir byggingu
leiguíbúða í Stykkishólmi undanfar-
in misseri. Um er að ræða tvö fjög-
urra íbúða hús við Neskinn 3 og 5.
„fyrra húsið er tilbúið og bygging
þess síðara í fullum gangi. Við fáum
það afhent 1. maí,“ segir eggert.
„Þessu verkefni hefur verið mjög
vel tekið enda vantar húsnæði hér
í Stykkishólmi. flutt var inn í fyrra
húsið um leið og það var tilbúið,
þannig að viðbrögðin hafa verið
mjög jákvæð,“ segir hann. „Það eina
góða við ástandið á húsnæðismark-
aðnum í Reykjavík er að unga fólkið
kemur aftur heim að loknu námi.“
Einn stærsti vinnustaður
Stykkishólms
Á síðasta ári festi Þórsnes kaup á
nýjum línu- og netabáti, Þórsnesi
SH 109. báturinn var smíðaður árið
1996, er 43 metra langur og 10,5
metra breiður. „Þetta var stór fjár-
festing en nauðsynleg. Gamli bátur-
inn var orðinn lúinn og var seldur í
brotajárn. Nýja Þórsnesið er flottur
bátur og hefur reynst ágætlega síð-
an við fengum hann frá Noregi í
fyrra. Menn eru alltaf að læra betur
og betur á hann. Auðvitað er alltaf
eitthvað sem menn þurfa að venjast
en heilt yfir hefur gengið mjög vel
með hann,“ segir eggert. Um þessar
mundir er Þórsnesið á þorskanetum
en með vorinu verður farið að róa
á grálúðu norðan við land. „Þannig
verður útgerðin út ágústmánuð eða
svo,“ segir eggert.
Í áhöfn Þórsness SH eru 13-16
manns en starfsmenn fyrirtækisins
eru um 50 talsins þegar allt er talið.
fyrirtækið er því með stærri vinnu-
stöðum í Hólminum. Auk áhafnar
Þórsnessins eru fjórir á bíldseynni
og um 30 í fiskvinnslunni í landi. Í
vinnslunni eru unnin milli fjögur og
fimm þúsund tonn af þorski, ufsa og
löngu á ári.
Hár flutningskostnaður
Aðspurður segir eggert rekstrar-
umhverfi fiskvinnslu í Stykkishólmi
ágætt, en kveðst þó stundum öfunda
fyrirtæki sem eru nær útflutnings-
höfninni í Reykjavík. „Það er býsna
hár flutningskostnaður hjá okkur. Af
þeim fjögur til fimm þúsund tonn-
um sem við vinnum á hverju ári þá
þarf að keyra milli 80 og 90% af
hráefninu sem við vinnum til okk-
ar og svo þarf náttúrulega að keyra
allar afurðir til Reykjavíkur til út-
flutnings,“ segir eggert og rifj-
ar upp svokallaðan flutningsjöfn-
unarstyrk byggðastofnunar. Hann
stendur fyrirtækjum til boða sem
þurfa að flytja vöru að lágmarki 245
kílómetra frá framleiðslustað til að
koma henni á innanlandsmarkað
eða til útflutnings. „Við erum aðeins
of nálægt Reykjavík til að eiga kost á
þessum styrk,“ segir eggert og snýr
sér að tölvunni. Hann opnar innra
kerfi fyrirtækisins og flettir upp töl-
um. „Árið 2017 var flutningskostn-
aður fyrirtækisins 51 milljón,“ segir
hann. „Það er hellings peningur það
en eitthvað sem við þurfum bara að
lifa með nema byggðastofnun lækki
viðmiðið varðandi flutningsjöfn-
unarstyrkinn,“ bætir hann við. „en
svona er þetta bara, við verðum að
hugsa vel um hverja einastu krónu
og vera vakandi yfir öllu.“
Stjórnmálamenn erfiðir
Hvað framtíðina varðar kveðst egg-
ert heilt yfir vera nokkuð bjart-
sýnn. „Ég er bara nokkuð bjart-
sýnn á framtíðina ef við fáum bara
að vera í friði. Það eru nefnilega
ekki markaðirnir, náttúran eða
fiskurinn sjálfur sem eru stærsta
ógnin við útgerðarfyrirtæki, held-
ur stjórnmálamenn,“ segir hann.
Það er alltaf öllu hleypt upp í loft
á fjögurra ára fresti, búin til óvissa
og alið á óánægju,“ bætir hann við.
„Sem dæmi var fyrir ekki löngu
síðan komin sátt um veiðigjaldið.
Það er endalaust hægt að rífast um
upphæðir, en sjávarútvegsfyrirtæki
og ríkið höfðu náð lendingu um
gjald. en þá fóru stjórnmálamenn-
irnir að rífast um fyrirkomulagið.
Tala um uppboðsleið sem er nátt-
úrulega algjör þvæla. Þeir ala á og
kynda undir óánægju almennings
í garð sjávarútvegsins, af því þeir
eru að reyna að fá einhverja hópa
til að kjósa sig í kosningum,“ seg-
ir hann. „Þetta er hvimleitt en við
getum lítið gert við þessu. Við ein-
beitum okkur bara að því sem við
erum að gera og reyna að gera það
vel,“ segir eggert Halldórsson að
endingu.
kgk
„Verðum að hugsa vel um hverja einustu krónu“
- segir Eggert Halldórsson, framkvæmdastjóri Þórsness í Stykkishólmi
Eggert Halldórsson, framkvæmdastjóri Þórsness.
Þorskar á leið í hausarann. Tekið á móti hreinsuðum og flöttum þorskinum.
Sigfús Magnússon verkstjóri með vænan saltfisk.
Glaðbeittir starfsmenn í netum.
Fyrirtækið festi kaup á nýju Þórsnesi SH síðastliðið sumar. Hér liggur skipið
bundið við bryggju í Stykkishólmi.