Skessuhorn - 07.02.2018, Blaðsíða 22

MIÐVIKUDAGUR 7. febRúAR 201822
Það var hátíðleg stund í Stykkis-
hólmi á föstudaginn þegar nýtt hús-
næði Amtsbókasafnsins var tek-
ið í notkun með formlegum hætti.
Hófst þar með nýjasti kaflinn í sögu
safnsins, sem stofnað var árið 1847
og hét þá „Íslands vesturamts al-
menna bókasafn.“
Vont veður var víða um land á
föstudaginn, bálhvasst og hált á veg-
um víða á Snæfellsnesi. bar dagskrá
hátíðarinnar eilítið merki þess, því
nokkrir gestir forfölluðust sökum
veðurs. Til dæmis stóð til að Þórdís
Kolbrún Reykfjörð Gylfadóttir, ráð-
herra ferðamála, iðnaðar og nýsköp-
unar, myndi opna safnið. Hún var
hins vegar veðurteppt á Grænlandi
og gat því ekki verið viðstödd. Sturla
böðvarsson, bæjarstjóri í Stykkis-
hólmi, rifjaði því upp gamla takta
frá ráðherradögum sínum, tók sér
skæri í hönd og klippti á borðann.
Því næst tók Nanna Guðmunds-
dóttir, forstöðumaður safnsins, við
lyklunum að húsinu úr hendi Sæv-
ars Harðarsonar, framkvæmdastjóra
Skipavíkur, sem byggði húsið.
Í ávörpum á hátíðinni voru þeim
öllum sem komu að framkvæmdum
færðar þakkir fyrir vel unnin störf.
Sérstaklega þakkaði Sturla í sínu
ávarpi starfsmönnum Skipavíkur
fyrir frábært samstarf. Nanna færði
Lionsfélögum í Stykkishólmi þakkir
fyrir vinnuna við flutning safnkosts-
ins frá Hafnargötu 7 í nýja húsnæð-
ið við borgarbraut 6a. bæði þau og
aðrir ræðumenn lýstu ánægju sinni
með nýjan húsakost Amtsbókasafns-
ins í Stykkishólmi.
Að hátíðardagskrá lokinni var
boðið upp á veitingar í sýningarsal
ljósmyndasafnsins. Gestir ræddu
saman, glugguðu í bækur eða skoð-
uðu gamlar ljósmyndir úr Stykk-
ishólmi og sýningu Sumarliða Ás-
geirssonar ljósmyndara. ekki var
annað að merkja en að almenn
ánægja ríkti með opnunarhátíðina
og nýtt húsnæði bókasafnsins.
kgk
Amtsbókasafnið í Stykkishólmi opnað við hátíðlega athöfn
Klippt á borðann. F.v. Ragnheiður Valdimarsdóttir formaður safna- og menningarmálanefndar Stykkishólmsbæjar, Nanna
Guðmundsdóttir forstöðumaður Amtsbókasafnsins, Sturla Böðvarsson bæjarstjóri í Stykkishólmi, Berglind Axelsdóttir skóla-
stjóri Grunnskólans í Stykkishólmi og Sævar Harðarson framkvæmdastjóri Skipavíkur. Ljósm. sá.
Sjaldan hefur verið jafn vel við hæfi að
glugga í bók. Ljósm. kgk.
Fjölmenni var við hátíðina þrátt fyrir að nokkrir gestir hafi ekki séð sér fært að
mæta sökum veðurs. Ljósm. sá.
Sturla sagði í ræðu sinni stuttlega frá sögu Amtsbókasafnsins og fór yfir að-
dragandann að byggingu nýja húsnæðisins, meðal annars. Ljósm. kgk.
Gestir hlíða á erindi opnunarhátíðarinnar. Ljósm. kgk.
Stúlknakórinn söng Þorraþrælinn og Á íslensku má alltaf finna svar. Ljósm. sá.
Gestir virða fyrir sér gamlar myndir úr Stykkishólmi sem voru til sýnis í sal ljós-
myndasafnsins. Ljósm. sá.
Að formlegri dagskrá lokinni var boðið upp á veitingar í sýningarsal ljósmynda-
safnsins. Ljósm. sá.
Hljómsveitin Ventill, sem skipuð er nemendum Tónlistarskólans í Stykkishólmi,
hóf dagskrána á flutningi tveggja íslenskra dægurlaga. Ljósm. kgk.
Sævar afhendir Nönnu formlega
lyklana að Amtsbókasafninu.
Ljósm. kgk.