Skessuhorn - 14.02.2018, Blaðsíða 4

MIÐVIKUDAGUR 14. FEbRúAR 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Takk fyrir okkur!
Það eru tímamót á Skessuhorni. Tuttugu ár eru kannski ekki langur tími í
sögulegu samhengi, en ef litið er til meðalaldurs fjölmiðla hér á landi höf-
um við þegar náð að minnsta kosti miðjum aldri og stefnum á langlífi.
Sjálfur hef ég hugsað talsvert um þetta tímabil að undanförnu og gert til-
raun til að meta hvað mögulega taki við. En það er alltaf erfitt að spá, sér-
staklega um framtíðina, sagði vís maður eitt sinn. Ég hef t.d. hugsað hvort
ég eigi sjálfur að stefna á þaulsetu allt þar til starfslokum verður náð, eða
ætti ég að reyna að koma útgáfunni í hendur yngri, ferskari og til þess hæf-
ari einstaklingum? Ég held ég hafi svarið en þarf þó aðeins að melta það
betur.
Þjónusta við íbúa á landstóru og dreifbýlu svæði eins og Vesturlandi
er krefjandi en í senn afar gefandi starf. Á þessum vettvangi hefur maður
kynnst fjölmörgu skemmtilegu og jákvæðu fólki sem er tilbúið að berjast
af einurð fyrir hagsmunum heimabyggðar. Almennt verð ég að segja að
þessi samskipti hafa verið jákvæð og uppbyggileg og kennt mér margt. Þá
er ég persónulega ánægður með að hafa ekki nema einu sinni verið hótað
lífláti fyrir fréttaskrif, en talsvert oftar verið gagnrýndur og jafnvel skamm-
aður eins og illa vaninn hundur, sérstaklega þó fyrir leiðaraskrifin. Á þeim
vettvangi er ég reyndar ekki í neinni sérstakri vinsældakosningu. Þetta er
sá staður í blaðinu sem ritstjórinn getur leyft sér að láta óðslega og verður
því að taka afleiðingunum ef stigið er ógætilega og jafnvel fram af brúninni.
Vissulega hefur blaðið einhvern tímann verið sett í viðskiptabann af heilli
atvinnugrein og jafnvel sveitarfélagi fyrir skrif eða skoðun ritstjórans, en
oftast hefur nú reiðin rjátlast af mönnum með tíð og tíma. Að sama skapi
hefur manni oft verið sýnt þakklæti fyrir skrif og efnistök. Allt eru þetta
samskipti sem bætast í reynslubankann og gera mann vísari um menn og
málefni.
Það er jákvætt að fá gagnrýni sé hún vel fram sett og rennt í málefnið en
ekki manninn. Til að framfarir geti átt sér stað, hvert sem litið er í sam-
félaginu, verður einfaldlega stundum að takast á. Sumum bátum þarf að
rugga. Sem betur fer er þorri fólks tilbúinn að taka þátt í rökræðunni, ann-
ars sætum við jafn föst í hjólförunum og þeir fjölmörgu erlendu ferðamenn
sem sátu fastir í bílum sínum út um allar koppagrundir í fannferginu um
liðna helgi.
Ég dreg ekki fjöður yfir þá staðreynd að nú er víða róinn lífróður til að
halda lífi í litlum fjölmiðlum eins og okkar. Umhverfið hefur breyst. Ekki
einvörðungu að við þurfum jafnvel að etja kappi við kennitöluflakkara, þá
hafa stjórnvöld verið óþarflega íþyngjandi í skattlagningu og gjaldskrá Ís-
landspósts hækkar í hlutfalli við minni viðskipti fyrirtækisins. En mest ógn-
vekjandi er þó sú staðreynd að fjölmiðlahegðun fólks er að breytast. Ég
viðurkenni fúslega að af þeirri þróun hef ég miklar áhyggjur. Ekki vegna
útgáfufyrirtækis okkar sérstaklega, heldur af því að þegar ekki verður leng-
ur forsenda til að halda úti ritstjórnum hefðbundinna fjölmiðla, hverfa þeir
af sjónarsviðinu. Sú breyting þýddi að markaðsöflin myndu þá alfarið ráða
hvað við fáum að vita og ekki síður - hvað ekki. Það finnst mér döpur fram-
tíðarsýn. Þess vegna gjeld ég varhug við þeirri þróun að láta ameríska miðla
fá meirihluta þess markaðsfjár sem innlendir fjölmiðlar hafa fram að þessu
fengið og þurft til að rækja hlutverk sitt. Af þeim sökum hvet ég íbúa hér
um slóðir til að halda vöku sinni og standa vörð um þá fréttamiðla sem
gagn er af.
Fyrir tuttugu ára samfylgd þakka ég lesendum Skessuhorns, starfsfólki,
viðskiptavinum og velunnurum blaðsins fyrir ánægjulegt og gefandi sam-
starf.
Magnús Magnússon
Leiðari
Sveitarstjórn borgarbyggðar sam-
þykkti á fundi sínum síðastliðinn
fimmtudag tillögu Geirlaugar Jó-
hannsdóttur um að stofnaður verði
vinnuhópur sem fær það verkefni
að endurskoða fyrirkomulag fjall-
skila í sveitarfélaginu. Í bókun seg-
ir að tilgangurinn sé að vinna að
samræmingu við framkvæmd fjall-
skila og hugsanlega fækka afréttar-
nefndum. Þá er markmið vinnu-
hópsins að auka jafnræði land-
eigenda með samræmdri gjald-
heimtu.
„Mikilvægt er að vinna að því að
auka gegnsæi og skilvirkni í stjórn-
sýslunni. Draga þarf úr flækjustigi
til þess m.a. að einfalda vinnu við
innheimtu fjallskilagjalda. Tekju-
möguleikar í sauðfjárræktun hafa
versnað með lækkun afurðaverðs
og því þarf að tryggja að stjórn-
skipulag landbúnaðarmála sé ekki
of flókið og svifaseint og skaði
þannig tekjumöguleika í grein-
inni,“ segir í tillögu Geirlaugar
sem sveitarstjórn samþykkti sam-
hljóða. Gunnlaugi A Júlíussyni
sveitarstjóra var falið að vinna er-
indisbréf og leggja fram í byggðar-
áði. mm
Samþykkt að endurskoða
fjallskilamál í Borgarbyggð
Sauðfjárveikivarnagirðing sem
kallast blöndulína hefur verið felld
niður sem varnarlína vegna dýra-
sjúkdóma. Þetta er ákvörðun at-
vinnuvega- og nýsköpunarráðu-
neytisins. „Ljóst er að varnarlín-
an hefur ekki verið fjárheld frá því
blönduvirkjun var reist og ekki
fæst fjármagn til að halda varnar-
línunni fjárheldri. Með auglýsingu
nr. 88/2018 um varnarlínur vegna
sauðfjársjúkdóma fellur varnarlín-
an niður frá 1. febrúar síðastlið-
inn,“ segir í tilkynningu frá Mat-
vælastofnun. Takmarkanir á flutn-
ingum sauðfjár í fyrrum Húnahólfi
lengist sem nemur nýjasta tilfelli
riðu í fyrrum Skagahólfi.
„Matvælastofnun telur mikil-
vægt að viðhalda varnarlínum,
einkum á áhættusvæðum riðu, og
reyna þannig að stemma stigu við
útbreiðslu smitsjúkdóma. blöndul-
ína í núverandi mynd þjónar hins
vegar ekki tilætluðum tilgangi. Við
þessa breytingu sameinast Húna-
hólf og Skagahólf í eitt varnarhólf
sem kallast Húna- og Skagahólf
og verður varnarhólf nr. 9. Hólf-
ið mun afmarkast af Vatnsneslínu,
Miðfjarðarlínu og Tvídægrulínu
að vestan, Kjalarlínu að sunnan og
Héraðsvatnalínu að austan.
Varnarlínur vegna smitsjúk-
dóma hafa ýmsar takmarkanir í för
með sér fyrir sauðfjár- og naut-
gripabændur. Ekki er heimilt að
flytja jórturdýr til lífs yfir varnar-
línu nema sótt sé um leyfi hjá Mat-
vælastofnun og umfangsmiklar
takmarkanir gilda gagnvart flutn-
ingi landbúnaðartækja, heyja o.fl.
Allt sauðfé sem fer eða er flutt yfir
varnarlínu án heimildar ber að af-
lífa.
Síðasta riðutilfelli kom upp í
Skagahólfi árið 2016 á bænum
Stóru Gröf Ytri. Varnarhólf telst
sýkt í 20 ár frá síðasta staðfesta til-
felli. Því mun nýja hólfið, Húna-
og Skagahólf, teljast sýkt svæði til
31. desember 2036, að því gefnu
að engin ný tilfelli komi upp.
Helstu áhrif sameiningar hólfanna
á bændur eru að gildistími hafta
innan fyrrum Húnahólfs lengist
um að minnsta kosti 9 ár. Síðasta
tilfelli riðu í Húnahólfi var árið
2007 á bænum Kambhóli í Húna-
þingi vestra og að öllu óbreyttu
hefði því höftum verið aflétt af því
hólfi 1. janúar 2028. Í báðum hólf-
um var bólusett við garnaveiki og
mun ný skipan ekki hafa breyting-
ar í för með sér hvað garnaveiki-
bólusetningar varðar. mm
Varnarlínum vegna sauðfjár-
sjúkdóma fækkað vegna fjárskorts
Nú er góður gangur í byggingu
á nýrri verksmiðju G.Run hf í
Grundarfirði. Verktakafyrirtækið
Ístak hefur reist veglegan bygginga-
krana við athafnasvæðið og er þetta
fyrsti byggingakraninn sem rís inn-
an byggðar í Grundarfirði. Not-
ast var við samskonar krana þegar
spennistöðin var reist á síðasta ári
en það var aðeins fyrir utan bæinn.
Kraninn setur svip sinn á Grundar-
fjörð en gárungarnir létu ljósmynd-
ara Skessuhorns vita að hann þyrfti
að vera snöggur að taka mynd af
krananum áður en næsta sunnanátt
lendir á bænum. Nokkuð vindasamt
hefur verið upp á síðkastið og kran-
inn stendur enn, þannig að menn
þurfa líklega ekki að hafa áhyggjur
af því. bygging hússins er nú haf-
in og stefnt að verklokum fyrir ára-
mót þannig að hægt verði að byrja
fiskverkun í húsinu 2. janúar næst-
komandi.
tfk
Byggingakrani risinn við G.Run