Skessuhorn - 14.02.2018, Blaðsíða 27

MIÐVIKUDAGUR 14. FEbRúAR 2018 27
Spánverjinn Nacho Heras Anglada
hefur samið við Víking Ólafsvík að
nýju og mun leika með Ólafsvíkur-
liðinu í 1. deild karla í knattspyrnu í
sumar. Samningurinn gildir til loka
komandi keppnistímabils. Nacho
gekk til liðs við Víking fyrir síðasta
tímabil. Hann spilaði 20 leiki með
liðinu og þótti standa sig vel. Hann
hefur nú ákveðið að snúa aftur og
taka slaginn með Víkingi í sumar.
„Við tökum þessum fréttum fagn-
andi og bjóðum Nacho velkominn
aftur heim í Ólafsvík,“ segir í til-
kynningu frá Víkingi Ó.
Þá hefur Knattspyrnudeild Vík-
ings samið við tvo afríska leikmenn
um að spila með liðinu í sum-
ar. Emmanuel Eli Keke er 22 ára
Ghanamaður sem kemur frá FC
Dreams í heimalandi sínu. Hann
getur bæði spilað sem miðjumað-
ur og miðvörður. Hann var áður á
reynslu hjá bröndby í Danmörku.
Ibrahim Sorie barrie er einnig
22 ára en hann kemur frá Sierra
Leone. Hjá Víkingi Ó. hittir hann
fyrir fyrrum liðsfélaga sinn, Kwame
Quee, en þeir hafa áður leikið sam-
an með FC Johansen í heimaland-
inu sem og landsliði Sierra Leone.
Ibrahim er varnarsinnaður miðju-
maður. báðir eru þeir væntanlegir
til landsins í febrúar. „Víkingur Ó.
býður þá báða velkomna til félags-
ins.“ kgk
Víkingur Ólafsvík styrkir liðið
Nacho Heras Anglada. Emmanuel Eli Keke. Ibrahim Sorie Barrie.
Það hefur kyngt niður snjó á land-
inu öllu og er Grundarfjörður eng-
in undantekning á því. Það kom
ljósmyndara nokkuð spánskt fyrir
sjónir að sjá nágrannana á Hamra-
hlíðinni samtaka í að moka snjó á
fullu rétt á meðan veðrið datt nið-
ur. Þarna eru þau Helga Fríða
Tómasdóttir, Christiane Klee og
Karl Jóhann Jóhannsson að hreinsa
af gangstéttinni þar sem nánast öll
snjóruðningstæki bæjarins voru
önnum kafin við mokstur annars
staðar. tfk
Snjómokstur í Grundarfirði
Í tilefni 112 dagsins var elsta árgangi
í leikskólum Akraness og Hvalfjarð-
arsveitar boðið í heimsókn á slökkvi-
stöðina á Akranesi föstudaginn 9.
febrúar. Þar var vel tekið á móti börn-
unum og Þráinn Ólafsson slökkvi-
stjóri fræddi þau um hvað skyldi
gera ef eldur verður laus. Kennarar
barnanna fengu svo að spreyta sig á
slökkvitækjunum áður en börnunum
bauðst að skoða bíla og annan búnað
slökkviliðsins. arg
Leikskólabörn í heimsókn
á slökkvistöðina
Elstu börnum á leikskólum Akraness og Hvalfjarðarsveitar var boðið í heimsókn á slökkvistöðina á Akranesi.
Börnin fengu að prófa ýmsan búnað slökkviliðsins.
Það þótti mjög spennandi að fá að setjast undir stýri.
Börnin fengu líka að skoða inn í slökkviliðsbílinn.
Flottir vinir að skoða búnað slökkviliðsins.Leikskólakennararnir fengu að spreyta sig á slökkvitækjum.