Skessuhorn - 14.02.2018, Blaðsíða 30

MIÐVIKUDAGUR 14. FEbRúAR 201830
MT: Stefán Gísli með verðlauna-
gripinn síðastliðinn sunnudag.
Ertu búin/n að taka ákvörðun
um hvað þú ætlar að læra eftir
grunnskóla?
Spurni g
vikunnar
(Nemendur í 10. bekk
Grundaskóla á Akranesi svara)
Enrique Snær Llorenz:
Ég ætla að verða flugmaður. Fer
fyrst í FVA, síðan í Tækniskól-
ann og eftir það annaðhvort til
USA eða Svíþjóðar í flugnám.
Marta Lind Jörgensdóttir:
Ég fer annað hvort á félags-
fræðibraut í FVA eða í efterskole
í Danmörku.
Natalia Palinska:
Ég ætla fyrst á náttúrufræði-
braut í FVA og síðan í Tækni-
skólann.
Ásgerður Jing Laufeyjardóttir:
Ég stefni á að fara á náttúru-
fræðibraut í FVA.
Patrekur Máni Halldórsson:
Ég stefni á tónlistarnám, fer
fyrst í FVA en síðan í nám tengt
tónlist.
Sundgarpar úr Sundfélagi Akra-
ness létu til sín taka á Gullmóti
KR sem haldið var í Reykjavík um
helgina. Alls kepptu 26 sundmenn
frá Akranesi undir merkjum ÍA.
Samtals stungu þeir sér 143 sinn-
um til sunds og í 114 skipti bættu
þeir sína bestu tíma. Margir af
yngri keppendum félagsins, fæddir
2007 til 2009, voru þarna að keppa
í fyrsta sinn í 50 metra laug. Þessir
krakkar æfa jafnan nokkrum sinn-
um í viku í bjarnalaug, sem er 12,5
metrar að lengd.
brynhildur Traustadóttir vann
til gullverðlauna í flugsundi 15-17
ára og Ragnheiður Karen Ólafs-
dóttir vann gull í 100 metra og
200 metra bringusundi 13-14 ára.
Ragnheiður hreppti einnig silfur-
verðlaun í 50 metra bringusundi í
opnum flokki. Sævar berg Sigurðs-
son fékk silfur í 100 metra bringu-
sundi í opnum flokki, bjarni Snær
Skarphéðinsson hlaut silfrið í 200
metra bringusundi 12 ára og yngri.
Í sama flokki vann Guðbjarni Sig-
þórsson til silfurverðlauna í 100
metra skriðsundi og 100 metra
baksundi og bronsverðlauna í 50
metra flugsundi. Kristján Magnús-
son fékk brons í 100 metra bringu-
sundi 13-14 ára og Guðbjörg bjart-
ey Guðmundsdóttir vann bronsið í
100 metra baksundi og 100 metra
bringusundi 13-14 ára.
Fimm sundmenn ÍA komust í
svokallað Super Challenge sem
synt var á laugardagskvöld. Slæmt
veður varð hins vegar þess valdandi
að tveir keppendur þurftu að skrá
sig úr leik.
kgk/ Ljósm. Sundfélag Akraness.
Sundfólk frá Akranesi gerði það gott á Gullmóti
Ungir og efnilegir sundmenn sem
kepptu í fyrsta sinn í 50 metra laug um
helgina.
Bjartey Guðmundsdóttir, Brynhildur Traustadóttir og Guðbjarni Sigþórsson.
Ari Gunnarsson tók við þjálfun
körfuknattleiksliðs Skallagríms um
miðjan janúarmánuð eftir að fé-
lagið rifti samningi við Spánverj-
ann Richardo Gonzáles Dávila. Ari
er borinn og barnfæddur Reykvík-
ingur en er öllum hnútum kunnug-
ur í borgarnesi frá því á leikmanns-
ferli sínum. „Ég spilaði með Skalla-
grími í 13 ár, frá 1993 til 2005. All-
an þann tíma bjó ég í borgarnesi og
leið mjög vel. Það er gaman að vera
kominn aftur, sjá gamalkunn and-
lit og hitta gamla kunningja,“ seg-
ir Ari í samtali við Skessuhorn og
kveðst ánægður að hafa tekið við
þjálfun liðsins. „Mér líst mjög vel
á þetta verkefni. Leikmennirnir eru
jákvæðir og leggja sig fram um að
gera það sem ég bið um að verði
gert. Ég er því mjög bjartsýnn á
framhaldið,“ segir hann.
Liðið er sem stendur í sjötta sæti
deildarinnar, sex stigum frá fjórða
sætinu og þar með sæti í úrslita-
keppninni um Íslandsmeistaratit-
ilinn í vor. Markmiðið er að kom-
ast þangað. „Að sjálfsögðu stefnum
við að því að komast inn í úrslita-
keppnina,“ segir Ari. „Það eru níu
leikir eftir í mótinu og nóg af stig-
um í pottinum,“ segir hann. „Síðan
vonum við að okkar besti leikmað-
ur, Sigrún Sjöfn, nái sér að fullu í
öxlinni. Það gefur auga leið að það
munar mjög mikið um hana. Eðli-
lega er hún ekki í fullu leikformi en
hún leggur hart að sér, er dugleg og
ósérhlífin þó hún finni til í öxlinni.
Hún er alltaf að verða betri og betri
með hverjum leiknum. Við vit-
um vel hvað hún getur. Þegar hún
verður orðin góð af meiðslunum og
liðið smellur saman þá held ég að
við getum gert allt sem við ætlum
okkur.“
Stígandi í leik liðsins
Síðan Ari tók við þjálfun liðsins
hefur hann smám saman verið að
innleiða sínar áherslur í leik liðs-
ins. „Aðallega er það varnarleik-
urinn sem ég vil snúa við. Númer
eitt, tvö og þrjú er að bæta varnar-
leikinn,“ segir Ari. „Fyrri þjálfari
lagði út frá ýmsu í varnarleiknum
sem ég vil alls ekki að sé gert. Það
er erfitt fyrir leikmenn að snúa
svona alveg á punktinum en við
erum að vinna í þessu. Mér finnst
vera stígandi í spilamennsku liðs-
ins með hverjum leiknum og allt
stefnir í rétta átt,“ segir hann.
Samningur Ara gildir til loka
yfirstandandi keppnistímabils.
Aðspurður kveðst hann vel geta
hugsað sér að þjálfar áfram í borg-
arnesi. „Ég er alveg til í að ræða
framhaldið ef áhugi er fyrir því.
Framtíðin verður hins vegar bara
að koma í ljós,“ segir Ari. „Þang-
að til mun liðið einbeita sér að
því markmiði sem fyrir höndum
er, að komast í úrslitakeppnina,“
segir hann og hvetur borgnes-
inga til að fylkjast að baki liðinu.
„Það er ágætlega mætt á leiki, það
er ekki það, en gaman væri að sjá
troðfulla stúku eins og var í gamla
daga þegar ég var að spila. Ég veit
að það eru miklu fleiri í borgar-
nesi sem hafa áhuga á körfubolta.
Ég hvet þá til að drífa sig á staðinn
og styðja við bakið á liðinu,“ segir
Ari Gunnarsson að endingu.
Næsti leikur Skallagríms er
gegn Stjörnunni á útivelli á mið-
vikudaginn eftir viku, 21. febrúar.
Næsti heimaleikurliðsins er síðan
gegn Haukum sunnudaginn 25.
febrúar.
kgk
„Stefnum að því að komast inn í úrslitakeppnina“
- segir Ari Gunnarsson, nýr þjálfari Skallagríms
Ari Gunnarsson fer yfir málin með leikmönnum sínum í leik með Skallagrími í vetur. Ljósm. Skallagrímur.