Skessuhorn - 21.02.2018, Blaðsíða 6
MIÐVIKUDAGUR 21. feBRúAR 20186
Tvöfalt fleiri
umsóknir
en hreindýr
AUSTURLAND: Næst-
komandi laugardag klukk-
an 14:00 verða dregin út
hreindýraveiðileyfi í beinni
útsendingu á heimasíðu
Umhverfisstofnunar. Alls
bárust 3.176 umsóknir um
að skjóta 1450 dýr á þessu
ári; 389 tarfa og 1.061 kú.
Þar af skulu 40 kýr veidd-
ar í nóvember. Niðurstöð-
ur verða sendar með tölvu-
pósti á umsækjendur eftir
helgi. -mm
Glúten í
„glútenlausu“
snakki
LANDIÐ: Matvælastofn-
un varar neytendur með
glútenóþoli við neyslu
á glútenfría maíssnakk-
inu „Traflo Tortilla chili“.
Snakkið er merkt glúten-
laust en í því greindist glú-
ten yfir leyfilegum mörk-
um. er þetta í annað skipti
í febrúarmánuði sem vara
merkt glútenlaus er inn-
kölluð vegna þess að hún
inniheldur glúten. MAST
bárust upplýsingarnar í í
gegnum viðvörunarkerfi
evrópu um matvæli og
fóður. Innflytjandi snakks-
nis hefur innkallað vöruna
af markaði í samráði við
Heilbrigðiseftirlit Reykja-
víkur. Tekið skal fram að
varan er skaðlaus þeim sem
ekki eru viðkvæmir fyr-
ir glúteni. Þeir sem eiga
umrædda vöru og eru við-
kvæmir fyrir glúteni eru
beðnir um að neyta henn-
ar ekki og farga eða skila í
verslanir eða til Icepharma.
-kgk
Ráðherra
rekur aðstoð-
armann
LANDIÐ: Sif Konráðs-
dóttir lét af störfum sem
aðstoðarmaður umhverf-
isráðherra á föstudaginn.
Þetta kom fram í tilkynn-
ingu frá ráðherra. „Ég hef
tekið þá ákvörðun að Sif
Konráðsdóttir, aðstoðar-
maður minn, hætti störfum
frá og með deginum í dag.
Ég óska Sif alls hins besta
og þakka henni fyrir sam-
starfið,“ segir Guðmund-
ur Ingi Guðbrandsson, um-
hverfis- og auðlindaráð-
herra, í tilkynningu síðast-
liðinn föstudag. Brottrekst-
ur aðstoðarmannsins er til
kominn vegna þess að hún
sem lögmaður og réttinda-
gæslumaður í fyrra starfi
dró úr hömlu að greiða
skjólstæðingum sínum
bótagreiðslur vegna kyn-
ferðisbrota sem þeir höfðu
orðið fyrir. -kgk/mm
Síðastliðinn fimmtudag var þremur
starfsmönnum Sýslumannsins á Vest-
urlandi sagt upp störfum og þremur
til viðbótar boðið lægra starfshlutfall.
Sýslumaðurinn á Vesturlandi er með
aðalskrifstofu í Stykkishólmi, sýslu-
skrifstofur í Borgarnesi og Akra-
nesi, útibú í Búðardal og samning við
Snæfellsbæ um þjónustu sýslumanns
á bæjarskrifstofunum þar. Breytingar
á starfsmannahaldi ná til allra skrif-
stofa og útibúa sýslumans, að undan-
skildri afgreiðslu hans í Snæfellsbæ.
Þremur af
tuttugu sagt upp
Á aðalskrifstofunni í Stykkishólmi
eru sjö starfsmenn; sýslumaður, lög-
lærður staðgengill hans og fimm í
öðrum sérhæfðum störfum. ein-
um starfsmanni hefur verið boðið
lægra starfshlutfall, úr 100% í 50%.
Á skrifstofunni er einnig lögfræðing-
ur sem starfar fyrir gjafsóknarnefnd.
Laun hans eru ekki greidd af Sýslu-
manninum á Vesturlandi.
Á sýsluskrifstofunni í Borgarnesi
starfa fjórir; löglærður fulltrúi sýslu-
manns og þrír í öðrum sérhæfðum
störfum. einum starfsmanni hefur
verið boðið lægra starfshlutfall, úr
100% í 50%.
Á sýsluskrifstofunni á Akranesi
starfa sex; löglærður fulltrúi og fimm
í öðrum sérhæfðum störfum. Lög-
fræðingi hefur verið sagt upp störf-
um og einum starfsmanni boðið 50%
starfshlutfall í stað 100% áður.
Í útibúinu í Búðardal eru þrír
starfsmenn í 1,6 stöðugildum.
Tveimur þeirra, öðrum í 50% starfs-
hlutfalli og hinum í 65% starfshlut-
falli, hefur verið sagt upp störfum.
Unnið á halla fyrri ára
Ólafur K. Ólafsson, sýslumaður á
Vesturlandi, segir uppsagnirnar til-
komnar vegna fjárskorts. Hann seg-
ir að ljóst hafi verið fyrir fækk-
un sýslumannsembætta í ársbyrjun
2015 að þau gætu ekki staðið undir
sér. „Sýslumönnum var kynntur fjár-
hagslegur grunnur hinna nýju emb-
ætta í ágúst 2014. Þá strax varð ljóst
að hann gat ekki staðið undir þeim
fjölda starfmanna og þeim fjölda
skrifstofa sem hinum nýju embætt-
um var gert að taka við,“ segir Ólaf-
ur. Hann segir að sú starfsskylda hvíli
á sýslumanni að ráðstafa ekki meira
af opinberu fé en hann hefur heim-
ild til í fjárlögum. Hins vegar hafi
fjárveitingar ekki nægt til „að standa
við þau fyrirheit sem gefin voru um
starfsstöðvar og starfsmannahald hjá
embættunum,“ eins og segir í nefnd-
aráliti meirihluta fjárlaganefndar um
fjárlagafrumvarp fyrir árið 2018.
„Við þessu hefur verið brugðist með
því að fella niður mjög verulegan
hluta hallans í árslok 2015. eins hef-
ur ráðuneyti sýslumanna ráðstaf-
að af sameigilegum fjárlagalið veru-
legum fjárhæðum til embætta sýslu-
manna. Nú er sýnt að ekki er unnt að
ganga lengra í þessum efnum enda
hafa þessar aðgerðir einar og sér ekki
dugað því rekstrargrundvöllur emb-
ættanna hefur ekki verið leiðréttur.“
Dómsmálaráðherra hefur sam-
þykkt rekstraráætlun Sýslumannsins
á Vesturlandi fyrir 2018. Gerir hún
ráð fyrir jöfnuði innan ársins. „Hann
byggist á því að ráðuneytið millifærir
til embættisins fjármuni úr sameig-
inlegum potti sýslumanna og sýslu-
maður fækkar lögfræðingum emb-
ættisins um einn. er það vegna þess
að við stofnun embættisins 1. janú-
ar 2015 tók það til sín lögfræðing frá
fyrrum sýslumannsembættum, vegna
áskilnaðar laga um að enginn starfs-
maður missti starf sitt við breyting-
arnar, án þess að því fylgdi fjárheim-
ild,“ segir Ólafur. „en meira þarf til,
embættið þarf auk þess að vinna nið-
ur það sem telst vera halli á rekstri
embættisins vegna fyrri ára, á tveim-
ur árum. Því þarf að segja upp tveim-
ur öðrum starfsmönnum og bjóða
þremur lægra starfshlutfall,“ segir
hann.
Afgreiðsludögum
fækkar í Búðardal
Ólafur segir að samkvæmt könn-
unum komi yfirgnæfandi meiri-
hluti fólks á skrifstofur sýslumanns
vegna vegabréfa, ökuskírteina, þing-
lýsinga, umboðs Tryggingastofnun-
ar og til almennrar afgreiðslu. Þjón-
usta vegna þessa segir sýslumaður að
verði óbreytt á Akranesi, Borgarnesi,
Stykkishólmi og Snæfellsbæ. „Þjón-
ustan í Búðardal verður eins og verið
hefur að öðru leyti en að hún verður
ekki alla daga vikunnar,“ segir sýslu-
maður. Þá verður föst viðvera sýslu-
manns eða annars lögfræðings emb-
ættisins á sýsluskrifstofunni á Akra-
nesi, í stað þess að þar verði föst
starfsstöð lögfræðings. Að öðrum
kosti kveðst Ólafur ekki getað sagt
til um áhrif breytinganna á þjónustu
sýslumanns að svo stöddu. „Á þessari
stundu liggur ekki fyrir á hvern hátt
þessar breytingar munu hafa áhrif á
þjónustu embættisins. framundan
er vinna með starfsmönnum þess við
að laga embættið að þessum breyttu
forsendum,“ segir hann.
Auk þess að fækka starfsfólki verð-
ur leitast við að lækka húsnæðis-
kostnað embættisins. „Um 80%
af rekstrarkostnaði embætta sýslu-
manna er launakostnaður. Af því
sem þá er eftir er stærsti einstaki
kostnaðarliðurinn vegna húsnæðis.
Samhliða fækkun starfsmanna verða
teknar upp viðræður við fasteignir
ríkissjóðs um að minnka það hús-
næði sem embættið hefur á leigu,“
segir Ólafur K. Ólafsson að end-
ingu.
kgk/ Ljósm. úr safni.
Þremur starfsmönnum sýslumanns sagt upp störfum
Öðrum þremur boðið lægra starfshlutfall
Ólafur K. Ólafsson, sýslumaður á Vesturlandi.
Svipmynd frá Búðardal. Þar mun afgreiðsludögum í útibúi sýslumannsins fækka.