Skessuhorn - 21.02.2018, Blaðsíða 7
MIÐVIKUDAGUR 21. feBRúAR 2018 7
Leikdeild Umf. Skallagríms sýnir gamanleikinn:
39 1/2 vika
Eftir Hrefnu Friðriksdóttur. Leikstjóri er Hrund Ólafsdóttir.
Sýnt er í Lyngbrekku
Sýningum fer fækkandi...
4. sýning - 24. febrúar kl. 20:30
5. sýning - 25. febrúar kl. 20:30
6. sýning - 1. mars kl. 20:30
7. sýning - 2. mars kl. 20:30
Miðapantanir í síma 846 2293 og leikdeildskalla@gmail.com
Miðaverð 3.000 kr.
Veitingasala á sýningum - posi á staðnum
Bókaútgáfan Hólar hefur nú gefið
út bókina; „Víkingur, sögubrot af
aflaskipi og skipverjum,“ sem rit-
uð er af Haraldi Bjarnasyni blaða-
manni. Í bókinni er sagt frá að-
draganda að smíði togarans Vík-
ings AK-100 en hann kom nýr
til Akraness 21. október 1960 og
skipinu er fylgt í gegnum árin. Í
bókinni eru mörg viðtöl við skip-
verja, sem á einhverjum tíma voru
um borð í Víkingi en mislengi þó,
og ýmsar sögur eru sagðar tengdar
skipinu. Skipið var í rúma hálfa öld
gert út frá Akranesi og alltaf með
sama nafni og númeri. Það fór í
sína hinstu sjóferð 11. júlí 2014 til
Grenå í Danmörku þar sem það
var rifið. frá þeirri ferð var ein-
mitt ítarlega sagt í stórri frásögn
Haraldar sem birtist í Skessuhorni
þá um sumarið.
Víkingur var mikið happaskip
alla tíð. Hann var smíðaður til að
sækja á fjarlæg mið og því sett það
markmið við smíðina að ganghrað-
inn væri mikill. Þótt Víkingur væri
smíðaður sem togskip var hann þó
lengst af gerðu út til nótaveiða og
þar komu yfirburðir þessa gæða-
skips aftur í ljós enda var það oft-
ast í hópi aflahæstu nótaskipa.
Í bókarlok er viðauki um stofn-
un og aðdraganda að smíði Síld-
ar- og fiskimjölsverksmiðju Akra-
ness, sem lét smíða skipið og gerði
það út þangað til Síldar- og fiski-
mjölsverksmiðjan var sameinuð
HB&Co sem gerði út skipið þar til
Grandi keypti HB&Co og til varð
HB Grandi, sem gerði út Víking
síðustu árin. Þá er einnig stuttur
myndskreyttur kafli um komu nýs
Víkings AK í desember 2015.
Bókarkápu prýðir málverk af
Víkingi eftir myndlistarmanninn
Baska, Bjarna Skúla Ketilsson, frá
Akranesi. Bókin er að sögn Har-
aldar að berast í bókabúðir þessa
dagana en einnig er hægt að kaupa
hana ennþá á kynningarverði hjá
höfundi með því að senda tölvu-
póst með nafni, kennitölu og
heimilisfangi á netfangið halli-
bjarna@simnet.is og verður bók-
in þá send heim til kaupanda en
kynningarverðið er 5.000 krón-
ur sem innheimt verður í heima-
banka.
„Víkingur, sögubrot af aflaskipi
og skipverjum,“ er um 160 blaðsíð-
ur að stærð í stóru broti og ræki-
lega skreytt myndum frá mörgum
áhuga- og atvinnuljósmyndurum
auk mynda frá skipverjum. Vík-
ingur var í rúma hálfa öld hluti af
atvinnusögu Akraness og bókin á
því talsvert erindi til Akurnesinga
sem og alls áhugafólks um sjávar-
útveg og atvinnuþróun.
mm
Bók um aflaskipið Víking AK-100 komin út
Þorsteinn Þorvaldsson vélstjóri á Akranesi, sem nú er 93 ára gamall,
var í fyrstu áhöfn Víkings árið 1960 og einn þeirra sem fór út til Þýska-
lands að ná í skipið nýtt. Hér er hann með eintak af bókinni.
Haraldur Bjarnason, höfundur bókarinnar áritar hér eintak af bókinni fyrir myndlistar-
manninn og Skagamanninn Baska, Bjarna Skúla Ketilsson, en málverk eftir hann prýðir
bókarkápuna.
www.skessuhorn.is