Skessuhorn - 21.02.2018, Blaðsíða 12

MIÐVIKUDAGUR 21. feBRúAR 201812
Alls hafa 52 skrifað undir áskorun til
sveitarstjórnar Reykhólahrepps um
að endurskoða leiðarval sitt á veg-
stæði nýs Vestfjarðarvegar. flestir
þeirra sem leggja nafn sitt við áskor-
unina eru íbúar í hreppnum. RúV
greindi frá um helgina.
Hópurinn vill að svokölluð A1
leið, sem liggur um þorpið á Reyk-
hólum og þverar mynni Þorska-
fjarðar, verði tekin til skoðunar. Sú
leið er ekki hluti af vinnslutillögu
sveitarstjórnar vegna breytinga á
aðalskipulagi hreppsins. Skipulags-
stofnun mat það svo í áliti sínu að
leiðin hefði slík umhverfisáhrif að
ekki væri nema að takmörkuðu leyti
hægt að koma í veg fyrir eða draga
úr þeim með mótvægisaðgerðum.
Þá telur Vegagerðin leiðina ekki
vera góðan kost.
Í frétt RúV er haft eftir Ingi-
björgu Birnu erlingsdóttur, sveitar-
stjóra Reykhólahrepps, að sveitar-
stjórn hafi valið leiðir D2, með jarð-
göngum undir Hjallaháls, og Þ-H
leið um Teigsskóg fyrir aðalskipu-
lagsferlið. Ástæðan sé sú að leið D2
var tillaga Skipulagsstofnunar og
sú sem veldur minnstum umhverf-
isáhrifum, en Þ-H leið sú leið sem
Vegagerðin leggur til að verði far-
in. Sveitarstjóri segir undirskrifta-
söfnunina hafa komið á óvart þar
sem íbúum hafi tvívegis verið gefinn
kostur á að koma athugasemdum
sínum við breytingar á aðalskipulagi
á framfæri. Í hvorugt skiptið hafi
borist athugasemd vegna umræddr-
ar leiðar.
Undirskriftalistinn lá frammi í
Hólabúð á Reykhólum í fjóra daga
en var ekki auglýstur að öðru leyti. Í
texta með áskorun til sveitarstjórnar
er jafnframt lagt til að skoðuð verði
sjávarfallavirkjun samhliða þverun
Þorskafjarðar.
Kom stjórnendum
á óvart
Reynir Þór Róbertsson, einn þeirra
sem stóð fyrir undirskriftasöfn-
uninni, segir að forsvarsmönnum
listans hafi ekki verið vel tekið þegar
þeir afhentu undirskriftirnar á fundi
sveitarstjórnar síðastliðinn fimmtu-
dag. Sveitarstjóri segir það eflaust
rétt. Stjórnendum sveitarfélagsins
hafi komið á óvart að undirskrifta-
söfnun stæði yfir á þessum tíma-
punkti, í ljósi þess að óskað hafi ver-
ið eftir samráði við íbúa fyrr í vetur.
Íbúum gafst kostur á að skila inn
athugasemdum við lýsingu á breyt-
ingu á aðalskipulagi og einnig við
vinnslutillögu fyrir breytinguna fyrr
í vetur. Haldir voru opnir fundir um
málið í bæði skiptin. frestur til að
skila inn athugasemdum rann út 5.
janúar síðastliðinn og barst engin
athugasemd vegna leiðar A1. Í frétt
RúV er haft eftir Birni Samúels-
syni, sem skrifaði undir áskorunina,
að hann telji fólki ekki hafa verið
kunnugt um að athugasemdir þeirra
hefðu einhverju getað breytt. Sjálfur
hefði hann viljað sjá leið A1 koma til
greina við breytingar á aðalskipulagi
frá upphafi.
Stefnt er að því að taka ákvörðun
um leiðarval í sveitarstjórn á fundi
hennar fimmtudaginn 8. mars næst-
komandi. Sveitarstjóri segir að und-
irskriftarlistinn berist of seint til að
geta haft áhrif á ákvörðunina. efni
hans verði hins vegar tekið til um-
fjöllunar. Þeir Reynir Þór og Björn
vísa því hins vegar á bug að of seint
sé að taka leiðina um þorpið til skoð-
unar. Málið sé galopið og mikilvægt
að setja leið A1 aftur á dagskrá.
kgk
Skora á sveitarstjórn að endurskoða leiðarval
Tæknifyrirtækin Skaginn 3X á
Akranesi og frost ehf. og Raf-
eyri ehf. á Akureyri hafa undirritað
samning um uppsetningu fullkom-
innar uppsjávarverksmiðju á Kúril-
eyjum. Verksmiðjan er byggð fyr-
ir dótturfélag rússneska útgerðar-
félagsins Gidrostroy. Þar verður
mögulegt að flokka, pakka og fyrsta
900 tonn af uppsjávarfiski á hverj-
um sólarhring.
Kúrileyjar eru við austurströnd
Rússlands, milli Kamtsjatkaskaga
og Japans. Á eyjunum öllum búa
rúmlega 19 þúsund manns sem lúta
rússneskri stjórn. Verksmiðjan sem
íslensku fyrirtækin munu setja upp
verður sett upp á Shikotaneyju,
sem er ein af syðstu eyjum eyjaklas-
ans. „Verksmiðjan verður gríðar-
leg lyftistöng fyrir mannlífið á eyj-
unni og mun skapa þar mikilvæg
störf,“ segir Alexander Verkhovsky,
eigandi Gidrostroy. „eftir að hafa
skoðað verksmiðjur víða um heim
var augljóst að skipta við þessi ís-
lensku félög.“
Gidrostroy stundar veiðar og
vinnslu á uppsjávarfiski, meðal ann-
ars Alaskaufsa og sardínellu, sem er
í miklum vexti á svæðinu um þess-
ar mundir. Áætlað er að verksmiðj-
an á Shikotaneyju verði sett upp í
tveimur áföngum, næsta haust og
síðan vorið 2019. Vonast er til þess
að hægt verði að hefja vinnslu á ufsa
í hluta verksmiðjunnar í haust, en
að hún hafi náð fullum afköstum
fyrri part næsta árs.
Inn á Kyrrahafsmarkað
Með undirritun samningsins stíga
íslensku fyrirtækin stórt skref inn
á Kyrrahafsmarkaðinn. Íslensku
félögin hafa áður unnið saman að
skipum og uppsetningu verksmiðja
í gegnum Knarr Maritime. „Það
er að sýna sig að Knarr er að nýt-
ast okkur gríðarlega vel og er í raun
að ryðja brautina inn á þessa mark-
aði,“ segir Guðmundur Hannes-
son, sölustjóri frost. „Verkefnið er
stórt og mikilvægt fyrir bæði Gi-
drostroy og okkur, en þetta byrj-
aði allt síðasta vor þegar við seld-
um og afhentum kerfi þar sem
okkar lausn innihélt meðal annars
flokkara frá íslenskum samstarfs-
aðila okkar, Style,“ segir Ingólfur
Árnason, framkvæmdastjóri Skag-
ans 3X. „Reynslan af því verkefni
var einfaldlega þannig að báða að-
ila langaði að vinna meira saman,“
segir hann.
kgk
Skaginn 3X og samstarfsfyrirtæki setja
upp verksmiðju á Kúrileyjum
Samningarnir handsalaðir. Fyrir miðju heilsast þeir Ingólfur Árnason, framkvæmdastjóri Skagans og Alexander Verkhovsky, eigandi Gidrostroy.
Úr nýrri fiskvinnslu Eskju á Eskifirði, þar sem smíði og uppsetning búnaðar var í höndum Skagans 3X, Frosts og Rafeyrar.