Skessuhorn - 21.02.2018, Blaðsíða 22
MIÐVIKUDAGUR 21. feBRúAR 201822
Landssamband bakarameistara
efndi nýlega til árlegrar keppni um
Köku ársins. Keppnin fer þann-
ig fram að keppendur skila inn til-
búnum kökum sem dómarar meta
og velja úr þá sem þykir sameina
þá kosti að vera bragðgóð, falleg
og líkleg til að falla sem flestum í
geð og hlýtur hún titilinn Kaka árs-
ins. Sigurkakan hlýtur nafnbótina
„Kaka ársins 2018“ og er höfund-
ur hennar að þessu sinni Sigurður
Már Guðjónsson, bakarameistari
og eigandi Bernhöftsbakarís.
Sala á kökunni hófst í bakaríum
félagsmanna Landssambands bak-
arameistara um allt land síðastlið-
inn fimmtudag og verður til sölu
það sem eftir er ársins.
mm
Kaka ársins komin í sölu
Frá afhendingu Köku ársins í Bernhöftsbakaríi síðastliðinn miðvikudag. F.v.
Sigurður Hannesson framkvæmdastjóri SI, Jóhannes Felixson formaður LABAK,
Katrín Jakobsdóttir forsætisráðherra og Sigurður Már Guðjónsson höfundur köku
ársins og eigandi Bernhöftsbakarís.
Ríkisstarfsmenn sem eru í aðild-
arfélögum Alþýðusambands Ís-
lands, þ.e. félagsmenn RSÍ, Sam-
iðnar, VM, SGS og félaganna í
flóabandalaginu, fá í fyrsta sinn
svokallaða launaskriðstryggingu.
Gefur hún að meðaltali 1,8%
hækkun á laun afturvirkt frá 1.
janúar 2017. Kemur hækkun-
in víðast hvar til útborgunar 1.
mars næstkomandi. er þetta gert
á grundvelli samkomulags ASÍ við
íslenska ríkið og byggir á ramma-
samkomulags aðila vinnumark-
aðarins. Ætlunin er að tryggja að
launaskrið á almennum vinnu-
markaði nýtist einnig starfsfólki
hins opinbera. frá þessu er greint
í tilkynningum frá ASÍ annars
vegar og SGS hins vegar.
„Þetta er í fyrsta skipti sem
reynir á launaþróunartrygg-
inguna og ég fagna því að leið-
réttingin sé nú í hendi og tryggir
að fólk í okkar félögum fái hluta
launaskriðsins sem er á almenna
vinnumarkaðnum. Það hefur oft í
gegnum árin verið þannig að fólk
innan hins opinbera nýtur ekki
launaskriðs í sama mæli og á al-
menna markaðnum. Því er þetta
fagnaðarefni,“ segir Björn Snæ-
björnsson, formaður Starfsgreina-
sambandsins.
Launaskriðstryggingin er mæld
út frá launaskriði árin 2013 til
2016. Annað uppgjör verður gert
fyrir árin 2017 og 2018 og laun
þá leiðrétt ef tilefni þykir til, að
því er fram kemur í tilkynningu
SGS. „útfærsla tryggingarinnar
er misjöfn eftir landssamböndum
en ákveðið var að SGS myndi feta
sig í átt að nýrri launatöflu líkt
og flest opinber félög innleiddu í
síðustu kjarasamningum. Því eru
allir starfsmenn færðir í 6. þrep
launatöflunnar, sem er efsta þrep-
ið og taflan hækkuð öll um 1%.
Þetta gerir það að verkum að fólk
ber aðeins misjafnt úr býtum eft-
ir aldri og röðun í launatöflu, en
launatöflur eru þá ekki háðar líf-
aldri lengur og því verður auð-
veldara að breyta töflunni til sam-
ræmis við aðra í næstu kjarasamn-
ingum. félagsmenn sem starfa við
ræstingar fá 1,8% hækkun á tíma-
mælda og flatamælda ákvæðis-
vinnu.“ kgk
Ríkisstarfsmenn frá
launaskriðstryggingu
Sturla Böðvarsson, bæjarstjóri í
Stykkishólmi, ætlar ekki að gefa kost
á sér til framboðs í sveitarstjórnar-
kosningunum á vori komanda. Þar
með segir hann skilið við stjórnmál-
in eftir 44 ár á þeim vettvangi, sem
bæjarstjóri, þingmaður, ráðherra og
forseti Alþingis. Sturla varð bæjar-
stjóri í Stykkishólmi árið 1974 og
gegndi því starfi til ársins 1991 þeg-
ar hann tók sæti á þingi fyrir Sjálf-
stæðisflokkinn. Árin 1999 til 2007
var Sturla samgönguráðherra og
forseti Alþingis 2007 til 2009, þeg-
ar hann lét af þingmennsku. fyrir
sveitarstjórnarkosningarnar 2014 gaf
Sturla kost á sér sem bæjarstjóraefni
H-listans í Stykkishólmi úr fjórða
sæti listans. Listinn hlaut meirihluta
í kosningunum og tók Sturla því við
starfi bæjarstjóra á nýjan leik og hef-
ur gegnt því síðan.
Í samtali við Skessuhorn segist
Sturla ekki hafa stefnt að því að vera
bæjarstjóri lengur en sem nemur yf-
irstandandi kjörtímabili. „fyrir það
fyrsta var ég auðvitað hættur í póli-
tíkinni og farinn að sinna öðru áður
en ég fór fram fyrir fjórum árum
síðan,“ segir Sturla. „Ég gaf svo sem
aldrei neinar sérstakar yfirlýsing-
ar en það lá alltaf fyrir að ég myndi
bara vera eitt kjörtímabil. Það ætti
því ekki að koma neinum á óvart að
ég hætti núna,“ segir hann.
Lítur sáttur yfir ferilinn
Aðspurður kveðst hann líta mjög
sáttur yfir feril sinn sem stjórnmála-
maður. „Auðvitað er það alltaf þann-
ig í stjórnmálum að það skiptast á
skin og skúrir. en ég er mjög sátt-
ur við að hafa fengið tækifæri til að
vinna að þeim málum sem ég hef
unnið að og haft til þess umboð með
afgerandi úrslitum í kosningum. Það
var mikil áskorun fyrir ungan mann
að takast á við bæjarstjórastarfið og
hefja þannig feril sinn í stjórnmál-
um. en ég var svo heppinn að fá að
vinna með einstaklega góðum hópi
sem var kjörinn í hreppsnefndina
í Stykkishólmi 1974, á þá bæði við
meirihluta og minnihluta,“ segir
Sturla sem var aðeins 28 ára þegar
hann var ráðinn í starf bæjarstjóra.
„Það voru miklar væntingar og þetta
öfluga fólk sem tók við, mörg á svip-
uðum aldri og ég, tók mjög til hend-
inni. Það þurfti að ljúka lagningu
vatnsveitu sem var risaverkefni fyr-
ir Stykkishólmsbæ. Síðan tóku við
stanslausar framkvæmdir við gatna-
gerð, endurnýjun lagna í bænum og
umbætur á sviði umhverfismála. Ég
var ofan í skurðum að mæla meira
og minna fyrstu árin með störfum
á bæjarskrifstofunni og fundarhöld-
um,“ segir Sturla léttur í bragði. „Því
næst var byggt félagsheimili og hót-
el og síðan tók eitt við af öðru; mikl-
ar hafnarframkvæmdir, fjölbýlis-
húsabygging fyrir verkamannabú-
staði, dvalarheimili og síðan íþrótta-
húsið og skólabyggingin, kaup bæj-
arins á stórum hlut í Skipasmíða-
stöðinni Skipavík ásamt endurbót-
um á dráttarbrautinni sem var í eigu
bæjarins, gerð íþróttavallar og sam-
starf við St.fransickussystur við að
stækka sjúkrahúsið og byggja heilsu-
gæslustöð. Mikill uppgangur var í
Hólminum og af mörgu var að taka
og það fjölgaði íbúunum sem voru
komnir á fjórtánda hundraðið,“ seg-
ir hann. „Þetta var mjög ánægjuleg-
ur tími, ekki síður ánægjulegur en
undanfarin fjögur ár sem hafa ver-
ið ár endurskipulagningar og fram-
kvæmda, þó þau hafi að ýmsu leyti
verið öðruvísi, meiri pólitískur óró-
leiki en áður var. en hvað um það.
Ég met mikils það góða fólk sem ég
hef unnið mest með á vegum bæjar-
ins og bæjarstjórastarfið hefur ver-
ið ánægjulegt og gefandi þrátt fyr-
ir eril.“
Landsmálin annars eðlis
„Á vettvangi þingsins og síðar ráðu-
neytis var starf stjórnmálamannsins
auðvitað allt annars eðlis,“ segir
hann og minnist starfa í fjárlaga-
nefnd Alþingis fyrstu átta árin og
þó einkum ráðherratíðar sinnar í
samgönguráðuneytinu frá 1999 til
2007. „Það var tími sem ég hefði
ekki viljað missa af. Við tókum mjög
til hendinni á sviði ferðamála, fjar-
skiptamála og í uppbyggingu sam-
göngukerfisins á grundvalli nýrrar
löggjafar um samræmda samgön-
guáætlun sem ég fékk samþykkta í
þinginu. Það var feiknarlega mik-
ið verkefni og í kjölfar þess voru
settar af stað aðgerðir í umferðar-
öryggismálum og við uppbyggingu
vegakerfisins. Þær skiluðu sér fljót-
lega í tvöföldun Reykjanesbrautar
og Hellisheiðar að hluta, til dæm-
is,“ segir Sturla. „Svo voru það
auðvitað jarðgöngin. Ég fékk að
sprengja nokkrum sinnum,“ bætir
hann við léttur í bragði. „Á mínum
tíma í ráðuneytinu voru gerð göng
um Almannaskarð, fáskrúðsfjarð-
argöng og svo fékk ég að sprengja
fyrstu spreninguna í Héðinsfjarðar-
göngum. Síðan setti ég af stað inn
í samgönguáætlun göngin til Bol-
ungarvíkur. Lengi hafði legið fyrir
að þau þyrftu að verða að veruleika
en mér þykir ánægjulegt að þau hafi
verið sett á dagskrá á minni tíð og
fjármunir tryggðir til þeirra,“ seg-
ir Sturla. „Sömuleiðis er ég óskap-
lega stoltur af því að hafa staðið að
uppbyggingu vegakerfisins á Snæ-
fellsnesi. Á minni tíð í samöngur-
áðuneytinu var lagður nýr vegur
um Vatnaleið, vegurinn um Bú-
landshöfða endurbættur, settar af
stað framkvæmdir við útnesveg
og fróðárheiði og Kolgrafafjörð-
ur brúaður. Þetta hefur breytt Snæ-
fellsnesi, til dæmis tel ég að fjöl-
brautaskóli Snæfellinga hefði aldrei
orðið að veruleika nema fyrir bættar
samgöngur á milli bæjanna,“ segir
hann. „Þingmannsferlinum lauk ég
síðan sem forseti Alþingis, sem var
sömuleiðis mjög ánægjulegt starf í
alla staði,“ bætir hann við.
Sveitarstjórnarmál
eru grunnurinn
Hann kveðst því ekki getað verið
annað en sáttur að hafa fengið tæki-
færi til að vinna með góðu fólki að
endurbótum og úrbótum í samfé-
laginu. „Þó margt sé ógert á þjóð-
in að vera þakklát sjálfri sér fyr-
ir hversu hratt hefur í raun verið
byggt upp á síðustu fjörutíu árum
eða svo. Þar eru sveitarstjórnar-
málin grunnurinn að öllu saman.
Það er lykilatriði að unnið sé vel í
hverri byggð, byggðirnar verða að
vera sterkar,“ segir hann og horfir
björtum augum til framtíðar. „Mér
sýnist Stykkishólmur í góðri stöðu
fyrir kosningarnar í vor. Vafalaust
finna nýir frambjóðendur verkefni
sem þeir skilja ekkert í að hafi ekki
fyrir löngu verið unnin. en það
er alltaf svoleiðis. Vonandi fáum
við gott fólk í framboð sem er til-
búið að vinna af einurð, sanngirni
og heiðarleika fyrir Stykkishólm,“
segir hann.
en hvað ætlar Sturla að taka
sér fyrir hendur eftir að stjórn-
málaferlinum lýkur? „Ég ætla að
ferðast og sinna hestunum mínum
meira en ég hef gert. Síðan ætla ég
að raða upp skjalasafninu sem er
mikið að vöxtum svo ég eigi auð-
veldara með að skrifa um liðna
tíð. Það verða næg verkefni sem
ég vil vinna með eiginkonu minni,
börnum og barnabörnunum,“ segir
Sturla Böðvarsson að endingu.
kgk/ Ljósm. úr safni.
Sturla segir skilið við stjórnmálin
Sturla Böðvarsson, bæjarstjóri í Stykkishólmi. Við minnisvarðann um leiðina yfir Vatnaleið á Snæfellsnesi. Vegurinn var opnaður
árið 2001, þegar Sturla var samgönguráðherra.