Skessuhorn - 07.03.2018, Blaðsíða 4

MIÐVIKUDAGUR 7. MARS 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Bítlarnir höfðu
forskot
Á hverju ári tökum við Íslendingar þátt í hinu mikla samevrópska ævintýri,
Eurovision. Í ríflega þrjátíu ár höfum við nú reynt að velja lög og flytjend-
ur sem heillað gætu heiminn. Tvisvar höfum við komist nálægt toppnum,
vermt annað sæti í þessari hörðu keppni, en einnig fengið að kynnast botn-
inum. Enn á ný tökum við þátt og enn einu sinni fylgdist ég með úrslita-
kvöldinu á laugardaginn. Um undankeppnirnar sinnti ég ekki, taldi þetta
framlag mitt duga til þátttöku í upplýstri umræðu á kaffistofunni.
Líkt og aðrir landsmenn hafði ég ýmsar skoðanir á viðburðinum eftir
kvöldið. Fannst dagskráin að þessu sinni vera lengri en góðu hófu gegndi.
Nokkuð ljóst þykir mér t.d. að markaðsöflin hafa markað óþarflega djúp
spor í þessa dagskrárgerð. Þar er greinilega markmiðið að teygja lopann
sem mest til að sem flestir geti sent inn SMS-in sín. Ekki nóg með að það
sé kosið í einni lotu, heldur er kosningin endurtekin eftir að úrslit liggja í
rauninni fyrir. Nú sem fyrr kom í ljós að það er ómögulegt að heita nafni
sem byrjar á D. Allir hafa þeir Daði, Dagur og Dór tapað í úrslitum. En
þar sannast að orrusta er aldrei unnin fyrr en úrslitaviðureignin hefur farið
fram.
Nú er ég ekki á nokkurn hátt sérfróður um Eurovision. Ekki frekar en
aðrir. Persónulega fannst mér laglínan í hreinlætislagi Kúst og fæjó best, en
hugsaði engu að síður til þess með hryllingi ef það lag hefði sigrað og hugs-
aði; þyrfti maður ítrekaðan að fá aulahroll þegar minnst yrði á Ísland, líkt
og þegar Pollapönk gerði garðinn frægan hér um árið? Nú, það slapp fyrir
horn og leikkonurnar verða bara heima að gera hreint. Eftir stóðu tvö lög
í flutningi ungra manna, sem báðir eru efnilegir söngvarar. Þeir eru hins
vegar af kynslóð sem á líklega auðveldara með að tjá sig á samfélagsmiðlum
heldur en undir álagi í beinni útsendingu. Í það minnsta gátu þeir hvor-
ugur mælt af geðshræringu í örvæntingarfullum tilraunum spyrlanna til að
taka við þá viðtöl. Líklega væri ráð að sigurvegaranum verði nú hjálpað að
sækja sjálfsstyrkingarnámskeið áður en haldið verður utan til Portúgals. Þá
verður að leiða að því líkum að kjósendum heima í stofu hafi þótt dálítið
sætt hversu innilega ungi maðurinn grét í lok flutnings hans í undanúrslit-
um. Auðvitað virkar að fella tár líkt og fyrir stjórnmálakonuna kvöldið fyrir
kosningar í haust. Reyndar er besta mál yfirleitt að sýna tilfinningar. Það
ber vott um svo margt jákvætt í fari hvers og eins. Tilfinningaverur eru jú
betri en tilfinningalausir.
En persónulega er ég ekki sannfærður um að þetta lag muni fleyta Ís-
landi langt í þessari keppni. Er þó vongóður um að við fáum eitthvað af
stigum frá Írum enda er engu líkara en ungi maðurinn sé launsonur Johnny
Logans sem sjálfur fór í tvígang með sigur af hólmi í þessari keppni og átti
auk þess þriðja sigurlagið. En það dugar held ég ekki til. Melódía lagsins
er einfaldlega ekki nógu grípandi til að hægt verði í tæka tíð að gera þetta
lag sigurstranglegt. Kannski er skýringarinnar að leita í að alltaf fækkar töl-
fræðilegum möguleikum lagahöfunda til að semja góð lög. Til að semja
góðan smell þarf jú að raða saman einum tólf tónum sem saman mynda
ólíka hljóma þannig að úr verður laglína sem engum öðrum hefur dottið í
hug að gera með sama hætti. Þess vegna urðu Bítlarnir svona vinsælir. Þeir
voru meðal þeirra fyrstu til að semja og flytja popplög og áttu því endalausa
smelli. En, Eurovision mun lifa, hálfri öld eftir að Bítlarnir voru upp á sitt
besta. Keppnin hér heima og erlendis ber þess þó merki að sífellt verður
erfiðara að semja sannkallaða smelli sem allir geta raulað eða blístrað með í
bílnum. En áfram munum við fylgjast með keppninni, hafa á henni skoðun
og ræða hvernig gengur.
Magnús Magnússon.
Leiðari
Arnar Laxdal skipstjóri á línubátn-
um Særifi SH frá Rifi segir vertíð-
ina hafa verið góða að undanförnu.
Aflabrögðin hafi verið mjög góð
og suma dagana algjör mokveiði.
„Nú bregður hins vegar svo við að
loðnan er byrjuð að ganga í Breið-
arfjörðinn og því höfum við þurft
að sigla norður fyrir hana til þess
að komast í veiði, en það er talsvert
stím á miðin,“ segir Arnar. Hann
segir að nú þegar loðnan sé á öllu
svæðinu vilji fiskurinn alls ekki bíta
á einhverja frosna beitu þegar hann
hefur val um að komast í ferskt
lostæti eins og loðnan er. Þá dett-
ur allt línufískerí niður. „Þá mun-
um við bara stoppa smá tíma þang-
að til loðnan er búinn að hrygna,
en núna spáir brælu næstu tvo dag-
ana og við tökum einn túr allavega
í viðbót og sjáum svo til með afla-
brögð. Það er alls ekki hvetjandi að
róa eins og staðan er núna auk þess
sem fiskverð hefur lækkað um hátt
í 30% síðustu dagana vegna mik-
ils framboðs á fiskmörkuðum. Við
reynum að fá eins gott verð og við
getum til þess að fá sem mest úr
þeim kvóta sem við höfum,“ segir
Arnar Laxdal.
Í sama streng tók Sæbjörn Vig-
fússon sölustjóri hjá Fiskmark-
aði Íslands sem segir mikið fram-
boð hafi verið á mörkuðum síðustu
daga og fiskverð hafi af þeim sökum
fallið talsvert.
af
Góð línuvertíð en lækkað fiskverð
dregur úr ánægjunni
Arnar Laxdal að störfum.
Nú þegar loðnan er gengin inn
Faxaflóann og í Breiðarfjörð hefur
það mikil áhrif á afla línubáta þar
sem fiskurinn liggur í loðnuáti og
vill ekki sjá hefðbundna beitu. Sjó-
menn í Snæfellsbæ gripu því til þess
ráðs í vikunni að reyna að lokka fisk-
inn aftur á línuna með því að fá sér
ferska loðnu til þess að beita á lín-
una. Emanúel Þór Magnússon skip-
stjóri á línubátnum Álfi SH segir í
samtali við Skessuhorn að þeir hafi
fengið um 500 kíló af ferskri loðnu
sem ætti að duga á 50 bala. „Ég
vona að fiskurinn vilji bíta á þegar
við beitum loðnunni. Ef ekki þá er
bara að nota þessa loðnubeittu bala
á steinbítinn, en aðal steinbítssvæði
okkar verður opnað 15. mars,“ seg-
ir Emanúel.
Jónatan Ragnarsson beitning-
armaður á Álfi segir að það sé
skemmtilegt að beita loðnuna. „Það
er fínt að fá svona smá tilbreytingu
og svo slepp ég við að skera hefð-
bundna beitu, en það er að vísu
aðeins lengur verið að beita með
loðnunni,“ sagði Jónatan.
af
Prófa að beita loðnu fyrir þorskinn
Jónatan Ragnarsson kátur með að fá að beita loðnu.
Síðastliðinn fimmtudag var land-
að fyrsta loðnufarminum á Akra-
nesi á þessari vertíð. Það var Ven-
us NS sem kom með um þús-
und tonn að landi kvöldið áður.
Gunnar Hermannsson, verk-
stjóri á Akranesi, sem stýrt hefur
hrognaskurði og -frystingu fyr-
ir HB Granda mörg undanfarin
ár, segir í samtali við Skessuhorn
að vinnslan gangi prýðilega. „Við
höfum ekki stoppað vinnslu og
frystingu síðan fyrsta loðnan kom
að kvöldi 28. febrúar. Þetta hefur
gengið vel hjá okkur enda meiri-
hluti starfsfólks vanur. Skipin Vík-
ingur og Venus eru bæði búin að
landa í tvígang og von er á Víkingi
inn í kvöld,“ sagði Gunnar í sam-
tali við blaðið í gærdag. Hann seg-
ir aflann vera blandaðan. Dæmi er
um tómar hrygnur en að meðal-
tali er 24-25% hrognafylling og
þroski hrogna um 80%. „Loðnan
virðist heldur seinna í þroska en
á undanförnum vertíðum,“ bæt-
ir hann við. 11.500 tonn voru eft-
ir af loðnukvóta HB Granda þegar
vinnslan á Akranesi hófst í síðustu
viku. Í gær var búið að landa um
helmingi þess eða 5500 tonn og
reiknaði Gunnar með að loðnu-
frysting og -vinnsla muni standa
framyfir næstu helgi.
mm
Loðnufrystingin hálfnuð á Akranesi
Hér er verið að dæla fyrstu loðnunni úr Venusi á Akranesi síðastliðinn fimmtudag.
Víkingur og Venus hafa landað í tvígang á vertíðinni og voru bæði skipin á
miðunum í gær.
Hrognavinnsla í HB Granda á Akranesi. Ljósm. úr safni.