Skessuhorn - 07.03.2018, Blaðsíða 23
MIÐVIKUDAGUR 7. MARS 2018 23
Starfssvið:
Veitir skólanum faglega forystu
Mótar framtíðarstefnu skólans í samræmi við
aðalnámsskrá grunnskóla og skólastefnu
Borgarbyggðar
Ber ábyrgð á mannnauðsmálum, s.s. ráðningum,
vinnutilhögun og starfsþróun
Ber ábyrgð á rekstri og daglegri starfsemi skólans
Tekur þátt í samstarfi við aðra skóla í
sveitarfélaginu og aðra sem koma að málefnum
barna og ungmenna
Menntunar- og hæfniskröfur:
Leyfisbréf á grunnskólastigi
Framhaldsmenntun æskileg á sviði uppeldis- og
menntunarfræða
Reynsla af faglegri forystu í námi og kennslu
Þekking og færni í áætlanagerð og
fjármálastjórnun
Góð hæfni í mannlegum samskiptum og samstarfi
Frumkvæði, sjálfstæði og góð skipulagshæfni
Samkvæmt jafnréttisstefnu Borgarbyggðar eru
konur jafnt sem karlar hvattar til að sækja um
starfið.
Borgarbyggð auglýsir starf skólastjóra
Grunnskóla Borgarfjarðar laust til
umsóknar. Leitað er að metnaðarfullum
einstaklingi sem býr yfir leiðtogafærni,
hefur víðtæka þekkingu á skólastarfi,
framsækna sýn og er tilbúin til að leiða
starfsstöðvar skólans inn í framtíðina
Skólastjóri Grunnskóla Borgarfjarðar
Ráðið verður í stöðuna frá og með 1. júní 2018.
Grunnskóli Borgarfjarðar er starfræktur á þremur
starfsstöðvum, á Hvanneyri, Kleppjárnsreykjum og
Varmalandi. Nemendur eru um 200 talsins í 1.-10. bekk.
Einkunnarorð skólans eru gleði, heilbrigði og árangur. Þau
er höfð að leiðarljósi í öllu starfi skólans. Í skólanum er
unnið eftir hugmyndafræði leiðtogans sem er ætlað að
auka sjálfsöryggi, ábyrgðartilfinningu og frumkvæði með
það fyrir augum að nemendur hafi færni til að takast á við
áskoranir og tækifæri 21. aldarinnar. Skólinn hefur á að
skipa vel menntuðum og hæfum hópi kennara og er
stöðugleiki í starfsmannahaldi. Helsta verkefni skólastjóra
er að viðhalda góðum skólabrag og samstarfi á
starfsstöðvum skólans og hafi ánægju af því að vinna með
nemendum, starfsfólki og foreldrum.
Laun eru samkvæmt kjarasamningi Sambands íslenskra
sveitarfélaga og KÍ vegna Skólastjórafélags Íslands.
Umsókninni skal fylgja ferilsskrá ásamt kynningarbréfi þar
sem fram kemur hvers vegna viðkomandi sækir um starfið.
Umsókn skal skilað á borgarbyggd@borgarbyggd.is
Nánari upplýsingar um starfið veita Anna Magnea
Hreinsdóttir sviðsstjóri fjölskyldusviðs,
annamagnea@borgarbyggd.is og Ingibjörg Inga
Guðmundsdóttir skólastjóri, ingibjorg.inga@gbf.is
Umsóknarfrestur er til 26. mars nk.
BORGARBYGGÐ
[Cite your source here.]
Einu sinni í mánuði koma saman
fáeinar konur í Grundarfirði og
skiptast á skoðunum um bók sem
þær hafa þá nýlokið við að lesa.
Í febrúar 2016 hittust konurnar
fyrst og stofnuðu leshóp sem hef-
ur fengið nafnið Köttur úti í mýri.
Í fyrsta skipti sem leshópurinn
hittist voru þær aðeins fjórar en
hafa nú tvöfaldað fjöldann. „Fyr-
ir nokkrum árum bjó ég á Eyrar-
bakka og var þá boðið að vera með
í leshópi og fannst það alltaf mjög
gaman. Þegar ég flutti svo hingað
í Grundarfjörð hafði ég ekki ver-
ið í leshópi í nokkur ár og sakn-
aði þess,“ segir Lilja Magnúsdótt-
ir, einn af stofnendum leshópsins,
þegar blaðamaður sló á þráðinn til
hennar. „Mig langaði að sjá hvort
það væri áhugi fyrir svona leshópi
hér í Grundarfirði svo ég setti inn
fyrirspurn á íbúasíðu á Facebook
og margir sýndu áhuga. Ég stofn-
aði sérhóp á Facebook fyrir les-
hópinn og boltinn fór að rúlla. Þó
margir hafi sýnt áhuga vorum við
þó bara fjórar til að byrja með,“
segir Lilja en auk hennar stofn-
uðu þær Kristín Alma Sigmars-
dóttir, Lína Hrönn Þorkelsdótt-
ir og Björg Karlsdóttir hópinn.
„Hópurinn hefur aðeins breyst,
einhverjar hafa hætt og aðrar bæst
við, svona eins og gengur og ger-
ist bara.“
Stór partur af upplifun-
inni að ræða bókina
Fyrirkomulagið í leshópnum er að
meðlimirnir skiptast á að velja bók
til að lesa svo hittast þær á Bjargar-
steini þar sem bækurnar eru rædd-
ar. „Fyrst hittumst við alltaf á Kaffi
Emil en þar var mjög notalegt að
vera og hentaði vel því bókasafn-
ið er í sama húsi. Opnunartíminn
hentar okkur þó ekki nógu vel og
erum við farnar að hittast á Bjarg-
arsteini núna og fáum okkur súpu
og léttvínsglas á meðan við rök-
ræðum um bókina sem við lásum
vikurnar áður,“ segir Lilja. „Þetta
geta oft verið ansi heitar umræður
en við erum sjaldnast sammála um
bækurnar. Upplifun okkar við lest-
urinn er oftast mjög ólík og líka
skoðanir á persónunum í bókun-
um. Það er líka það sem gerir þetta
svo skemmtilegt því þegar maður
fer að ræða bækurnar sér maður
oft eitthvað sem maður hefði ann-
ars ekki séð. Fyrir mér er stór part-
ur af því að lesa bók að ræða hana
við aðra og mér finnst ég ekki geta
sagt skilið við bókina fyrr en ég er
búin að því, það er bara mikilvæg-
ur hluti af upplifuninni.
Stefna á að heimsækja
söguslóðir
Ég held að það hafi bara einu sinni
komið fyrir að við séum allar sam-
mála um að bók hafi verið góð,
það var bókin Berlínaraspirnar eft-
ir Anne Ragde en þá var upplifun
okkar á bókinni samt mjög ólík.
Mestu rökræðurnar voru um bók-
ina Þerraðu aldrei tárin án hanska,
eftir Jonas Gardell. Það voru mjög
skiptar skoðanir hjá okkur um þá
bók og við upplifðum hana mjög
ólíkt,“ bætir Lilja við. Aðspurð
hvort það sé ákveðið þema í bóka-
vali segir Lilja svo ekki vera. „Við
erum með tvær reglur; að við les-
um ekki ævisögur eða fræðibæk-
ur. Það hefur þó atvikast þann-
ig að flestar bækurnar eru eftir
kvenkyns rithöfunda, en það var
alveg ómeðvitað og við áttuðum
okkur ekki á því fyrr en nýlega,“
svarar hún. Leshópurinn stefn-
ir á að heimsækja söguslóðir eft-
irminnilegustu bókanna einn dag-
inn. „Þegar við lásum bókina Ljós-
móðirin eftir Eyrúnu Ingadótt-
ur kom upp sú hugmynd að fara á
Eyrarbakka þar sem bókin gerist.
Við vorum líka með stór plön um
að fara til Ítalíu á söguslóði Nap-
olíonsagna eftir Elenu Ferrante
en bækurnar hennar höfðu feng-
ið mjög góða dóma og vorum við
vissar um að þær væru frábærar.
Fyrsta bókin var svo alveg hræði-
leg svo við hættum við Ítalíu ferða-
leg en ætlum enn að fara á Eyrar-
bakka,“ segir Lilja og hlær.
Við þurfum að vera
betri fyrirmyndir
Auk þess að vera mikill lestar-
hestur starfar Lilja á bókasafn-
inu í Grundarfirði þar sem hún
meðal annars tekur á móti grunn-
skólabörnum í bókasafnstímum.
„Mér þykir mjög gaman að sjá í
minni vinnu hvað börn eru mikið
duglegri við að lesa heldur en ég
hélt. Maður heyrir svo mikið um
áhyggjur fólks af því að börn lesi
ekki nóg en mín reynsla er að þau
lesi talsvert. Þau lesa kannski ekki
það sem við viljum að þau séu að
lesa en ég held að það sé ekki nýtt.
Auðvitað lesa þau helst það sem
tengist þeirra áhugasviði eða þau
hafa gaman að. Á meðan þau lesa
held ég að það sé óþarfi að hafa
áhyggjur. En það er ekki furða að
fólk hafi þessar áhyggjur, tölvurn-
ar og símarnir eru miklir tímaþjóf-
ar. Ég held samt að það séu mun
frekar fullorðnir sem eru hætt-
ir að lesa og festast í þessum tækj-
um. Við verðum að átta okkur á að
við erum fyrirmyndir. Við getum
ekki setið í tölvunni allan daginn
og ætlast til að börnin okkar setjist
svo niður með bók. Mín tilfinning
er þó sú að fólk sé að vakna upp frá
tölvunum og áhugi fyrir bóklestri
sé að aukast,“ segir Lilja og bæt-
ir því við að hún hvetji alla til að
prófa að taka þátt í svona leshópi.
„Ég held að allir gætu haft gott af
því að taka þátt í svona hópi. Það
vex kannski í augum fólks að lesa
Hittast einu sinni í mánuði til að ræða um bækur
Rætt við Lilju Magnúsdóttur einn af stofnendum leshópsins Köttur úti í mýri í Grundarfirði
heila bók í hverjum mánuði en
það er ekki skilyrði hjá okkur að
allir hafi alltaf lesið allar bækurn-
ar. Svo lengi sem fólk les eitthvað
og reynir að halda í við hópinn eru
allir velkomnir. Ég er líka viss um
að áhugi gæti kviknað hjá mörgum
eftir að hafa séð hversu gaman það
er að hitta aðra og ræða bækurnar,
við erum svo skemmtilegur hóp-
ur,“ segir Lilja og hlær.
arg
Leshópurinn Köttur úti í mýri í Grundarfirði hittist mánaðarlega á Bjargarsteini og ræðir um nýlesnar bækur. Á myndinni eru f.v. Lína Hrönn Þorkelsdóttir, Elsa Björns-
dóttir, Herdís Björnsdóttir, Lilja Magnúsdóttir, Kristín Alma Sigmarsdóttir og María Ósk Ólafsdóttir. Á myndina vantar Helgu Hafsteinsdóttur og Guðbjörgu Jenný
Ríkharðsdóttur.