Skessuhorn - 14.03.2018, Blaðsíða 4

MIÐVIKUDAGUR 14. MARS 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Kosningar og próf
Af fréttum liðinnar viku er í mínum huga tvennt sem stendur uppúr;
kosningar og próf. Í fyrsta lagi niðurstaðan í kosningu til stjórnar í stétt-
arfélaginu Eflingu. Þetta næststærsta verkalýðsfélag landsins valdi til for-
ustu fólk sem engu líkara er en komi af annarri og framandi ættkvísl tví-
fætlinga í samanburði við þá sem áður réðu ríkjum. Áherslur þessa nýja
fólks eru svo algjörlega á skjön við það sem tíðkast hefur. Hægt og být-
andi er ný kynslóð verkalýðsleiðtoga að komast til valda. Gildi sem kennd
hafa verið við norrænt velferðarmódel, samráð við stjórnvöld og forsvars-
menn atvinnulífsins um samningagerð, eiga ekki lengur upp á pallborðið.
Ástæðan er sú að launamunur í landinu er nú talinn óforsvaranlegur. Jafn-
vel þótt lægstu laun hafi hækkað mikið á liðnum árum, hafa laun í efri lög-
um samfélagsins hækkað enn meira og láglaunafólk því setið eftir. Síbylja
frétta um ofurlaun, bónusa og ákvarðanir Kjararáðs segja sitt. Þá hef-
ur það mikið að segja að jafnvel þótt kaupmáttar hafi hækkað umtalsvert
hefur sú hækkun ekki haldið í við hækkun húsnæðiskostnaðar. Nú er því
erfitt fyrir lágtekjufólk að leigja húsnæði og útilokað að kaupa það. Í þeim
kjaraviðræðum sem framundan eru má því búast við að áherslur verka-
lýðsforustunnar verði með nýju sniði. Nú mun verða herjað á stjórnvöld
um lækkun vaxta, krónutöluhækkanir umfram prósentuhækkanir og að
almennt verði dregið úr launamun.
Hitt atriðið sem stendur uppúr fréttum vikunnar snýr að hinu ótrúlega
klúðri sem skrifa verður á Menntamálastofnun og tengist því að samræmd
próf sem lögð voru fyrir nemendur 9. bekkja í grunnskólum landsins í síð-
ustu viku mistókust. Samúð mín er öll hjá fjórtán ára nemendum, kenn-
urum þeirra og foreldrum, sem lagt hafa á sig undirbúning í allan vetur og
vinnu sem miðast við að þreyta þessi próf. En niðurstaðan er sú að prófin
eru með öllu ómarktæk og munu enga mynd gefa af samanburði árangurs
einstaklinga gagnvart jafnöldrum þeirra.
Nú hlýtur að vera komið að því að menn fari að ræða hvort samræmd
próf ættu ekki að heyra sögunni til. Mín skoðun er sú að próf af þessu tagi
mæli ekki raunverulega getu einstaklingsins. Það gerir hins vegar vitnis-
burður um vinnusemi og áhuga hverju sinni, hvort sem er í skóla eða öðru
starfi. Það er nefnilega svo margt sem ekki er hægt að mæla með því að
leggja fyrir próf. Verum þess minnug að jafnvel bestu námsmenn þurfa
alls ekki að vera þeir sem skara úr í vinnu og almennt þegar út í lífið er
komið. Þessi samræmda hugsun að allir verði að læra eins og páfagaukar
utan að er því í mínum huga gamaldags og úrelt hugsun. Til dæmis get
ég ekki séð að samræmd próf sem þessi stuðli að þróun í skólastarfi held-
ur ýta þau þvert á móti undir óeðlilega togstreytu milli skóla og draga úr
samvinnu og skapandi hugsun. Þá veldur röðun skóla á einhvern miðlæg-
an ás því að sjálfkrafa er helmingur allra skóla og nemenda þeirra undir
landsmeðaltali og taldir í hópi skussa. Jafnvel eru það einmitt þeir skólar
sem senda frá sér framúrskarandi námsfólk á öðrum sviðum, mögulega
þeir sem skara framúr í iðnnámi eða verkgreinum.
Af viðbrögðum Lilju Alfreðsdóttur við þessum skelfilegu mistökum
Menntamálastofnunar má ráða að ráðherra er ekki skemmt. Vonandi mun
hún í framhaldinu stuðla að varanlegri breytingu til batnaðar í skólakerf-
inu og að aðferðum til árangursmælinga verði breytt. Ég ætla því að vona
að íslenskuprófið á miðvikudaginn marki andlát samræmdra prófa hér á
landi og kannski viðeigandi að úför þess hafi farið fram með öðru mis-
heppnuðu enskuprófi tveimur dögum síðar.
Magnús Magnússon.
Leiðari
Nemendur á miðstigi í Grunn-
skóla Borgarfjarðar tóku þátt í lest-
aráskoruninni 100 bækur fyrir síð-
ustu jól. Áskorunin er lestaráskor-
un þar sem nemendur eiga að lesa
100 bækur innan ákveðins tíma.
Þrír nemendur af miðstigi Grunn-
skóla Borgarjarðar náðu markmið-
inu og voru tveir nemendur dregn-
ir út með bestan árangur á lands-
vísu og fékk þriðji nemandinn við-
urkenningarskjal. Ernir Ívarsson í
6. bekk vann keppnina fyrir að lesa
vel og mikið. Hugo Hidalgo Cu-
bas í 5. bekk fékk viðurkenningu
fyrir að lesa flestar bækur á lands-
vísu og Aníta Björk Ontiveros í 6.
bekk fékk viðurkenningarskjal fyrir
að lesa 100 bækur. Í tilefni þessa var
mikil hátíð á miðstig skólans síð-
astliðinn mánudag þar sem viður-
kenningarnar voru veittar og boðið
upp á bragðgóða marsípantertu.
arg
Hundrað bóka áskorun í
Grunnskóla Borgarfjarðar
Ernir Ívarsson og Hugo Hidalgo Cubas með verðlaun sem þeir fengu fyrir árgangur
sinn í 100 bóka áskorun sem nemendur á miðstigi Grunnskóla Borgarfjarðar tóku
þátt í. Ljósm. frá Grunnskóla Borgarfjarðar.
Í liðinni viku var lokið við endur-
gerð hafnarvogarinnar við Rifs-
höfn á Snæfellsnesi. Undirbúnings-
og jarðvegsvinna fór fram á síðasta
ári, eins og fram kom í frétt Skessu-
horns. Nýja vigtin sem nú er kom-
in á sinn stað er 21 meter á lengd
og 3,35 metrar á breidd. Hún vigt-
ar 100 tonn. Ekki er þó búið að
taka nýju vogina í gagnið því áður
en það verður gert þarf að lög-
gilda hana. Mun það verða gert á
allra næstu dögum og vigtun í Rifs-
höfn færist þá í eðlilegt horf. Þess-
ar framkvæmdir hafa haft talsverð
áhrif á störf hafnarvarða því þeir
hafa undanfarið þurft að vigta allan
afla sem í land kemur hjá Fiskmark-
aði Íslands í Rifi. þa
Einungis eftir að löggilda
nýja hafnarvog í Rifi
Í gær var lokið við löndun á síð-
asta loðnufarmi þessarar vertíðar á
Akranesi. Uppsjávarveiðiskip HB
Granda; Víkingur AK og Venus NS
eru nú bæði haldin á kolmunna-
veiðar vestur af Írlandi, Víking-
ur fór á mánudag og Venus í gær-
morgun. Þar hefur undanfarna daga
verið góð kolmunnaveiði. Í gær var
verið að vinna úr tvö þúsund tonna
loðnuafla Venusar á Akranesi en
með vinnslu á honum lauk hrogna-
töku, frystingu og bræðslu loðnu að
þessu sinni. Heildar loðnukvóti HB
Granda á þessari vertíð var 33.800
tonn sem að stærstum hluta voru
veidd til bræðslu á Vopnafirði. Um
ellefu þúsund tonn voru þó eft-
ir þegar kom að hrognatöku og var
unnið úr öllum þeim afla á Akranesi
á hálfum mánuði. mm
Loðnuvertíðinni lokið á Akranesi
Á fimmtudaginn í síðustu viku var
kafari að störfum í Ólafsvíkurhöfn
frá Köfunarþjónustu Sigurðar.
Verkefnið var að finna dekk sem
vitað er að slitnað hafa frá við-
legukantinum í gegnum tíðina og
fallið í höfnina. Fundust tíu dekk
þar af þrjú stór Payloaderdekk.
Þurfti kranabíl af stærri gerðinni
til að hífa þau á land.
þa
Hífðu dekk upp úr höfninni