Skessuhorn - 14.03.2018, Blaðsíða 18
MIÐVIKUDAGUR 14. MARS 201818
Skóflustunga að nýju frístundahúsi
Golfklúbbsins Leynis og Akranes-
kaupstaðar var tekin í janúar og á
fimmtudagsmorgun í liðinni viku
voru fyrstu einingarnar hífðar á sinn
stað. Þegar einingunum í kjallarann
hefur verið komið á sinn stað hefst
vinna við undirbúning og steypu á
botnplötu. Ef allt gengur að ósk-
um og veður hamlar ekki verður
það gert eftir rúma viku. Næst verð-
ur þaki kjallarans og þar með gólfi
jarðhæðarinnar komið fyrir og því
næst verða veggirnir reistir koll af
kolli. „Framkvæmdirnar ganga vel.
Veðrið í febrúar tafði okkur að-
eins en góður gangur hefur verið
síðan hægt var að byrja aftur. Þrátt
fyrir smávægilegar tafir er verk-
ið á áætlun, bæði í tíma og kostn-
aði,“ segir Guðmundur Sigvalda-
son, framkvæmdastjóri Golfklúbbs-
ins Leynis, í samtali við Skessuhorn.
„Golfklúbburinn Leynir hefur um-
sjón með verkinu og heldur utan
um framkvæmdir. BM Vallá er aðal-
verktaki við reisingu hússins en alls
koma átta verktakar að framkvæmd-
unum. Allir koma þeir af Akranesi
eða hafa tengingu við bæinn,“ bæt-
ir hann við. „Við gerum ráð fyrir því
að húsið verði risið í byrjun maí. Þá
verður hafist handa við uppsetningu
á þakvirki og við að loka húsinu. Í
lok maímánaðar verður svo farið í
innri frágang hússins.“
Hvergi slegið
af kröfunum
Aðspurður segir Guðmundur stefnt
að því að taka fyrsta áfanga hússins í
notkun í lok sumars. „Síðan verður
húsið fullklárað í apríl 2019 og tek-
ið í notkun strax að því loknu,“ seg-
ir hann og bætir því við að nú þeg-
ar séu farnar að berast fyrirspurnir
um leigu á salnum vorið 2019. „Fólk
hefur verið að forvitnast hvort hægt
verði að leigja húsið undir ferming-
arveislur í apríl á næsta ári,“ segir
hann og brosir. „En keppikefli okk-
ar er að allt verði tilbúið á vormán-
uðum 2019,“ bætir hann við. „Ég
held að þetta verði mikil lyftistöng,
ekki bara fyrir golfklúbbinn, heldur
Akranes í heild sinni. Þessi aðstaða
mun koma ansi mörgum hópum að
góðum notum við hvers konar starf-
semi,“ segir Guðmundur.
Nýja húsið rís á sama stað og
Golfskáli Leynis stóð áður. Á með-
an framkvæmdir standa yfir verður
komið upp bráðabirgðaaðstöðu fyr-
ir félagsmenn og kylfinga. Verður
það leyst með gámahúsum þar sem
verður veitingasalur fyrir 60 til 80
manns, salerni og öll önnur þjón-
usta. „Það er mikill metnaður meðal
stjórnenda klúbbsins að slaka hvergi
á þrátt fyrir að framkvæmdir við nýtt
hús standi yfir,“ segir Guðmundur.
Á fimmtudaginn var einmitt verið
að undirbúa svæði þar sem bráða-
birgðaaðstaðan mun rísa. Þegar
jarðvinnu og undirbúningi er lokið
verður gámunum komið fyrir og allt
gert klárt fyrir sumarið. „Við ætlum
að opna völlinn í byrjun maí ef veð-
ur leyfir og aðstaðan verður opin frá
fyrsta degi. Völlurinn sjálfur kemur
vel undan vetri, engar skemmdir að
sjá á honum, ekkert kal og flatirn-
ar allar í mjög góðu standi,“ segir
Guðmundur.
Fjársjóður í
félagsmönnum
Þegar grunnurinn að nýju frístunda-
húsi var tekinn var hluta efnisins
ekið út á völl. Efnið var nýtt til að að
stækka teiga og í aðrar lagfæringar
á vellinum. Í apríl verður farið í að
tyrfa nýja teiga samhliða öðrum vor-
verkum. „Þessi hefðbundnu vorverk
klúbbsins hefjast fljótlega í apríl. Ár-
lega leitum við til félagsmanna og
þar eigum við mikinn fjársjóð. Part
úr degi á hverju vori skipta félags-
menn sér í hópa og taka til hendinni
á vellinum og koma honum í stand
fyrir sumarið. Alltaf er vel mætt og
klúbburinn er heppinn og þakklát-
ur að eiga svo öflugan hóp félags-
manna,“ segir Guðmundur.
Félagsmenn í Leyni voru um 490
talsins síðastliðið haust og hefur
fjölgað jafnt og þétt undanfarin 15
ár. Opnað hefur verið fyrir skrán-
ingar í klúbbinn fyrir árið 2018 og
fara þær vel af stað að sögn Guð-
mundar. „Barna- og unglingastarfið
gengur vel undir stjórn Birgis Leifs
Hafþórssonar. Hann er einmitt að
fara með hóp í æfingaferð til Portú-
gals núna í byrjun apríl. Það er mikil
tilhlökkun fyrir ferðinni hjá krökk-
unum,“ segir hann en um 30 félags-
menn að iðkendum meðtöldum fara
utan. „Það er því mikið um að vera
á öllum vígstöðvum hjá klúbbnum,
starfið afar blómlegt og mikil til-
hlökkun fyrir komandi tíð,“ segir
Guðmundur Sigvaldason að end-
ingu.
kgk
Á fimmtíu ára afmæli Rarik árið
1997 efndi fyrirtækið til átaks
sem nefndis „Tré fyrir staur“.
Fyrir hvern rafmagnsstaur í
dreifikerfi Rarik skuldbatt fyrir-
tækið sig til að planta trjám. Um
50.000 græðlingum skyldi plant-
að árið 1997 en eitthvað minna
næstu ár. Hamarsvöllur í Borg-
arnesi varð fljótlega eitt af svæð-
unum sem nutu góðs af þessu
átaki Rarik. Í upphafi myndað-
ist góð stemning milli félaga í
Golfklúbbi Borgarness og starfs-
manna Rarik sem mættu á Ham-
arsvöll, plöntuðu trjám, léku
golf og snæddu grillmat. Mynd-
aðist árleg hefð þar sem starfs-
menn Rarik mættu árvisst glað-
ir og kátir með plönturnar sín-
ar og gróðusettu ásamt félögum
í Golfklúbbi Borgarness. Hélst
þessi hefð fram á síðasta áratug
en þá fjaraði hún út.
„Rarik hefur þó haldið áfram
að styrkja skógrækt á Hamars-
velli þótt okkar vallarstarfsmenn
planti núna trjánum,“ segir í til-
kynningu frá GB. „Og starfs-
menn Rarik mæta enn á Ham-
arsvöll og leika golf í umhverfi
sem þeirra framtak hjálpaði til
að skapa. Hefur Rarik því styrkt
myndarlega skógræktarstarf GB
í tvo áratugi. Er þeirra framlag
ómetanlegt þegar við lítum yfir
Hamarsvöll í dag. Af mörgum
talinn einn fallegasti golfvöllur
landsins að miklu leyti vegna
fljölbreytts gróðurfars. Golf-
klúbbur Borgarness vill koma
á framfæri miklu þakklæti til
forstöðumanna og starfsmanna
Rarik í gegnum árin,“ segir í
tilkynningu frá klúbbnum.
mm
Vaskir skógræktendur á Hamri. Ljósm. úr safni GB frá 2004.
Rarik styrkir skógrækt
Golfklúbbs Borgarness
Mikið líf við Garðavöll á Akranesi
Framkvæmdir ganga vel og eftirvænting fyrir sumrinu
Fyrstu einingarnar að nýju frístundahúsi við Garðavöll voru hífðar á sinn stað að
morgni síðasta fimmtudags.
Guðmundur Sigvaldason, framkvæmdastjóri Golfklúbbsins Leynis, með
framkvæmdasvæðið í baksýn.
Þegar grunnurinn að nýju frístundahúsi var tekinn var hluta efnisins ekið út á völl.
Þar var það nýtt til að stækka teiga og í aðrar lagfæringar. Nýju teigarnir verða
tyrfðir í apríl samhliða öðrum vorverkum.
Þegar byrjað er að hífa forsteyptar einingar á sinn stað gerast hlutirnir hratt.
Þannig var umhorfs á framkvæmdasvæðinu í gær, á þriðjudagsmorgni.
Stoðir festar við einingarnar.
Síðastliðinn fimmtudag var verið að undirbúa svæðið þar sem bráðabirgðaað-
staða mun rísa. Þar verður veitingasalur fyrir 60 til 80 manns, salerni og öll önnur
þjónusta fyrir félagsmenn og kylfinga á framkvæmdatímanum.