Skessuhorn - 14.03.2018, Blaðsíða 19
MIÐVIKUDAGUR 14. MARS 2018 19
ATVINNA
Óska eftir að ráða atvinnubílstjóra
til starfa, skilyrði að vera með
meirapróf og vinnuvélaréttindi.
Áhugasamir hafi samband í
síma 893-5536 (Gísli Jóns.)
Aðalfundur
Kjalar Stéttarfélags starfsmanna í almannaþjónustu
verður haldinn þann 20. mars 2018 kl. 16:30 í
Skipagötu 14, 4. hæð Akureyri.
Dagskrá:
1. Venjuleg aðalfundarstörf samkvæmt lögum félagsins.
2. Kosning fulltrúa á þing BSRB.
3. Önnur mál.
Veitingar og happdrætti.
Akureyri 5. mars 2018.
Stjórn Kjalar stéttarfélags starfsmanna í almannaþjónustu.
Pappírslaus fundur en öll gögn hans er að finna á heimasíðu Kjalar
www.kjolur.is.
SK
ES
SU
H
O
R
N
2
01
6
www.kjolur.is
Aðalfundur
Kjölur stéttarfélag | Skipagötu 14 - 3.hæð | 602 Akureyri | Sími 525 8383 | kjolur@kjolur.is
Dagskrá:
1. Venjuleg aðalfundarstörf samkvæmt lögum félagsins
2. Kosning fulltrúa á þing BSRB
3. Önnur mál
Veitingar og happdrætti.
Akureyri 5. mars 2018
Stjórn Kjalar stéttarfélags starfsmanna í almannaþjónustu
Pappírslaus fundur en öll gögn hans er að finna á heimasíðu Kjalar
www.kjolur.is
Kjalar Stéttarfélags starfsmanna í almannaþjónustu
verður haldinn þann 20. mars 2018 kl. 16:30
í Skipagötu 14, 4. hæð Akureyri.
Katarína Stefánsdóttir er fyrsti
nemandinn sem lærir húsgagna-
smíði við Fjölbrautaskóla Vestur-
lands á Akranesi í fjölmörg ár, en
hún mun útskrifast núna á vordög-
um. Katarína hefur búið á Akra-
nesi undanfarin ellefu ár en rætur
hennar liggja þar. Foreldrar henn-
ar eru þau Magnea Guðlaugsdóttir
og Stefán Þór Þórðarson. Aðspurð
hvort hún skilgreini sig sem Skaga-
konu segir Katarína ekki auðvelt að
svara því enda mikill heimsborgari
sem hefur búið víða. Hún fæddist á
Íslandi en hefur búið í Þýskalandi,
Englandi, Svíþjóð og Liechten-
stein. „Foreldrar mínir eru bæði af
Skaganum og ég hef búið hér lengst
og er eflaust mest Skagakona en ég
er mjög sænsk í hjartanu. Ég sakna
Svíþjóðar mikið; náttúrunnar, veð-
urfarsins, tungumálsins og fólks-
ins. Ég hef þó verið dugleg að fara
til Svíþjóðar og haldið tungumál-
inu vel við,“ svarar hún brosandi
þegar blaðamaður hitti hana í smá
pásu sem hún hafði á milli kennslu-
stunda í síðustu viku, en hún hefur í
nógu að snúast þessa dagana.
Auk þess að vera í fullu námi
við FVA starfar Katarína hjá ÞÞÞ
á Akranesi og á Lesbókinni, lærir
naglaásetningu og tekur þátt í sýn-
ingunni Með allt á hreinu sem leik-
listaklúbbur Nemendafélags Fjöl-
brautaskóla Vesturlands sýnir um
þessar mundir í Bíóhöllinni. Kat-
arína sá um að hanna og taka þátt
í smíði leikmyndar. „Það er kannski
aðeins meira að gera núna heldur en
venjulega vegna leiksýningarinnar.
Ég var að smíða leikmyndina ásamt
öðru góðu fólki og það er búið að
vera smá stress. Núna þegar sýn-
ingar eru komnar af stað róast að-
eins hjá mér. Mig langaði samt að
taka aðeins meiri þátt í sýningunum
sjálfum og tók því að mér að sjá um
förðun,“ segir Katarína.
Alltaf verið að
búa eitthvað til
Húsgagnasmíðin varð fyrir val-
inu hjá Katarínu því hún stefnir á
að læra innanhússarkitektúr. Smíð-
in er líka í blóðinu og segist Kat-
arína alltaf hafa haft áhuga á að búa
til hluti. „Ég held að það verði auð-
veldara fyrir mig að komast í inn-
anhússarkitektúr með þennan bak-
grunn heldur en bara stúdentspróf
af félagsfræðibraut eða náttúru-
fræðibraut. Það hefur líka alltaf leg-
ið vel fyrir mér að búa til hluti og
mér þykir þetta skemmtilegt nám.
Ég hef alltaf verið að skapa eitt-
hvað og ég held það séu ekki marg-
ir í nánustu fjölskyldu sem eiga
ekki eitthvað föndur frá mér,“ segir
hún og hlær. „Ég hef líka alltaf haft
gaman að því að gera fallegt heima
hjá mér og að breyta til. Ég er alltaf
að breyta herberginu mínu og læt
það ekki stoppa mig þó húsgögnin
séu nærri ófæranleg. Fataskápurinn
minn er svo stór og þungur að for-
eldrar mínir hafa átt í erfiðleikum
með að færa hann með mér. Ég er
svo þrjósk að ég hef ekki látið það
stoppa mig, ef ég vil breyta til og
færa skápinn þá geri ég það,“ bætir
hún við og hlær.
Katarína er mjög efnilegur smið-
ur og hefur búið til marga fallega
muni og má sjá að vinnubrögðin
eru mjög nákvæm. „Ég á það til að
gleyma mér í smáatriðunum þegar
ég er að smíða en ég bara get ekki
vitað af því ef eitthvað er ekki alveg
hornrétt eða beint. Móðurafi minn
var smiður og tveir móðurbræð-
ur mínir eru smiðir. Þetta liggur
vel fyrir mér og mér þykir þetta
skemmtilegt,“ segir hún og bæt-
ir því við að hún sjái þó ekki fyr-
ir sér að vinna við húsgagnasmíði.
„Því miður held ég að þetta sé deyj-
andi grein. Það er í það minnsta
ekki mjög öruggt starf að vera hús-
gagnasmiður, það gætu dottið inn
góð verkefni í nokkra mánuði og
svo kannski ekkert í lengri tíma. Ég
er ansi hrædd um að ég komist ekki
á samning í lok námsins, enda þarf
ég þess kannski ekki því ég ætla að
fara í háskóla,“ segir Katarína.
Bauð mömmu sinni
í verslunarferð
Aðspurð hvaða háskóla hún hefur
augastað á segir Katarína nokkra
koma til greina en Glasgow sé lík-
legasti áfangastaðurinn. „Þegar ég
var fjórtán ára langaði mig mjög
að fara til Glasgow í verslunarferð
en foreldrar mínir voru ekkert á
leiðinni út. Ég tók málin þá í mín-
ar hendur og fékk mér vinnu um
sumarið og safnaði fyrir ferð sjálf
og bauð mömmu út,“ segir hún og
hlær. „Við mæðgur fórum saman
ásamt ömmu, móðursystur minni
og dóttur móðursystur minnar um
haustið og skoðuðum þá í leiðinni
háskóla í Glasgow og ég féll alveg
fyrir honum. Síðan þá hef ég haft
augastað á þeim skóla og mun án
efa sækja um. En ég hef fleiri skóla í
huga sem ég mun sækja um líka og
svo kemur bara í ljós hvert ég fer
þegar á hólminn er komið,“ segir
Katarína. Aðspurð hvað taki við eft-
ir útskrift segist hún ætla að vinna í
sumar. „Ég hef í raun ekki hugsað
neitt lengra en sumarið. Ég vann í
golfskálanum síðustu tvö sumur og
líkaði vel. Ég varð líklega á Lesbók-
inni núna í sumar og svo ræðst það
með haustinu hvað tekur við, það
er allt opið.“
arg
Fyrsti húsgagnasmiðurinn í langan
tíma til að útskrifast frá FVA
Katarína stefnir á háskólanám í innanhússarkitektúr
Katarína Stefánsdóttir er fyrst til læra húsgagnasmíði við Fjölbrautaskóla Vestur-
lands á Akranesi í fjölmörg ár.
Taflborð sem Katarína smíðaði. Hægt er að snúa borðplötunni við og þá er þetta
venjulegt sófaborð.
Þessi þrep smíðaði Katarína í skól-
anum.
Skenkur sem Katarína hannaði sjálf. Hægt er að færa hill-
urnar og breiddin á hólfunum er akkúrat þannig að Ikea
kassarnir sem margir þekkja smellpassa í skenkinn.
Þennan koll með boginni setu smíðaði Katarína í skólanum.