Skessuhorn - 14.03.2018, Blaðsíða 28

MIÐVIKUDAGUR 14. MARS 201828
Vörur og þjónusta
Hönnun prentgripa
& alhliða prentþjónusta
Drei bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
H P Pípulagnir ehf.
Alhliða pípulagnaþjónusta
Hilmar 820-3722
Páll 699-4067
hppipulagnir@gmail.com
SK
ES
SU
H
O
R
N
2
01
7
Sprautu- og bifreiðaverkstæði
Sólbakka 5, Borgarnesi • 437-1580 • sbb@simnet.is
Tjónaskoðun – Bílamálun – Réttingar – Bílrúðuskipti
Þjónustum öll tryggingafélög
Borgarness
Skagabraut 6, Akranesi - sími: 431-5110/666-5110
www.smaprent.is - smaprent@smaprent.is
Hönnum, prentum og merkjum
fyrir einstaklinga, hópa, félög, samtök og fyrirtæki
Smáprent
Fyrir alla vigtun
Húsarafmagn
Töflusmíði
Iðnaðarrafmagn
Bátarafmagn
Bílarafmagn
RAFMAGN
vogir@vogir.is Sími 433-2202
VOGIR
Bílavogir
Kranavogir
Skeifuvogir
Pallvogir
Aflestrarhausar
Á dögunum auglýsti Akranes-
kaupstaður tillögu að breyttu
deiliskipulagi í Flóahverfi. Breyt-
ingarnar snúast um að leyfa á at-
vinnulóðum, uppsetningu á vinnu-
búðum (gámabyggð) fyrir erlenda
verkamenn til allt að sjö ára. For-
saga málsins mun vera umsókn
stórverktaka af höfuðborgarsvæð-
inu um lóðir í Flóahverfi undir
slíka starfsemi. Á kynningarfundi
um deiliskipulagið sem haldinn
var á bæjarskrifstofunni kom fram
að þessi umræddi verktaki hygð-
ist reisa húsnæði fyrir allt að 90
manns á tveimur lóðum. Jafn-
framt kom fram að í deiliskipulag-
inu er gert ráð fyrir þremur lóð-
um til viðbótar undir samskonar
starfsemi.
Undirritaður hefur ýmislegt við
þessar áætlanir að athuga. Margt
má nefna í þessu sambandi en í
stuttu máli sagt virðist málið illa
undirbúið og engin vinna farið
fram til að kanna lögmæti þeirrar
starfsemi sem fyirirhuguð er, áhrif
þess á ýmsa innviði bæjarfélags-
ins, eða ímynd hans út á við. Eng-
in ákvæði eru í skipulaginu um
fjölda íbúa, aðbúnað eða þá þjón-
ustu sem veita skal í þessu hverfi.
Nú er það svo að umræða um
gámabyggð er ekki ný af nálinni
hvorki hér á Íslandi né í ýmsum
nágrannalöndum. Í Reykjavík
hefur þessi umræða sprottið upp
reglulega, bæði um gámabyggð
fyrir farandverkamenn, en einnig
til almennrar útleigu. Borgaryfir-
völd hafa til þessa ekki ljáð máls
á slíku.
Á áðurnefndum kynningarfundi
kom fram að tvær ástæður helstar
væru fyrir því að farið var í þetta
verkefni af hálfu bæjaryfirvalda. Í
fyrsta lagi væru þá meiri líkur á að
Akraneskaupstaður fengið ásætt-
anleg tilboð í verk á vegum bæjar-
félagsins, því stór verktaki væri þá
með starfsmenn á svæðinu. Í öðru
lagi myndi þetta hugsanlega skapa
tekjur fyrir bæjarfélgið, í formi
útsvars af þeim starfsmönnum
sem kæmu til með að búa í gáma-
byggðinni.
Ég efast ekki um að þeim sem
að þessum fyrirætlunum standa
hafi gengið gott eitt til, og séð
hugsanlegar tekjur koma í bæjar-
sjóð í stað þeirra tekna sem glöt-
uðust þegar HB Grandi ákvað að
flytja megnið af sinni starfsemi
burt úr bænum.
Mín skoðun er þó sú að gáma-
byggð í Flóahverfi sem hugsan-
lega skilar engum störfum á Akra-
nes sé ekki leiðin til að styrkja
tekjugrunn bæjarsjóðs. Til þess
eru allt of margir óvissuþættir
sem þarf að skoða mun betur. Ég
mun því skila inn athugasemdum
við deiliskipulagið og vona að það
geri sem flestir sem ekki eru sáttir
við þessi áform.
Það er engum blöðum um það
að fletta að flutningur HB Granda
á stærstum hluta sinnar starfsemi í
burtu er gríðarlegt áfall fyrir bæj-
arfélagið, og hugsanlega hefðu
bæjaryfirvöld getað haldið betur á
málum gagnvart þessu öfluga fyr-
irtæki.
Það er nefnilega auðvitað svo,
að öflugt samfélag verður ekki
byggt upp nema að atvinnustarf-
semi standi styrkum fótum. Eitt
helsta verkefni bæjaryfirvalda
hverju sinni er ekki síst að hlúa að
og standa með þeirri atvinnustarf-
semi sem fyrir er í bæjarfélaginu,
og nú er enn mikilvægara en áður
að bæjarbúar allir styðji við áform
sem stuðla að því.
Á Akranesi eru fjölmörg fyrir-
tæki stór og smá að gera góða
hluti og við þurfum á öllum þess-
um störfum að halda, og bæjar-
félagið má alls ekki við því að
missa héðan fleiri fyrirtæki.
Það er hlutverk bæjaryfirvalda
að sjá til þess að þessi fyrirtæki
getið haldið áfram að vaxa og
dafna hér á Akranesi með því að
skapa þeim þá umgjörð sem þau
þurfa á að halda. Einungis þannig
náum við að efla okkar góða sam-
félag.
Eiríkur Þór Eiríksson.
Höf. er íbúi á Akranesi.
Gámabyggð í
Flóahverfi
Pennagrein
Málþing verður haldið í Snorra-
stofu í Reykholti laugardaginn 24.
mars næstkomandi klukkan 13.
Efnt er til málþings um nýjar þýð-
ingar eddukvæða í tilefni af þýðing-
um Knuts Ødegård, sem komu út
í tvímála útgáfu í fjórum bindum
2013-2016. Auk þess verður fagnað
og vakin athygli á öðrum þýðingum
og útgáfum, sem nýlega hafa kom-
ið út og á málþinginu verður varp-
að ljósi á hvernig nýjar þýðingar
geta birt sígild ritverk í samtíma-
legu ljósi.
Prófessor Lars Lönnroth í
Gautaborg gaf út nýja þýðingu allra
Eddukvæða á sænsku árið 2016 og
árið 2014 kom út endurskoðuð þýð-
ing prófessor Carolyne Larrington í
Oxford á eldri þýðingu hennar sem
birtist fyrst 1996. Árið 2014 kom út
hjá Hinu íslenska fornritafélagi ný
útgáfa Eddukvæða í tveimur bind-
um með rækilegum skýringum og
formála. Útgáfuna önnuðust Jónas
Kristjánsson og Vésteinn Ólason.
Árið 2010 kom út ljóðabálkurinn
Blóðhófnir eftir Gerði Kristnýju
þar sem hún notar efni Skírnismála
til nýrrar skáldlegrar túlkunar með
skírskotun til samtímans.
Í fyrri hluta dagskrárinnar kynna
Knut Ødegård og prófessor Jon
Gunnar Jørgensen norsku þýð-
inguna, en í seinni hluta gera pró-
fessor Lars Lönnroth og dr. Caro-
lyne Larrington grein fyrir sín-
um þýðingum. Þá spjallar Gerð-
ur Kristný um endurvinnslu sína á
Eddukvæðinu Skírnismál í Blóð-
hófni og Vésteinn Ólason, sem
unnið hefur að undirbúningi mál-
þingsins, flytur inngangserindi um
það, hvernig Eddukvæðin urðu
heimsbókmenntir.
Hamrahlíðarkórinn undir stjórn
Þorgerðar Ingólfsdóttur á sér langa
og glæsilega sögu, og nýlega var
Þorgerður kjörin heiðursborgari
Reykjavíkur fyrir störf sín. Kór-
inn mun flytja þjóðlega tónlist með
tengsl við fornan kveðskap.
Málþingið fer að mestu leyti
fram á íslensku, en Lars Lönnroth
og Carolyne Larrington munu tala
hvort á sínu móðurmáli.
Þýðingar íslenskra fornbók-
mennta á erlend tungumál eiga sér
merkilega sögu. Þýðingar á önnur
norræn mál hafa þar nokkra sér-
stöðu vegna náins skyldleika mál-
anna. Rannsóknir á þessu sviði hafa
beinst bæði að hreinum textafræði-
legum vandamálum og hugmynda-
fræði. Afstaða til textanna hefur
verið mismunandi eftir löndum og
tímabilum, oft nátengd hugmynd-
um um uppruna og þjóðerni. Þeir
sem þýða Eddukvæði eiga sér fyr-
irrennara allt frá 17. öld, ríka hefð
sem getur verið bæði innblástur og
hindrun á frjálsri túlkun. Á 19. öld
voru þýðingar Eddukvæða mikil-
vægar fyrir þjóðernisrómantískar
hugmyndir og sjálfsmynd Norður-
landaþjóða, en samtímis hlaut efnið
mikla útbreiðslu og athygli í Evr-
ópu, ekki síst vegna tónsmíða Rich-
ards Wagner. Á 20. öld voru margs
konar sveiflur í túlkun og áhrif-
um eddukvæða. Það er því einkar
fróðlegt fyrir Íslendinga að fylgj-
ast með þýðingarstarfi 21. aldar.
Málþinginu í Reykholti er fyrst og
fremst ætlað að vekja athygli á þessu
starfi með því að velja til kynningar
þrjár ágætar og áhrifamiklar þýð-
ingar og þýðendur þeirra. Það fer
fram í Reykholtskirkju og allir eru
velkomnir að njóta málþingsins,
aðgangur er ókeypis.
-fréttatilkynning
Ljósm. Guðlaugur Óskarsson.
„Þó hon enn lifir“ – Um nýjar þýðingar
eldfornra og síungra Eddukvæða