Skessuhorn - 21.03.2018, Blaðsíða 11
MIÐVIKUDAGUR 21. MARS 2018 11
Höfum íbúðir til leigu á Bifröst frá 1. júní 2018
2ja, 3ja og 4ra herbergja íbúðir.
Langtíma eða skammtíma leiga.
Um er að ræða íbúðir með sér inngangi í endurbættu fjölbýlishúsi á Bifröst.
25 mín akstur er frá Bifröst í Borgarnes.
Frekari upplýsingar eru veittar í netfangi hotel@bifrost.is.
SK
ES
SU
H
O
R
N
2
01
8
Um síðustu helgi voru fyrstu ferm-
ingarnar á Vesturlandi á þessu vori.
Tvær fermingarguðsþjónustur voru
þá á Akranesi, klukkan 10:30 og 14.
Tæplega tvöhundruð ungmenni
víðsvegar um Vesturland munu
fermast á þessu vori, flest staðfesta
skírn í kirkjum en nokkur kjósa að
fermast borgaralega. Meðfylgjandi
myndir voru teknar þegar sóknar-
prestarnir sr. Eðvarð Ingólfsson
og sr. Þráinn Haraldsson ganga í
broddi fylkingar frá Vinaminni og
til kirkju á Akranesi. Önnur mynd
er síðan frá athöfninni sjálfri.
mm/ Ljósm. gbh & tóg.
Fyrstu fermingar vorsins
um garð gengnar
Víkingur AK er væntanlegur í dag
til Vopnafjarðar með tæplega 2.600
tonn af kolmunna sem veiddist á al-
þjóðlegu hafsvæði vestur af Írlandi.
Þetta er fyrsta veiðiferð skipsins á
kolmunnamið eftir að loðnuveið-
um lauk fyrr í mánuðinum. Við Ír-
land var fyrr í vikunni töluverður
fjöldi íslenskra, færeyskra og rúss-
neskra skipa að veiðum. Að sögn
Alberts Sveinssonar skipstjóra er
aflinn stór og fínn kolmunni og því
gott hráefni til bræðslu.
mm
Fínn kolmunni til
bræðslu á Vopnafirði
Rannsóknaskipið Árni Friðriksson
RE 200 landaði í Grundarfjarðar-
höfn fyrir síðustu helgi. Skipið er nú í
hinu árlega togararalli þar sem stofn-
mæling botnfiska fer fram á miðum
landsins. Hífð voru um það bil 30
tonn af afla upp úr skipinu áður en
það hélt aftur á miðin. tfk
Árni Friðriksson landaði
í Grundarfjarðarhöfn
Nemendum í 9. bekk grunnskóla
verður ekki gert skylt að taka að nýju
samræmd próf í ensku og íslensku,
en framkvæmd beggja þessara prófa
mistóks eins og komið hefur fram í
fréttum. Nemendum gefst hins veg-
ar kostur á að þreyta að nýju sérstök
könnunarpróf í þessum námsgrein-
um til að meta stöðu sína. Niður-
staðan verður þó aldrei samræmd
milli námsfólks. Þátttaka í könnun-
arprófunum verður valkvæð, sam-
kvæmt ákvörðun Lilju Alfreðsdótt-
ur, mennta- og menningarmálaráð-
herra. Stjórnendur í hverjum skóla
ákveða hvort þeir leggja prófin fyrir
nemendur sína í vor eða haust en er
gert skylt að bjóða nemendum upp
á að þeir geti tekið þau. Þeir nem-
endur sem náðu þrátt fyrir tækni-
lega vankanta að ljúka prófunum í
liðinni viku fá afhentar niðurstöð-
ur úr þeim. Öllum býðst svo að
þreyta fyrrgreind könnunarpróf að
nýju, enda er það lögbundin skylda
menntamálayfirvalda að bjóða nem-
endum mat á námsstöðu sinni. Þeir
nemendur sem kjósa, að höfðu sam-
ráði við forráðamenn, að taka ekki
umrædd próf aftur verða því leystir
undan prófskyldu. Þessi leið var val-
in þar sem hún er talin sanngjörnust
fyrir nemendur.
Á samráðsfundi í menntamál-
ráðuneytinu síðastliðinn miðviku-
dag með fulltrúum frá nemendum,
Skólastjórafélagi Íslands, Félagi
grunnskólakennara, Sambandi ís-
lenskra sveitarfélaga, félagi fræðslu-
stjóra, samtökunum Heimili og
skóla, umboðsmanni barna, Mennta-
málastofnun og sérfræðingahópi um
framkvæmd samræmdra könnunar-
prófa var ákveðið að setja á laggirnar
vinnuhóp hagsmunaaðila, sem geri
tillögu að framtíðarstefnu um fyr-
irkomulag samræmdra könnunar-
prófa. Hópurinn verður skipaður á
næstu vikum og á hann að skila mati
sínu ásamt tillögu til ráðherra fyrir
árslok.
Ákvörðun ráðherra felur í sér að
nemendum er tryggð endurgjöf
um hæfni sína á tilteknum sviðum.
„Rétt er þó að hafa í huga að náms-
mat skóla gefur einnig góða mynd
af námsstöðu nemenda. Ekki verða
gefnar út svokallaðar raðeinkunn-
ir, ekki verða reiknuð meðaltöl fyr-
ir einstaka skóla eða landssvæði og
samanburður milli skóla verður ekki
mögulegur vegna annmarka á fram-
kvæmd prófanna,“ segir í tilkynn-
ingu frá menntamálaráðuneytinu.
Á fundi sem ráðherra hélt síðast-
liðinn miðvikudag með lykilaðilum
úr skólasamfélaginu komu fram ólík
sjónarmið. „Skoðun sumra var að
ógilda ætti prófin þetta árið og ekki
afhenda nemendum niðurstöður
þeirra. Þrátt fyrir ólík sjónarmið sam-
mæltust fundarmenn um að vinna
að farsælli lausn í kjölfar ákvörðunar
ráðherra. Fundarmenn voru einnig
sammála um að gera nauðsynlegar
breytingar á reglugerð, svo niður-
stöður úr samræmdum könnunar-
prófum verði ekki notaðar við mat á
umsóknum nemenda um framhalds-
skólavist að loknu grunnskólanámi.
Niðurstöðunum er því ætlað að gefa
nemendum sjálfum vísbendingu um
eigin námsstöðu, svo þeir geti nýtt
sem best síðasta ár sitt í grunnskóla
til að auka hæfni sína í tilteknum
greinum,“ segir Lilja Alfreðsdóttir
menntamálaráðherra.
mm
Nemendum níunda bekkjar ekki skylt að þreyta könnunarpróf