Skessuhorn - 21.03.2018, Blaðsíða 18

MIÐVIKUDAGUR 21. MARS 201818
Skagastelpurnar í hljómsveit-
inni Madre Mia komust áfram
ásamt rappbandinu 200 Mafía í
fyrstu undanúrslitum Músíktil-
rauna sem fram fóru á sunnu-
dagskvöld. Sveitin Madre Mia
samanstendur af þremur 14 og
15 ára stelpum af Akranesi sem
allar hafa góðan grunn í tónlist.
Katrín Lea Daðadóttir syng-
ur og leikur á bassa og kassa-
trommur, Hekla María Arnar-
dóttir syngur og leikur á gítar
og Sigríður Sól Þórarinsdóttir
syngur og leikur á hljómborð.
Þær stöllur munu spila aftur
á úrslitakvöldinu laugardag-
inn 24. mars auk þess sem þær
koma fram á söngkeppni Sam-
fés sem haldin verður í Laugar-
dalshöll sama dag. Það verður því
í mörg horn að líta hjá söng-
stelpunum á næstunni. arg
Skagastelpurnar í Madre Mia
áfram í Músíktilraunum
Þær Hekla María Arnardóttir, Sigríður Sól Þórarinsdóttir og Katrín Lea
Daðadóttir skipa hljómsveitina Madre Mia.
Sambandsþing Ungmennasam-
bands Borgarfjarðar var haldið í
96. sinn í Landbúnaðarháskóla Ís-
lands á Hvanneyri síðastliðinn mið-
vikudag. Þar veitti Jóhann Stein-
ar Ingimundarson, stjórnarmaður
UMFÍ, Rósu Marinósdóttur gull-
merki UMFÍ fyrr framlag sitt til
starfa innan UMSB í gegnum árin.
Rósa er vel að verðlaununum kom-
in enda hefur hún unnið mjög óeig-
ingjarnt sjálfboðastarf innan UMSB
frá því hún flutti á Hvanneyri árið
1980. „Ég flutti hingað frá Akur-
eyri en þar hafði ég einnig verið virk
í íþróttastarfi. Sjálf spilaði ég hand-
bolta og keppti í frjálsum íþróttum
með UMSE sem barn og ungling-
ur en hætti því svo. Ég er meira fyr-
ir að sinna ýmsum störfum tengd-
um íþróttum heldur en að keppa.
Ég spila þó öldungablak núna með
nokkrum góðum konum úr Borgar-
firðinum og hef gaman af. Við erum
einmitt á leið á mót um mánaðamót-
in apríl-maí,“ segir Rósa í samtali við
Skessuhorn. Aðspurð segist hún ætla
að halda sjálfboðastarfi innan UMSB
áfram eins lengi og hún hefur heilsu
til. „Mér þykir mjög gefandi að sinna
öllum þessum störfum. Ég hef mest
unnið innan Ungmennafélagsins Ís-
lendings og ég held að ég hafi sinnt
þar öllum störfum, hvort sem það
snertir íþróttir, almenn félagsstörf
eða leiklist. Ég er ekki á leiðinni að
hætta neitt í bráð, ekki á meðan ég
hef heilsu til að halda áfram,“ seg-
ir Rósa. Hún hefur unnið sjálfboða-
starfi á flestum frjálsíþróttamótum í
Borgarbyggð frá árinu 1985 auk þess
sem hún hefur unnið á öllum ung-
lingalandsmótum sem haldin hafa
verið í Borgarnesi á þessum tíma.
„Ég var í landsmótsnefnd fyrir stóra
Landsmótið árið 1997 og var í móts-
stjórn fyrir frjálsíþróttamótin á ung-
lingalandsmótunum 2010 og 2016.“
Sjálfboðaliðar mikilvægir
fyrir allt íþróttastarf
Rósa hefur starfað sem framkvæmda-
stjóri hjúkrunar og rekstrar hjá Heil-
brigðisstofnun Vesturlands undan-
farið ár en fyrir það var hún yfir-
hjúkrunarfræðingur á heilsugæslu-
stöðinni í Borgarnesi. „Staðan sem
ég er í núna er aðeins tímabundin
til eins árs. Ég geri ráð fyrir að snúa
aftur í Borgarnes einhvern tímann,“
segir hún.
Rósa hefur í gegnum árin einn-
ig lagt körfuknattleiksdeild Skalla-
gríms lið og er virkur meðlimur í
Kvenfélaginu 19. júní. „Ég reyni
að taka alltaf þátt í þeim sjálfboða-
störfum þar sem ég tel mig hafa eitt-
hvað fram að færa. Hér áður fyrr
var ég duglegri í sjálfboðastarfi fyr-
ir körfuknattleiksdeildina en núna
er ég aðeins að vinna á nytjamark-
aði til styrktar deildinni. Nytjamark-
aðurinn er opinn alla laugardaga og
ég ver að jafnaði einum laugardegi í
mánuði í afgreiðslustörf þar. Ég hef
verið formaður Kvenfélagsins 19.
júní í á fimmta ár og ég ver töluverð-
um tíma í ýmsar fjáraflanir og við-
burði þar,“ segir Rósa. „Mér finnst
mikilvægt að vera virk í félagsstarfi,
þar fæ ég útrás fyrir félagsþörf og þá
orku sem ég hef auk þess sem mér
finnst ég nýta tímann vel ef ég er
að sinna sjálfboðastarfi. Það er mín
skoðun að allir ættu að sinna sjálf-
boðastarfi í sínu samfélagi, bæði því
það er hollt fyrir mann sjálfan en
einnig mikilvægt fyrir samfélagið.
Án sjálfboðaliða væri ekki hægt að
halda uppi almennilegu íþrótta- og
félagsstarfi,“ bætir hún við.
Unglingalandsmótin frá-
bær fjölskylduskemmtun
Aðspurð hvað sé skemmtilegast
við starfið innan UMSB segir Rósa
unglingalandsmótin standa upp úr.
„Fyrst þegar tekin var ákvörðun um
að unglingalandsmótin ættu alltaf að
vera um verslunarmannahelgi var ég
mjög mótfallin því. Mér fannst of
mikið að allar verslunarmannahelg-
ar ættu að vera lagðar undir þetta
og var ekki tilbúin til að skuldbinda
mig við það. Ég verð að viðurkenna
að það tók ekki langan tíma að snúa
minni skoðun við. Þessi mót eru að
mínu mati ein frábærustu mót sem
haldin eru fyrir börn og unglinga
hér á landi og að hafa þau um versl-
unarmannahelgina var frábær hug-
mynd,“ segir Rósa og brosir. „Þetta
er góður vettvangur fyrir fjölskyldur
að eiga saman góða stund án vímu-
efna yfir þessa helgi. Mig langar allt-
af að fara, á hverju ári, þó ég eigi ekki
lengur börn sem taka þátt. Núna fer
ég með barnabörnin,“ segir hún.
Rósa á fjögur uppkomin börn sem
öll tóku þátt í íþróttum þegar þau
voru yngri en eru að sögn Rósu að-
eins áhugafólk í dag. „Við höfum
öll mikinn áhuga og gaman af öllu
íþróttastarfi en erum ekkert afreks-
fólk sjálf. Börnin mín hafa öll smit-
ast aðeins af mínum áhuga á sjálf-
boðastarfi og á unglingalandsmótinu
í Borgarnesi um verslunarmanna-
helgina 2016 tók öll fjölskyldan þátt í
sjálfboðastarfinu.“
Hvetur fólk til að taka
þátt í félagsstarfi
Rósa segir það vera sorglegt að sjá
hversu lítinn tíma fólk gefur sér í
félagsstarf í sínu samfélagi í dag.
„Fólk virðist hafa minni tíma nú en
áður og þar má held ég kenna tölvum
og símum um. Það eru allir svo upp-
teknir í þessum tækjum að tíminn
hverfur. Hér áður fyrr leitaði mað-
ur líka í svona sjálfboðastörf fyrir fé-
lagsskapinn en nú lætur fólk nægja
félagsskapinn sem það fær í gegn-
um internetið. Þetta er sorgleg þró-
un en við erum held ég flest, ef ekki
öll, sek um að eyða of miklum tíma í
þessi tæki. Ég hvet alla til að prófa að
taka þátt í félagsstarfi og upplifa þann
skemmtilega anda sem myndast þeg-
ar fólk tekur sig til að gerir eitthvað
saman til að lífga upp á samfélagið
sitt,“ segir Rósa að endingu. arg
Rósa Marinósdóttir sæmd gullmerki UMFÍ:
„Án sjálfboðaliða væri ekki hægt að halda
uppi íþrótta- og félagsstarfi“
Rósa Marinósdóttir hlaut gullmerki UMFÍ fyrir vel unnin störf í þágu íþróttastarfs UMSB. Hér er hún ásamt Jóhanni Steinari
Ingimundarsyni stjórnarmanni í UMFÍ.
Rósa í góðum félagskap Guðna Th. Jóhannessonar forseta Íslands á unglinga-
landsmóti síðasta sumar. Ljósm. UMFÍ.
Rósa með dætrum sínum á unglingalandsmótinu í Borgarnesi sumarið 2016. Þær
voru allar sjálfboðaliðar á mótinu. Ljósm. UMFÍ.
Rósa í vinnu á unglingalandsmótinu í Borgarnesi 2016. Ljósm. UMFÍ.