Skessuhorn - 11.04.2018, Blaðsíða 21
MIÐVIKUDAGUR 11. ApRÍl 2018 21
SK
ES
SU
H
O
R
N
2
01
8
Deiliskipulag í Búðardal
Sveitarstjórn Dalabyggðar samþykkti á fundi sínum 20. mars
2018 að auglýsa tillögu að deiliskipulagi í Búðardal í samræmi
við 40. og 41. gr. skipulagslaga nr. 123/2010.
Deiliskipulagið nær yfir Bakka hvamm, Lækjarhvamm og nýja
götu sem fær nafnið Ásuhvammur. Ekkert deiliskipulag er í gildi
fyrir svæðið. Í deiliskipulaginu er gert ráð fyrir lóðum fyrir ein-
býlis-, par- og raðhús. Svæðið er auðkennt sem íbúðasvæði A í
Aðalskipu lagi Dalabyggðar 2004-2016 og er um 3,5 ha að stærð.
Tillögurnar liggja frammi frá 12. apríl 2018 á skrifstofu
Dalabyggðar Miðbraut 11, 370 Búðardal, og einnig
á heimasíðu sveitarfélagsins dalir.is.
Athugasemdum ber að skila til skrifstofu
skipulagsfulltrúa, að Miðbraut 11 Búðardal, eða á netfang
byggingarfulltrui@dalir.is fyrir 25.mai 2018.
Dalabyggð 4. apríl 2018
Bogi Kristinsson Magnusen
Skipulags- og byggingarfulltrúi
SK
ES
SU
H
O
R
N
2
01
8
Styrkir til íþrótta- og
tómstundafélaga á Akranesi
Akraneskaupstaður veitir 15 milljónir til íþrótta-
og tómstundafélaga á Akranesi á árinu 2018. Markmiðið
er að styðja virk íþrótta- og tómstundafélög á Akranesi til
að halda uppi öflugu íþrótta-, félags- og tómstundastarfi
fyrir börn og unglinga. Styrktarsjóðurinn hækkar í ár um 30%
en árinu 2017 voru veittir styrkir að fjárhæð kr. 10,9 milljónir
króna. Tilgangur styrkjanna er að veita fjárhagslegan stuðning
til þjálfunar og leiðsagnar barna og unglinga á aldrinum
3 - 18 ára. Skilyrði er að félagið hafi starfað í a.m.k. 2 ár
og staðið skil á lögformlegum skyldum sínum.
Sótt er um rafrænt á heimasíðu Akraneskaupstaðar og er
umsóknarfrestur til og með 30. apríl næstkomandi.
Styrktímabil er 1. janúar - 31. desember 2017.
Nánari upplýsingar veitir skóla- og frístundasvið Akranes-
kaupstaðar í síma 433 1000 eða með tölvupósti á netfangið
skoliogfristund@akranes.is
Verslunin Hans og Gréta á Akranesi
verður flutt í nýtt og stærra húsnæði
í byrjun næsta mánaðar. Verslunin
er nú staðsett við Smiðjuvelli 32,
í sama húsæði og Bónus, en mun
flytja í sama rými og verslunin Mod-
el er til húsa, við Þjóðbraut 1. Nýja
húsnæðið er um 200 fermetrar að
stærð og því um töluverða stækkun
að ræða. „Ég stefni á að opna versl-
unina á nýjum stað föstudaginn 11.
maí. Verslunarrýmið á nýja staðn-
um er um helmingi stærra en það
sem við erum í núna. Það verður
kærkomið að fá þetta rými og mun
ég nýta það vel til að bæta vöruúr-
val. Ég ætla að taka inn fatnað fyrir
fullorðna og unglinga auk þess sem
ég mun taka inn meira af ungbarna-
vörum eins og leikteppum, gjafap-
úðum og slíkt. Ég ætla einnig að
bæta við nokkrum spennandi vöru-
merkjum og mun t.d. taka inn bæði
Adidas og Speedo fyrir alla aldurs-
hópa,“ segir Hrefna Björnsdóttir
eigandi verslunarinnar í samtali við
Skessuhorn.
Byrjaði að selja
notuð barnaföt
Verslunin var fyrst opnuð í októ-
ber 2013 þegar Hrefna byrjaði að
selja notaðan barnafatnað á mark-
aði. Nú tæpum fimm árum síðar
hefur margt breyst en í dag eru að-
eins seld ný föt í Hans og Grétu. „Í
byrjun óraði mig ekki fyrir því að
ég myndi standa hér í dag en ég hef
byggt þetta hægt og rólega upp og
er þakklát fyrir hversu vel verslun-
inni hefur verið tekið. Í maí 2015
fluttum við í núverandi húsnæði við
Smiðjuvelli og þá hætti ég að selja
notuð föt og fór að selja ný gæðaföt
frá ýmsum skandinavískum merkj-
um. Svo hef ég hægt og rólega bætt
við vöruúrvalið og unnið að því
að lækka vöruverð eins og ég get.
Þegar ég byrjaði keypti ég vörurn-
ar hérlendis en núna er ég aðeins
byrjuð að flytja vörur inn sjálf til að
geta lækkað verðið. Það tekur tíma
og þolinmæði að byggja upp svona
verslun og þetta er hörkuvinna,“
segir Hrefna og heldur áfram: „Ég
hef haft mikinn stuðning frá bæði
fjölskyldu og vinum og án þeirra er
ég ekki viss um að ég hefði ráðist í
að stækka verslunina núna.“
Fagnar samkeppni
Hrefna segir aukna samkeppni á
Akranesi hafa átt stóran þátt í því
að hún ákvað að stækka verslunina
og auka vöruúrvalið. Hún segist þó
aðeins líta jákvætt á að fá slíka sam-
keppni í bæinn því annars sé auð-
velt að gleyma sér. „Auðvitað fann
ég aðeins fyrir því þegar lindex
var opnað á Akranesi og líka þeg-
ar H&M kom til landsins. En sam-
keppni er aðeins af hinu góða, hún
er mikilvæg til að halda manni við
efnið og ýta á mann að gera betur,“
segir Hrefna og brosir. „Ég fann að
ég þyrfti annað hvort að gera eitt-
hvað til að vera með í samkeppn-
inni eða bara að hætta og loka. Eft-
ir mikla umhugsun var niðurstaðan
sú að ég var ekki tilbúin að hætta.
Enda er nóg pláss hér á Akranesi
fyrir allar þessar verslanir og mitt
vöruúrval er allt annað en það sem
er í boði hjá lindex og öðrum versl-
unum hér,“ segir Hrefna.
Vinnur líka sem
dagmamma
Aðspurð hvort frekari breytingar
verði gerðar þegar verslunin verður
komin í nýtt húsnæði segir Hrefna
að fyrst um sinn muni lítið breyt-
ast. „Ég stefni á að lengja opnunar-
tíma örlítið og vera með opið frá kl.
13-18. Svo verður tíminn að leiða í
ljós hvort ég lengi opnunartímann
enn frekar eða fari í frekari breyt-
ingar. Ég vinn sem dagmamma fyrir
hádegi og hef lofað mér áfram í því
starfi í að lágmarki eitt ár til viðbót-
ar og mun því ekki geta opnað fyrir
hádegi. Þessa dagana er ég að koma
mér betur inn í samfélagsmiðla og
stefni á að vera mun virkari þar. Ég
er að prófa mig áfram á Instagram
núna og er komin með manneskju
til að sjá um það fyrir mig. Ég er líka
með vefverslun þar sem fólk getur
pantað og fengið sent frítt hvert á
land sem er. Ég legg mikinn metn-
að í að veita góða þjónustu, bæði í
versluninni og á internetinu,“ segir
Hrefna.
Verslunarrými Model
verður minnkað
Eins og fyrr segir verður verslunin
flutt í sama rými og verslunin Model
er nú. Hjónin Guðni Tryggvason og
Hlín Sigurðardóttir hafa átt og rek-
ið verslunina frá árinu 1992. Fyrst
var verslunin til húsa í Mörkinni
við hliðina á Akraneskirkju en flutti
þaðan að Stillholti þar sem hún var
til húsa í mörg ár eða þar til verslun-
in var flutt í núverandi húsnæði við
Þjóðbraut 1. Um þessar mundir er
unnið að því að skipta rými verslun-
arinnar upp í tvö aðskilin rými svo
hægt verði að opna Hans og Grétu
í öðrum endanum. „Húsnæði Mod-
el er um 750 fm að stærð og við gæt-
um vel minnkað verslunarrýmið
okkar töluvert án þess að það komi
niður á vöruúrvali eða þjónustu.
Okkur fannst því alveg upplagt að
skipta rýminu upp og leigja út ann-
an endann,“ segir Guðni í samtali
við Skessuhorn. arg
Verslunin Hans og Gréta opnar senn í Model
Hrefna Björnsdóttir eigandi verslunarinnar Hans og Grétu mun í byrjun næsta mánaðar flytja verslunina í nýtt og stærra
húsnæði í sama rými og verslunin Model.
Guðni Tryggvason á verslunina Model ásamt eiginkonu sinni Hlín Sigurðardótur.
Nú er unnið að því að skipta upp verslunarrými Models svo hægt sé að opna Hans
og Grétu í öðrum endanum.
Sér inngangur verður í hvora verslun fyrir sig.