Skessuhorn - 11.04.2018, Blaðsíða 30
MIÐVIKUDAGUR 11. ApRÍl 201830
MT: Stefán Gísli með verðlauna-
gripinn síðastliðinn sunnudag.
Hvað finnst þér
vera best við vorið?
Spurni g
vikunnar
(Spurt í Borgarnesi)
Dóra Sigurðardóttir
Gróðurinn sem er að koma úr
dvala.
Hlynur Kárason
Það að sólin er að hækka á lofti.
Ingibjörg Ingimarsdóttir
Birtan.
Inga Guðjónsdóttir
Mér þykir allt gott við vor-
ið, hlýtt veður, birta, gróður að
vakna, þetta er allt gott.
Kjartan Rarnarsson
Gróðurinn, hlýnandi veður,
birtan og bara allt saman.
Inga Elín Cryer sundkona af Akra-
nesi keppti á Ásvallamóti í Hafnar-
firði um liðna helgi. Náði hún flott-
um árangri; bronsi í 200m flug-
sundi, silfri í 50m flugsundi en gulli
í 100m flugsundi og 200m skrið-
sundi. Einnig varð hún stigahæst
kvenna á mótinu og fékk peninga-
verðlaun fyrir það. Mjög flottur ár-
angur þrátt fyrir erfiðar æfingar að
undanförnu. Nú hefst undirbúning-
ur hjá Ingu Elínu fyrir Íslandsmeist-
aramótið í 50m laug. Það verður
haldið í laugardalslauginni dagana
20.-22. apríl. Þar stefnir Inga Elín á
að ná lágmarkið á EM sem verður í
Glasgow í lok ágúst. mm
Borgfirðingurinn Arnar Guðjóns-
son hefur verið ráðinn þjálfari kar-
laliðs Stjörnunnar í körfuknattleik.
Mun hann stýra liðinu í Domino‘s
deild karla frá og með næsta keppn-
istímabili.
Arnar sleit barnsskónum í Reyk-
holti en steig sín fyrstu skref sem
körfuknattleiksþjálfari með Sindra á
Höfn í Hornafirði árið 2005. Þaðan
fór hann á Selfoss þar sem hann var
aðstoðarþjálfari FSu um tveggja ára
skeið áður en hann fluttist búferlum
til Danmerkur árið 2009. Þar hefur
hann þjálfað í efstu deild síðan við
góðan orðstír, síðast hjá Svendborg
Rabbits um fjögurra ára skeið. Und-
anfarin ár hefur hann jafnframt ver-
ið aðstoðarþjálfari íslenska landsliðs-
ins og farið með liðinu á tvö síðustu
Evrópumót, árin 2015 og 2018.
kgk
Arnar Guðjónsson tekur
við Stjörnunni
Arnar Guðjónsson spáir í spilin í leikhléi með íslenska landsliðinu. Ljósm. FIBA.
Inga Elín stigahæst
á Ásvallamóti
Keppt var í fimmgangi í Vesturlands-
deildinni í hestaíþróttum í Faxaborg
síðastliðinn fimmtudag. Þau Þytur og
Randi Holaker frá Skáney vörðu með
nokkrum yfirburðum verðlaunasæti
sitt frá síðasta ári í þessari grein. Vest-
urlandsdeildin er eins og kunnugt er
einstaklings- og liðakeppni en 34
knapar mynda sjö, fjögurra og fimm
manna lið, sem etja kappi í sex grein-
um hestaíþrótta. lokamót deildar-
innar fer svo fram á morgun, fimmtu-
daginn 12. apríl, í Faxaborg. Þá verð-
ur keppt í tveimur greinum; tölti
og flugskeiði í boði leiknis hesta-
kerra og má búast við mikilli spennu
í hvorri grein fyrir sig sem og í ein-
staklings- og liðakeppninni. Húsið
verður opnað klukkan 19.00 og fyrsti
hestur mætir stundvíslega kl. 20.00 á
gólfið. Miðaverð er 1.000 krónur en
frítt inn fyrir 10 ára og yngri.
Siguroddur pétursson sigraði í tölt-
inu í fyrra og Konráð Valur Sveinsson
fór hraðast allra í gegnum höllina.
Von er á báðum þessum köppum og
má reikna með því að þeir leggi allt
undir til að endurtaka leikinn. Auk
þess verður happdrætti og aðalvinn-
ingur kvöldsins folatollur undir Auð
frá lundum II auk annarra vinninga.
Mjög takmarkað magn af miðum
er í boði, en þeir eru seldir við inn-
ganginn. Ráslisti á mótinu var birtur
í gærkvöldi, eftir að Skessuhorn fór í
prentun.
línur eru nú farnar að skýrast í
liðakeppninni þegar tvær greinar eru
eftir en nóg af stigum í pottinum og
allt getur gerst bæði í topp- og botn-
baráttunni. En tvö neðstu liðin hell-
ast úr lestinni og tapa föstu sæti sínu
fyrir næsta tímabil.
Úrslit í síðustu viku urðu þessi:
1. Randi Holaker og Þytur frá Skán-
ey - 6,62
2. Siguroddur pétursson og Hængur
frá Bergi - 6,36
3. líney María Hjálmarsdóttir og
Þróttur frá Akrakoti - 5,93
4. Heiða Dís Fjeldsted og Gunnrún
frá Bæ 2 - 5,48
5. Ylfa Guðrún Svafarsdóttir og
Bjarkey frá Blesastöðum - 5,40
Staðan í liðkeppninni er óbreytt
eftir kvöldið, en leiknir/Skáney náði
enn einum liðaplattanum og styrkti
stöðu sína á toppi deildarinnar, leiðir
nú með 199 stigum. Enn eru þó tvær
greinar eftir og ljóst að allt getur enn
gerst.
Liðakeppni, staðan eftir fjórar
greinar:
1. leiknir/Skáney 199 stig
2. Stelpurnar frá Slippfélaginu & Su-
per Jeep 174 stig
3. Berg/Hrísdalur/Austurkot 149
stig
4. Hestaland 132 stig
5. Childéric/lundar/Nettó 111 stig
6. Hrímnir 90,5 stig
7. Fasteignamiðstöðin 68,5 stig
Þegar tvær greinar eru eftir eru
enn fjórir knapar sem eiga möguleika
á sigri í einstaklingskeppninni. Sigur-
oddur sem tók forystu strax í fyrstu
grein leiðir enn, en Randi skaust upp
í annað sætið með sigri í fimmgangi.
Þá eiga þær Ylfa Guðrún og Berglind
enn möguleika.
Einstaklingskeppni, staðan eftir
fjórar greinar
1. Siguroddur pétursson 42 stig
2. Randi Holaker 34 stig
3. Ylfa Guðrún Svafarsdóttir 30 stig
4. Berglind Ragnarsdóttir 20 stig
5. Haukur Bjarnason 18 stig
6. páll Bragi Hólmarsson 15 stig
7. líney María Hjálmarsdóttir 10
stig
8. Guðmar Þór pétursson 10 stig
9. Hrefna María Ómarsdóttir 9,5
stig
10. Anna lena Renisch 9 stig
11. Heiða Dís Fjeldsted 7 stig
Randi og Þytur sigurvegarar í fimmgangi
Lokamót Vesturlandsdeildarinnar er á fimmtudagskvöldið
Efstu fimm ásamt þeim Kristínu Eir og Hilmari sem sáu um að afhenda verðlaunin. Ljósm. bmþ.
12. Máni Hilmarsson 6 stig
13. Halldór Sigurkarlsson 4,5 stig
14. Elvar logi Friðriksson 4 stig
15. Konráð Valur Sveinsson 4 stig
16. Valdís Björk Guðmundsdóttir 4
stig
17. Maiju Varis 2 stig
18. Guðjón Örn Sigurðsson 1 stig
19. Þorgeir Ólafsson 1 stig
mm/bmþ
Randi Holaker og Þytur frá Skáney. Ljósm. iss.
Siguroddur Pétursson ætlar vafalítið að verja tölttitilinn frá því í fyrra.
Ljósm. úr safni; iss.