Skessuhorn - 18.04.2018, Blaðsíða 9

MIÐVIKUDAGUR 18. ApRÍL 2018 9
Plokkum og flokkum
Dagur umhverfisins er 25. apríl

Akraneskaupstaður og Íþróttabandalag Akraness vilja hvetja alla bæjarbúa, unga sem aldna, sem og fyrirtæki,
stofnanir og hópa til að taka þátt í hreinsun og fegrun umhverfisins af þessu tilefni.
Aðildafélög Íþróttabandalags Akraness ætla að tína upp rusl á völdum svæðum og vilja með því sýna
umhverfisábyrgð og hvetja aðra til þess að taka þátt í nýjum heilsusamlegum og umhverfisvænum sið.
Hægt er að tína upp rusl eða „plokka“ á förnum vegi á meðan gengið er eða skokkað. Þannig má sameina áhuga á
útiveru og umhverfismeðvitund og ánægjan af því að fara út og hreyfa sig verður margfalt meiri.
Nú er akkúrat tíminn þar sem rusl er áberandi, snjórinn farinn og gróðurinn ekki búinn að taka við sér.
Það gerir ruslatínslu auðveldari og kjörið tækifæri til að hreyfa sig og fegra umhverfið í leiðinni.

Gámar verða staðsettir á ákveðnum stöðum í bænum
og geta íbúar og hópar skilað þar endurgjaldslaust því sem
saman safnast. Ætlast er til að sorp sé flokkað og verða
gámar merktir með viðeigandi flokkunarmerkjum.
Allar nánari upplýsingar
er að finna á vef
Akraneskaupstaðar
www.akranes.is
Vorhreinsun
Vorhreinsun íbúa, fyrirtækja og stofnana fer fram dagana 25. apríl – 6. maí
Bæjarbúar ungir sem aldnir eru hvattir til að fagna vori og taka þátt
í hreinsun og fegrun lóða og umhverfis í þágu allra bæjarbúa.
Gámar verða staðsettir á ákveðnum stöðum í bænum á tímabilinu og geta íbúar og
fyrirtæki skilað þar endurgjaldslaust því sem til fellur við vorhreinsunina.
Ætlast er til að sorp sé flokkað og verða gámar merktir með viðeigandi flokkunarmerkjum.
Aldraðir og öryrkjar geta óskað eftir að fá aðstoð við að sækja staka þunga eða stóra hluti.
Laust starf sálfræðings á skóla- og frístundasviði
Skóla- og frístundasvið Akraneskaupstaðar auglýsir laust til umsóknar starf
sálfræðings við skólaþjónustu skóla- og frístundasviðs. Sálfræðingur vinnur í
þverfaglegu teymi skólaþjónustunnar ásamt samstarfi við kennara í leik- og
grunnskólum, sérkennara, almenn starfsfólk, þroskaþjálfa og iðjuþjálfa. Starfsstöð
sálfræðingsins er í Grundaskóla og eru laun í samræmi við kjarasamning
Sálfræðingafélags Íslands og launanefndar sveitarfélaga.

Helstu verkefni og ábyrgð:
Veitir starfsfólki leik- og grunnskóla stuðning við að efla skóla m.a. með fræðslu og ráðgjöf •
vegna kennslu og umönnunar nemenda, sérkennslu, starfshátta skóla, nýbreytni- og þróunar-
starf og starfsumhverfis.
Veitir ráðgjöf og fræðslu/námskeið til foreldra.•
Sinnir athugunum, greiningu og ráðgjöf vegna nemenda. Sinnir einnig eftirfylgd og mati á •
árangri í samstarfi við starfsfólk og foreldra.
Er þátttakandi í barnateymi Akraness í samstarfi við Heilbrigðisstofnun Vesturlands.•
Tekur þátt í stefnumótunarvinnu sem tengist málaflokknum og felur meðal annars í sér að •
móta þjónustuna í samræmi við reglur á hverjum tíma.
Menntun og hæfniskröfur:
Sálfræðimenntun og leyfi til að starfa sem slíkur hér á landi með leyfi landlæknis•
Reynsla af greiningu og ráðgjöf á þroska- og hegðunarvanda barna og ungmenna er skilyrði•
Þekking og reynsla af starfi sálfræðings skólaþjónustu er kostur•
Réttindi til námskeiðshalds vegna hegðunar og líðan barna er kostur•
Sjálfstæð og skipulögð vinnubrögð•
Frumkvæði og vilji til að leita nýrra leiða•
Færni og sveigjanleiki í samskiptum•
Faglegur metnaður•
Góð íslensku- og tölvukunnátta•
Umsóknarfrestur er til og með 6. maí næstkomandi. Nánari upplýsingar um starfið veitir Valgerður
Janusdóttir í tölvupósti netfangið skoliogfristund@akranes.is eða í síma 433-1000.
Nánari upplýsingar um starfið ásamt umsóknareyðublaði má finna á heimasíðu
Akraneskaupstaðar, www.akranes.is/lausstorf.
SK
ES
SU
H
O
R
N
2
01
8
Síðastliðinn sunnudag hófu félaga-
samtökin Orca Guardians, sem
eiga rætur að rekja til Grundar-
fjarðar, tökur á Snæfellsnesi vegna
heimildamyndar sem ber vinnu-
heitið „Háhyrningar við Vestur-
land og verndun þeirra: Breytt
skynjun heimamanna á topprán-
dýri hafsins.“ Í kynningu Orca
Guardians vegna myndarinn-
ar segir: „Í myndinni, sem verð-
ur bæði á íslensku og ensku, verð-
ur áhersla lögð á að sýna hvernig
skoða og rannsaka má háhyrninga
með velferð þeirra í huga. Einnig
verður litið á þróun verndarstarfs
háhyrninga í íslensku samfélagi og
hvaða breytingar hafi átt sér stað í
nærsamfélaginu frá komu háhyrn-
inganna árið 2010.“
Markmið heimildamyndarinnar
er að hvetja fólk til að bregðast við
mengun og truflun við villt dýralíf,
jafnt í heimahögum og á alþjóða-
vettvangi, og sýna fram á mikil-
vægi verndarstarfs. Fólki úr öll-
um kimum samfélagsins, sem tel-
ur sig hafa tengsl við háhyrninga,
er boðið til viðtals, annars vegar í
formi skipulagðra einstaklingsvið-
tala og hins vegar með þátttöku í
opnum viðtölum.
Heimildamyndin verður fram-
leidd af Orca Guardians í samstarfi
við Xu Media production og Wild
Sky productions og sameinar því
fjölþjóðlegt kvikmyndateymi frá
Íslandi, Kína, Kanada, Bretlandi,
Frakklandi og Þýskalandi. Tökur
standa til 6. maí næstkomandi og
eru styrktar með fjármagni frá Na-
tional Geographic Society og að-
stöðu og vinnuframlagi frá hvala-
skoðunarfyrirtækinu Láki Tours í
Grundarfirði.
mm/ Ljósm. úr safni/ tfk.
Tökur hefjast á
heimildamynd um
verndun háhyrninga