Skessuhorn - 25.04.2018, Blaðsíða 2
MIÐVIKUDAGUR 25. ApRÍL 20182
Hætt hefur verið við sölu á eign-
um Dalabyggðar að Laugum í Sæ-
lingsdal. Sveitarstjórn Dalabyggðar
samþykkti samhljóða á fundi sínum
þriðjudaginn 17. apríl að slíta við-
ræðum við tilboðsgjafa, Arnarlón
ehf., eftir að tilboðsgjafi óskaði þess
að sveitarfélagið færði skuldabréf sín
á þriðja veðrétt.
Eins og áður hefur verið greint frá
stóðu yfir viðræður milli Dalabyggð-
ar og Arnarlóns ehf. um kaup félags-
ins á húseignum Dalabyggðar og
Dalagistingar ehf. að Laugum, 50%
hlut Dalabyggðar í jörðinni Laugum
og jörðinni Sælingsdalstungu. Til-
boð Arnarlóns í eignirnar hljóðaði
upp á 460 milljónir króna og barst
sveitarfélaginu 18. desember síðast-
liðinn. Samkvæmt tilboðinu var gert
ráð fyrir því að hluti kaupverðsins,
50 milljónir króna, kæmi til greiðslu
31. desember 2019 á þriðja veðrétti
og 150 milljónir til greiðslu 31. des-
ember 2022 á öðrum veðrétti. Fast-
eignasala var tilkynnt 21. desemb-
er síðastliðinn að Dalabyggð myndi
taka tilboðinu með þeim fyrirvara að
ekki bærist hagstæðara tilboð fyrir
30. desember sem og að skuldabréf
vegna seinni greiðslna yrðu tryggð
með fyrsta eða öðrum veðrétti í öll-
um eignum. Hagstæðari tilboð bár-
ust ekki og 16. janúar samþykkti
sveitarstjórn að ganga til samninga
við Arnarlón að nokkrum fyrirvör-
um uppfylltum. Síðan gerist það 5.
apríl síðastliðinn að tilboðsgjafi féll
frá fyrirvörum sínum en óskaði þess
jafnframt að Dalabyggð færði skulda-
bréf sín á þriðja veðrétt. Því hafnaði
sveitarstjórn alfarið og samþykkti að
slíta viðræðum við Arnarlón. „Dala-
byggð hefur ítrekað framlengt fresti
tilboðsgjafa til að falla frá fyrirvörum
um fjármögnun og rann fresturinn
loks út 5. apríl síðastliðinn. Sveitar-
stjórn setti það sem skilyrði fyrir að
fresta greiðslum að skuldabréf vegna
þessa væri tryggt með fyrsta eða öðr-
um veðrétti. Sveitarstjórn hafnar því
að skuldabréf vegna greiðslna til-
boðsgjafa verði neðar en á öðrum
veðrétti og slítur viðræðum við til-
boðsgjafa,“ segir í samþykkt sveitar-
stjórnar.
Vildu ekki taka áhættu
Sveinn pálsson sveitarstjóri segir í
samtali við Skessuhorn að ekki hafi
verið ágreiningur um upphæðir held-
ur fjármögnun tilboðsgjafa. „Staðan
var sú að þessi ágæti tilboðsgjafi, sem
við vildum svo gjarnan ná samning-
um við, nær ekki að fjármagna kaup-
in þannig að sveitarstjórn geti verið
sátt við. Það er ekki ágreiningur um
upphæðir en ágreiningur um hluta
af fjármögnuninni, sem fólst í því að
fresta tveimur greiðslum. Kalla má
það seljendalán eða hvað sem menn
vilja kalla slíkt,“ segir Sveinn í sam-
tali við Skessuhorn. „Eðlilega vill
sveitarstjórn hafa góðar trygging-
ar fyrir því að fá þá peninga, annars
er tilgangur þessa gjörnings fallinn,
því tilgangurinn var einmitt að afla
fjár til framkvæmda í sveitarfélaginu.
Við töldum því að ekki yrði lengra
gengið að sinni og sveitarstjórn tók
ákvörðun um að slíta viðræðum,“
bætir hann við.
Íþróttamannvirki á ís
Nýta átti peningana fyrir söluna á
Laugum til byggingar íþróttamann-
virkja í Búðardal, en lengi hefur leg-
ið fyrir að byggja þar íþróttahús og
sundlaug. Sala þessara eigna var ein
forsenda þess að hægt yrði að setja
þær framkvæmdir á dagskrá. Nú þeg-
ar viðræðum hefur verið slitið segir
Sveinn ljóst að ekkert verði af þeim
áformum að sinni. „Sveitarfélaginu
er ókleift að fara í þá framkvæmd án
þess að afla þessa fjár. Eðlilega fara
þau áform því á ís í bili,“ segir hann.
Aðspurður kveðst Sveinn ekki gera
ráð fyrir að eignirnar verði auglýst-
ar aftur fyrir komandi sveitarstjórn-
arkosningar. „Einn fundur er eftir
í sveitarstjórn á yfirstandandi kjör-
tímabili og ég á ekki von á að ákveð-
ið verði að auglýsa eignirnar að sinni.
Það yrði þá gert eftir kosningar, ef ný
sveitarstjórn vill selja eignirnar,“ seg-
ir Sveinn pálsson að endingu. kgk
Fyrir tónelska Vestlendinga er
upplagt að fá sér miða á Söng-
keppni framhaldsskólanna sem
að þessu sinni verður haldin í
Íþróttahúsinu við Vesturgötu á
Akranesi næstkomandi laugar-
dagskvöld.
Á morgun fimmtudag er spáð
hægri austlægri átt. Rigning
verður á láglendi á sunnan- og
suðaustanverðu landinu en
slydda eða snjókoma til fjalla.
Dálítil él norðaustantil. Annars
yfirleitt skýjað í öðrum lands-
hlutum og að mestu þurrt. Hiti
frá 0 til 8 stig að deginum, hlýj-
ast á suðvesturlandi. Á föstu-
dag verður norðlæg átt, 3-10
m/sek hér vestantil. Rigning
eða slydda í flestum landshlut-
um og snjókoma til fjalla. Hiti 0
til 7 stig að deginum og hlýjast
syðst. Á laugardag verður áfram
hæg norðlæg eða breytileg átt
og víða bjart um vestanvert
landið, svipaður hiti. Á sunnu-
dag og mánudag er svo spáð
ákveðinni sunnanátt með rign-
ingu eða slyddu.
Í síðustu viku var spurt á vef
Skessuhorns hvort þátttaka
fólks í félagsmálum hafi breyst
samhliða aukinni samfélags-
miðlanotkun. Niðurstaðan var
sú að tæpur helmingur að-
spurðra, eða 48,7% sögðu þátt-
töku í félagsmálum ekki hafa
breyst. Næstflestir, eða 25,3%
sögðu þátttökuna hafa minnk-
að, en 13,9% sögðu hana hafa
aukist. 12,1% þeirra sem þátt
tóku eru ekki á samfélagsmiðl-
um.
Í næstu viku er spurt:
Ætlar þú að kjósa
í sveitarstjórnar-
kosningunum 26. maí?
Konurnar í Töltgrúbbu Vestur-
lands frumsýndu glæsilegt at-
riði á fákum sínum á Skeifudeg-
inum á Mið-Fossum á sumar-
daginn fyrsta og sýndu síðan
næsta kvöld einnig á Vestur-
landssýningunni í Faxaborg.
Þær eru Vestlendingar vikunnar.
Spurning
vikunnar
Til minnis
Veðurhorfur
Vestlendingur
vikunnar
Næsta blað prent-
að á mánudegi
SKESSUHORN: Hátíðis-
og baráttudagur verkalýðs-
ins er næstkomandi þriðju-
dag, 1. maí. Þann dag verður
að sjálfsögðu lokað á skrifstofu
Skessuhorns. Af þeim sökum
verður blað næstu viku prent-
að á mánudagskvöldi. Þarf því
allt efni og auglýsingar í það
að hafa borist í síðasta lagi á
hádegi á mánudegi, helst fyrr.
Bendum við á símanúmerið
433-5500 og netfangið skessu-
horn@skessuhorn.is. Blaðinu
verður síðan dreift eins og
venjulega í bítið á miðviku-
dagsmorgni. -mm
Auglýst eftir presti
til afleysingar
BORG: Biskup Íslands hefur
auglýst eftir presti til að sinna
afleysingaþjónustu í Borgar-
prestakalli í Vesturlandspró-
fastsdæmi. Um tímabundna
setningu í sóknarprestsemb-
ættið er að ræða, frá 1. sept-
ember nk. til 31. maí 2019.
Umsóknarfrestur rennur út
mánudaginn 7. maí og er sótt
um í gegnum kirkjan.is.
-mm
Næturlokun í
þessari viku
HVALFJ: Minnt er á að Hval-
fjarðargöng eru lokuð á nótt-
inni í þessari viku vegna við-
halds og þrifa. Lokað er á mið-
nætti til klukkan 6 að morgni.
Síðasta lokunin í þessari um-
ferð er aðfararnótt föstudags-
ins 27. apríl. -mm
Slökkvilið Akraness og Hvalfjarð-
arsveitar var síðdegis á laugardag-
inn kallað út að þríbýlishúsi við
Jaðarsbraut á Akranesi. Í ljós kom
að gleymst hafði að slökkva undir
feiti á eldarvélarhellu og var mik-
ill reykur í íbúðinni. Húsráðandi,
sem var einn í íbúðinni, komst af
sjálfsdáðum út sem og íbúar í öðr-
um íbúðum hússins. Að sögn Þrá-
ins Ólafssonar slökkviliðsstjóra
gekk slökkvistarf greiðlega og var
eldur staðbundinn við pott og feiti
sem í honum var. Nægði að beita
duftslökkvitæki til að kæfa eldinn
og hefja eftir það reykræstingu.
Engu að síður urðu að sögn Þrá-
ins talsverðar skemmdir á íbúð-
inni af völdum reyks og hita. Litlu
mátti muna að eldurinn brytist út
því hitinn var orðinn mikill í íbúð-
inni þegar slökkvilið kom á stað-
inn. plasthlutir í íbúðinni á borð
við ljós, reykskynjari og elhússvift-
an voru teknir að bráðna af völd-
um hitans. Maðurinn sem var í
íbúðinni var sendur til læknisskoð-
unar á HVE á Akranesi.
mm/ Ljósm. hdr.
Kviknaði í feiti í potti
Hætt við söluna á Laugum í Sælingsdal
Frá Laugum í Sælingsdal. Ljósm. úr safni.