Skessuhorn - 25.04.2018, Blaðsíða 8
MIÐVIKUDAGUR 25. ApRÍL 20188
Strandhreins-
unarátaki hleypt
af stokkunum
LANDIÐ: Landvernd og
Blái herinn hleypa strand-
hreinsunarátakinu „Hreins-
um Ísland“ af stokkunum í
annað sinn á Degi umhverf-
isins í dag, 25. apríl. „Dagana
25. apríl - 6. maí vekja Land-
vernd og Blái herinn athygli
á þeim hættum sem fylgja
plastmengun í hafi. Lands-
menn eru hvattir til að skipu-
leggja sínar eigin strand-
hreinsanir og má skrá sig til
leiks á hreinsumisland.is en
þar má finna góðar leiðbein-
ingar um hvernig skipuleggja
megi hreinsun á árangurs-
ríkan hátt, í sátt við menn og
náttúru. Vonumst við til þess
að sem flestir leggi hönd á
plóg og taki þátt í að minnka
plastmengun. Hvetjum við
fólk til að nota minna plast,
kaupa minna og auka endur-
vinnslu. Allir sem skrá sína
hreinsun geta fengið hana
birta á Íslandskort átaksins,“
segir í tilkynningu. Með-
fylgjandi mynd er frá strand-
hreinsun á Snæfellsnesi í
fyrravor. -mm
Aflatölur fyrir
Vesturland
dagana 14. - 20.
apríl
Tölur (í kílóum)
frá Fiskistofu:
Akranes: 7 bátar.
Heildarlöndun: 89.655 kg.
Mestur afli: Klettur ÍS:
42.477 kg í fimm róðrum.
Arnarstapi: Engar landanir
á tímabilinu.
Grundarfjörður: 5 bátar.
Heildarlöndun: 178.881 kg.
Mestur afli: Hringur SH:
69.282 kg í einni löndun.
Ólafsvík: 7 bátar.
Heildarlöndun: 117.132 kg.
Mestur afli: Kristinn SH:
29.790 kg í þremur róðrum.
Rif: 9 bátar.
Heildarlöndun: 291.522 kg.
Mestur afli: Saxhamar SH:
95.090 kg í fimm löndunum.
Stykkishólmur: 1 bátur.
Heildarlöndun: 18.138 kg.
Mestur afli: Hannes Andr-
ésson: 18.138 kg í þremur
löndunum.
Topp fimm landanir á
tímabilinu:
1. Hringur SH - GRU:
69.282 kg. 17. apríl.
2. Tjaldur SH - RIF:
53.393 kg. 17. apríl.
3. Örvar SH - RIF:
49.405 kg. 18. apríl.
4. Helgi SH - GRU:
45.997 kg. 16. apríl.
5. Farsæll SH - GRU:
27.273 kg. 16. apríl.
-kgk
Síðasta vetrardag var boðið upp á
happdrætti í versluninni Lindex
á Akranesi í tilefni konukvölds ÍA
sem fram fór þá um kvöldið. Í til-
kynningu frá Lindex var bílstjóri
sem flytur vörur á Akranes fyr-
ir verslunina fenginn til að draga
vinningshafa úr pottinum. Vinn-
ingshafar fá gjafabréf í versluninni
í vinning og hægt er að nálgast þau
í Lindex á Akranesi.
Vinningshafar í stafrófsröð:
Anna Kristjánsdóttir
Eyrún Þorleifsdóttir
Heiður Haraldsdóttir
Jófríður María Guðlaugsdóttir
Vigdís Elfa Jónsdóttir.
arg
Vinnings-
hafar Lindex
Lindex á Akranesi var með happdrætti
síðasta vetrardag í tilefni konukvölds
ÍA. Hér má sjá bílstjóra Lindex sjá um
að draga vinningshafa úr potti.
Þátttaka í símenntun hefur far-
ið minnkandi á landsvísu undan-
farin tvö ár eftir aukningu á milli
áranna 2014 og 2015. Samkvæmt
samantekt Hagstofu Íslands sóttu
sér fræðslu tæplega 23% lands-
manna á aldrinum 25-64 ára, ann-
að hvort í skóla eða aðra fræðslu
með leiðbeinanda árið 2017. Þetta
voru alls 39.600 einstaklingar. Þótt
fækkun milli ára sé eingöngu 1,4
prósentustig, hefur hlutfall þeirra
sem sóttu símenntun ekki ver-
ið lægra síðan tölur um símennt-
un voru fyrst birtar árið 2003, þeg-
ar það var 22,2%. Í aldurshópnum
16-74 ára er sömu sögu að segja;
fækkun þeirra sem stunduðu sí-
menntun er tæpt prósentustig og
hefur þátttaka ekki verið minni síð-
an árið 2003. Þátttaka var minni í
öllum tegundum símenntunar, svo
sem námskeiðum, annarri fræðslu
með leiðbeinanda utan skóla, svo
sem ráðstefnum og fræðslu innan
skóla. Mest var fækkunin meðal há-
skólamenntaðra karla, um fjögur
prósentustig í hvorum aldurshópi.
Tölur eru byggðar á niðurstöðum
úr vinnumarkaðsrannsókn Hag-
stofu Íslands. mm
Sögulega lítil þátttaka í símenntun
Svipmynd úr safni Skessuhorns af starfi Símenntunarmiðstöðvar Vesturlands frá
árinu 2015 þegar þátttaka í símenntun var hvað mest á landsvísu.
Sumardagurinn fyrsti var haldinn
hátíðlega á Hjúkrunarheimilinu
Fellsenda í Dölum í tilefni þess að
50 ár voru liðin frá því heimilið var
formlega vígt. „Við höfum haldið
fjölskyldu- og vinadag fyrir íbúa
á vorin síðastliðin þrjú ár og hef-
ur það lukkast vel. Dagurinn er þá
haldinn hátíðlegur og íbúar ásamt
aðstandendum fá sér kaffi og kökur
saman. Okkur fannst því tilvalið að
halda upp á afmælið og fjölskyldu-
og vinadaginn saman þetta árið. Í
þetta skiptið vorum við með opið
fyrir alla,“ segir Stefanía Björg
Jónsdóttir, starfsmaður Fellsenda
í samtali við Skessuhorn. Ólafur
K. Ólafsson, sýslumaður og for-
maður minningasjóðs Fellsenda,
hélt stutt ávarp um sögu Fellsenda
og starfsemina sem þar hefur ver-
ið. Þá var starfsfólk heiðrað með
rausnarlegri gjöf og þeir sem náð
höfðu lengstum starfsaldri, sem
er talinn í tugum, fengu sérstakar
gjafir af því tilefni. „Erna Kristín
Hjaltadóttir var meðal þeirra sem
heiðraðir voru fyrir langan starfs-
aldur, en hún hefur starfað á hjúkr-
unarheimilinu Fellsenda í 45 ár og
gerir enn,“ segir Stefanía.
Formaður Kvenfélagsins Fjólu,
Erna Kristín Hjaltadóttir, færði
Hjúkrunarheimilinu hjálpartæki,
Sara Stedy, sem auðveldar starfs-
fólki umönnun á mismunandi
þörfum íbúanna. Gestum var boðið
upp á kaffi og kökur sem Kvenfé-
lagið Fjóla lagði fram af lystisemi.
„Í eldri byggingu Fellsenda, sem
byggð var árið 1968, var gestum
boðið að skoða listasýningu íbú-
anna er bar nafnið „Látum verk-
in tala.“ Bjögga Björns iðjuþjálfi
hafði tekið saman ýmis listaverk
sem íbúarnir höfðu búið til á síð-
astliðnum árum. Á sýningunni var
meðal annars hægt að sjá málverk,
Lego Technic hluti, glermuni, út-
saum og skartgripi. Íbúarnir voru
mjög þakklátir og ánægðir í lok
dagsins með hversu margir mættu
þeim til heiðurs. Dagurinn var í
alla staði mjög vel heppnaður og
við þökkum öllum kærlega fyrir
komuna,“ segir Stefanía að end-
ingu.
arg
Hjúkrunarheimilið Fellsendi fagnaði 50 ára afmæli
Kvenfélagið Fjóla gaf hjúkrunarheimilinu hjálpatækið Sara Stedy í afmælisgjöf.
Guðrún og Finnur starfsmenn
Fellsenda.
Afmælistertan.
Erna Kristín Hjaltadóttir fær viðurkenningu og heiðursgjöf fyrir störf sín í 45 ár.
Soffía Meldal Kristjánsdóttir og Kristófer Daði Dal Guðmundsson sungu og
spiluðu lög fyrir gesti.