Skessuhorn - 25.04.2018, Blaðsíða 22

MIÐVIKUDAGUR 25. ApRÍL 201822
Akranes byggðist upp í kringum sjáv-
arútveg og landbúnað en hefur þró-
ast í áranna rás. Öflugt atvinnulíf er
grunnstoð í hverju samfélagi og starf
frumkvöðla er mikilvægt. Það er
nauðsynlegt að atvinnuþróun sé ekki
bara sjálfsprottin heldur einnig stefnu-
miðuð, þ.e. að sveitarfélagið marki
sér stefnu um uppbyggingu í atvinnu-
málum og fylgi henni eftir. Á Akra-
nesi hafa verið unnar atvinnustefnur
í gegnum tíðina og nú er í gildi stefna
sem samþykkt var í maí árið 2014. Sú
stefna var unnin upp úr samtali við
íbúa og atvinnurekendur á Akranesi.
Slíkt samráð er mikilvægt en grunn-
stefið í núgildandi stefnu Akranes-
kaupstaðar er að hlutverk bæjarfélags-
ins sé að skapa aðstæður fyrir fyrirtæki
til að blómstra.
Stefnumörkun í
atvinnumálum
Afurðir úr vinnustofum í tengslum við
stefnumótun eru oftar en ekki settar
fram á auðskiljanlegt form og í fall-
egar umbúðir en eftirfylgnin á það til
að gleymast. Ég tel að við Skagamenn
getum gert betur í að fylgja þeirri
stefnu sem hefur verið sett. Til þess
þurfum við að hafa skýra framtíðar-
sýn í huga við ákvarðanir sem teknar
eru í bæði stórum og smáum málum
frá degi til dags. Hluti af stefnumörk-
un er aðgerðaáætlun með tímasett-
um aðgerðum, markmiðum og mæli-
kvörðum sem varða leiðina frá þeim
stað sem við erum á og þangað sem
við viljum komast. Slík aðgerðaráætl-
un þarf að vera í sífelldri rýni, uppfærð
í samræmi við það hvernig umhverfið
þróast frá einum tíma til annars. Sam-
talið við íbúa og atvinnurekendur á að
vera reglulegt og hluti af markvissri
vinnu í átt að framtíðarsýninni sem
sett er fram í atvinnustefnu Akranes-
kaupstaðar. Við eigum að halda áfram
á grunni þeirrar stefnu sem þegar hef-
ur verið unnin í atvinnumálum, betr-
umbæta hana og setja fram markvissa
aðgerðaáætlun sem stuðlar að því að
við náum markmiðum okkar um fjöl-
breytt og sterkt atvinnulíf.
Aukna atvinnu
á Akranes
Samkvæmt íbúakönnun SSV 2016
sækja um 12% Skagamanna vinnu á
höfuðborgarsvæð-
inu og um 17%
sækja vinnu á Grundartanga. Það eru
því um 30% vinnuafls á Akranesi sem
sækir vinnu í önnur sveitarfélög. Mik-
ill meirihluti starfa á Akranesi eru
unnin af íbúum Akraness. Við þurfum
að sækja fram og fjölga atvinnutæki-
færum á Akranesi þannig að fleiri geti
valið að búa og starfa í bænum okkar.
En hvernig byggjum við upp að-
stæður sem styðja við núverandi at-
vinnustarfsemi og laða jafnframt að ný
fyrirtæki? Það er að mörgu að hyggja
í því sambandi, innviðirnir þurfa að
vera í lagi svo sem samgöngur, hafn-
araðstaða, áhugaverðar atvinnu-
lóðir, aðgengi að rafmagni, fráveit-
umál og styrkar gagnaflutningsleiðir.
Mannauður og aðgengi að þjónustu
og mörkuðum er annað sem fyrir-
tæki horfa til. Þjónusta og iðnaður í
tengslum við athafnasvæðið á Grund-
artanga hefur byggst upp og myndað
starfsgrundvöll fyrir mörg fyrirtæki á
Akranesi en hér eru mörg öflug fyrir-
tæki og stofnanir og ánægja þeirra er
mikilvæg ef við ætlum að laða til okk-
ar fleiri fyrirtæki með fjölbreytt störf.
Klasahugsun
í ferðamálum
Ferðamennska hefur verið í vexti og
þar eru tækifæri sem við Skagamenn
þurfum að nýta okkur. Bæjarfélag-
ið og atvinnurekendur þurfa að taka
höndum saman og vinna með mark-
vissum hætti að því að fjölga ferða-
mönnum sem vilja nýta þá þjónustu
og afþreyingu sem hér er boðið upp
á. Ýmislegt hefur verið gert, ferjan
Akranes, markaðssetning á Vitanum
og samtal við grasrótina. Uppbygg-
ing á Frístundamiðstöð við Garða-
völl, Guðlaug og fyrirhuguð upp-
bygging íþróttamannvirkja eru sókn-
arfæri sem munu laða til okkar fjölda
gesta. Samstarf í anda klasafræðanna
þar sem fyrirtæki og opinberir aðilar
taka höndum saman er eitthvað sem
við ættum að skoða til að setja enn
meiri kraft í þessa sókn.
Höldum áfram og byggjum upp at-
vinnu á Akranesi.
Sandra Margrét Sigurjónsdóttir
Höfundur skipar 2. sæti á lista Sjálf-
stæðisflokksins á Akranesi til bæjar-
stjórnarkosninga í vor.
Atvinnulíf sem
blómstrar
Pennagrein
Þessi fyrirsögn er stutt lýsing á því
sem hæglega getur gerst í fámenn-
ari sveitarfélögum með aðstoð
kosningalaga. Í 29. grein stendur
orðrétt: „Nú kemur aðeins fram
einn framboðslisti og skal þá yf-
irkjörstjórn framlengja framboðs-
frest um tvo sólarhringa. Komi
ekki fram nýr framboðslisti áður
en þeim fresti lýkur verður fram-
kominn framboðslisti sjálfkjör-
inn.“
Hættan er þessi. Að þar sem 5
eða 7 sveitarstjórnarmenn eru í
frekar fámennu sveitarfélagi og
í síðustu kosningum (eða jafnvel
mörgum undangengnum kosn-
ingum) hafa ekki verið bornir fram
listar, þess í stað hefur verið við-
haft persónukjör þá eru allir þar til
bærir íbúar í kjöri.
Svo kemur að kosningum eins
og núna og næstum allir íbúarn-
ir eru sultuslakir, enda hefur ekki
komið neitt fram sem bendir til
annars en að persónukjör verði
áfram viðhaft.
Þá getur til þess að gera fámenn-
ur hópur fólks undirbúið fram-
boðslista í kyrrþey og lagt hann
fram á síðustu stundu. Þá er sam-
kvæmt 29. gr. gefinn tveggja sól-
arhringa frestur og ef ekki kemur
fram annar listi innan þess tíma
þá er listinn sjálfkjörinn. Það eru
minni líkur en meiri á því að tím-
inn dugi til að bregðast við með
öðrum lista, sem þýðir engar kosn-
ingar, ekkert lýðræði.
Þessari 29. lagagrein þarf að
breyta og það strax á þann hátt að
komi ekki fram annar framboðs-
listi áður en þeim fresti lýkur verði
viðhaft persónukjör. Með þannig
breytingu er hægt að afstýra valda-
ráni og ræna í leiðinni réttinum af
fólki til að kjósa. Á sama tíma og
þetta er látið viðgangast, þá eru
þingmenn þess í stað uppteknir af
því að reyna að lækka kosninga-
aldurinn niður í 16 ár til að stækka
hópinn sem hægt er að ræna rétt-
inum til að kjósa.
Það verður lengi margt skrýtið
á Íslandi.
Svavar Garðarsson, Búðardal.
Valdarán og engar kosningar
til sveitarstjórnar
Í boði laga um kosningar til sveitarstjórna
Pennagrein
Verðlaunin Framúrskarandi ungir Ís-
lendingar eru veitt árlega af JCI Ís-
landi. Þau eru fyrst og fremst hvatn-
ingarverðlaun til ungs fólks sem er að
takast á við krefjandi og athyglisverð
verkefni. „Þetta er hvatning og viður-
kenning fyrir ungt fólk sem kemur til
með að hafa áhrif í framtíðinni,“ segir
í tilkynningu frá JCI Íslandi. „Fram-
tíðarsýn JCI Íslands fyrir verðlaunin
er sú að þau skapi sér sess í íslensku
þjóðlífi. Veki athygli á ungu fólki sem
starfar af eldmóð, heilindum og ósér-
hlífni án þess endilega að hafa hlotið
athygli almennings og verði þeim sem
þau hljóta hvatning til frekari dáða og
veki athygli á verkum þeirra.“
Á hverju ári biður JCI almenning
um aðstoð við að finna framúrskar-
andi ungt fólk á aldrinum 18-40 ára.
Leitað er að einstaklingum sem hafa
skarað framúr á sínu sviði, verið góð-
ar fyrirmyndir og gefið af sér til sam-
félagsins. Hægt er að senda inn til-
nefningar með að fara á vefslóðina
framurskarandi.is
Tilnefnt er í eftirfarandi tíu flokk-
um:
1. Störf á sviði viðskipta, frumkvöðla
og/eða hagfræði.
2. Störf á sviði stjórnmála, ríkismála
og/eða lögfræði.
3. Leiðtogar/afrek á sviði menntamála.
4. Störf /afrek á sviði menningar.
5. Störf á sviði siðferðis- og/eða um-
hverfismála.
6. Framlag til barna, heimsfriðar og/
eða mannréttinda.
7. Störf á sviði mannúðar- eða sjálf-
boðaliðamála.
8. Störf á sviði tækni og vísinda.
9. Einstaklingssigrar og/eða afrek.
10. Störf /uppgötvanir á sviði læknis-
fræði. mm
Óskað tilnefninga um fram-
úrskarandi unga Íslendinga
Pennagrein
Borgarbyggð er einstakt sveitar-
félag sem hefur alla burði til að
verða eitt af eftirsóknarverðustu
sveitarfélögum landsins. Tæki-
færin eru óþrjótandi og við höf-
um nú þegar fjöldamörg tromp á
hendi. Grunnstoðir sveitarfélags-
ins eru sterkar, hér eru reknir skól-
ar á öllum skólastigum, mannlífið
og menningarlífið er fjölbreytt og
skemmtilegt, skilyrði til arðbærs
rekstrar fyrirtækja eru hagfelld,
náttúran er gullfalleg, ferðaþjón-
ustan vekur athygli um heim allan,
búsetukostir eru fjölbreyttir, fast-
eignaverð er tiltölulega lágt, stutt
er til höfuðborgarinnar og áfram
mætti lengi telja.
Mér er því hulin ráðgáta hvers
vegna fólksfjölgun í Borgarbyggð
hefur ekki verið í takti við þróunina
í öðrum sambærilegum sveitarfé-
lögum. Vitanlega er ekki sjálfgef-
ið að menn viti hvaða tromp Borg-
arbyggð hefur á hendi og hvað
hingað er að sækja. Ljóst er að ef
við viljum snúa þessari þróun við
er nauðsynlegt að veita mikilvægi
markaðssetningar á sveitarfélaginu
aukna athygli.
Sjálfstæðismenn í Borgarbyggð
ætla að beita sér fyrir stórauk-
inni markaðssetningu á sveitarfé-
laginu í því augnamiði að laða til
okkur íbúa og fyrirtæki. Forsenda
þess að markaðssetningin skili ár-
angri er að sækja markvisst fram
og spila út þeim trompum sem
við höfum á hendi. Þá er eigi síð-
ur mikilvægt að við gerum okkur
grein fyrir því hverju við viljum
bæta við svo fjölgun íbúa og fyrir-
tækja verði líklegri en ella. ,,Í upp-
hafi skyldi endinn skoða,“ - mikil-
vægast af öllu er að vita fyrir hvað
við viljum að Borgarbyggð standi –
að vita hver draumasýnin er. Þegar
þeirri spurningu hefur verið svar-
að verður öllum ljóst hvaða ávinn-
ingur hlýst af því að búa, starfa eða
reka fyrirtæki hér. Við ætlum að
vanda til verka og leita álits íbúa,
atvinnurekenda og fagaðila um
dýrmæt ráð í stefnumörkun og
markaðssókn.
Markaðssetningin lýtur að því
að kynna sveitarfélagið út á við og
draga fram þá kosti sem einkenna
samfélagið okkar. Þó má ekki
gleyma því að markaðssetning inn
á við er ekki síður mikilvæg og eru
ánægðir íbúar dýrmætasta auð-
lindin í því samhengi. Hvert og
eitt okkar getur lagt hönd á plóg í
þeirri vegferð. Til að mynda skipt-
ir miklu máli að tala á jákvæðan
hátt um kosti Borgarbyggðar og
það sem vel er gert. Fögnum vel-
gengni íbúa og fyrirtækja, því vel-
gengni á einum stað er um leið
velgengni fyrir okkur öll. Tökum
líka vel á móti nýju fólki og fyr-
irtækjum og sýnum þeim þakk-
læti sem hafa trú á Borgarbyggð -
að í Borgarbyggð sé gott að búa,
starfa og/eða stunda atvinnurekst-
ur. Sýnum þeim að þau völdu rétt
sveitarfélag! Við berum öll ábyrgð
á því að byggja upp jákvæðan stað-
aranda svo fólki líði vel hérna, geti
blómstrað og sjái ekki þann kost
vænstan að flytja héðan. Sveitar-
félög Borgarbyggðar sameinuðust
fyrir rúmum áratug á pappírunum
og nú höfum við tækifæri til að
sameinast einnig að öllu leyti í hug
og hjarta – að vera sem ein heild
inn á við og út á við.
Markviss markaðssetning fel-
ur ekki í sér kostnað heldur fjár-
festingu sem skilar góðum ,,arði“
strax og til lengri tíma litið. Mark-
aðssetning er lykillinn að því að
,,stækka kökuna“, þ.e. að auka
tekjur sveitarfélagsins og bæta um
leið afkomu þess með því að fjölga
íbúum, fyrirtækjum og tækifærum.
Aukin afkoma gerir okkur kleift
að veita enn betri þjónustu og að
sinna jafnframt nauðsynlegum og
tímabærum fjárfestingum í mann-
virkjum, gatnagerð og innviðum
stofnana sveitarfélagsins svo eitt-
hvað sé nefnt. Okkur hættir oft til
að falla í ,,sparnaðargryfjuna“ svo-
kölluðu – þar sem álitlegast er tal-
ið að skera niður kostnað til þess
að bæta afkomuna. Það er alltaf
nauðsynlegt að halda vel á spilun-
um og fara gaumgæfilega yfir sér-
hver fjárútlát sveitarfélagsins. En
höfum það ávallt hugfast að það
eru tvær hliðar á peningnum. Það
má einnig bæta afkomuna með því
að snúa vörn í sókn og grípa til
markaðsaðgerða sem miða að því
að auka tekjur sveitarfélagsins og
þar með möguleika þess á að verða
enn eftirsóknarverðara í hugum
fólks og atvinnurekenda.
Við sjálfstæðismenn ætlum að
kortleggja þessi tækifæri og koma
þeim á framfæri með skýrum hætti.
Við munum móta heildstæða
stefnu sem lýtur að því að kynna
sveitarfélagið sem eftirsóknar-
verðan búsetukost þar sem boðið
er upp á góða þjónustu fyrir íbúa
gegn hóflegu gjaldi, fjölbreyttan
búsetukost og spennandi atvinnu-
tækifæri. Staðið verður fyrir sér-
stöku, tímabundnu átaki þar sem
ofangreindir áhersluþættir verða í
forgrunni.
Ræturnar til Borgarbyggðar eru
sterkar og mér þykir afar vænt um
að búa hérna. Ég vil leggja mitt af
mörkum við að byggja upp samfé-
lagið okkar með því að glæða enn
frekar atvinnulífið og mannlífið –
hér á alltaf að vera gott og gam-
an að búa. Höfum gaman saman
og sameinumst um að byggja upp
sveitarfélagið okkar á jákvæðan,
skemmtilegan og árangursríkan
hátt – öllum núverandi og verð-
andi íbúum til hagsbóta.
Gerum lífið betra.
Sigurður Guðmundsson
Höf. skipar 3. sæti á lista Sjálf-
stæðismanna í Borgarbyggð.
Spilum út trompunum
– sækjum fram
Fréttaveita Vesturlands
www.skessuhorn.is