Skessuhorn - 02.05.2018, Blaðsíða 4

MIÐVIKUDAGUR 2. MAÍ 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Í alla staði til
fyrirmyndar
Síðastliðið laugardagskvöld gerði ég mér ferð í Íþróttahúsið við Vestur-
götu á Akranesi til að fylgjast með Söngkeppni framhaldsskólanna sem
þar fór fram. Ég vildi fylgjast með keppni og ná myndum eins og blaða-
menn þurfa jú að gera. Ástæðan var ekki síður sú að ég hreifst af þeirri
áræðni sem Ísólfur Haraldsson hjá Vinum hallarinnar sýndi fyrir hálfum
mánuði, með því að taka að sér með engum fyrirvara að fóstra keppn-
ina, eftir að aðrir höfðu gefið það frá sér. Útlit var fyrir að þessi 28 ára
og góða keppni myndi falla milli skips og bryggju annað árið í röð, sem
hefði verið synd. Fúslega skal ég einnig viðurkenna að ég hef lúmskt
gaman að svona söngkeppnum, hvort sem þær eru haldnar hér heima, í
Ameríku svo ekki sé talað um hina gömlu góðu Eurovisjón.
En hvað um það. Keppnin hófst á slaginu klukkan níu. Salurinn var
fullur og eftirvænting lá í loftinu. Þarna voru bæði mættir stuðnings-
menn einstakra keppenda en einnig venslalausir sem keyptu sér miða
til að njóta góðrar skemmtunar. Strax eftir fyrsta atriði af alls 24 mátti
segja að boltinn hafi farið að rúlla. Þarna steig á svið ungt og afar hæfi-
leikaríkt fólk og flutti atriði á heimsklassa. Ég bókstaflega ætlaði ekki að
trúa hversu faglega og vel var að öllu staðið og án undantekninga. Fólk
í salnum var farið að hvísla um að dómnefndarinnar biði erfitt verkefni,
jafnvel vonlaust, að velja eitt atriði sem skaraði framúr öllum hinum. Í
mínum huga áttu þau nefnilega flest fyllilega skilið að vinna í þessari
keppni.
Ég ræddi stuttlega við Einar Bárðarson formann dómnefndar að
keppni lokinni. Hann sagði mér að hann hefði verið fenginn til að dæma
undankeppni Eurovisjón í Þýskalandi í vetur. Það hefði verið miklu auð-
veldara verkefni en dómnefndinni hér heima var falið á laugardaginn.
Fullyrti hann að Söngkeppni framhaldsskólanna hefði aldrei verið jafn-
sterk og jöfn og nú. Menntamálaráðherra sem afhenti verðaunin var
sama sinnis. Gaf hún tónlistarskólum landsins alveg sérstakt hrós því
þeir hlytu að eiga stóran þátt í hversu unga fólkið bar sig fagmannlega
að við allt, hvort sem það var sviðsframkoma, söngur eða undirspil.
Ég var þeirrar gæfu aðnjótandi að alast upp í samfélagi þar sem færð
voru upp leikrit á nánast hverju ári og í skólanum var árshátíð og jóla-
skemmtun þar sem allir fengu að vera með í lestri, söng, leik eða hvað
það nú var sem gert var til skemmtunar hverju sinni. Ungmennafélagið
í sveitinni var einnig afskaplega virkur félagsskapur og fólk hafði gaman
af að sýsla í leiklist. Allir fengu að vera með á sínum eigin forsendum,
enginn var skilinn útundan. Ef menn gátu ekki hugsað sér að leika, var
þeim falið hlutverk við förðun, leiktjaldasmíði, miðasölu eða annað sem
hentaði þeim. Þarna hlaut maður félagslegt uppeldi sem hefur komið
sér vel æ síðan. Því fagna ég framtaki eins og þessu þar sem ungt fólk
getur í keppni, sem þó er á jafningjagrunni í sínum skóla, staðið sig vel
og öðlast keppnisrétt í söngkeppni og komið fram í beinni útsendingu í
sjónvarpi. Hvílík reynsla! Nemendur allsstaðar af landinu áttu frábæra
kvöldstund í Íþróttahúsinu við Vesturgötu á laugardaginn og ég er full-
viss um að þeir sem fylgdust með keppninni heima í stofu geta verið
sammála því. Söngkeppni af þessu tagi þjappar þjóðinni saman og er í
alla staði til fyrirmyndar. Til hamingju.
Magnús Magnússon
Leiðari
Alþingi samþykkti síðastliðinn
fimmtudag breytingarfrumvarp
um fyrirkomulag strandveiða, sem
hefjast einmitt í dag, 2. maí. Með-
al helstu breytinga nú er að veiðar
verða leyfðar í 12 daga í senn í hverj-
um mánuði, frá maí og til ágúst, og
geta veiðimenn þá róið þegar vel
viðrar til veiðanna. Með breyting-
unni er reynt að koma í veg fyrir
svokallaðar ólympískar veiðar sem
taldar voru stefna öryggi sjómanna
í hættu. Þá eru sett inn skilyrði um
heimilisfesti sjómanna til að þeir sæki
síður of margir inn á sama strand-
veiðisvæðið. Um það segir orðrétt
í hinum nýju lögum: „Eingöngu er
heimilt að veita skipi leyfi til strand-
veiða miðað við það landsvæði þar
sem útgerð skips á heimilisfesti.“
Þá segir auk þess um vald ráðherra
til að stöðva veiðar ef afli fer um-
fram leyfilegt magn: „Ráðherra get-
ur með auglýsingu í Stjórnartíðind-
um stöðvað strandveiðar þegar sýnt
er að heildarafli strandveiðiskipa fari
umfram það magn sem ráðstafað er
til strandveiða samkvæmt reglugerð
sem ráðherra setur um strandveiðar
fyrir árið 2018.“
Þverpólitísk samstaða náðist um
afgreiðslu málisins á þingi, að sögn
Lilju Rafneyjar Magnúsdóttur al-
þingismanns VG og formanns at-
vinnuveganefndar. Í aðsendri grein
hér í blaðinu í dag útskýrir Lilja Raf-
ney ítarlega það sem í frumvarpinu
felst. mm
Strandveiðar hefjast í dag
Á síðustu dögum hafa strandveiðisjómenn verið á fullu að gera báta sína klára
fyrir veiðarnar. Voru handtökin mörg sem þurfti að vinna til að hægt væri að setja
bátana á flot. Voru allir fjölskyldumeðlimir nýttir til aðstoðar eins og þessir feðgar
sem voru í óðaönn að botnmála Stefaníu SH 82 um liðna helgi. Ljósm. þa.
Mjög góður afli fékkst í öll veiðar-
færi í síðustu viku, að sögn Péturs
Bogasonar hafnarvarðar í Ólafsvík.
„Já, blessaður vertu, það er bara
flott veiði hjá öllum,“ sagði Pétur
og bætti við að fiskurinn væri mjög
stór og vænn sem komið hefur að
landi. „Til dæmis tók dragnótar-
báturinn Leynir SH aðeins tvö höl
og fékk 22 tonn og aðrir dragnótar-
bátar hafa einnig aflað vel. Sama á
við um netabátana. Þeir hafa fiskað
vel og hefur Bárður SH til dæmis
verið að landa þetta 30 til 40 tonn-
um á dag. Svo eru handfærabátar
byrjaðir og þar er einnig sama sag-
an,“ segir Pétur; „mjög góður afli
og hafa bátar landað upp í fjögur
tonn yfir daginn.
af
Góð aflabrögð í Snæfellsbæ
Emil Freyr Emilsson skipstjóri
á Guðbjarti SH innbyrðir hér
einn vænan þorsk. Sjá má að
sá hafði verið hálfnaður að
éta annan vænan fisk. „Þetta
er svaka flykki,“ sagði Emil og
bætti við; „svona risar gætu
gleypt fréttarita Skessuhorns i
einum bita!
Skipulags- og umhverfissvið Akra-
neskaupstaður hefur auglýst al-
mennan íbúafund um skipulags-
mál. Verður hann í dag, miðviku-
daginn 2. maí klukkan 18 í bæjar-
þingsalnum á Stillholti 16-18. Á
fundinum verða kynntar tillögur
um breytingu aðalskipulags vegna
tveggja aðskildra framkvæmda
í sjó fram. Annars vegar verður
kynnt fyrirhuguð lenging hafnar-
garðs og brimvarnargarðs í Akra-
neshöfn. Hins vegar verður kynnt
fyrirhuguð breyting á hafnarsvæð-
inu við Grenjar, en þar sækir Skag-
inn 3X um að gera allt að 1,3 hekt-
ara landfyllingu til norðausturs út í
Krókalón. Lóðin Bakkatún 30 yrði
þá stækkuð svo mögulegt verði að
heimila stækkun á iðnaðarhúsnæði
um allt að 4000 fermetra. Síðar-
nefnda skipulagsbreytingin hef-
ur mætt gagnrýni nágranna við
Krókalón og Vesturgötu.
Bæjarstjórn Akraneskaupstaðar
samþykkti á fundi sínum 27. febrú-
ar síðastliðinn að auglýsa breyt-
ingu á aðalskipulagi og rann frestur
til athugasemda út 21. mars. Fjöl-
margar athugasemdir bárust við
fyrirhugaða landfyllingu, einkum
frá íbúum í nágrenninu sem telja
verulega á rétt sinn gengið. Meðal
annars hefur verið farið fram á að
áður en ákvörðun verði tekin verði
lagt hagfræðilegt mat á skerðingu
verðmæta fasteigna við göturn-
ar Krókatún og Vesturgötu vegna
aukinnar starfsemi á Grenjum og
skerðingu á útsýni sem verði stöð-
ugt verðmætara. Anna Lára Stein-
dal sem býr við Krókatún 16 er
meðal þeirra sem berst í ræðu og
riti hart gegn fyrirhuguðum breyt-
ingum í nágrenni sínu. Hún seg-
ir að útlits- og sjónmengun skipti
ekki öllu máli, heldur snúist mót-
mæli hennar um spurninguna
hvernig bæ fólki vilja búa í. „Mig
langar svo innilega og hjartanlega
til þess að búa í samfélagi þar sem
lífsgæði íbúa og velmegun þeirra,
náttúru og samfélags er ekki met-
in, hvað þá fórnað, út frá fjárhags-
legum hagsmunum þeirra sem eiga
eitthvað undir sér og fá því að taka
sér vald til þess að hundsa lífsgæði
og náttúru eftir behag eins og þessi
verðmæti væru einskis nýtt drasl,“
skrifar Anna Lára á Facebook síðu
sína. mm
Íbúar mótfallnir fyrirhugaðri
landfyllingu í Krókalón