Skessuhorn - 02.05.2018, Blaðsíða 11

MIÐVIKUDAGUR 2. MAÍ 2018 11
Síðastliðinn föstudag var tekin
fyrsta skóflustunga að þúsund fer-
metra þjónustumiðstöð í Borg-
arnesi þar sem fyrirhugað er að
verði til húsa verslanir og veit-
ingahús. Húsið verður reist á lóð-
inni Digranesgötu 4, á milli húsa
Bónuss og Arionbanka næst þjóð-
veginum þegar ekið er inn í bæinn
að sunnan. Það er Borgarland ehf.
sem byggir með tilstyrk Kaup-
félags Borgarfirðinga en kaup-
félagið á eins og kunnugt er allt
hlutafé í fyrirtækinu. Í máli Guð-
steins Einarssonar kaupfélags-
stjóra og framkvæmdastjóra Borg-
arlands kom fram að þetta verkefni
markaði tímamót því það verður
fyrsta stóra framkvæmdin sem fé-
lögin ráðast í eftir hrun. Húsin á
lóðinni verða tvö. Í þessum fyrri
áfanga verður stærra húsið byggt,
en það verður rúmir þúsund fer-
metrar. Seinna húsið verður um
700 fermetrar. Lóðaframvæmd-
ir fara þó fram í þessum áfanga
vegna beggja húsanna.
Jarðvegsframkvæmdir og bygg-
ingin sjálf verður alfarið í höndum
heimafólks. Borgarverk annast alla
jarðvinnu og lóðafrágang, Tré-
smiðja Eiríks J Ingólfssonar er að-
alverktaki við bygginguna en ein-
ingar í húsið koma frá Límtré Vír-
neti. Reist verður límtréshús og
eru áætluð verklok 1. mars 2019.
Þá á húsið að vera nánast fullbú-
ið til þeirrar starfsemi sem í því
verður. Samkvæmt arkitektateikn-
ingum verður stór veitingastaður í
húsinu sem og verslun ásamt rúm-
góðri hreinlætisaðstöðu. Guð-
steinn sagði í samtali við Skessu-
horn að þrátt fyrir gríðarlega
fjölgun ferðafólks á Vesturlandi,
og ekki hvað síst í Borgarnesi, hafi
til þess að gera lítið bæst við af
þjónusturými á liðnum árum. „Við
sjáum sóknarfæri í þessari gegn-
umstreymis þjónustu og staðsetn-
ing verslunar og veitingasölu á
þessum stað styrki þá trú okkar að
fjárfestingin verði góð. Við ætlum
engu að síður að leggja áherslu á
að byggja hagkvæmt. Húsið verð-
ur á einni hæð og aðgengi verður
eins og best verður á kosið,“ segir
Guðsteinn. Hönnuður hússins er
Batteríið, en um verkfræðihönnun
sá Verkís.
mm
Hyrjarhöfði 8 110 Reykjavík
sími: 577-1090

Við
Önnumst
Skóflustunga tekin að nýrri
þjónustumiðstöð í Borgarnesi
Skóflustunga tekin að nýju þúsund fermetra húsi á lóðinni Digranesgötu 4.
Að lokinn skóflustungu var tími fyrir myndatöku. F.v. Guðrún Sigurjónsdóttir
stjórnarformaður KB, Eiríkur J Ingólfsson byggingaverktaki, Margrét Guðnadóttir
verslunarstjóri og Guðsteinn Einarsson kaupfélagsstjóri.
Guðrún Sigurjónsdóttir á Glitstöðum, stjórnarformaður KB, tók fyrstu skóflu-
stunguna að fyrra húsinu af tveimur sem reist verða á lóðinni. Hér er hún við
stjórnvölinn í gröfu frá Borgarverki.
Guðsteinn ávarpaði gesti og sagði frá verkefninu.
Hér má sjá teikningu af austur og norður hlið hússins.