Skessuhorn - 02.05.2018, Blaðsíða 14

MIÐVIKUDAGUR 2. MAÍ 201814
Framlag Menntaskólans á Akur-
eyri, þar sem Birkir Blær Óðinsson
söng lagið I put a spell on you, eftir
Screamin’ Jay Hawkins, bar sigur úr
býtum í Söngkeppni framhaldsskól-
anna á laugardagskvöldið. Keppnin
fór fram í Íþróttahúsinu við Vestur-
götu á Akranesi og var engu til spar-
að til að gera hana eins glæsilega og
raun bar vitni. Um það geta áhorf-
endur á RUV vitnað, en keppnin var
sýnd í beinni útsendingu. Það vakti
athygli gesta og ekki síst dómnefnd-
ar, sem hafði það erfiða hlutverk að
velja sigurvegara, hversu jöfn og góð
keppnin var að þessu sinni. Einar
Bárðarson formaður dómnefndar-
innar sagði í samtali við Skessuhorn
að þessi keppni hefði verið sú jafn-
besta sem hann hefði fylgst með frá
upphafi Söngkeppni framhaldsskól-
anna árið 1990. Það var svo Lilja Al-
freðsdóttir menntamálaráðherra sem
afhenti hljóðnemann, verðlaunagrip-
inn sem keppt er um. Lét hún þess
getið í ávarpi sem hún flutti hversu
góð keppni þetta hafi verið og kvaðst
ekki hafa áhyggjur af gæðastarfi í
tónlistarnámi víðsvegar um land-
ið. Unga fólkið sem steig á svið hafi
sannað það.
Samhliða keppninni fór fram síma-
kosning og völdu landsmenn framlag
Fjölbrautaskóla Norðurlands vestra
best. Fyrir skólann söng Valdís Val-
björnsdóttir sem túlkaði lagið Stone
Cold eftir Demi Lovato.
Kynnar keppninnar í ár voru þau
Steiney Skúladóttir og Atli Már
Steinarsson. Alls voru það 24 fram-
haldsskólar sem sendu atriði til
keppni. Þar af voru þrír framhalds-
skólar af Vesturlandi; Menntaskóli
Borgarfjarðar, Fjölbrautaskóli Snæ-
fellinga og Fjölbrautaskóli Vestur-
lands á Akranesi. mm
Birkir Blær sigraði í Söngkeppni framhaldsskólanna
Birkir Blær Óðinsson með hljóðnemann, ásamt hljómsveit sem spilaði undir í flestum atriðum.
Hljómsveitin Pési og breiðnefirnir var fulltrúi Menntaskóla Borgarfjarðar. Sveitina
skipa Þórður Brynjarsson, Snæþór Bjarki Jónsson, Pétur Snær Ómarsson og
Kristján Guðmundsson. Piltarnir sungu lagið Mescalin sem hljómsveitin Egó gerði
frægt hér á árum áður.
Menntamálaráðherra afhenti verðlaunin. Til hægri eru kynnar kvöldsins.
Fulltrúar Fjölbrautaskóla Snæfellinga voru þær Kristbjörg Ásta Viðarsdóttir og
Amelía Rún Gunnlaugsdóttir. Þær sungu dúettinn No Peace eftir Sam Smith og
Yebba.
Fulltrúar Fjölbrautaskóla Vesturlands voru þær Rakel Eyjólfsdóttir og María
Einarsdóttir. Þær sungu lagið Emmylou eftir sænska þjóðlagadúettinn First Aid
Kit.
Ég vil þakka öllum þeim sem heiðr-
uðu mig með nærveru sinni og
þakklæti til allra þeirra, er lögðu
hönd á plóg og gerðu það mögu-
legt að halda tónleikana „Við tón-
anna klið“ í Tónbergi dagana 23.
mars og 14. apríl. Sérstakar þakkir
til Lárusar Sighvatssonar, sem hélt
utan um verkefnið.
Kær kveðja,
Óðinn G. Þórarinsson
Kærar þakkir
fyrir góða tónleika
Hin árlega stórsýning Bifhjólafj-
elagsins Raftanna og Fornbílafj-
elags Borgarfjarðar verður í Brák-
arey í Borgarnesi laugardaginn 12.
maí klukkan 13 – 17. Á þessu ári
er minnst hundrað ára afmæli bíls-
ins í Borgarnesi. Sá bíll var af Ford
gerð og verða Ford bílar áberandi á
sýningunni, að sögn Unnars Bjart-
marssonar Rafts númer 22. „Nýj-
ungar í ár eru helst í formi þess að
kajakar og búnaður þeim tengd-
ur verður kynntur og mjög áhuga-
vert fyrirtæki sem selur dróna af
öllum stærðum og gerðum mætir
á staðinn,“ segir Unnar. „Þá mæta
velflest mótorhjólaumboð til okk-
ar auk fyrirtækja með verkfæri og
fleira þessháttar.
Sýningin er greinilega farin
að festa sig í sessi sem viðburð-
ur á landsvísu því okkur reyndist
mjög auðvelt að fá umboð á stað-
inn. Mörg hver eru farin að reikna
með þessu sem föstum lið í dagskrá
sinni. Í fyrra vorum við með Hilm-
ar Lúthersson í Raftaheimilinu með
gömul hjól mestmegnis frá fimmta
áratuginum, en að þessu sinni mæt-
ir Hjörtur Jónasson til okkar með
safn sitt sem er að megninu til frá
7. og 8. áratugnum, allt breskt og
gríðarlega vandaðar uppgerðir af
hjólum.“ Unnar gat þess einnig að
á auglýsingaplakati vegna hátíð-
arinnar er mynd af fyrsta bílnum í
Borgarnesi og eiganda hans. Þá er
jafnframt mynd af Bjarna Johansen
sem er Raftur nr. 1, en hann situr á
rússnesku mótorhjóli UM49 árgerð
1956. „Þetta hjól hafði hann m.a.
með sér þegar hann var að vinna á
jarðýtu fyrir margt löngu í héraðinu
og notaði mikið,“ segir Unnar.
Geta má þess að félögin ákváðu
í upphafi að frítt skyldi vera á sýn-
ingarnar þannig að allir gætu mætt
með fjölskylduna og haft skemmti-
legan dag með félögunum. Þá er
vöfflusalan að sjálfsögðu á sínum
stað. „Það er mikill fjöldi fornbíla
og mótorhjóla væntanlegur á stað-
inn og er í sjálfu sér heilmikil sýn-
ing í þeirri gestakomu út af fyrir
sig. Að sjálfsögðu erum við háð-
ir veðri að allt gangi vel upp, en
við erum vanir því að það sé gott
og ætlum ekkert að fara að breyta
því. Ýmsar uppákomur verða útivið
ef vel viðrar sem of snemmt er að
auglýsa en við búumst við miklu lífi
í Brákareynni,“ segir Unnar Bjart-
marsson.
mm
Stefnir í enn einn stórviðburðinn í Brákarey