Skessuhorn - 02.05.2018, Blaðsíða 17

MIÐVIKUDAGUR 2. MAÍ 2018 17
því að þetta yrði erfitt og myndi hafa
áhrif á félagslífið og lögðum þar til
dæmis áherslu á að það færi ekki
saman að ná langt í íþrótt og neysla
áfengis,“ segir Ásdís. „Okkur þykir
líka mikilvægt að hann geri sér grein
fyrir því að hann beri sjálfur ábyrgð
á sinni íþrótt og leggi vinnuna á sig
sjálfur.“
Mikill kostnaður
Eins og flestir foreldrar vita er það
kostnaðarsamt að eiga börn sem
stunda íþróttir, sérstaklega þeg-
ar keppt er á háu stigi. Þegar börn-
in hafa svo náð á það stig að þurfa
að ferðast milli landa til að keppa
verður kostnaðurinn töluvert meiri.
„Kostnaðurinn er mikill og við höf-
um að mestu staðið undir því sjálf.
Ferðalögin kosta sitt en svo bæt-
ist við kostnaðurinn við búnaðinn
og æfingarnar. Daníel er með þjálf-
ara sem við borgum fyrir einkatíma
og ferðalög,“ segir Ásdís. Búnaður-
inn sem notaður er í skylmingum
er ekki heldur ódýr og þarf reglu-
lega að endurnýja. „Ég þarf alltaf að
hafa fjögur sverð í gangi og stund-
um brotna þau. Það kostar 17 þús-
und krónur bara að kaupa nýtt sverð
og svo þarf öðru hvoru að endurnýja
allan búnaðinn og kostar það sitt,“
bætir Daníel við.
Sækja um styrki
Aðspurð hvort þau hafi sóttum styrki
á Íslandi segir Ásdís það vera næsta
skref. „Við ákváðum að sjá hvernig
Evrópukeppnirnar myndu fara áður
en við færum í það. Þær gengu von-
um framar og svo hefur Daníel farið
mjög hratt fram nú í vetur og nú ætl-
um við að fara að skoða hvar við get-
um sótt aðstoð,“ segir hún og bæt-
ir því við að Skylmingasamband Ís-
lands hafi þó stutt töluvert við bak-
ið á Daníel. „Skylmingar eru æfð-
ar af miklu kappi á Íslandi en að-
eins með höggsverði og hafa Íslend-
ingar náð mjög góðum árangri á al-
þjóða vísu. Daníel er eini Íslending-
urinn sem keppir alþjóðlega í skylm-
ingum með stungusverði og er það
því okkar von að vel gangi að fá enn
frekari stuðning frá Íslendingum,
þeir standa venjulega þétt við bakið
á sínu íþróttafólki. Daníel hefur líka
hugsað sér að opna Facebook síðu
þar sem hann getur sagt frá því sem
er í gangi hverju sinni, nokkurs kon-
ar dagbók hans um skylmingarnar.“
arg/ Ljósm. úr einkasafni.
Leikskólarnir á Akranesi héldu ár-
gangamót síðastliðinn fimmtu-
dag þar sem hver árgangur hitt-
ist á ákveðnum leikskóla. Börn-
in áttu mjög góða stund saman,
borðuðu pylsur og léku sér saman.
Að sögn Margrétar Þóru Jónsdótt-
ur leikskólastjóra á Teigaseli hafa
árgangamót verið haldinu í nokk-
ur ár og alltaf heppnast mjög vel.
Börnin eru glöð að hitta jafnaldra
sína á öðrum leikskólum og fá að
kynnast.
arg
Árgangamót
leikskólanna
Eftir hádegismatinn áttu börnin góða stund saman að lesa bækur.
Þessir tveir félagar lásu bók saman.
Daníel Þór Líndal Sigurðsson stefn-
ir á að keppa fyrir Íslands hönd í
skylmingum með stungusverði á
sumarólympíuleikunum í París árið
2024. Daníel er fæddur í London
árið 2001 en er nú búsettur ásamt
foreldrum sínum og yngri bróður í
Belfast á Norður-Írlandi. Foreldr-
ar hans eru Sigurður Sævarsson og
Skagakonan Ásdís Líndal. Daníel
hefur æft skylmingar frá árinu 2012
þegar Ísak bróðir hans sannfærði
hann um að koma með sér á æfingu.
„Ísak var mikið fyrir sverð og lang-
aði að prófa skylmingar. Þeir bræð-
ur byrjuðu því báðir að æfa en Ísak
hætti svo í nokkur ár því hann var
of ungur fyrir þessa íþrótt, hann er
þó byrjaður að æfa aftur núna,“ segir
Ásdís þegar blaðamaður heyrði ný-
verið hljóðið í henni og Daníel.
„Ég man þegar þeir voru nýbyrj-
aðir að æfa og ég hitti einn pabb-
ann á æfingu. Við vorum að tala um
hversu skemmtileg og flott íþrótt
þetta væri fyrir krakkana. Þá sagði
þessi pabbi við mig; „bíddu bara þar
til þú þarft að fara að keyra með þá
til Dublin á æfingar eða mót.“ Ég
sagði honum að það væri nú ekki að
fara að gerast, þetta væri bara svona
smá áhugamál. Ég hafði heldur bet-
ur rangt fyrir mér og nú erum við
búin að ferðast um alla Evrópu á
mót og það er rétt að byrja,“ bætir
hún við og hlær.
Valdi Ísland
Daníel stóð til boða að keppa fyrir
hönd Bretlands en vildi frekar keppa
fyrir Íslands hönd. „Mér fannst ég
hafa betri og fjölbreyttari möguleika
til að vaxa í íþróttinni sem kepp-
andi fyrir Ísland. Ef ég hefði valið að
keppa fyrir Bretland hefði ég þurft
að keppa mun meira hér innanlands
en með því að keppa með Íslandi fæ
ég að keppa mun víðar. Sem kepp-
andi fyrir Íslands hönd fæ ég líka
mun persónulegri stuðning og svo
er líka heiður að fá að vera fulltrúi
Íslands. Þó ég sé fæddur og búsett-
ur hér úti er Ísland alltaf mitt land,“
segir Daníel brosandi og bætir því
við að sem keppandi fyrir Ísland sjái
hann mun meiri möguleika til að ná
langt. „Þeir sem keppna í stungu-
sverði eru venjulega upp á sitt besta
um 27-28 ára aldur. Ég er því tölu-
vert ungur í íþróttinni og hef næg-
an tíma til að verða enn betri og ná
langt. En til að ná því markmiði þarf
ég að safna í reynslubankann og það
get ég mun frekar gert sem kepp-
andi Íslands,“ bætir hann við. Þrátt
fyrir að hafa valið Ísland mun Daní-
el þó æfa með breska landsliðshópn-
um næsta vetur í Englandi.
Skólinn sýnir
mikinn stuðning
Haustið 2016 ákvað Daníel að fara
að keppa í skylmingum af fullri al-
vöru. Síðan þá hefur hann keppt
víða og náð mjög góðum árangri.
Honum hefur farið mjög fram núna
í vetur og að sögn þjálfara er Daní-
el iðjusamur og metnaðarfullur í
íþróttinni og leggur sig alltaf 100%
fram. „Daníel hefur keppt töluvert
hér í Bretlandi og á Írlandi en svo
hefur hann líka keppt á Evrópu-
mótaröðinni í Þýskalandi, Frakk-
landi, Austurríki, Slóvakíu og Pól-
landi. Auk þess sem hann keppti í
Evrópumeistarakeppni í Rússlandi
og hafnaði í 47. sæti og í Heims-
meistarakeppni á Ítalíu þar sem hann
hafnaði í 89. sæti,“ segir Ásdís. Auk
þess að stunda skylmingar er Daní-
el mikill námsmaður en hvernig fer
námið saman við stífar æfingar og
keppnisferðir um alla álfuna? „Skól-
inn hefur sýnt mér mikinn stuðn-
ing sem ég er mjög þakklátur fyr-
ir,“ segir Daníel. „Það er í raun frek-
ar sérstakt hvað skólinn hefur sýnt
Daníel mikinn stuðning í ljósi þess
að áherslan í þessum skóla er rugby.
Nemendur skólans hafa því svolítið
verið valdir inn út frá rugby og auð-
vitað námsárangri. Daníel hefur þó
sýnt að hann hefur mikinn metnað
fyrir náminu og fær A í öllum próf-
um. Hann hefur líka keppt í skylm-
ingum fyrir skólann. Á breska einka-
skólamótinu hafnaði hann í þriðja
sæti af 200 keppendum,“ segir Ás-
dís, „en næst á dagskrá er svo breska
unglingameistaramótið og samveld-
ismeistaramótið í sumar. “
Metnaðarfullur
námsmaður
Aðspurður segir Daníel lítið kom-
ast að annað en skylmingar og skóli.
„Ég er að fara að taka GCSE próf
núna í vor, það er svipað og sam-
ræmd próf á íslandi. Álagið hefur
því verið mikið í náminu undanfar-
ið en svo róast það aftur þar til ég
tek lokapróf aftur eftir tvö ár.“ Ásdís
bætir þá við að Daníel hafi alltaf ver-
ið mjög metnaðarfullur í náminu.
„Ég er ekki viss um að margir for-
eldrar kannist við að þurfa að stoppa
börnin sín af í lærdómi. Það þekkj-
um við þó vel og höfum oft þurft að
stoppa Daníel af þegar hann ætlar
að fara aftur að læra klukkan ellefu
að kvöldi eftir langan dag í skóla og
á æfingum. Það sem ég held að eigi
stóran þátt í því hversu vel honum
gengur í skóla er hvað hann er dug-
legur að skipuleggja sig. Hann nýt-
ir allar lausar stundir til að læra og
er til að mynda alltaf með skólabæk-
urnar með í flugi þegar hann fer að
keppa.“
Ber sjálfur ábyrgð
Til að ná þessum árangri hefur
Daníel þurft að leggja á sig mikla
vinnu. Hann fer á tækniæfingar 3-4
sinnum í viku auk þess sem hann
tekur styrktaræfingar í ræktinni 2-4
sinnum í viku. „Þetta er þétt dag-
skrá og ég hef ekki mikinn tíma fyr-
ir félagslíf. Ég hef þó alveg tíma til
að eiga vini og fara í bíó og svona
en ég get ekki gert margt annað. En
þetta er líka það sem ég hef valið að
gera,“ segir Daníel. „Við pabbi hans
ræddum það sérstaklega að ef hann
ætlaði að fara að keppa á alþjóðlegu
stigi myndi eitthvað annað þurfa að
víkja. Við gerðum honum grein fyrir
Ungur og efnilegur skylmingamaður
keppir fyrir Íslands hönd
Rætt við Daníel Þór skylmingamann og Skagakonuna Ásdísi Líndal
Daníel Þór ásamt Johnny Davis
þjálfara sínum og Nikolay Mateev for-
manni Skylmingasambands Íslands.
Daníel Þór Líndal Sigurðsson keppir fyrir Íslands hönd í skylmingum með
stungusverði.
Í keppni með stungusverði.