Skessuhorn - 02.05.2018, Blaðsíða 20

MIÐVIKUDAGUR 2. MAÍ 201820
Útboð jarðvinnu við nýjan með-
ferðarkjarna nýs Landspítala við
Hringbraut í Reykjavík hefur ver-
ið auglýst og framkvæmdir munu
hefjast í sumar. Meðferðarkjarninn
er stærsta bygging framkvæmdar-
innar og mun gjörbreyta allri að-
stöðu fyrir sjúklinga, starfsfólk og
aðra sem tengjast starfsemi sjúkra-
hússins. Svandís Svavarsdóttir
heilbrigðisráðherra segir útboð-
ið risastóran og langþráðan áfanga
í uppbyggingu Landspítalans
við Hringbraut: „Nú styttist í að
draumur verði að veruleika þegar
við sjáum verklegar framkvæmdir
hefjast við þennan stóra og mik-
ilvæga hluta Hringbrautarverk-
efnisins. Gangi áætlanir eftir lýk-
ur byggingu spítalans árið 2024,“
segir Svandís.
Í fjármálaáætlun ríkisstjórnar-
innar, sem nú er til umfjöllunar
á Alþingi, er gert ráð fyrir tæp-
lega 75 milljarða króna fjárfest-
ingu í sjúkrahússþjónustu og fer
mest til byggingar nýs Landspít-
ala við Hringbraut. Framkvæmd-
ir við byggingu meðferðarkjarn-
ans hefjast á þessu ári en megin-
þungi framkvæmda verður á árun-
um 2020-2023. mm
Hefja brátt vinnu við
nýjan meðferðarkjarna
Landspítalans
Fyrirhugaður meðferðarkjarni, torgið austan hans og gamli spítali við enda
torgsins. Ljósm. Spital.
Vísnahorn
Þeir sem ástunda skíða-
íþróttina af nokkurri
ástríðu hafa getað notið
sín í vetur. Ólíku er þó
saman að jafna nú þeg-
ar skíðalyftur draga menn hvert sem þá lyst-
ir. Áður þurfti fólk að ganga fyrst á staðinn
og síðan á skíðum upp til þess að geta rennt
sér aftur niður. Á árunum fyrir stríð var tölu-
verður skíðaáhugi í Hálsasveit og Hvítársíðu
og einhvern tímann fóru nokkrir menn á skíði
upp á Ok. Björn Jónsson frá Haukagili var í
förinni og varð fyrir því að detta og meiða sig
á nefi. Þá kvað Erlingur Jóhannesson:
Nefið þétt í kaldan klett
kempan netta setti,
gat á bletti bjórnum flett
burt af grettu smetti.
Vonandi fer nú að minnka um skíðafærið úr
þessu. Að minnsta kosti á láglendi. Eitt sinn
er Sigurður frá Brún var á ferð hjá vini sín-
um Höskuldi Einarssyni í Vatnshorni varð
hann fyrir því að reiðhestur hans nuddaði út
úr sér beislið meðan Sigurður saup úr bolla
og spjallaði um vísur við vin sinn. Ekki fannst
beislið þrátt fyrir talsverða leit og ekki fyrr
en árið eftir og hafði þá verið brennd sina á
svæðinu. Daginn eftir að beislið fannst var
pósturinn á ferð og Höskuldur greip miða og
hripaði á hann:
Beislið er fundið, brunnið er leður,
brúnar stengur af ryði.
Minnir þó enn á maí veður
mettað af fuglakliði,
fallegar merar, folöld skjótt,
fáka með strengda kviði.
Fannst mér í gær og frammá nótt
sem framhjá mér þetta liði.
Oft var nú gaman á vornóttum í þá tíð og
ekki man ég betur en eftirfarandi vísa sé eftir
Valda Jós:
Enginn vekur að því gaum,
andar ljúft um vanga.
Læt ég nú við lausan taum
litla folann ganga.
Það mun hinsvegar hafa verið Magnús
Halldórsson sem orti þessar vorvísur:
Færist í auka hjá fuglunum þvargið
og fretar á hlaupunum hvíandi stóð.
Ég heyri sem bakraddir hettumávsgargið
er heiðlóan vorinu kveður sinn óð.
Vonlaust ef hýrum mun hér fjölga þétt
að hækka neitt kaupið við ljósmæðrastétt.
Úthagajurtir senn blómgast á börðum
og bráðlega sjáum við miðnætursól.
Bakveikir gamlingjar brölta í görðum,
en börnin sér una hjá tölvu í stól.
Næsta vísa nefnist Logn og mun ort á Ak-
ureyri en ekki er vitað um höfund:
Horfir yfir hafið slétt,
hyggst að væta kollinn,
Vaðlaheiði hefur sett
höfuðið í Pollinn.
Á árunum eftir stríð og framyfir 1960 að
minnsta kosti voru töluverðar sviptingar í
hinum íslenska skáldaheimi og tókust þar
á annarsvegar atómskáldin sem töldu hina
fornu kveðskaparhefð staðnaða og svo þeir
sem vildu halda í hina fornu ljóðahætti. Á
fullveldisfagnaði Stúdentafélags Reykjavíkur
30 nóvember 1959 var flutt Skáldaríma ort af
þeim Sveinbirni Beinteinssyni, Halldóru B.
Björnsson og Valborgu Bentsdóttur og skal
nú kíkt í þau fræði um stund. Upphafsvísa
mansöngs fyrstu rímu er á þessa leið:
Augnabláa oft má sjá
öldurkráarlóu
ganga á ská við skáldin á
skónum táamjóu.
Og þegar Mansöng er lokið kemur að rím-
unni:
Þar skal opna sögusvið,
segir af stríði grimmu,
atómfólk og formsins lið
fór í harða rimmu.
Jötunefldur Jón úr Vör
jöfur þorparanna,
yfirmaður er í för
atómnorparanna.
Fleiri hetjur eru þar nefndar til sögu í báð-
um fylkingum og ekki allar árennilegar:
Sigurður A Ma sinnisramur
sótti framur vopnaþing.
Dökkur á haminn hrafn með glamur
hræjum tamur flaug í kring.
Atómsálmabrögðum beitti,
barði, fálmaði, kvað og söng,
rímum tálma vondan veitti
vaskleg Pálmholtskempan ströng.
Orðablækur yfir landið
atómsvækju spúðu i nauð.
Ljóðaklækjum loft var blandið,
leðjan stæka vall og sauð.
Rímarar skörðótt vígin vörðu,
verkin örðug rækja þeir,
sátu á hörðu og saman börðu
svita og jörð, og þá varð leir.
Þeir Þorsteinn frá Hamri og Sveinbjörn
Beinteinsson höfðu þá fyrir stuttu deilt nokk-
uð í blöðum um skáldskap og Þorsteinn ný-
lega gefið út ljóðabókina ,,Í svörtum kufli“:
Sveljandi hregg úr svörtu skeggi,
Sveinbjörn eggjar mannaval.
Atómseggja varnarveggi
vísnasleggja mölva skal.
Þorsteinn sótti, Sveinbjörn varðist,
sitthvað ljótt menn heyrðu þar.
Skáldið mótt við skálkinn barðist,
skeggið óttalegt þá var.
Sveinbjörn þreytir sverðið skarpa,
samt það veitir enginn hrufl,
þar sem eitureggin snarpa
ekki beit á svartan kufl.
Eitthvað mun Sigurður frá Brún hafa
blandað sér í þessar deilur enda er hans getið
í rímunni:
Þegar fór að þoka að kveldi þessum degi,
brynjaðan risa bar við skýin,
beint hann reið á atómvígin.
Sýndist mönnum Siggi á Brún þar sjálfur fara
einn á ferð á eigin meri,
ákaft fram í gráðið reri.
Og ætli við látum svo ekki Þórarinn Þor-
leifsson á Skúfi eiga hér lokavísuna og vona að
þessa verði ekki of langt að bíða:
Fjall úr híði hraðar sér,
hvamma prýði skorið.
Ó, það bíður eftir þér,
yndis blíða vorið.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Þar sem eitureggin snarpa - ekki beit á svartan kufl
Fréttaveita Vesturlands
www.skessuhorn.is
Sektir og önnur viðurlög fyrir um-
ferðarlagabrot hækkuðu stórlega 1.
maí síðastliðinn. Sektir hafa marg-
ar hverjar verið óbreyttar í rúman
áratug og mörgum þótt þær of lágar
og hafa lítinn fælingarmátt. Sekt-
ir við umferðarlagabrotum eru til
þess fallnar að veita ökumönnum
aukið aðhald og stuðla þannig að
auknu umferðaröryggi, segir í frétt
frá Samgöngustofu. „Nauðsynlegt
þykir að fjárhæð sekta endurspegli
alvarleika umferðarlagabrota og þá
hættu sem þau skapa. Flestar sektir
hækka og oft þrefalt eða fjórfalt á
við það sem þær voru.“
Lægsta sektarfjárhæð frá 1. maí
verður 20.000 krónur en var áður
5.000 krónur. Eina undantekning-
in er að sekt fyrir að hafa ekki öku-
skírteini meðferðis verður 10.000
krónur. Hæstu sektirnar hækka
einnig, þó að hlutfallslega sé hækk-
unin ekki eins mikil. mm
Sektir hækkaðar umtalsvert
Á meðfylgjandi töflu má sjá nokkur dæmi um hækkun sekta fyrir umferðarlagabrot frá 1. maí sl.