Skessuhorn - 16.05.2018, Blaðsíða 23

MIÐVIKUDAGUR 16. MAÍ 2018 23
Nú þegar vorið er komið og skóla-
starfi að ljúka er yfirleitt mikið líf
og fjör í skólum landsins og skóla-
starf oft óhefðbundið. Þannig var
síðasta vika í Fjölbrautaskóla Snæ-
fellinga í Grundarfirði, en þá voru
útskriftarnemar að dimmitera og
á föstudaginn bauð nemendafélag
skólans upp á mat fyrir nemend-
ur og kennara en þá grillaði forseti
nemendafélagsins hamborgara ofan
í alla. tfk
Mikið um að vera hjá FSN
Útskriftarhópurinn var hress áður en haldið var í vöfflukaffi á kennarastofunni eins og hefð er fyrir.
Haukur Páll Kristinsson grillaði
hamborgara ofan í liðið síðasta
föstudag en honum til halds og
trausts er Ólafur Tryggvason um-
sjónarmaður fasteignarinnar.
„Borgarbyggð verði í fararbroddi
meðal íslenskra sveitarfélaga í um-
hverfisstarfi.“ Þetta er fyrsta setn-
inginn í umhverfisstefnu Borgar-
byggðar sem samþykkt var af um-
hverfis- og skipulagsnefnd 11.
febrúar 2013. Núna, rúmum fimm
árum eftir að þessi stefna var gefin
út, eigum við mjög langt í land.
Ég tel mjög mikilvægt að leggja
áherslu á að vinna að þessu mark-
miði. Það gerum við meðal annars
með því að velja vistvænni vörur
fram yfir einnota og þá sérstaklega
plast. Einnig með notkun tækja sem
nota umhverfisvænni orkugjafa s.s.
rafbíla.
Í áðurnefndri umhverfisstefnu
kemur einnig fram að sérstök
áhersla skuli lögð á að jarðgera
lífrænan úrgang, í því hefur ekk-
ert gerst í fimm ár og tel ég löngu
tímabært að taka til hendinni í þeim
efnum.
Þá þurfum við að efla verulega
fræðslu og kynningu á sorpflokkun
og tryggja það að allir íbúar sveita-
félagsins hafi gott aðgengi að flokk-
unarstöðvum. Við
í VG viljum skoða
hvetjandi kerfi
með afslætti á sorphirðugjöldum
fyrir þá sem flokka.
Umhverfissjónarmið eiga að hafa
vægi við ákvarðanatöku alveg eins
og t.d. fjárhagssjónarmið og at-
vinnusjónarmið.
Brynja Þorsteinsdóttir
Höf. skipar 5. sæti á lista VG í
Borgarbyggð
Pennagrein Pennagrein
Borgarbyggð í fararbroddi
Pennagrein
Ég heiti Haraldur Már Stefánsson
og skipa 6. sæti á lista Sjálfstæðis-
flokksins í Borgarbyggð fyrir kom-
andi sveitarstjórnarkosningar.
Einn góður frambjóðandi í góðu
bæjarfélagi gaf það eitt sinn út sem
kosningaloforð að hann skyldi berj-
ast fyrir því að gera aðalgötu bæj-
arins jeppafæra eigi síðar en fyrir
næstu jól. Góður.
Það má öllum íbúum Borgar-
byggðar vera ljóst að mikil við-
haldsþörf er komin á götur og
gangstéttar í i þéttbýliskjörnum
okkar. Við Sjálfstæðisfólk mun-
um fara í markvissa vinnu á þessu
sviði til að bæta og fegra umhverfi
okkar. Við viljum koma á samráðs-
hópi þar sem sitja fulltrúar íbúa,
fyrirtækja og sveitarfélagsins. Þessi
hópur myndi til að mynda koma að
markmiðasetningu og stefnumót-
un varðandi opin svæði með tilliti
til áherslna á heilsueflandi samfélag
sem Borgarbyggð er.
Hópurinn myndi einnig koma
að skipulagningu varðandi viðhald
gatna og gangstétta í þéttbýli Borg-
arbyggðar og útbúa framkvæmda-
áætlun. Hún mun síðan verða öll-
um íbúum Borgarbyggðar aðgengi-
leg á heimasíðu sveitarfélagsins.
Þannig munt þú vita hvenær kemur
að þinni götu.
Einnig væri hægt að nýta hóp-
inn til að kortleggja betur hjóla
og göngustíga í sveitarfélaginu og
hvernig er hægt að tengja þá betur
saman.
Þá viljum við einnig fara í úr-
bætur á skólalóðum grunn- og leik-
skóla sveitarfélagsins.
Til að fegra um-
hverfið okkar og
bæta ásýnd Borg-
arbyggðar mynd-
um við vilja koma á hvatakerfi. Það
væri þá í boði fyrir þann sem vill að
sækja um greiðslur í sjóð til þess að
fegra og byggja upp ákveðin opin
svæði út frá þeirri stefnu sem væri
sett um svæðin. Til að bæta ásýnd
sveitabæja væri hægt að skoða leiðir
í samstarfi við félög bænda.
Borgarbyggð er heimili okkar og
þar þarf okkur að líða vel í fallegu
og snyrtilegu umhverfi.
Gerum lífið betra!
X-D 26. maí.
Haraldur Már Stefánsson.
Höf. skipar 6. sæti á lista Sjálfstæð-
isflokksins í Borgarbyggð.
Hvenær kemur að minni götu?
Í menningarstefnu Borgarbyggðar
segir að eitt helsta markmið hennar
sé að styrkja og efla menningarlega
vitund íbúa og þar með innviði sam-
félagsins. Borgfirðingar geta státað
af góðum söfnum og sýningum. Má
þar nefna Safnahús, Landnámssetur,
Landbúnaðarsafn, Snorrastofu og
Fornbílasafn. Nýlega kom út skýrsla
vinnuhóps um þróun safnastarfs
í Borgarbyggð – aukin starfsemi
í menningarhúsinu Hjálmakletti.
Þar koma fram tillögur að fram-
tíðarskipan þeirra safna í Borgar-
byggð sem rekin eru á ábyrgð sveit-
arfélagsins. Skýrslan olli mikilli úlf-
úð á meðal íbúa og sýndist sitt hverj-
um. Samfylking og óháð vilja styðja
við starfsemi í Safnahúsi í núverandi
mynd en vilja þó að aukið verði við
opnunartíma safnsins og að starf-
semi þess verði betur kynnt með það
að markmiði að fjölga sýningargest-
um og auka þar með tekjur safnsins.
Þá viljum við styðja við og hvetja til
samvinnu á milli þeirra sem starfa á
sviði menningar í sveitafélaginu. Við
viljum efla Hjálmaklett sem ráð-
stefnu- og menningarhús með auk-
inni markaðssetningu.
Maðurinn er félagsvera. Félags-
störf eru oft mikilvægur þáttur í lífi
einstaklinga og eflir það og þroskar
bæði andlega og líkamlega heilsu.
Í Borgarbyggð getum við státað af
öflugu félagsstarfi. Hér eru öflug
leikfélög, mikið kórastarf, vel starf-
andi eldri borgara félag, félagsstarf í
kringum alla skóla í sveitarfélaginu,
skátarnir, Rauði krossinn og svo
mætti lengi telja. Það sem hins veg-
ar skortir á er að nýbúar í sveitarfé-
laginu fái upplýsingar um allt þetta
öfluga og góða félagsstarf og upplýs-
ingar um að þeir hafi jafnvel mögu-
leika á því að vera þátttakendur. Fyr-
ir mitt leyti var þátttaka í félagsstarfi
það sem styrkti mig og efldi í sam-
félaginu og varð m.a. til þess að við
fjölskyldan höfum ákveðið að setjast
hér að.
Ég bý í dreifbýli Borgarbyggðar.
Stundum finnst mér eins það séu
þrjú til fjögur sveitarfélög í sveitar-
félaginu. Ég veit að það eru marg-
ir sammála mér í þessari skoðun.
Ég brenn fyrir að allir í sveitafélag-
inu vinni saman að betri byggð, að
við þéttum hópinn hvort sem við
búum í þéttbýli eða dreifbýli og efl-
um samkenndina. Það þarf að auka
uppbygginu í öllu sveitarfélaginu og
gæta þess að allir í samfélaginu séu
vel upplýstir því þannig náum við að
virkja fleiri íbúa.
Samfylking og óháð leggja til að
ráðinn verði markaðs- og kynn-
ingarfulltrúi sem m.a. myndi kynna
sveitarfélagið, koma betur á fram-
færi blómlegu menningarlífi sveitar-
félagsins, félagsstarfi þess og myndi
vinna í því að tengja saman alla íbúa
í sveitarfélaginu.
Margrét Vagnsdóttir
Höfundur skipar 4. sæti á lista
Samfylkingar og óháðra í Borgarbyggð
Menning, félagsstarf
og samvinna
Pennagrein
Drífandi starfsfólk, dug-
legir stjórnendur
Undanfarið hafa skólamál og kjör
starfsfólks í grunnskólum og leik-
skólum verið mikið til umfjöllunar,
enda er þetta mikilvægur málaflokk-
ur. Leik- og grunnskólar á Akranesi
eru frábærar stofnanir og bænum til
mikils sóma. Undanfarið hefur varla
liðið ár þar sem menntastofnun á
Akranesi hlýtur ekki verðlaun af ein-
hverjum toga. Hvernig má líka ann-
að vera þegar skólarnir eru fullir af
metnaðarfullu, drífandi starfsfólki og
góðum stjórnendum sem hugsa út
fyrir rammann.
Álag verður að minnka
Í kjölfar hrunsins varð grimmur nið-
urskurður til þessara stofnana raun-
in. Ekki hefur enn verið fyllilega bætt
fyrir þann niðurskurð. Þar er t.d.
hægt að nefna veikinda- og orlofsaf-
leysingu í leikskólunum sem afnumin
var á sínum tíma og hefur aðeins að
litlu leyti verið skilað til baka. Þessi
sparnaður átti að vera tímabundinn.
Þetta veldur álagi á bæði starfsfólk og
nemendur og er með rökum hægt að
segja að sparnaðurinn kosti meira en
hann skilar. Miðað við fjárhagsstöðu
bæjarins ætti að vera hægt að gera
betur á þessum vettvangi og það vilj-
um við í Samfylkingunni gera.
Fjölga þarf fagaðilum
Á Íslandi er skóli án aðgreiningar
opinber skólastefna. Það felur í sér
að allir nemendur,
fatlaðir eða ófatl-
aðir, eigi rétt á að
sækja sinn heimaskóla og fá þá þjón-
ustu sem þeir eiga rétt á þar. Nú er
staðan sú að talsverður munur er
á mönnun grunnskólanna okkar á
þessu sviði. Fjölga þarf fagaðilum
í Grundaskóla til að sinna auknum
fjölda barna með sérþarfir. Þetta má
ekki gera á kostnað annarra mennta-
stofnana í bænum, eins og gert var
fyrr á þessu kjörtímabili þegar meiri-
hluti bæjarstjórnar gerði kröfu um
fækkun stöðugilda í Tónlistarskól-
anum til að mæta aukinni stoðþjón-
ustuþörf í Grundaskóla. Fulltrúar
Samfylkingarinnar í skóla- og frí-
stundaráði og bæjarstjórn mótmæltu
þeirri aðgerð á sínum tíma.
Leikskólavist frá
18 mánaða aldri
Samfylkingin á Akranesi ætlar að
tryggja leikskólavist frá 18 mánaða
aldri. Til þess þarf að huga að nýj-
um leikskóla eða stækkun á öðrum
3ja deilda leikskóla bæjarins. Í sam-
þykktri framkvæmdaáætlun bæjarins,
sem lögð er fram af meirihluta bæjar-
stjórnar, er ekki gert ráð fyrir neinum
peningum í nýbyggingar, hvorki við
grunnskóla né leikskóla. Nauðsyn-
legt er að blása þarna til sóknar og
Samfylkingin vill vera þar í forystu.
Kristinn Hallur Sveinsson
Höfundur skipar 4. sæti á lista
Samfylkingarinnar á Akranesi til bæj-
arstjórnarkosninga í vor.
Skólarnir á
Akranesi