Skessuhorn - 23.05.2018, Blaðsíða 19
MIÐVIKUDAGUR 23. MAÍ 2018 X-2018 SVEITARSTJÓRNARKOSNINGAR 19
eldrum mínum, þeim Ástu og Ör-
lygi. Ég hef mikinn áhuga á bæj-
armálunum á Akranesi og var það
kveikjan að því að ég ákvað að taka
þátt í bæjarstjórnarkosningunum
árið 2014. Að fá tækifæri til að taka
þátt í að móta og efla nærsamfélagið
sitt eru forréttindi, ég hef lært mik-
ið á þessum fjórum árum og kynnst
því góða starfi sem unnið er í hin-
um ýmsu stofnunum og fyrirtækjum
Akraneskaupstaðar.
Hver eru helstu áhersluatriði þíns
framboðs fyrir komandi kosning-
ar?
Sjálfstæðisflokkurinn á Akranesi
ætlar að halda áfram ábyrgri fjár-
málstjórnun, skilvirkri stjórnsýslu,
uppbyggingu íþróttamannvirkja og
félagsaðstöðu sem styður við heilsu-
eflandi samfélag. Við munum áfram
stuðla að iðandi mannlífi í fallegum
bæ með sterku skólasamfélagi og
fjölbreyttu atvinnulífi sem byggir á
traustum innviðum þar sem hugað
er að velferð allra.
Hverja metur þú a) helstu kosti
þíns sveitarfélags og b) hvað þarf
helst að bæta?
a) Akranes er framúrskarandi fjöl-
skyldubær. Við eigum frábærar
menntastofnanir sem eru mannað-
ar vel menntuðu og hæfu fólki, mik-
ið og kröftugt íþróttalíf, góða heil-
brigðisstofnun og sterk fyrirtæki.
Við Akurnesingar erum ánægðastir
allra landsmanna með sveitarfélagið
okkar og erum jafnframt ólíklegust
til þess að flytja burt næstu tvö árin.
b) Við viljum byggja upp fjöl-
breyttari atvinnutækifæri og teljum
mikilvægt að hlúa að þeim fyrirtækj-
um sem hér eru sem og að laða að
ný fyrirtæki. Það þarf að halda áfram
viðhaldi og endurbótum gatna í sam-
ræmi við langtímaáætlun og þá vilj-
um við bæta umhverfisvitund og um-
gengni okkar við náttúruna.
Hvernig spáir þú að úrslitin verði
í þínu sveitarfélag?
Við í Sjálfstæðisflokknum vonumst
eftir áframhaldandi umboði til góðra
verka. Við viljum byggja upp á þeim
grunni sem við höfum lagt á kjör-
tímabilinu sem er að renna sitt skeið
á enda og trúum því að jákvæð staða
í rekstri bæjarins og ánægja íbúa
með þjónustuna skili sér til okkar í
atkvæðum á kjördag.
Miðflokkurinn
Miðflokkurinn hefur listabók-
stafinn M.
Helga Jónsdóttir er oddviti
listans. Hver er konan?
Ég heiti Helga Jónsdóttir og er
Skagakona í húð og hár. Móðir mín
er Anna Jóna Gísladóttir. Hún er
fædd á Sauðarkróki, en alin upp á
Akranesi. Faðir minn var Jón Þor-
grímsson frá Kúludalsá í Innri Akra-
neshreppi. Ég á þrjár systur og einn
bróðir og er allur hópurinn búsettur
hér á Akranesi.
Ég útskrifaðist sem vélsmiður frá
Fjölbrautaskóla Vesturlands árið
1999, 16 ára byrjaði ég að vinna á
vélaverkstæði Sementsverksmiðju
ríkisins og hef starfað sem iðnaðar-
maður síðan. Árið 2002 var ég ráð-
in til Slökkviliðs Akraness sem hluta-
starfandi slökkviliðsmaður, þar sem
ég geng helgarvaktir og sinni útköll-
um. Ég fékk löggildingu sem slökkvi-
liðsmaður árið 2010.
Ég er í sambúð með Víði Pálma-
syni og eigum við eitt barn.
Hver eru helstu áhersluatriði þíns
framboðs fyrir komandi kosning-
ar?
Helstu áherslur Miðflokksins eru á
atvinnumálin, þar er verk að vinna.
Við eigum mikið af skipulögðum
iðnaðarlóðum sem við þurfum að
ráðast í átak til að koma í notkun.
Við þurfum að hlúa að þeim fyrir-
tækjum sem fyrir eru á Skaganum
og gera þeim auðveldara að vaxa og
eflast og við áformum að ráða at-
vinnu- og ferðamálafulltrúa.
Við leggjum jafnframt mikla
áherslu á að bærinn geri stórátak í
viðhaldi gatna og fasteigna bæjarins.
Því miður, þá spara menn aurinn en
kasta krónunni þegar viðhald er látið
sitja á hakanum eins og verið hefur.
Við leggjum áherslu á fríar skóla-
máltíðir fyrir grunnskólabörn og
viljum sjá umhverfi tómstundamála
barna og unglinga eflast.
Hvað stóru myndina varðar, þá
leggjum við áherslu á að fara í könn-
unarviðræður við Hvalfjarðarsveit
um mögulega sameiningu og við vilj-
um leggja áherslu á að fá þjóðveg 1
fluttan vestur fyrir Akrafjall og áfram
um nýja þverun á Grunnafirði. Það
mun skipta miklu máli fyrir Akranes
að komast í hringvegartenginu.
Hverja metur þú a) helstu kosti
þíns sveitarfélags og b) hvað þarf
helst að bæta?
a) Á Akranesi er gott að búa. Öll
þjónusta er innan seilingar. Að-
staða til íþróttaiðkunar er góð og
nálægðin við höfuðborgarsvæðið
tryggir okkur gott aðgengi að þeim
stóra markaði sem þar er, bæði hvað
vinnu og þjónustu varðar. Á Akra-
nesi er frítt í sund fyrir börn og frítt
í strætó fyrir alla.
b) Það þarf að gera Akranes sam-
keppnishæfara við önnur sambærileg
sveitarfélög. Þrátt fyrir alla þá kosti
sem bærinn hefur, þá hefur hann ekki
náð að vaxa með sambærilegum hætti
og sveitarfélög fyrir austan fjall hafa
gert og ýmis þeirra sem á Reykjanes-
inu eru. Þetta lögum við með því að
gera Akranes samkeppnishæfara.
Hvernig spáir þú að úrslitin verði
í þínu sveitarfélagi?
Það verður mjótt á munum. Ég er
bjartsýn á að við getum náð góðum
árangri. Viðtökurnar við þeim mál-
efnum sem við höfum sett á oddinn
hafa verið góðar og frambjóðenda-
hópurinn er samstilltur og góður.
Ég treysti mér því til að spá því að
Miðflokkurinn verði með fulltrúa
við bæjarstjórnarborðið á komandi
kjörtímabili.
Samfylkingin
Samfylkingin er með lista-
bókstafinn S.
Valgarður Lyngdal er oddviti
listans. Hver er maðurinn?
Ég heiti Valgarður Lyngdal Jónsson,
ég fæddist á Akranesi árið 1972 og
ólst upp á Eystra-Miðfelli á Hval-
fjarðarströnd. Eiginkona mín, Íris
Guðrún Sigurðardóttir, er borin og
barnfædd á Akranesi. Við eigum þrjú
börn á aldrinum 14-24 ára og þau
heita Hrafnkell Váli, Jón Hjörvar
og Hlín Guðný. Ég er grunnskóla-
kennari og hef unnið við kennslu og
skólastjórnun síðan 1996. Við höf-
um búið á Akranesi síðan 2003, hér
hef ég starfað við báða grunnskóla
bæjarins og starfa nú sem umsjón-
arkennari á unglingastigi Grunda-
skóla. Bæjarmálin eru áhuga-
mál númer eitt hjá mér, enda bæði
tímafrek og gefandi. Ég hef ein-
lægan áhuga á að sinna þessu hlut-
verki vel og leggja mitt af mörkum
til að Akranes verði áfram það góða
og hlýlega samfélag sem við hjónin
höfum fengið að ala börnin okkar
upp í. Þegar tími gefst til reyni ég að
komast í gönguferðir eða dóla á ka-
jak meðfram ströndum Skagans.
Hver eru helstu áhersluatriði þíns
framboðs fyrir komandi kosning-
ar?
Slagorðið okkar fyrir þessar kosn-
ingar er „Akranes – allir með!“
Helstu áherslur má draga saman í
þessa punkta:
• Heimilið okkar, Akranes - leigu-
og kaupréttaríbúðir fyrir eldri borg-
ara, einstaklinga og fjölskyldur
ásamt búsetukjarna fyrir fatlaða.
• Góðar götur og fallegur bær -
áhersla á viðhald á götum og mann-
virkjum.
• Fjölskyldan í fyrirrúmi - aðgangur
fyrir alla að skóla- og frístundastarfi
í fremstu röð.
• Fjölbreytt atvinnulíf - endurskoða
atvinnumálastefnu bæjarins og fylgja
henni eftir með aðgerðaáætlun.
• Gerum bæinn grænni - aukum
endurvinnslu og drögum úr plast-
pokanotkun.
• Gerum Skagann skemmtilegri -
með fjölbreyttari möguleikum til
útivistar og bættu aðgengi að úti-
vistarsvæðum og strandlengju.
• Hjólum á sléttunni - betri hjóla-
og gönguleiðir um bæinn.
Hverja metur þú a) helstu kosti
þíns sveitarfélags og b) hvað þarf
helst að bæta?
a) Akranes hefur miklu fleiri kosti
en galla. Hér býr gott fólk sem læt-
ur sig varða um velferð samborg-
ara sinna og allir vilja öllum vel. Það
eru forréttindi að fá að ala börnin
sín upp á Akranesi, því hér eru all-
ir skólar, frístundastarf, íþróttafélög
og einfaldlega allt sem snýr að börn-
um í hæsta gæðaflokki. Samfélag
sem hugsar svona vel um börnin sín
er gott samfélag. Þess vegna er svo
mikilvægt að viðhalda þessu góða
starfi og við leggjum áherslu á að
gera starfsumhverfi betra fyrir bæði
starfsfólk og nemendur í grunnskól-
um og leikskólum.
b) Af því sem helst þarf að bæta
myndi ég fyrst nefna atvinnumál-
in. Það vantar fleiri og fjölbreytt-
ari störf fyrir fólk með ýmiss kon-
ar menntun og reynslu. Við viljum
að atvinnustefna bæjarins verði end-
urskoðuð og henni fylgt eftir með
aðgerðaáætlun. Húsnæðismálin eru
einnig stórt viðfangsefni hér eins og
reyndar hjá flestum sveitarfélögum.
Okkar skoðun er sú að gefa þurfi
fólki fleiri valkosti til að skapa sér
heimili heldur en séreignarmark-
aðinn sem einkennist af síhækkandi
verðlagi og óheyrilegum fjármagns-
kostnaði. Leigufélög án hagnaðar-
sjónarmiða og kaupréttaríbúðir eru
dæmi um slíka valkosti og einnig á
bærinn að standa myndarlega að
rekstri á t.d. þjónustuíbúðum fyr-
ir aldraða og félagslegu húsnæði.
Margt er vel gert í þjónustu við fatl-
aða, en þar er þó ýmislegt sem má
gera betur. Það vantar húsnæði svo
fólk geti búið sér heimili og ferða-
þjónustuna þarf að bæta verulega
þannig að hún raunverulega mæti
þörfum þeirra sem nota hana. Um
götur bæjarins og viðhald og upp-
byggingu mannvirkja þarf svo ekki
að hafa mörg orð því þar blasir þörf-
in við um allan bæ.
Hvernig spáir þú að úrslitin verði
í þínu sveitarfélagi?
Ég spái því að baráttan verði jöfn
og að munurinn verði lítill þeg-
ar talið verður upp úr kjörkössun-
um. Snemma komu fram þrjú öfl-
ug framboð á Akranesi sem allt eins
virtust geta skipt fylginu hnífjafnt á
milli sín, með u.þ.b. þriðjung hvert.
Síðan bættist fjórða framboðið við
og ég get ómögulega spáð um hvaða
áhrif það muni hafa. Við í Samfylk-
ingunni ætlum okkur hins vegar að
reka öfluga, jákvæða og heiðarlega
kosningabaráttu fram á síðasta dag
og ég er viss um að það muni skila
okkur góðum árangri á kjördag.
arg
Gerum Akranes samkeppnishæfara
- Áherslur Miðflokksins á Akranesi
Atvinnumál:
Við eigum skipulagðar atvinnulóðir í Flóahverfi, sem þarf að ráðast markvisst í að koma í notkun.
Við ætlum að fjölga störfum í ört stækkandi bæjarfélagi. Hlúa að núverandi fyrirtækjum ásamt því að skapa
aðstöðu fyrir nýja starfsemi.
Við ætlum að leggja áherslu á fjölbreytt atvinnutækifæri við allra hæfi og gera Akranes að betri valkosti.
Við ætlum að vinna að því að gera Akraneshöfn aftur að öflugri fiskihöfn.
Við ætlum að ráða atvinnu- og ferðamálafulltrúa.
Skólamál:
Við ætlum að hafa fríar skólamáltíðir í grunnskólum.
Við ætlum að efla tómstundastarf barna og unglinga og efla starfsumgjörð þeirra sem við það starfa.
Við ætlum að auka fjárveitingar til leikskóla og fjölga stöðugildum.
Innviðir og stóra myndin:
Við ætlum að stórbæta viðhald gatna og fasteigna bæjarins.
Við ætlum að beita okkur fyrir því að frárennslisgjöld verði lækkuð. Álögur á heimili og fyrirtæki þurfa að
lækka svo Akranes verði samkeppnishæfara.
Við ætlum að beita okkur fyrir því að rætt verði við nýja sveitastjórn Hvalfjarðarsveitar um sameiningu
sveitarfélaganna.
Við ætlum að beita okkur fyrir viðræðum við sveitarstjórn Hvalfjarðarsveitar og Vegagerðarinnar um færslu
þjóðvegar 1, vestur fyrir Akrafjall og áfram um Grunnafjörð. Það kemur bænum í hringvegartengingu sem
styður meðal annars við uppbyggingu þjónustu við ferðamenn.
Umhverfismál:
Við ætlum að móta umhverfisstefnu til framtíðar og að vera í fararbroddi í umhverfisvernd.
Við ætlum að beita okkur fyrir því að næsti strætisvagn bæjarins verði rafdrifinn.
Hér á Akranesi er gott að búa. Öll þjónusta er innan seilingar. Aðstaða til íþróttaiðkunar er góð og
nálægðin við höfuðborgarsvæðið tryggir okkur gott aðgengi að þeim stóra markaði sem þar er, bæði
hvað vinnu og þjónustu varðar. Þrátt fyrir þetta hefur Akranes ekki náð að vaxa með sambærilegum
hætti og sveitarfélögin fyrir austan fjall og mörg þeirra sem á Reykjanesinu eru. Þess vegna leggjum
við höfuðáherslu á að gera bæinn samkeppnishæfari.
Áhersluatriði Miðflokksins á Akranesi eru:
Valgarður Lyngdal Jónsson, oddviti
Samfylkingarinnar á Akranesi.