Skessuhorn - 23.05.2018, Blaðsíða 20
MIÐVIKUDAGUR 23. MAÍ 201820 SVEITARSTJÓRNARKOSNINGAR X-2018
Í kosningunum 2014 buðu
tveir listar fram í Stykk-
ishólmi, H-listi framfara-
sinnaðra Hólmara og L-listi
Samtaka félaghyggjufólks
í Stykkishólmi. H-listi fékk
fjóra bæjarfulltrúa kjörna og
L-listi þrjá. Þrír listar bjóða
fram að þessu sinni, H-listi
Framfarasinnaðra Hólmara,
L-listi listi allra Hólmara og
O-listi Okkar Stykkishólmur.
Listi framfarasinnaðra
Hólmara
H-listi, listi framfaras-
innaðra Hólmara.
Listabókstafurinn er H.
Hrafnhildur er oddviti listans.
Hver er konan?
Ég heiti Hrafnhildur Hallvarðs-
dóttir og hef búið í Stykkishólmi
í rúm 30 ár. Ég er uppeldisfræð-
ingur að mennt, er með kennslu-
réttindi á grunn- og framhalds-
skólastigi og er með MA gráðu
í stjórnun menntastofnana. Ég
kenndi við Grunnskóla Stykk-
ishólms í 20 ár en hef kennt við
Fjölbrautaskóla Snæfellinga síðan
2005 og verið stjórnandi við skól-
ann síðan 2012. Ég hef verið for-
maður skólanefndar Stykkishólms-
bæjar frá árinu 2010 og skipaði 6.
sæti H-lista fyrir síðustu sveitar-
stjórnarkosningar. Ég hef mikinn
áhuga á sveitarstjórnarmálum því
mér finnst að í lýðræðissamfélög-
um eigi allir að taka einhvern þátt
í bæjarpólitíkinni.
Hver eru helstu áhersluatriði
þíns framboðs fyrir komandi
kosningar?
Málefni aldraðra. Byggingarlóð-
ir fyrir íbúða- og atvinnuhúsnæði.
Starfsemi og húsnæði félagsmið-
stöðvar. Dagvistun barna, það þarf
að brúa bil á milli þess að fæðing-
arorlofi lýkur og þangað til leik-
skólavist hefst en í Stykkishólmi
eru 12 mánaða gömul börn tekin
inn á leikskóla. Nýting náttúru-
auðlinda á sjálfbæran hátt. Opið
bókhald og íbúalýðræði.
Hverja metur þú a) helstu kosti
þíns sveitarfélags og b) hvað
þarf helst að bæta?
a) Þjónusta fyrir íbúa í Stykkis-
hólmi er góð. Hér höfum við góð-
an grunnskóla og góðan leikskóla
og þar er ekki biðlisti. Hér eru
nokkuð fjölbreytt atvinnutæki-
færi og ekkert atvinnuleysi. Mik-
il fjölgun hefur orðið undanfarin
ár og margt ungt fólk hefur ákveð-
ið að flytja hingað, ýmist fólk sem
er að flytja aftur heim eða nýir
Hólmarar.
b) Hér vantar húsnæði, bæði íbúð-
arhúsnæði og atvinnuhúsnæði.
Það þarf að finna framtíðarlausn
varðandi húsnæði Dvalarheimilis
Stykkishólms og ráða hingað fast-
ráðinn heilsugæslulækni.
Hvernig spáir þú að úrslitin
verði í þínu sveitarfélagi?
Ég spái því að íbúar sveitarfélags-
ins kjósi það framboð sem er best
treystandi til að fara með stjórn
sveitarfélagsins næstu fjögur árin.
Listi allra Hólmara
L-listinn Stykkishólmi,
listi allra Hólmara.
Listabókstafurinn er L.
Lárus Ástmar er oddviti listans.
Hver er maðurinn?
Lárus Ástmar Hannesson 51 árs.
Ég hef búið í Stykkishólmi mestan
hluta ævinnar. Ég er giftur Maríu
Ölmu Valdimarsdóttur frá Akra-
nesi og eigum við fjögur börn.
Starf mitt er grunnskólakennari í
50% stöðu við grunnskólann hér
í bæ. Árið 2014 varð ég formaður
Landssambands hestamannafélaga
og hef gegnt því síðan en hesta-
mennska hefur nánast alla tíð verið
stór þáttur í mínu lífi. Annað sem
er mér kært er söngur og nota ég
hvert tækifæri til að syngja. Ým-
ist í góðra vina hópi, við hin ýmsu
tilefni eða í sturtunni. Ég hef setið
í bæjarstjórn Stykkishólms í 12 ár
og var meðal annars forseti bæjar-
stjórnar árin 2010-2014 og bæjar-
stjóri í lok þess tíma.
Málefni Stykkishólms eru mér
afar hugleikin og kær og er ég enn
að læra í þessu margþætta starfi
sem það er að vera bæjarfulltrúi.
Hver eru helstu áhersluatriði
þíns framboðs fyrir komandi
kosningar?
Við í L-listanum erum mjög ábyrg
þegar kemur að rekstri og skulda-
stöðu bæjarins. Strax eftir kosn-
ingar verður að fara yfir þróun
rekstrarins og finna leiðir til að
stöðva þá miklu skuldaaukningu
sem verið hefur undanfarin fjögur
ár. Gera verður viðauka við áætlun
ársins 2018 strax að loknum kosn-
ingum en ljóst er að langur veg-
ur er frá að gildandi áætlun muni
standast. Að því loknu þarf að lista
upp þau stóru verkefni sem nauð-
synlegt er að fara í og forgangs-
raða miðað við fjárhagslegt svig-
rúm.
Búið er að undirrita samkomu-
lag um að færa öldrunarþjónustu
bæjarins í húsnæði St. Fransiskus-
spítala við Austurgötu. Heimilið
verður glæsilegt með 18 hjúkrun-
arrýmum og mun uppfylla allar
kröfur sem gerðar eru til starfsemi
af þessu tagi. Margir kostir eru við
að aðstaðan verður byggð upp í
þessu sögufræga og reisulega húsi.
Helstar eru að stutt er í þá þjón-
ustu sem einstaklingar sem eru í
hjúkrunarrými þurfa að nýta t.d.
sjúkraþjónustu margskonar. Við
í L-listanum munum beita okkur
fyrir að þær áætlanir sem liggja
fyrir varðandi þær miklu fram-
kvæmdir sem fara þarf í standist.
Gera verður skólalóðina þann-
ig úr garði að hún sé boðleg fyr-
ir börnin okkar. Verkinu þarf að
áfangaskipta með þær teikningar
sem gerðar hafa verið að leiðar-
ljósi.
Við munum hefja endurgerð
Gamla Bíóhússins í samstarfi við
Húsfriðunarnefnd, félagasamtök,
fyrirtæki og einstaklinga. Húsið
mun nýtast bæjarbúum á margan
máta á næstu árum og verða aftur
stór hluti félags- og menningarlífs
bæjarbúa.
Það mikilvægasta er þó alltaf að
bæjarstjórn leggi sig fram við að
þjónusta íbúa Stykkishólms eins
vel og mögulegt er en við leggj-
um áherslu að fólk og fjölskyldur
séu í fyrirrúmi. Við leggjum mikla
áherslu á að bæjarfulltrúar vinni
vel saman og ekki verði myndaður
eiginlegur meirihluti.
Hverja metur þú a) helstu kosti
þíns sveitarfélags og b) hvað
þarf helst að bæta?
Stykkishólmur hefur marga kosti.
Sérstaklega gott er að ala hér upp
börn enda hefur ungt fólk flutt
í Stykkishólm á undanförnum
árum og hefur auk þess verið dug-
legt að geta börn. Skólarnir hafa
ávallt verið vel mannaðir og þarf
að standa vörð um að svo verði
áfram. Bærinn er fallegur og frek-
ar stutt í flesta þætti þjónustunnar.
Atvinnutækifæri eru fjölbreytt ef
miðað er við stærð af samfélagi en
huga þarf að nýjum tækifærum um
leið og við verjum störfin. Náttúr-
an í næsta nágrenni er einstök og
gefur bænum mikið vægi.
Hvernig spáir þú að úrslitin verði
í þínu sveitarfélagi?
Ég spái að kosningarnar fari á þann
veg að tvö framboð fái 2 menn en
eitt 3 menn í bæjarstjórn. Hvaða
framboð fær 3 menn skal ósagt lát-
ið.
Okkar Stykkishólmur
Okkar Stykkishólmur
býður fram undir
listabókstafnum O.
Haukur er oddviti listans. Hver
er maðurinn?
Ég er Haukur Garðarsson, 46 ára
og á ættir mínar að rekja til Rauf-
arhafnar. Ég hef sótt mér mennt-
un í tölvunar- og viðskiptafræði
frá HÍ sem og meistaranám í al-
þjóðahagfræði og fjármálum í
SDU í Danmörku. Ég flutti til
Stykkishólms fyrir 10 árum og hóf
störf sem skrifstofustjóri RARIK
og starfa þar enn. Ég er í sambúð
með Elínu Elísabetu Hallfreðs-
dóttur, sjúkraþjálfara og Hólmara í
húð og hár, og eigum við þrjú börn
á aldrinum 4 til 10 ára. Ég er mik-
ill fjölskyldumaður og líður alltaf
best í faðmi fjölskyldunnar. Áhuga-
málin eru fjölmörg og má þar fyrst
nefna þátttöku í tónlistarverkefn-
um, golf, blak, ljósmyndun, ferða-
lög og pólitík.
Hver eru helstu áhersluatriði
þíns framboðs fyrir komandi
kosningar?
Auka gagnsæi og heiðarleika stjórn-
sýslunnar: Með því að opna bók-
hald bæjarins, senda út fundi bæj-
arstjórnar og láta fylgiskjöl erinda
fylgja fundargerðum.
Auka íbúalýðræði: Með íbúa-
fundum, rafrænum skoðanakönn-
unum og hugmyndum frá íbúum
um verkefni í nærumhverfinu á
vefsíðunni Betra Ísland.
Auka fagmennsku og traust:
Gera langtíma framkvæmda- og
viðhaldsáætlun sem byggir á heild-
argreiningu á þörfum bæjarfélags-
ins. Þetta leiðir til betri áætlunar-
gerðar og ábyrgari stjórnunar á
fjármálum.
Félagsleg tengsl og stuðningur:
Bjóða upp á afþreyingu fyrir yngstu
börnin yfir hluta af sumarlokun
leik- og grunnskóla og að allir ald-
urshópar geti fundið sér félags- eða
tómstundastarf við hæfi.
Skólar: Vinna framtíðarsýn fyrir
tónlistar-, grunn- og leikskóla og
bæta aðbúnað þeirra.
Sjálfbærni og langtímasjónar-
mið: Hafa atvinnuuppbyggingu í
sátt við íbúa og umhverfi. Að við
ákvarðanatöku verði ávallt hugsað
í heildarsamhengi og til framtíðar.
Innleiða sjálfbærni í ákvarðanatöku
Stykkishólmsbæjar.
Stuðla að aukinni hamingju íbúa
í samfélaginu: Á grunni tilmæla
sameinuðu þjóðanna.
Hverja metur þú a)helstu kosti
þíns sveitarfélags og b) hvað þarf
helst að bæta?
a) Stykkishólmur er fallegur bær
með fallegt umhverfi þar sem sést
yfir eyjar Breiðafjarðar og stutt er
að fara í náttúruna með fjölskyld-
una. Í Hólminum er gott og öruggt
að ala upp börn, skólar vinna vel
saman og góð íþróttamannvirki
eru til staðar. Þjónustustig er hátt
og búum við svo vel að vera með
sjúkrahús í bænum. Stykkishólm-
ur er umhverfisvottað sveitarfélag
og var fyrst á Íslandi til að hefja
sorpflokkun á heimilissorpi og var
Stykkishólmshöfn einnig fyrst ís-
lenskra hafna til að fá Bláfánann.
b) Verkefnin framundan eru fjöl-
mörg og kostnaðarsöm, þar má
nefna aðstöðu dvalarheimilisins,
skólalóð grunnskólans, viðhald á
sundlauginni, efling á félags- og
tómstundarstarfi, betri aðstaða fyr-
ir tónlistarskóla og svona mætti
lengi telja. Til að ná yfir þessi verk-
efni þarf að forgangsraða á fram-
kvæmdaáætlun til lengri tíma sem
byggð er á heildar þarfagreiningu
sveitarfélagsins.
Hvernig spáir þú að úrslitin
verði í þínu sveitarfélagi?
Ég spái því að úrslitin verði góð.
Áhugi íbúa á málefnum bæjarins
hefur alltaf verið mikill og þátttaka
í sveitarstjórnarkosningum verið
með þeim hæstu á landinu. Það
er mikið af góðu fólki sem hefur
boðið fram krafta sína í þágu bæj-
arins og ljóst að öflug bæjarstjórn
mun taka við keflinu í sumar.
arg
Þriðji listinn bætist við í Stykkishólmi
Haukur Garðarsson, oddviti O-lista
Okkar Stykkishólms.
Hrafnhildur Hallvarðsdóttir, oddviti H-
lista listi framfarasinnaðra Hólmara.
Lárus Ástmar Hannesson, oddviti
L-lista lista, allra Hólmara, í
Stykkishólmi.