Skessuhorn - 23.05.2018, Blaðsíða 23
MIÐVIKUDAGUR 23. MAÍ 2018 23
Nemendur úr Menntaskóla Borg-
arfjarðar hafa síðustu mánuði unn-
ið að verkefni á vegum Erasmus+
sem ber heitið „Get a Grip.“ Það er
unnið í samstarfi við þrjá aðra skóla;
Christelijk College Groevenbeek í
Ermelo í Hollandi, Institut La Gar-
rotxa í Olot á Spáni og The Gordon
Schools í Huntly í Skotlandi. Verk-
efnið snýr að sjálfbærni. Hver skóli
hefur sitt þema og nemendurnir
heimsækja hvora aðra og vinna með
þemun. Þema Menntaskóla Borg-
arfjarðar er orka, skólinn frá Hol-
landi er með vatn, Spánn með mat
og Skotland með úrgang.
Hóparnir hittust
á Íslandi
Í liðinni viku hittust hóparnir á Ís-
landi en það er í annað skipti af fjór-
um sem hóparnir koma saman, síð-
astliðið haust hittust þeir í Hol-
landi. Í heimsóknum sem þessum
búa gestirnir inni á heimilum gest-
gjafanna og fá því að kynnast venju-
legu heimilislífi í hverju landi fyrir
sig auk þess að læra um sjálfbærni
og umhverfisvernd. Vikuna hér á Ís-
landi unnu nemendurnir ýmis verk-
efni saman sem fyrst og fremst fjöll-
uðu um sjálfbæra orku á Íslandi, þá
sérstaklega jarðvarmaorku. „Mark-
miðið með verkefninu í heild er að
nemendur fái frekari skilning á hug-
takinu sjálfbærni og öðlist þann-
ig umhverfisvitund,“ segir Guðrún
Björg Aðalsteinsdóttir, skólameist-
ari Menntaskóla Borgarfjarðar, í
samtali við Skessuhorn. „Einnig er
tilgangurinn að fá nemendur til að
skilja betur og takast á við hnattræn
vandamál sem manneskjan stendur
frammi fyrir eins og loftslagsbreyt-
ingum, matarsóun, ofveiði, úrgangi,
minnkandi líffræðilegri fjölbreytni,
fólksflutningum og fleira. Þá ger-
ir verkefnið ráð fyrir að nemend-
ur átti sig á ákveðnum sjónarhorn-
um um sjálfbærni og hvaða áskor-
anir tengjast henni, öðlist þekk-
ingu á vistfræðilegu fótspori sem
þeir skilja eftir sig, átti sig á áhrifum
eigin neyslumynsturs og hvað þeir
geti gert til að draga úr hlýnun jarð-
ar. Þegar við heimsóttum skólann í
Hollandi í nóvember síðastliðinn
var áhersla lögð á hnattræna hlýnun
og flóðavarnir landsins. Við á Íslandi
búum mjög vel hvað varðar orku og
þá sérstaklega jarðvarmaorku og því
var áhersla lögð á það í heimsókn-
inni hér,“ bætir Guðrún Björg við.
Lærðu um jarðvarma-
orku á Íslandi
Íslensku gestgjafarnir sýndu gestun-
um landið um leið og nemendurn-
ir fengu fræðslu um notkun jarð-
varmaorku hér á landi. „Við lögð-
um áherslu á að heimsækja staði sem
sýna vel hvernig jarðvarmaorka er
notuð á Íslandi. Á mánudeginum
voru nemendur að kynnast, fengu
fyrirlestur um umhverfismál og
sjálfbæra orku frá Stefáni Gíslasyni
hjá Environice. Á þriðjudeginum
skoðuðum við Deildartunguhver og
gróðurhúsin í Sólbyrgi en þar lærðu
krakkarnir hvernig gróðurhús eru
notuð hér á landi til að ræktunar.
Á miðvikudaginn fórum við í mjög
fróðlega heimsókn í Hellisheiðar-
virkjun, skoðuðum loftbóluhúsið í
Hveragerði, fengum fyrirlestur og
hádegismat í Friðheimum og skoð-
uðum svo Geysi og Gullfoss,“ segir
Guðrún Björg.
Berst fyrir því
að gera skólann sinn
umhverfisvænni
Blaðamaður ræddi við tvo nemend-
ur úr hópnum og voru þær sammála
um að þátttaka í verkefninu hafi ver-
ið bæði lærdómsrík og skemmtileg.
Tessa van Der Weide, nemandi frá
Hollandi, sagði við blaðamann að
verkefnið hafi opnað augu henn-
ar fyrir umhverfismálum. Í kjölfar
þátttöku hennar í verkefninu hef-
ur hún, ásamt hópi annarra nem-
enda í skólanum hennar, barist fyr-
ir að gera skólann sjálfbærari og
umhverfisvænni. Hún hvetur nem-
endur og starfsfólk við skólann til
að hugsa um umhverfið t.d. með
því að flokka sorp og spara orku-
notkun. „Margir krakkar eru of
áhugalausir um umhverfisvernd en
við verðum að átta okkur á því að
það er svo margt sem við erum að
gera í daglegu lífi sem skaðar um-
hverfið okkar varanlega. Við get-
um kannski ekki breytt öllu í einu
en það er lágmark að við breytum
því sem við getum, t.d. með því að
flokka sorp og spara orkuna,“ seg-
ir Tessa. Aðspurð hvað standi helst
upp úr eftir heimsóknina á Íslandi
segir hún það vera fegurð landsins,
fjöllin og allt sem hún hefur lært
um jarðvarmaorku á Íslandi. „Það
hefur verið mjög skemmtilegt að
fá að búa hjá Sóleyju og við höfum
gert margt saman, þar á meðal far-
ið á Landnámssetrið sem var frá-
bært. Ég hef lært margt áhugavert
um Ísland og þá sérstaklega hvað
varðar orkunotkun en hún er mjög
frábrugðin orkunotkun í Hollandi.
Þessi heimsókn hefur verið frábær
og það eina sem ég get sett út á Ís-
land er hversu dýrt allt er,“ bætir
Tessa við og brosir.
Ráðleggur öllum að
taka þátt verkefninu
Alexandrea Rán Guðnýjardóttir er
ein af nemendum í MB sem tek-
ur þátt í verkefninu. Hún segist, í
samtali við blaðamann, ráðleggja
öllum sem hafa tök á að taka þátt
í verkefninu. Sjálf fór hún með til
Hollands síðastliðið haust og tók
þátt í að taka á móti gestunum í
síðustu viku. „Ferðin til Hollands
var mjög góð, þar lærðum við um
orkunotkun þar en hún er mjög
frábrugðin orkunotkun á Íslandi.
Við erum svo heppin að hafa mik-
ið af endurnýjanlegri orku á með-
an í Hollandi er mikið verið að
nota kol, gas og olíu. Við heim-
sóttum Rotterdam og Amsterdam
og fengum að skoða Maeslant sem
eru flóðavarnir í Rotterdam,“ segir
Alexandrea og heldur áfram. „Eft-
ir heimsóknina til Hollands sá ég
hversu alvarlegt það er hvernig við
göngum á náttúruauðlindir eins og
þær séu endalausar, þær eru það
ekki.“
Íslenski maturinn
var góður
Blaðamaður settist einnig niður
með kennurunum sem fylgdu er-
lendu nemendunum til Íslands.
Allir kennararnir voru sammála
um að verkefnið og heimsóknin til
Íslands væri ekki aðeins lærdóms-
rík fyrir nemendur heldur einnig
kennarana. „Það er margt sem við
höfum lært á að taka þátt í verk-
efninu, sérstaklega í þessari heim-
sókn til Íslands. Hér er orkunotk-
un mjög frábrugðin því sem við
þekkjum í okkar heimalöndum.
Gróðurhúsin hér komu okkur t.d.
mjög á óvart, hvernig Íslendingar
hafa komið sér upp þessari aðstöðu
til að rækta grænmeti og ávexti. Við
lærðum líka margt um Ísland og
íslenska menningu,“ segja kenn-
ararnir. Aðspurð hvað hafi helst
komið á óvart við íslenska menn-
ingu horfa þau öll hvert á annað og
voru svo sammála um að það hafi
komið þeim öllum mjög á óvart
að Íslendingar skuli alltaf fara úr
skónum þegar þeir koma inn í hús.
„Það fara meira að segja allir úr
skónum hér í skólanum,“ sögðu
þau. „Það er líka vert að segja frá
því að það var sama hvar við borð-
uðum allur maturinn á Íslandi er
virkilega góður.“
arg/ Ljósm. Guðrún Björg Aðal-
steinsdóttir, nema annað sé tekið
fram.
Nemendur vinna að verkefninu „Get a Grip“
Menntaskóli Borgarfjarðar tekur þátt í verkefni á vegum Erasmus+
Hér má sjá hópinn saman ásamt kennurum.
Góður hádegisverður í Friðheimum. Nemendurnir heimsóttu Friðheima og hér má sjá einn nemanda ásamt kennur-
unum frá Spáni.
Hópurinn fór í pottana í Kraumu.Á föstudeginum voru nemendurnir í skólanum í Borgarnesi að vinna verkefni
saman. Ljósm. arg.
Tessa van Der Weide var ein nemend-
unum sem komu frá Hollandi. Hún
segir þátttaka í verkefninu hafa verið
mjög lærdómsríka.
Alexandrea Rán Guðnýjardóttir
nemandi í Menntaskóla Borgarfjarðar
mælir með að allir sem hafi kost á taki
þátt í Erasmus+ verkefninu.
Ljósm. aðsend.