Skessuhorn - 23.05.2018, Blaðsíða 28

MIÐVIKUDAGUR 23. MAÍ 201828
Alþjóðlegur dagur fjölskyldunnar
var 15. maí síðastliðinn. Af því til-
efni var veitt hin árlega fjölskyldu-
viðurkenning SOS Barnaþorpa.
Með henni vilja samtökin vekja at-
hygli á einstaklingum, hópum, fyr-
irtækjum eða samtökum sem starfa
í þágu fjölskyldna á Íslandi og hafa
velferð barna að leiðarljósi. Í ár
heiðra samtökin kennara í leikskól-
um, grunnskólum og framhaldsskól-
um fyrir þeirra störf í þágu velferð-
ar nemenda sinna. Vilborg Guðný
Valgeirsdóttir, aðstoðarskólastjóri
í leikskólanum Vallarseli á Akra-
nesi, tók við viðurkenningunni fyr-
ir hönd leikskólakennara landsins.
Felst ákveðin viðurkenning í því að
fulltrúi skólans fái að taka við verð-
launum fyrir hönd stéttarinnar allr-
ar. Vallarsel hefur enda verið í far-
arbroddi á ýmsum sviðum, meðal
annars í þjónustu við börn nýbúa. Þá
var skólinn fyrr í mánuðinum valinn
Stofnun ársins í flokki minni stofn-
ana, annað árið í röð. Það eru félags-
menn í St.Rv. sem gangast fyrir val-
inu. Skrifstofur Akraneskaupstaðar
lentu vel að merkja í öðru sæti.
Blaðamaður Skessuhorns hitti að
máli Vilborgu og Brynhildi Björgu
Jónsdóttur skólastjóra og ræddi við
þær um viðurkenningarnar og starf
skólans, einkum þjónustu skólans
við nýbúabörn. Báðar eru þær hæst-
ánægðar að skólinn hafi fengið við-
urkenningar fyrir gott starf. „Starfs-
fólk leikskólans leggur sig fram um
að gera vel innan veggja skólans
og það er ánægjulegt að eftir því sé
tekið,“ segir Vilborg. „Að vera val-
in stofnun ársins annað árið í röð er
besta viðurkenning sem hægt er að
fá fyrir stjórnanda, því það er starfs-
fólkið sem velur,“ segir Björg. „Við
erum stoltar, ánægðar og þakklátar
að hafa fengið þessa viðurkenningu
á okkar starfi. Gríðarlega faglegt og
gott starf er unnið innan veggja allra
leikskóla Akraneskaupstaðar,“ bætir
hún við.
Fimmtungur barnanna
tvítyngdur
Daglegt starf leikskólans segja þær
að gangi afar vel fyrir sig. Á Vallar-
seli eru 140 nemendur, þar af 28 tví-
tyngd börn. Verða tvítyngd börn lík-
lega 31 frá næsta hausti. Þjónusta við
börn nýbúa er því stór hluti af dag-
legu starfi leikskólans, sem er þar í
fararbroddi leikskólanna á Akranesi.
„Upphafið af því held ég að megi
rekja til þess að við vorum lengi vel
eini leikskólinn í bænum sem var
opnaður kl. 6:45 á morgnana,“ segir
Björg. „Margir nýbúar sem þá áttu
börn í skólanum störfuðu hjá fyrir-
tækjum á Grundartanga, hjá Vigni
G. Jónssyni, Akraborg og fleiri stöð-
um þar sem vinnan byrjar snemma,“
bætir Vilborg við. „Fólkinu líkað
vel að hér opnaði snemma og var
ánægt með þjónustuna. Það orðspor
fór síðan á undan innan nýbúasam-
félagsins. Það varð til þess að fjölg-
aði í hópi barna af erlendum upp-
runa á leikskólanum. Hafa börn-
in verið um og yfir 30 talsins núna
um margra ára skeið,“ segir Björg.
„En þetta gerðist mjög hratt, og allt
í einu var stór hluti barnanna í skól-
anum af erlendum uppruna. Það
var snúið að koma starfinu í það horf
að það þjónaði sem best þessum nýju
íbúum okkar. Við vildum svo gjarn-
an geta komið betur til móts við
þennan hóp og árið 2015 leituðum
við eftir aðstoð bæjaryfirvalda. Skól-
inn fékk styrk til að þróa verkefni í
máltöku tvítyngdra barna. Það gekk
svona líka vel,“ bætir hún við.
Kemur öllum
börnum vel
Kjarninn í þeirri vinnu sneri að
því hvernig komið var til móts við
öll börn, í samráði við foreldra og
starfsfólk. Námsgögn voru tekin í
gegn með málörvun í huga en einn-
ig unnið að bættu og breyttu við-
horfi. „Hvort sem það var á vinnu-
staðnum, meðal foreldra eða sam-
félagsins alls. Það er nefnilega flók-
ið að vera nýbúi í ókunnugu landi,
þar sem gilda aðrar reglur, menning
og talað annað tungumál. Þeir sem
hafa búið erlendis þekkja þetta en
við þurfum stöðugt að minna okkur
á að þetta getur verið erfitt,“ segja
þær. „Sömuleiðis getur verið erfitt
og flókið að vera lítið barn að læra
tvö tungumál í einu. Börnin eru í ís-
lensku málumhverfi hérna til klukk-
an fjögur síðdegis, en síðan er talað
annað tungumál á heimilinu. Það
þarf að styðja börnin í þessu og örva
málþroska þeirra, því tungumálið er
lykillinn að því að geta tjáð sig,“ bæta
þær við. Útbúnar voru ýmsar bjarg-
ir, merkingar og spjöld með mynd-
um sem nýtast börnum við að tjá sig
þegar þeim er orða vant. Eru þessi
spjöld til fyrir allar athafnir innan
skólans „Börnin eru rosalega fljót að
læra að bjarga sér ef þau hafa eitt-
hvað til að grípa í þegar þau vant-
ar orð,“ segir Vilborg. „Við erum af-
skaplega ánægð hvernig þetta hefur
tekist og þetta kemur öllum til góða.
Hér eru náttúrulega öll börn að læra
tungumál, hvort sem þau eru tví-
tyngd eða ekki. Málþroska íslenskra
barna hefur hrakað mikið undanfar-
in ár. Þetta var því kærkomin aðstoð
við máltöku þeirra líka,“ segja þær.
„Tökum vel
á móti öllum“
Samskiptin við foreldra nýbúabarna
segja þær hafa verið afar góð alla tíð.
„Foreldrarnir eru frábært fólk sem
sýnir starfinu mikinn áhuga og leit-
ar mikið til okkar. Lengi hefur starf-
að hjá okkur pólskur leikskólakenn-
ari. Hefur það reynst sérstaklega vel
börnum sem eru tvítyngd á pólsku
og í samskiptum við foreldra þeirra.
Stærsti hópur tvítyngdu barnanna er
af pólskum uppruna,“ segir Björg.
„En sama hvaðan fólk kemur þá eru
fyrstu tíu vikurnar á hverjum stað
mikilvægasti tíminn. Þá er fólk að
læra á hvernig hlutirnir ganga fyr-
ir sig. Ef vel gengur á þessu lykil-
tímabili þá gengur fólki mun bet-
ur að aðlagast til framtíðar. Okk-
ar reynsla er sú að leikskólarnir séu
með fyrstu stöðun sem fólk leitar til,
það er að segja ef það á ung börn. Þá
er okkar hlutverk að taka vel á móti
fólki, hvaðan sem það kemur, styðja
við það og hvetja til að taka þátt í
samfélaginu, ekki síður en börnin,“
segja þær.
Hafa þær þess vegna hvatt erlenda
foreldra jafnt sem íslenska til að taka
virkan þátt í öllu starfi leikskólans.
„Undanfarinn vetur hafa tvær pólsk-
ar konur verið í stjórn foreldrafélags-
ins. Þær komu nýjar inn í haust og
hafa unnið gott starf ásamt foreldr-
um í allan vetur. Vonandi verða þær
bara áfram,“ segir Vilborg. „Þær
voru mjög þakklátar að hafa verið
boðið að vera með, höfðu sig ekk-
ert í frammi þrátt fyrir að þær lang-
aði að taka þátt í starfinu. En þeim
fannst einhvern veginn eins og þær
ættu ekki tilkall til þess. Þar verðum
við aftur að geta sett okkur í þeirra
spor. Flest værum við feimin og hik-
andi að gefa kost á sér í félagsstörf í
öðru landi. Þess vegna er mikilvægt
að taka vel á móti fólki, styðja við
bakið á því og hvetja það til að taka
þátt í samfélaginu,“ bætir hún við.
„Stundum þarf bara smá hvatningu
til að virkja krafta fólks sem mikið
býr í en er kannski hikandi af því það
er á nýjum stað,“ segja Björg og Vil-
borg að endingu.
kgk
Leikskólinn Vallarsel á Akranesi er Stofnun ársins
Í fararbroddi í þjónustu við börn nýbúa
Kátir krakkar á Vallarseli voru að byrja að snæða hádegisverð þegar Skessuhorn
bar að garði.
Brynhildur Björg Jónsdóttir, skólastjóri Vallarsels og Vilborg Guðný Valgeirsdóttir
aðstoðarleikskólastjóri.
Alþjóðlegur dagur fjölskyldunnar var 15. maí síðastliðinn. Af því tilefni var hin árlega fjölskylduviðurkenning SOS Barnaþorpanna afhent. Í ár heiðra samtökin kennara
í leikskólum, grunnskólum og framhaldsskólum fyrir störf þeirra í þágu velferðar nemenda sinna. Veittu fulltrúar allra skólastiga á landinu verðlaunum viðtöku. Meðal
þeirra var Vilborg Guðný Valgeirsdóttir frá leikskólanum Vallarseli á Akranesi, en leikskólinn hefur verið í fararbroddi á ýmsum sviðum, meðal annars í þjónustu við
börn nýbúa. Á meðfylgjandi mynd er Vilborg þriðja frá vinstri.