Skessuhorn - 23.05.2018, Blaðsíða 31

MIÐVIKUDAGUR 23. MAÍ 2018 31
Fréttaveita Vesturlands
www.skessuhorn.is
Fjármál Borgarbyggðar er eitthvað
sem margir hugsa um þessa dag-
ana, sveitarfélagið er víðfeðmt og
að mörgu að huga þegar kemur að
því að dreifa fjármagninu. Öll viljum
við fá eitthvað fyrir okkar snúð og til
þess þarf yfirleitt fjármagn.
Staða sveitarfélagsins er sú að
heildartekjur þess eru rúmir fjórir
milljarðar, rekstrargjöldin eru rúm-
ir þrír og hálfur milljarður og þegar
tekið hefur verið tillit til afskrifta og
fjármagnsliða eru tæpar 300 milljón-
ir í afgang.
Skuldastaða sveitarfélgasins hef-
ur batnað mikið síðan 2014 eða úr
því að vera tæp 160% af rekstar-
tekjum sveitarfélagsins í það að vera
um 112%. Þetta má skýra með sölu
eigna en ekki síður vegna þess að
tekjur sveitarfélagsins hafa aukist til
muna. Laun hafa hækkað og fast-
eignagjöld sömuleiðis með hækk-
andi fasteignaverði í sveitarfélaginu
og einnig hefur jöfnunarsjóður ver-
ið okkur gjöfull með sterkari stöðu
ríkissjóðs.
Við viljum að sjálfsögðu öll bæta
margt í okkar samfélagi og það ætl-
um við að gera en við munum ekki
taka þátt í því að hækka skuldastöðu
sveitarfélagsins. Því þó svo að staða
sveitarsjóðs sé góð núna þá þýðir það
ekki að nú sé hægt að spreða út í hið
óendanlega. Margt hefur setið á hak-
anum hin fyrri ár sem þarf að ráðast
í á næstu árum og þá aðallega í við-
haldi þeirra fasteigna og leiksvæða
sem sveitarfélagið á og ber ábyrgð á.
Við ætlum að vinna að þeim mik-
ilvægu verkefnum sem framundan
eru, byggja upp skólana okkar og
styrkja innviði samfélagsins. Vegna
stöðu sveitarsjóðs á að vera mögu-
legt að fara í þessar framkvæmdir án
þess að taka lán eða að minnsta kosti
að óverulegu leiti. Við ætlum að sýna
ábyrgð og laða að okkur fólk því við
vitum að hér vill fólk vera, fyrir utan
skarkalann, í meiri kyrrð og bættri
þjónustu.
Gerum Borgarbyggð betri!
Halldóra Lóa Þorvaldsdóttir.
Höf. er oddviti VG í Borgarbyggð
Pennagrein
Pennagrein
Meiri kyrrð, bætt þjónusta og
ráðdeild í fjármálum
Í hönd fara sveitarstjórnarkosning-
ar. Því fylgir að frambjóðendur fara
yfir stöðu mála og ný markmið eru
sett. Sveitarfélögin eru stór þjón-
ustuaðili, misjafnt er auðvitað hvaða
þjónustu íbúar leita eftir. Tengist
það m.a. búsetu, aldri, og aðstæð-
um viðkomandi. Til að mögulegt
sé að þjónustustig í Borgarbyggð sé
hátt, og þjónustugjöld hæfileg, þarf
fjárhagur sveitarfélagsins að standa
styrkum fótum. Vinna við fjárhags-
áætlun þarf að vera vönduð, áætl-
unin er undirstaða þeirrar þjónustu
sem í boði er, auk þess að innihalda
þær framkvæmdir sem áætlaðar eru.
Grannt þarf að fylgjast með því að
áætlunin standist og mikilvægt er að
kostnaðarmeta framkvæmdir vand-
lega. Þar mun reynsla og þekking
nýtast vel. Brýnt er að Borgarbyggð
viðhaldi þrýstingi á ríkið varðandi
vegabætur. Héraðs- og tengiveg-
ir þurfa á verulegum endurbótum
að halda. Þá er mikilvægt að krefj-
ast þess að RARIK, sem er nokk-
urs konar ríki í ríkinu, flýti verulega
þriggja fasa rafvæðingu í dreifbýli.
Landbúnaður skipar mikilvægan
sess í Borgarbyggð sem atvinnu-
vegur og tryggir auk þess dreifða
búsetu. Mikilvægt er að dreifð
byggð eigi kost á góðri þjónustu til
þess að bæta búsetuskilyrði. Nauð-
synlegt er orðið að huga að endur-
bótum og uppbyggingu fjárrétta
í sveitarfélaginu. Gera þarf fram-
kvæmdaáætlun varðandi þær þarf-
ir, í samráði við heimamenn. Þessi
mannvirki verða að vera til staðar
og nauðsynlegt að þau gegni hlut-
verki sínu sem best.
Ágætu kjósendur í Borgarbyggð!
Framundan er val á fulltrúum í
sveitarstjórn. Við á framboðslista
Framsóknarflokksins í Borgar-
byggð erum tilbúin að axla ábyrgð
og bæta okkar góða samfélag. Við
hlökkum til að takast á við verkefni
komandi kjörtímabils, okkur öllum
til heilla.
Finnbogi Leifsson.
Höf. er skipar 3. sæti á lista Fram-
sóknarflokksins í Borgarbyggð.
Með hækkandi sól
Pennagrein
Í bæjarstjórnarkosningum á Akra-
nesi býður Samfylkingin fram
sterkan hóp félagshyggjufólks. Við
erum jafnaðarmenn, við erum drif-
in áfram af ósk um betra og réttlát-
ara samfélag og við bjóðum okkur
fram til að starfa af krafti og heil-
indum í þágu Akurnesinga. Við vilj-
um halda áfram að byggja Akranes
upp sem samfélag sem býður upp á
jöfn tækifæri og jöfn lífsgæði fyrir
alla.
Fjölbreyttur
framboðslisti
Á listanum okkar má finna fólk á
öllum aldri með fjölbreytta reynslu
og þekkingu. Í okkar hópi eru iðn-
aðarmenn, verkamenn og almenn-
ir launþegar sem vita hvað það er
að þurfa að leggja mikið á sig og
vinna hörðum höndum til að sjá sér
og fjölskyldum sínum farborða. Við
viljum að raddir þessa fólks fái að
hljóma við stjórn bæjarins.
Í okkar hópi eru einnig ungir
og kraftmiklir frambjóðendur sem
komið hafa með nýja sýn og fersk-
ar hugmyndir inn í stefnumótun
okkar. Þetta er vel menntað fólk
og þrátt fyrir ungan aldur býr það
yfir mikilli og fjölþættri reynslu.
Þetta eru einnig ungir foreldrar
sem vita hvað það er að nýta þjón-
ustu leikskóla og grunnskóla bæj-
arins og taka þátt í íþrótta- og frí-
stundastarfi með börnunum sínum.
Þetta er fólk sem er einmitt núna
að ala upp börnin sín á Akranesi og
við viljum að þetta fólk fái að hafa
áhrif á það hvernig bæjarfélaginu er
stjórnað.
Venjulegir Skagamenn
Frambjóðendur Samfylkingar-
innar á Akranesi ganga fram með
skýra sýn fyrir kosningarnar næst-
komandi laugardag. Við viljum for-
gangsraða verkefnum í anda jafn-
aðarstefnunnar og við ætlum að sjá
til þess að bætt fjárhagsstaða bæjar-
ins skili sér til þeirra framkvæmda
sem hafa þurft að bíða og til þeirr-
ar þjónustu sem skera þurfti niður
þegar skóinn kreppti.
Fyrst og fremst erum við öll
venjulegir Skagamenn, við erum
stolt af bænum okkar og okkur
þykir vænt um þetta góða, hlýlega
og skemmtilega samfélag sem við
erum svo heppin að búa í. Við bjóð-
um okkur fram sem fulltrúar venju-
legra Skagamanna við stjórn bæjar-
ins og óskum eftir þínum stuðn-
ingi.
Valgarður Lyngdal Jónsson
Höfundur skipar 1. sæti á lista
Samfylkingarinnar á Akranesi til
bæjarstjórnarkosninga í vor.
Akranes – allir með!
Framlagning kjörskrár

Kjörskrá Grundarfjarðarbæjar vegna sveitarstjórnarkosninga
26. maí 2018 hefur verið yfirfarin og staðfest.

Kjörskráin liggur frammi á bæjarskrifstofunni,
almenningi til sýnis, frá og með miðvikudeginum
16. maí til kjördags á opnunartíma skrifstofunnar.

Athugasemdum við kjörskrá má koma á framfæri
í samræmi við lög um kosningar til sveitarstjórna.

Bæjarstjórinn í Grundarfirði
Grundarfjarðarbær
SK
ES
SU
H
O
R
N
2
01
8
Grundarfjarðarbær
Auglýsing um kjörfund vegna
sveitarstjórnarkosninga
Kjörfundur vegna sveitarstjórnarkosninga í Grundarfirði verður
í Samkomuhúsi Grundarfjarðar laugardaginn 26. maí 2018.

Kjörfundur stendur yfir frá kl. 09:00 til kl. 22:00.

Kjósendur þurfa að framvísa persónuskilríkjum.

Kjörstjórn Grundarfjarðar
SK
ES
SU
H
O
R
N
2
01
8
Snæfellsbær
SK
ES
SU
H
O
R
N
2
01
8
Auglýsing um kjörfundi vegna
sveitarstjórnarkosninganna
laugardaginn 26. maí 2018

Ólafsvíkurkjördeild:
Kjörfundur verður haldinn í Grunnskólanum í Ólafsvík.
Kosning hefst kl. 10:00 og stendur til kl. 22:00.

Hellissands- og Rifskjördeild:
Kjörfundur verður haldinn í Grunnskólanum á Hellissandi.
Kosning hefst kl. 10:00 og stendur til kl. 22:00.

Staðarsveitar- og Breiðuvíkurkjördeild:
Kjörfundur verður haldinn í Grunnskólanum á Lýsuhóli.
Kosning hefst kl. 11:00 og stendur til kl. 20:00.

Kosningarétt hafa allir 18 ára og eldri sem eru á kjörskrá.

Kjörstjórn minnir kjósendur á að hafa með sér skilríki á kjörstað.

Allar nánari upplýsingar um sveitarstjórnarkosningarnar, s.s.
kjörskrá, lög og leiðbeingar, er hægt að nálgast á upplýsinga-
vefnum www.kosning.is.

Yfirkjörstjórn Snæfellsbæjar
Hjálmar Kristjánsson
Kolbrún Ívarsdóttir
Magnús Eiríksson