Skessuhorn - 23.05.2018, Blaðsíða 34
MIÐVIKUDAGUR 23. MAÍ 201834
Nýverið færðu þau Ágústa Frið-
riksdóttir og Guðni Hannes-
son, eigendur Myndsmiðjunnar á
Akranesi, Akraneskaupstað að gjöf
filmusafn þeirra. Veitti Ella María
Gunnarsdóttir forstöðumaður
menningar- og safnamála gjöfinni
viðtöku fyrir hönd Ljósmynda-
safns Akraness. Filmusafnið er
frá þeim tíma sem þau starfræktu
Myndsmiðjuna, eða allt frá upp-
hafsárinu 1994 og fram til 2004.
Mikill hluti myndanna sem þau
Ágústa og Guðni hafa tekið eru
stúdíómyndir auk þess sem þau
hafa í gegnum tíðina verið atorku-
söm við að mynda bæjarbrag,
mannlíf og sögu Akraness. Safnið
er mikið að vöxtum, spannar rúma
tíu hillumetra. Síðar munu bæt-
ast við kópíur og stafrænar mynd-
ir. „Það má því með sanni segja að
Skagamenn hafi dottið í lukku-
pottinn með afhendingunni því
einkaskjalasafn af þessari stærð-
argráðu er ómetanleg heimild um
samtíma okkar,“ segir Ella María.
Héraðsskjalasafn Akraness fagn-
aði í vor 25 ára afmæli en Ljós-
myndasafn Akraness er deild inn-
an þess og er nýorðið 15 ára. Söfn-
in munu síðar á afmælisárinu setja
upp sýningu á myndum þeirra
Ágústu og Guðna.
Meðfylgjandi hér á síðunni eru
nokkrar af myndum þeirra Ágústu
og Guðna. Þær gefa vísbendingu
um fjölbreytni myndanna.
mm
Myndsmiðjan færir Ljósmynda-
safni Akraness filmusafn
Ágústa Friðriksdóttir, Guðni Hannesson og Ella María Gunnarsdóttir for-
stöðumaður menningar- og safnamála hjá Akraneskaupstað. Ljósm. akranes.is
Starfsfólk Brekkubæjarskóla.
Frá vígslu á verki Guttorms Jónssonar Elínarsæti. (2000) .
Hljómsveitin Soul Delux (1994).
Frá uppsetningu á leikritinu Óvitar eftir Guðrúnu Helgadóttur.
(1993)
Áhöfnin á Höfrungi AK.
Síðasta ferð Akraborgarinnar. (1998).
Sundkennsla í Bjarnalaug (reyndar á ráðherrastigi).
Geirsstaðirnir fluttir (Háskólinn að Geirsstöðum) (líklega árið
1995).
Bræðurnir á Söndum; Ragnar og Hallgrímur Magnússynir.