Skessuhorn - 23.05.2018, Blaðsíða 35

MIÐVIKUDAGUR 23. MAÍ 2018 35
Borgnesingurinn Gunnhild-
ur Lind Hansdóttir að útskrif-
ast á föstudaginn úr ljósmyndun
við Tækniskólann. Lokaverkefni
Gunnhildar nefnist Hin hliðin og
umfjöllunarefnið er körfuknatt-
leiksmaðurinn, utan vallar við
dagleg störf. Hún segir að mark-
mið verkefnisins hafi verið að sýna
hina hlið körfuknattleiksmanns-
ins, eins og nafnið gefur til kynna,
körfuknattleiksmanninn þegar
hann er ekki í búning. Fyrirsæt-
urnar voru Sigrún Sjöfn Ámunda-
dóttir, leikmaður Skallagríms og
lögreglunemi, Sveinbjörn Claes-
sen, leikmaður ÍR og lögfræðing-
ur, Berglind Gunnarsdóttir, leik-
maður Snæfells og læknanemi og
Axel Kárason, leikmaður Tinda-
stóls og dýralæknir.
Allt eru þetta þekktir körfu-
knattleiksmenn, leiðtogar í sín-
um liðum og jafnvel fyrirliðar. En
af hverju valdi hún sér þetta við-
fangsefni? „Ég hugsaði strax um
íþróttir þegar ég var að reyna að
finna mér verkefni. Það var held-
ur vítt viðfangsefni þannig að ég
þrengdi það niður í körfubolta,“
segir Gunnhildur og bætir því
við að hún hafi fengið innblástur
frá öðrum Borgnesingi. „Ég var
að hlusta á Markmannshanskana
hans Alberts Camus, þætti Guð-
mundar Björns Þorbjörnssonar
sem fluttir voru á Rás 1 í vetur.
Þar er meðal annars talað um hvað
gerist þegar íþróttamenn leggja
skóna á hilluna. Þá einhvern veg-
inn týna þeir einkenni sínu. Marg-
ir íþróttamenn í gegnum tíðina
hafa átt erfitt með að hætta. Það
að vera íþróttamaður er svo stór
hluti af sjálfsmynd þeirra, sérstak-
lega þegar um atvinnumenn er að
ræða,“ segir Gunnhildur.
Íþróttin er ekki
lifibrauðið
„Ég kafaði ekki svona djúpt ofan
í viðfangsefnið en finnst áhuga-
vert að reyna að draga fram hina
hlið íþróttamannsins. Nær all-
ir körfuboltamenn á Íslandi spila
sem áhugamenn, lifibrauð þeirra
er annað en íþróttin. Samt þekkja
aðdáendur ekkert endilega körfu-
boltamennina þegar þeir eru ekki
í búningnum,“ segir hún. „Þess
vegna langaði mig að sína körfu-
boltamenn á Íslandi í sínum dag-
legu störfum sem eru ótengd
körfuboltanum. Körfuboltafólk
fæst við alls konar störf og það var
bara tilviljun að það reyndist vera
þráður milli starfa fólksins sem ég
myndaði. Það var alveg óvart sem
ég myndaði lækni og dýralækni,
lögmann og lögreglukonu,“ seg-
ir Gunnhildur og bætir því við að
fólkið hafi tekið verkefni hennar
afar vel. „Þetta var mjög skemmti-
legt og allt körfuboltafólkið var
strax til í að taka þátt. Ég hefði
hæglega getað fengið fleiri til að
sitja fyrir, en ég átti bara að skila
svo mörgum myndum. Það væri
vel hægt að gera meira úr þessu,“
segir hún en kveðst þó ekki hafa
slíkt í huga á næstunni. „Núna er
ég aðallega að njóta þess að vera
búin með skólann en það er al-
veg opið að gera meira úr þessari
hugmynd einhvern tímann,“ seg-
ir hún. „Körfuboltinn er nefni-
lega vinsælli en hann hefur nokkr-
un tímann verið. Umfjöllunin er
miklu meiri en hún var áður, fleiri
fylgjast með og þar af leiðandi
miklu fleiri sem sjá körfuboltafólk-
ið, en bara í búningnum. Ég held
að öllum þyki gaman að sjá hina
hliðina á fólkinu, karfan er bara
einn hluti af þeirra lífi. Á bakvið
búninginn leynist venjulegt fólk.
Kannski geri ég eitthvað meira í
þessum dúr í framtíðinni, það er
aldrei að vita,“ segir Gunnhildur
Lind Hansdóttir að endingu.
kgk/ Ljósm. Gunnhildur Lind
Hansdótti
„Á bakvið búninginn
leynist venjulegt fólk“
Gunnhildur Lind Hansdóttir.
Sigrún Sjöfn Ámundadóttir, leikmaður Skallagríms og lögreglunemi.Berglind Gunnarsdóttir, leikmaður Snæfells og læknanemi. Sveinbjörn Claessen, leikmaður ÍR og lögfræðingur.
Axel Kárason, leikmaður Tindastóls og dýralæknir.