Skessuhorn - 06.06.2018, Blaðsíða 23

MIÐVIKUDAGUR 6. JÚNÍ 2018 23
Horft yfir liðið ár og litið til þess nýjaSjómannadagurinn
Sjómannadagurinn er alltaf haldinn hátíðlegur í Grundarfirði og
hefur dagurinn náð að teygja sig yfir alla helgina. Á föstudegin-
um heimsóttu sjómenn krakkana á leikskólanum Sólvöllum og
sýndu þeim fiska. Á laugardeginum var mikil hátíðardagskrá en
veðrið setti örlítinn svip á daginn. Fólk byrjaði á að koma sam-
an í krakkasprelli í Vélsmiðju Grundarfjarðar þar sem keppt var
í ýmsum skemmtilegum greinum eins og pokahlaupi. Næst átti
að fara í siglingu með Hring SH en hún féll niður vegna veð-
urs. Þyrla Landhelgisgæslunnar kom á svæðið og sýndi björgun
úr sjó. Því næst var dagskráin færð af hafnarsvæðinu í skjól þar
sem áhafnir kepptu í ýmsum þrautum. Að lokum var farið inn
í íþróttahús þar sem spilaður var fótboltaleikur, sjómenn gegn
sjómannskonum. Konurnar klæddust hefðbundnum skóm en
sjómenn ullarsokkum sem gerði völlinn heldur sleipan fyrir þá.
Konurnar unnu glæsilega með fimm mörkum gegn þremur. Á
sunnudaginn var hefðbundin sjómannadagsmessa og sjómanna-
dagskaffi í boði kvenfélagsins Gleym mér ei. arg/Ljósm. tfk
Sjómannadagshelgin í Grundarfirði:
Veðrið setti strik í reikninginn
Sjómannadagurinn í Stykkishólmi fór fram með heldur ró-
legu móti í ár. Hefðbundin sjómannadagsmessa var í Stykk-
ishólmskirkju þar sem Ragnar Ragnarsson var heiðraður.
Ragnar var á sjó í 51 ár og lengst af sem stýrimaður á fiski-
skipum í Stykkishólmi og flóabátnum Baldri. Ragnar er gift-
ur Jóhönnu Gústafsdóttur og þau hjón hafa verið búsett í
Stykkishólmi nær alla tíð. Þá var Björgunarsveitin Berserkir
einnig heiðruð. Lúðrasveit Tónlistarskólans í Stykkishólmi
tók nokkur lög fyrir gesti og sjómenn sýndu hvernig á að
blása upp björgunarsveitarbáta. Þá var björgunarsveitin með
kaffisölu í húsnæði sveitarinnar og voru það sjómannskonur
sem gáfu kökur á borðið. arg/ Ljósm. sá
Sjómannadagurinn í Stykkishólmi:
Hátíð með rólegra móti
Lúðrasveit Tónlistarskóla Stykkishólms.
Sjómenn sýndu hvernig björgunarbátar eru blásnir upp.Einar Þór Strand tók við blómum fyrir hönd björgunarsveitarinnar.
Margt var um manninn á kaffisölu Björgunarsveitarinnar.
Ragnar Ragnarsson var heiðraður í Stykkishólmskirkju. Oddur
Hrannar Oddsson, formaður sjómannadagsráðs, og Dagbjört
Höskuldsdóttir sáu um heiðrunina. Á myndinni frá vinstri: Oddur
Hrannar Oddsson, Jóhanna Gústafsdóttir, Ragnar Ragnarsson og
Dagbjört Höskuldsdóttir.
Keppt var í hinum ýmsu þrautum og hérna er Ragnar Smári Guð-
mundsson að koma úr ísbaði fyrir lið Ragnars og Ásgeirs ehf.
Lið Farsæls SH leysti ískars þrautina með sóma.
Það var krakkasprell í Vélsmiðju Grundarfjarðar þar sem keppt var
í ýmsum greinum. Það verður að teljast líklegt að þessi hafi verið
dæmdur úr leik sökum aldurs.
Steinar Áslaugsson sá um að grilla pylsur fyrir gesti og gangandi.
Hér eru þeir félagarnir Vignir Már Runólfsson og Guðmundur Njáll
Þórðarson að keppa fyrir lið Líkamsræktarinnar.
Sigmaður þyrlunnar nálgast sjómenn í hafinu.
Krakkarnir á Sólvöllum voru mjög ánægðir þegar sjómenn komu og
sýndu þeim fiskana sem þeir veiða.