Skessuhorn - 13.06.2018, Page 4
MIÐVIKUDAGUR 13. JÚNÍ 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Sólin brennir nóttina
Ég hef áður stært mig af því í leiðara hér í Skessuhorni að eiga auðvelt með
að taka lit þegar geislar sólar fá að leika um húð mína. Sagði ég frá því í
leiðara sl. sumar hvernig ég kasta af mér öllum klæðum og maka mig sólar-
olíu ef sólin svo mikið sem gægist gegnum skýin. Hlýti ég þá engu viðvör-
unum nærstaddra um að bera á mig sólarvörn. Svo brenn ég eins og nótt-
in.
Það sem liðið er þessu sumri verða seint taldir miklir sólskinstímar í ís-
lenskri sögu. „Sú gula“, eins og vinur minn kallar hana alltaf og skellihlær,
hefur varla látið sjá sig það sem af er sumarmánuðunum. Það breytir því
ekki að hörund mitt er merkilega sólbrúnt. Ég fór nefnilega til Spánar um
páskana með tengdafjölskyldunni og nýt enn góðs af því. Rétt eins og hér
heima var ég borubrattur fyrsta daginn og datt ekki til hugar að maka á
mig sólarvörn nr. 50 eins og eitthvað ungabarn. „Það er vörn nr. 6 í olíunni
minni, það er miklu meira en nóg, það er ekki einu sinni heiðskírt,“ sagði
ég.
Svo brann ég.
Og ekki nóg með það. Ég fékk sólarexem. Það var föstudagurinn langi
og mig klæjaði mikið. Öll apótek voru lokuð yfir hátíðirnar eins og sann-
kristnum Spánverjum sæmir. Ég þóttist ætla að harka af mér og skellti mér
í sólbað en varð fljótlega að játa mig sigraðan vegna kláða. Ég öfundaði
Jesú af því að hafa að minnsta kosti ekki verið með sólarexem þar sem hann
stiknaði á krossinum forðum daga. Það hefði reyndar verið bráðfyndið að
lesa í Biblíunni um krossfestan frelsarann að reyna að klóra sér á bakinu. Að
öðrum kosti öfunda ég Jesúm ekki af píslum hans.
Næstu dögum eyddi ég í hettupeysu, eða þar til ég komst í apótek og fékk
smyrsl. Með kremtúpuna í hönd horfði ég öfundaraugum á Kristslíkneskið
í stofunni. „Jesús hafði allavega lærisveina til að smyrja líkama sinn.“ Svo
minnti ég mig á að hann hefði verið látinn við smurninguna, ég gæti þakkað
fyrir að vera lifandi og hafa það almennt mjög gott. Síðan gluðaði ég mixt-
úrunni á herðar mínar, makaði sólarolíu yfir og stökk smurður út á svalir.
Svo brann ég.
Þar með játaði ég mig endanlega sigraðan. Niðurlægður á líkama og sál
gluðaði ég á mig sólarvörn fyrir viðkvæma húð sem apótekarinn spænski
hafði prangað inn á mig. Svo lagðist ég í sólina og brann ei meir heldur
safnaði lit sem ég bý enn að. Sannkallað sólarkraftaverk!
P.S. Síðasta kvöldmáltíðin
Til að vísa enn og aftur í Jesú langar mig að segja ykkur frá túnfisknum sem
ég borðaði á spænsku steikhúsi síðasta kvöld ferðarinnar. Hann var mjög
góður.
Með kveðju og þökk fyrir lesturinn,
Kristján Gauti Karlsson.
Leiðari
Fimm af sjö fráfarnadi sveitar-
stjórnarfulltrúum í Dalabyggð hafa
sent formlega kvörtun til sam-
göngu- og sveitarstjórnarráðuneyt-
is og dómsmálaráðuneytis vegna
sveitarstjórnarkosninganna 26.
maí síðastliðinn. Jóhannes Hauk-
ur Hauksson, fráfarandi oddviti, er
einn þeirra fimm sveitarstjórnar-
fulltrúa sem sendu kvörtunina til
ráðuneytanna. „Kvörtunin til sveit-
arstjórnarráðuneytis lýtur að því
hvernig staðið var að söfnun und-
irskrifta þar sem sölunni á Laugum
í Sælingsdal var mótmælt í aðdrag-
anda kosninga. Sú söfnun var ekki
lögmæt þar sem sveitarstjórn var
ekki upplýst um málið fyrr en dag-
inn sem listinn var afhentur. Þá var
enginn ábyrgðarmaður fyrir söfnun
undirskriftanna, eins og lög kveða á
um og aðeins hafði hluti íbúa kost á
að leggja nafn sitt við listann,“ segir
Jóhannes í samtali við Skessuhorn.
„Í öðru lagi er það staðreynd að sá
sem afhenti okkur undirskriftar-
listann tveimur dögum fyrir kosn-
ingar hafði áður gefið kost á sér í
sveitarstjórn. Annar frambjóðandi,
sem einnig hafði gefið kost á sér,
tók þátt í að safna undirskriftun-
um. Það sem við erum að biðja inn-
anríkisráðuneytið um er að kanna
lögmæti þess að frambjóðendur í
persónukjöri safni undirskriftum
um eitthvað málefni í aðdraganda
kosninga,“ segir hann.
„Ekki boðleg
vinnubrögð“
Jóhannes segir augljóst í huga frá-
farandi sveitarstjórnarfulltrúanna
að söfnun undirskriftanna tengist
kosningunum með beinum hætti.
„Það er augljóst í okkar huga að
þetta tengdist kosningunum. Ekki
höfðu allir kost á að skrifa und-
ir heldur var farið á valda staði að
safna undirskriftum. Sex af þeim
sjö sem náðu kjöri til sveitarstjórn-
ar skrifuðu undir listann. Við erum
ekki að segja að þeir hafi allir stað-
ið að undirskriftasfönuninni, en
við vitum fyrir víst að tveir af ný-
kjörnum sveitarstjórnarfulltrúum
gerðu það,“ segir Jóhannes.
Enginn þeirra sveitarstjórnar-
fulltrúa sem gáfu kost á sér áfram
voru kjörnir. „Ég gaf ekki kost á
mér til endurkjörs og er því ekki
að þessu af því ég sé svekktur að
hafa ekki verið áfram. Aftur á móti
finnst mér óeðlilegt hvernig staðið
var að þessum málum og það þykir
fráfarandi sveitarstjórnarfulltrúum
einnig. Það sem fyrir okkur vakir
er að vekja máls á því að þetta eru
ekki boðleg vinnubrögð og reyna
að koma í veg fyrir að þetta gerist
aftur. Þess vegna höfum við sent
þessa kvörtun til ráðuneytanna,“
segir Jóhannes Haukur að end-
ingu.
kgk/ Ljósm. úr safni/ sm.
Ráðuneytum send kvörtun
vegna undirskriftasöfnunar
Formgalli var á undirskriftalista
sem afhentur var sveitarstjórn
Dalabyggðar 24. maí síðastlið-
inn og telst listinn því marklaus.
Þetta kemur fram í tilkynningu á
vef sveitarfélagsins frá því síðastlið-
inn miðvikudag. Eins og greint var
frá í Skessuhorni fékk sveitarstjórn
listann afhentan fyrir fund sinn 24.
maí. Höfðu 213 af 495 kjörgeng-
um íbúum Dalabyggðar, 43%, lagt
nafn sitt við ósk um almenna at-
kvæðagreiðslu vegna sölu á Laug-
um í Sælingsdal og jafnframt mót-
mæli við því að sveitarfélagið veitti
seljendalán. Niðurstaða fundar-
ins var að vísa afgreiðslu málsins til
nýrrar sveitarstjórnar.
Nú hefur hins vegar komið á dag-
inn að listinn telst marklaus, vegna
formgalla við undirskriftasöfn-
unina. „Þar sem ekki var farið að
reglugerð um undirskriftasafnanir
vegna almennra atkvæðagreiðslna
samkvæmt sveitarstjórnarlögum er
listinn marklaus,“ segir á vef Dala-
byggðar. Þar segir enn fremur að
sveitarstjórn hafi ekki verið upp-
lýst um undirskriftasöfnunina fyrr
en sama dag og listinn var afhent-
ur. Hvorki hafi verið tilkynnt hverj-
ir væru ábyrgðarmenn söfnunar-
innar né tryggt að allir íbúar vissu
um undirskriftasöfnunina og gæfist
kostur á að rita nafn sitt.
kgk
Undirskriftalisti í Dölum marklaus
Frá Laugum í Sælingsdal.