Skessuhorn - 13.06.2018, Side 15

MIÐVIKUDAGUR 13. JÚNÍ 2018 15
Markaðsstofan Icelandic Lamb
hefur undanfarin misseri unnið að
markaðssetningu á íslensku lamba-
kjöti í Japan. Er það gert í sam-
vinnu við kjötútflytjendur og jap-
anska innflutningsfyrirtækið Glo-
bal Vision. Fyrirtækið flytur inn
til Japans ýmsar sérvörur frá Evr-
ópu og Norður-Ameríku og selur
til veitingastaða, dreifingaraðila og
sérverslana.
„Íslenskt lamba- og hrossakjöt
er það nýjasta í vörulínu japanska
fyrirtækisins sem hefur lagt tölu-
vert undir við markaðssetningu á
íslenskum afurðum. Nú þegar er
íslenskt lambakjöt komið á mat-
seðla um 100 veitingastaða í Japan
og fæst auk þess í völdum verslun-
um. Í verkefninu er horft til næstu
fimm ára en hingað til hefur sala
verið afar góð og líkur á aukinni
markaðshlutdeild á næstu árum.
Sala undir hatti verkefnisins nam
um 200 tonnum í fyrra,“ segir í til-
kynningu frá Icelandic Lamb.
Sölu íslensks lambakjöts í Japan
má einkum skipta í tvo hluta. Í fyrsta
lagi eru fluttir út dýrari bitar á góðu
verði til veitingastaða og sérversl-
ana. Í öðru lagi eru fluttir út feitir
frampartar sem fara á veitingastaði
sem sérhæfa sig í mongólsku grilli.
„Einnig fór af stað í ár vöruþróun-
arverkefni á sérstökum lambakjöts-
rúllum úr íslensku lambakjöti sem
m.a. eru nýttar í japanska rétti eins
og Shabu Shabu. Í báðum tilfellum
elda viðskiptavinir réttina sjálfir við
borðið og íslenskt lambakjöt þykir
hafa sérstaka eiginleika sem nýtast
vel á þessari tegund veitingastaða,“
segir í tilkynningu Icelandic Lamb.
Sérverkefni í útflutningi
Helsta verkefni markaðsstofunn-
ar Icelandic Lamb snýr að því að
kynna íslenskt lambakjöt og aðr-
ar sauðfjárafurðir fyrir erlendum
ferðamönnum á Íslandi. Komið
hefur verið á samstarfi við um 160
aðila í veitingarekstri, framleiðslu,
hönnun og nýsköpun. Þar af eru
um 120 íslenskir veitingastaðir í
samstarfi um að setja lambakjöt í
öndvegi.
Auk þess vinnur markaðsstofan
að sérstökum útflutningsverkefnum
og er samtarfið við Global Vision
eitt slíkra. Samstarfssamningur þess
efnis var gerður á síðasta ári. Gerir
hann ráð fyrir stigvaxandi markaðs-
hlutdeild íslensk lambakjöts á Jap-
ansmarkaði. „Í honum felst einnig
að allt markaðsefni Icelandic Lamb
sé þýtt á japönsku, sett verði upp
japönsk heimasíða og samvinna um
markaðsefnis fyrir samfélagsmiða,“
segir í tilkynningunni.
Á dögunum var skrifað undir
fyrsta formlega samstarfssamning
Icelandic Lamb við veitingastað
erlendis. Var hann gerður við veit-
ingastaðinn Yuki Daruma í Tókýó í
Japan. Nafn staðarins þýðir snjókarl
og eigandi hans er fyrrum súmó-
glímukappi. „Staðurinn er einn af
þekkustu veitingarstöðum Tók-
ýóborgar sem bjóða upp á mong-
ólskt grill. Staðurinn er sérstaklega
þekktur fyrir að veggir hans eru
þaktir eiginhandaráritunum frægra
íþróttamanna og leikara. Guðlaug-
ur Þór Þórðarson, utanríkisráð-
herra Íslands, setti upp fyrsta Ice-
landic Lamb skjöldinn á Yuki Dar-
uma, en hann var í opinberri heim-
sókn til Japan á dögunum,“ segir
í tilkynningunni. „Fimmtán aðrir
veitingastaðir hafa þegar óskað eftir
því að gera sambærilegan samstarfs-
samning og skuldbinda sig um leið
til þess að bjóða eingöngu upp á ís-
lenskt lambakjöt og hafa það ávallt
á matseðli. Að auki verða fljótlega
opnaðir þrír mongólskir grillstaðir
til viðbótar sem munu sérhæfa sig í
íslensku lambakjöti en þess má geta
að ekkert annað kjöt verður á mat-
seðli.“
kgk
Íslenskt lambakjöt í útrás

Um 200 tonn seldust í Japan í fyrra
Guðlaugur Þór Þórðarson utanríkisráðherra setur upp fyrsta Icelandic Lamb skjöldinn á erlendri grundu á veitingastaðnum
Yuki Daruma í Tókýó í Japan.
Guðlaugur ásamt eiganda Yuki Daruma.
Starfsemi Nordic Store sem stað-
sett var í húsnæði Arion banka við
Digranesgötu í Borgarnesi hefur
verið hætt. Talsmenn verslunar-
innar segja að dræm sala sé helsta
orsökin og að áframhaldandi starf-
semi í Borgarnesi hefði ekki verið
ákjósanleg. Enn eru þrjár verslan-
ir Nordic Store starfandi, allar eru
staðsettar í miðbæ Reykjavíkur en
þess má geta að útibúið við Digra-
nesgötu var það eina utan höfuð-
borgarinnar.
Þá hefur starfsemi veitingastað-
arins OK Bistro sem var til húsa
á 3. hæð einnig verið hætt. Sam-
kvæmt forsvarsmönnum OK var
ekki talinn grundvöllur fyrir frekari
rekstri og því ákveðið um áramótin
að halda ekki áfram.
Starfsemi Arion banka er nú sú
eina í húsinu við Digranesgötu 2.
Rýminu á jarðhæð og 3. hæð hef-
ur verið sýndur einhver áhugi en
ekki liggja nein tilboð á borðinu hjá
bankanum, sem á húsið, enn sem
komið er.
glh/ Ljósm. úr safni.
Rekstri Nordic Store
og OK Bistro hætt
Aðalfundur Kirkjugarðasambands
Íslands var haldinn á laugardag. Í
ályktun sem samþykkt var á fundin-
um skorar sambandið á stjórnvöld
að bæta fjárhagsstöðu kirkjugarð-
anna í landinu. Sambandið segir
að kirkjugarðar fái í dag aðeins um
60% af þeim fjármunum sem sam-
ið var við um við ríkið árið 2005.
Lýsir sambandið yfir vonbrigðum
yfir því að ekki hafi verið gert ráð
fyrir leiðréttingu á fjárveitingum til
kirkjugarða landsins í fimm ára fjár-
málaáætlun ríkisstjórnar. „Rekstur
kirkjugarðanna hefur verið undir-
fjármagnaður undanfarin ár og ekki
í samræmi við samning sem gerður
var við ríkið árið 2005. Þessum fjár-
skorti hefur verið mætt með því að
draga úr umhirðu garðanna og við-
hald mannvirkja sem þeim tengjast
og nú er svo komið að mannvirki
liggja undir skemmdum og um-
hirðu legstaða er víða ábótavant,“
segir í tilkynningu Kirkjugarða-
sambandsins.
Vantar 3,4 milljarða
Samningnum við ríkið var ætlað að
tryggja peninga til að standa undir
rekstri kirkjugarða og lögbundnum
skildum þeirra. „Í kjölfar efnahags-
hrunsins 2008 urðu kirkjugarð-
arnir, eins og fleiri stofnanir, fyrir
miklum niðurskurði, en í dag, 10
árum síðar, hefur sú skerðing enn
ekki verið leiðrétt. Samtals vant-
ar 3,4 milljarða króna að nafnvirði
upp á að staðið hafi verið við samn-
inginn frá 2005. Gjaldalíkan samn-
ingsins skilar nú eingungis 60% af
þeim fjármunum sem þá var samið
um,“ segir í tilkynningunni.
„Kirkjugarðarnir eru grafreit-
ir allra landsmanna, óháð uppruna
þeirra eða trúarbrögðum. Þeir eru
minningarreitir um gengnar kyn-
slóðir sem eftirlifendur hafa ávallt
lagt áherslu á að annast um af rækt-
arsemi og alúð. Því er sárt að horfa
upp á þessa mikilvægu reiti van-
hirta vegna þess að ekki fæst fjár-
magn til að sinna umhirðu þeirra
svo sómi sé að. Aðalfundur Kirkju-
garðasambandsins skorar á stjórn-
völd að bæta fjárhagsstöðu kirkju-
garða landsins þannig að hægt sé
sinna grafreitum genginna kyn-
slóða af þeirri virðingu og alúð sem
þær verðskulda.“
kgk/ Ljósm. úr safni.
„Rekstur
kirkjugarðanna
undirfjármagnaður“