Skessuhorn - 20.06.2018, Blaðsíða 14
MIÐVIKUDAGUR 20. JÚNÍ 201814
Stjórn Samtaka sveitarfélaga á
Vesturlandi kom saman til fundar
miðvikudaginn 13. júní síðastlið-
inn. Á fundinum voru meðal ann-
ars kynntar ályktanir bæjarstjórn-
ar Akraness frá því deginum áður.
Stjórn SSV tekur undir umræddar
ályktanir bæjarstjórnar, enda hef-
ur ítrekað verið ályktað um þær á
þingum SSV og í Samgönguáætl-
un Vesturlands. Kemur skýrt fram
að sveitarfélögin á Vesturland líta á
þessar framkvæmdir sem einhverjar
mikilvægustu samgöngubætur sem
hægt væri að ráðast í, með hlið-
sjón af hagsmunum Vestlendinga.
Framkvæmdirnar myndu þó vissu-
lega einnig þjóna íbúum landsins
alls. Ályktanir Stjórnar SSV eru
sem hér segir:
Sundabraut
„Stjórn SSV skorar á Vegagerðina
og Reykjavíkurborg að hefja án taf-
ar undirbúning að lagningu Sunda-
brautar, sem bætir umferð til og frá
höfuðborginni og eykur umferð-
ar- og almannaöryggi. Því fyrr sem
raunhæfur undirbúningur verk-
efnisins hefst eru líkur á að fram-
kvæmdir geti farið af stað innan
fárra ára. Þetta verkefni þolir enga
bið.“
Vesturlandvegur um
Kjalarnes
„Það er löngu ljóst að ástand Vest-
urlandsvegar um Kjalarnes er með
öllu óásættanlegt og öryggi vegfar-
enda er teflt í hættu. Umferð vex
hratt og á sama tíma verður ástand
vegarins sífellt verra. Því ríður á að
nú þegar verði farið í lagfæringar á
veginum til að bæta slæmt ástand
hans. Þá liggur fyrir að skipulags-
vinnu við tvöföldun vegarins er að
ljúka og því krefst stjórn SSV þess
að strax í haust hefjist framkvæmd-
ir við tvöföldun vegarins að fullum
krafti og þeim verði lokið á allra
næstu árum.“
kgk/ Ljósm. úr safni.
Stjórn SSV ályktar um samgöngumál
Vefsjá fyrir Vesturlands hefur verið
gerð aðgengileg á heimasíðu Sam-
taka sveitarfélaga á Vesturlandi. Inn-
an skamms verður einnig hægt að
skoða hana á heimasíðu Vesturlands-
stofu, www.west.is. „Vefsjáin hefur
að geyma fjölmargar upplýsingar um
Vesturland og er sérstakleg athugsuð
fyrir ferðamenn. Vefsjáin var unn-
in í tengslum við verkefnið Áfanga-
staðaáætlun Vesturlands DMP og er
fjármögnuð af Sóknaráætlun Vestur-
lands,“ segir í frétt á vef SSV.
Vefsjáin er unnin af fyrirtækinu
Hvítárósi ehf. Það er ungt fyrirtæki í
landshlutanum sem sérhæfir sig m.a.
í landfræðilegum gagnagrunnum.
kgk
Hægt að skoða
vefsjá fyrir Vesturland
Skjáskot af vefsjánni. Hér hefur verið valið að sjá áningarstaði við vegi, staði á
náttúruminjaskrá og gististaði á kortinu.
Stjórn Félags framhaldsskólakenn-
ara skorar á mennta- og menn-
ingarmálaráðherra að veita fram-
haldsskólakennurum full réttindi
til kennslu í 8.-10. bekkjum grunn-
skóla. Skorað er á ráðherra að út-
færa lagagrein um menntun og
ráðningu kennara og skólastjór-
nenda við leik-, grunn- og fram-
haldsskóla í þá veru. „Fjallar 21.
laganna um leyfisbréf til kennslu
þvert á skólastig. Þannig skal veita
kennurum leyfisbréf til kennslu á
aðliggjandi skólastigi, til viðbót-
ar grunnleyfisbréfi að uppfylltum
ákveðnum skilyrðum. Tafir hafa
orðið á framkvæmdinni þrátt fyrir
að nú séu 10 ár frá því lögin tóku
gildi,“ segir í tilkynningu frá stjórn
Félags framhaldsskólakennara.
„Alvarlegur kennaraskortur er
í grunnskólum landsins. Á með-
an fækkar stöðugildum fram-
haldsskólakennara vegna stytting-
ar námstíma til stúdentsprófs. Vel
menntaðir og reyndir framhalds-
skólakennarar gætu því starfað við
kennslu sinnar greinar í efstu bekkj-
um grunnskólanna. Í dag fá fram-
haldsskólakennarar ekki menntun
sína metna að verðleikum og eru
launasettir sem leiðbeinendur komi
þeir til starfa í grunnskólana,“ seg-
ir Guðríður Arnardóttir, formað-
ur Félags framhaldsskólakennara.
„Með því að útfæra leyfisbréf fram-
haldsskólakennara og veita þeim
samhliða full réttindi til kennslu
í efstu bekkjum grunnskólans er
unnt að bjóða þeim sömu kjör og
starfsöryggi grunnskólakennara og
freista þess að laða þá til framtíð-
arstarfa. Það er brýnt að leita allra
leiða til að vinna á kennaraskorti í
grunnskólum landsins og styrkja
innviði þeirra. Þar vegur þyngst að
laða að fleiri hæfa og vel menntaða
kennara til kennslu í grunnskólun-
um,“ segir hún.
Samhliða telur stjórn félags-
ins eðlilegt að sambærileg heim-
ild verði veitt grunnskólakennur-
um sem hafa lokið a.m.k. 120 ein-
inga sérmenntun í kennslugrein til
kennslu á sérsviði sínu í byrjunará-
föngum framhaldsskóla.
kgk/ Ljósm. úr safni.
Kennarar fái leyfisbréf
þvert á skólastig
Katrín Sigurjónsdóttir frá Glitstöð-
um í Norðurárdal hefur verið ráðin
í starf sveitarstjóra Dalvíkurbyggð-
ar. Var það samþykkt samhljóða
á fyrsta fundi þar nyrðra. Katrín
er jafnframt oddviti B-lista Fram-
sóknar- og félagshyggjufólks.
Katrín er fædd árið 1968 og hefur
verið verið búsett á Dalvík undan-
farin 30 ár, eða frá árinu 1988. Hún
er uppalin á Glitstöðum í Norð-
urárdal, systir Guðrúnar bónda á
bænum. Foreldrar þeirra eru Sig-
urjón Margeir Valdimarsson frá
Hreiðri í Holtum og Katrín Auður
Eiríksdóttir frá Glitstöðum. Eigin-
maður Katrínar er Haukur Snorra-
son og saman eiga þau þrjú börn.
Katrín er, eins og margir Borg-
firðingar, stúdent frá Samvinnu-
skólanum á Bifröst. Þá stundaði
hún nám í rekstrar- og viðskipta-
fræðum við Háskólann á Akureyri
2007-2008 og stundar núna nám í
markþjálfun. Hún hefur áður set-
ið í sveitarstjórn Dalvíkurbyggð-
ar, árin 1994 til 2004, fyrir B-lista
Framsóknarmanna. Katrín hefur
unnið hjá Sölku-Fiskmiðlun hf.,
útflutningsfyrirtæki á þurrkuðum
fiskafurðum, frá 1994 og sem fram-
kvæmdastjóri frá 2004.
Katrín tók formlega við lykla-
völdum í Ráðhúsi Dalvíkurbyggð-
ar mánudaginn 11. júní úr hendi
Bjarna Th. Bjarnasonar, fráfarandi
sveitarstjóra.
kgk
Borgfirðingar
eignast sveitarstjóra
norðan heiða
Katrín Sigurjónsdóttir tekur við lyklunum að ráðhúsinu úr hendi fráfarandi
sveitarstjóra. Ljósm. Dalvíkurbyggð.
Fréttaveita Vesturlands
www.skessuhorn.is